انا فتاة و احببتو فتاة

البارت 4💖

انا طلعت من الدار و مشيت للجنان و حسيت روحي مخنوقه و قلبي يوجع فيا قعدت شوي برة بعد هديت خشيت داخل و مشيت لعليا
انا.  عليا تعالي
عليا.  كنت اندور فيك وين مشيتي
انا.  غير تعالي نبيك
عليا.  به
و مشينا للجنان
انا انتكلم و انشوف في السماء.  عليا شن قاتلك غزل
عليا.  شي سالتني عليك
انا. و انتي شن قتيلها
عليا. شي قتلها قاعده من لما سافرتو و هيا غزل غزل
انا شبحت فيها. هيا شن قاتلك
عليا. قعدت تضحك و قاتلي حتى هيا انحبها وااااجد
عليا امها نادتها
عليا. ما بتخشي الجو بارد
انا. لالا نبي نقعد بروحي شوي
و مشيت علياو انا انا قعدت انشوف في السماءو عيوني يدمعن و قعدت نص ساعه برة و مسحت عيوني و خشيت داخل
...............تاني يوم الصبح
القيهم فطرو البنات قالولي تبي فطور قتلهم لالا ما نبيش و طلعت و القيت عليا
عليا. وينك من الصبح اندور فيك
انا انكلم فيها و جوي مش رايق . كنت راقدة
عليا. خيرك
انا. شي
و فتت عليا لحقتني برة لجنان
عليا. علشان غزل
انا دمعن عيوني و لفيت وجهي علجيها الاخرى لحتى ما اتشوفني مسحت عيوني
و خشيت انا و عليا القيت فردوس
انا. صباح الخير
فردوس. صباح النور
انا ماشية
فردوس. غزل اتسلم عليك 
انا عيوني بيدمعن لاكن مسكت روحي. عليك و عليها السلام
...................وقت الغداء
حطو الغداء قالولي تعالي قتلهم ما نبي قالولي ليش قتلهم ما نيتي و عليا فهمتني لاكن ما تكلمت بعد ما تغدت جتني
عليا. ما كليتي علشان غزل صح
انا قعدت ساكته
عليا. باهي هيا قاعده تاكل اكيدة توا
انا شبحت في عليا. خليها تاكل صحتين
عليا. ما قلت شي قصدي انها هيا تاكل و انتي ما تاكلي ما يجي كان سمعت انك ما تاكلي علشانها تزعل
انا شبحت في عليا. ما نبي
عليا مشيت و انا طلعت برة
...................المغرب
جتني عليا
انا. وين مشيتي من امبكري
عليا  مسكني من يدي.  غير تعالي
انا مشيت معاها للجنان. شنو شن تبي
عليا. انتي اليوم كليتي شي
انا. ليش تسالي
عليا. انا خبرت غزل انك ما تاكلي علشانها
انا. كدب اصلا كيف بتكلميها
عليا. و حق ربي خبرتها
انا. ليش ليش درتي هكي
عليا.شنو تبي اتموتي
انا. ياريت بلكي غزل اتجي مرة تانيه
عليا.انتي غبيه كان متي و جت غزل كيف بتشوفيها
انا. صح به شن قاتلك لما قتيلها
عليا. قاتلي قوليلها بنزعل منك وااجد كان ما كليتي
انا. مشيت للمطبخ نجري كليت
و طلعت شافتني عليا
عليا. اصلا انتي ما تمشي الا بالعين الحمرة
انا قعدت نضحك
عليا. مرة تانية كان نبي حاجة منك انكلم غزل
انا. مش كل يوم عيد
و مشيت انا و عليا قعدنا  انهدرزو
..................في الليل الساعة 12.30
فردوس كلمتني انا و عليا
فردوس. شن رايكم انديرو سهرية
انا. اي عادي لاكن شن انديرو
فردوس. انديرو بطاطا و جو يعني و حاجات تانية لاكن بعد ما يرقدو
عليا. تمام و انا بندير البطاطا
انا. تمام و انا انوتي حاجات تانيات و انساعدك
فردوس. خلاص ما اتخبرو حد باهي
انا و عليا. به
بعد ما رقدو كلهم قعدنا واعيات و درناها و بعد كملنا و جينا بنلمو اتجينا عمتي عيشة القتنا نلمو في المطبخ الساعه 5.15
عمتي عيشة. شن ديرو واعيات هل وقت
انا و عليا ما عرفنا شن انقولو
انا.  القينا المطبخ حايس جينا انلمو فيه
عمتي عيشة. شاطرات به ما تسهرن كملنه و ارقدن باهي 
انا و عليا. به
و كملنا و مشينا هدرزنا حنا و فردوس و بعدها رقدو و انا قعدت واعية و انفكر فيها و انقول ياريتها معانا في السهرية
و رقدت
....................تاني يوم الساعه 12.30
جو يكلمو  فينا و حنا راقدات انا و عليا
انا. شن تبو بنرقدو
عليا. شنو هدا خلونا
اسماء. ساهرات امس و اتقولو بنرقدو بيجو رجالة بسرعة ضمو المربوعه
انا نطيت رفعت حاجاتي وعليا ورايا خشينا داخل انا خشيت للحمام و طلعت القيت فردوس
انا.  صباح الخير
فردوس بضحكه . صباح النور
انا.  مشاء الله  اليوم فرحانه اكيد اسمعتي صوت غزل على الصبح
فردوس.هههههه حقيرة لالا اسمعت حاجه كان تسمعي بيها تفرحي
انا.  شني فرحينا
فردوس.  غزل  بتجي في رمضان
انا فرحت لاكن خبيت فرحتي.حقا لالا كدب
فردوس.والله العظيم لاكن غزل ما خبرتني تو بنكلمها و بنسالها
انا. به و مرة وحده نسمعو صوتها
فردوس.خزي حقيرة ما بتفطري
انا.هههه لالا تو نفطر على صوت غزل 
فردوس.بطلت ما بنكلمها
انا. خزي عليك الله غير هيا علشان غزل
فردوس.بنكلمها لاكن مش علشانها ولا علشانك علشان انتاكد من الموضوع
انا. به هيا
مشينا لصالة و قعمزنا انا و فردوس و جت عليا قعمزت معانا فردوس تضرب على غزل و ردت عليها
فردوس.الو
غزل......
فردوس.حقا بتجي في رمضان
غزل......
فردوس.خزي حقيرة انا اختك و اخر من يعلم
غزل......
انا اشرت لفردوس قتلها سلميلي عليها
فردوس.اسمعي غزل بنفتح مكبر الصوت عليا و هدايا بكلمنك
فردوس فتحاته انا قعدت ساكته و نسمع فيها و عليا تضحك
غزل.والله حتى هما انحبهم وغاليين عليا
فردوس. خلاص يسد يلي تكلمتوه هدايا اسمعتي صوتها خلاص
انا ضحكت و ما رديت عليها فردوس اتكلم في غزل و عليا مشيت لامها و انا مقعمزة في الصالة مقابل فردوس و حسيت قلبي يوجع فيا لاكن ما بينت و طلعت برة و قعدت انتنفس بالقوة و كل ما انتنفس يوجعني اكتر و انا قعدت ندكر في صوت غزل شوي و هديت و خشيت القيت فردوس كملت مكالمه
فردوس. خيرك طلعتي
انا.  لا شي تاترت بصوت غزل
فردوس ضحكت بصوت عالي. ههههههه
انا قعدت نضحك و هدرزنا انا و فردوس
.................. في المغرب
كانت فردوس واقفه مع وحدة في الممر
انا من اول الممر و بصوت عالي. فردوس
فردوس شبحت فيا. نعم
انا.  تعالي
فردوس. لحظة بس
انا مشيتلها. تعالي شوي نبيك
فردوس. به
و مسكتها من يدها و مشينا للجنان
فردوس. نعم
انا. نبيك اتكلمي غزل
فردوس. شنو المناسبه و بعدين هدا ليش اتعيطي من الصبح و مش قادرة تصبري شوي
انا. تو كل يوم اتكلمي فيها و غير اليوم بس تطلع في مناسبة و بعدين مش غير انعيط و انعزي علشان غزل 
فردوس قعدت تضحك. به يعني بتكلميها
انا. من قال هكي
فردوس. مالا شنو
انا. انتي كلميها عادي و انا نسمع صوتها و ما اتقوليلها اني جنبك
فردوس. هههه لا والله و انا شن استفدت
انا.  تبدي اسمعتي صوت اختك هدا ما يكفي
فردوس. باهي
و فردوس تضرب على غزل و انا فرحااانه ضرب لعند فصل و غزل ما ردت فردوس.ضرب لين فصل و ما ردت شفتي هههههه
انا ما رديت عليها لاكن شوي و ضرب تلفونها
فردوس. غزل تضرب
انا. ردي بسرعه
فردوس ردت.الو غزل بنقولك حاجه
انا استغربت شن بتقوللها
غزل.......
فردوس.معجبتك جنبي
انا ضربت فردوس على يدها. قتلك ما اتقوليلها
غزل.........
فردوس.هههههه قاتلي كلميها ليا نسمع صوتها
انا.ههههه الله حقيييرة
غزل........
فردوس فتحت مكبر الصوت. فتحت المكبر
غزل. حتى انا انحبك واااجد
فردوس سكرت المكبر. يسدك انتي ما اسمعتي صوتها بس و قاتلك احلى كلام
غزل.......
فردوس.اي هدا ليش كلمتك
غزل.......
فردوس.  هيا باي
غزل......
فردوس. باهي باي
انا واقفه و شاردة
فردوس. هيا نمشو
انا ما رديت عليها
فردوس حطت يدها على عيوني.  هيا
انا. ااااا به
و نحنا داخلين لاقينا عليا
عليا. وينك اندور فيك من الصبح قلت اكيد مع فردوس
انا. ااا كناااا في
فردوس.كانت تسمع في صوت غزل مسكينه مش فاضية
عليا. هههههه صار مش فاضية
انا. خزي حقيرات اضحكن باهي
و مشيت و انا فرحاااانه
....................
البارت هدا صح ما فيه احداث قوية لاكن في مفاجأة احلى 💖تابعوني و ما بتندمو 💘
استنو البارت 5💓