انخلعت و مشيت نجري لعليا
عليا اتكلم في غزل و تضحك معاها
انا مسكت يد عليا و داهشا. عليا عليا نبيك عليا انخلعت.خيرك خيرك
غزل اتشوف فيا و ما تكلمت
انا انتبهت لروحي.اسفة غزل عن اذنك نبي عليا شوية
غزل باستغراب.لا عادي خودي راحتك
و مشيت
عليا. خيرك
انا. حقا بيسافرو
عليا. من خبرك
انا بعصبية. كل البيت يعرفو الا انا
عليا. خيرك دودي انا هدا ليش ما قتلك عارفتك بتنزعجي
انا. باهي الرساله
عليا. مفروض اليوم تعطيها
انا. تمام تعالي معايا
عليا.به
عليا كلمتها امها و انا مشيت قعمزت برة في لجنان و مشيت لفردوس داخل القيتها فاصله
انا بعصبية. حقا هلك بيسافرو
فردوس بحزن. اي
انا بعصبية. شن رايك انديرو خطة لحتى ما يسافرو
فردوس بحزن. انفكر
انا. تمام حتى انا بنفكر
فردوس. شن رايك نفشو عجلات السيارة
انا بفرحه. فكرة حلوة
فردوس. خلاص كان رقدو كلهم نطلعو برة و النفدو الخطة باهي
انا. به
و مشيت فرحانه و شافتني عليا
عليا. غريبة فرحانه
انا. بيني و بينك في خطة انشاء الله كان صار منها ما بتسافر غزل
عليا تضحك. شنو هيا
انا. كان بتخشي معانا انقولك
عليا. لالا خليني برة احسن شكلها بكل
انا. هيا تعالي نعطوها الرساله
عليا. هيا
انا عطيت عليا الظرف. عليا نبيك تعطيها ليها في المطبخ و سكري الباب و انا بنشوفكم من النافذة و ما اتقوليلها اسمي باهي قوليلها وحده و خلاص ما نقدر انقولك و نعطيك ورقة تكتبلي فيها رسالة
تمام
عليا. تمام
و مشيت لصالة و القيت غزل واقفة مع اسماء و انا اشرت لعليا بيدي
عليا مسكت في غزل و تكر فيها
اسماء. خيرك عليا خليها نبيها
غزل. شوية يا عليا و انجيك
عليا. في حاجه مستعجلة و مهمة بسرعه
غزل. تو انجيك يا اسماء
عليا دخلت غزل للمطبخ وسكرت الباب و انا انشوف في غزل من النافذة و غزل ماسكة الرسالة و تقرا فيها و انا خفت من ردة فعلها و بعد ما كملتها قالت لعليا من عطاك الرسالة عليا اشرتلها على النافذة انا مشيت نجري للمربوعه و شوي و جتني عليا عطتني ورقة
انا. شن قاتلك
عليا. فرحت واااجد و قاتلي كلميها ليا
انا. مستحييل نمشيلها
عليا اتكر فيا. هيا امشيلها الله حرام عليك البنت بتسافر
انا متحشمة. لالا مستحيل
عليا. باهي به خزي عليك
و طلعت انا خشيت داخل قالولي دخلي الغاز من برة انا طلعت الكروسة و انا اندخل فيه شفت غزل واقفة جنب الحمام و كنت انا انكر في الكروسة و معايا عليا غزل شافتني و دارتلي حركة بحواجبها انا قعدت نضحك و عليا تضحك علينا و فتت
..................بعد ساعتين
انا مشيت و القيت غزل فاصله ما تبيش اتسافر و انا انزعجت عليها و قعمزت و انشوف فيها و هيا اتكلم في خوها
غزل بعصبية. ما نبش انسافر
خوها.........
غزل. باهي باهي سكر
و فصلت التليفون و اتهدرز هيا و عمتي غاليه و جت عليا قعمزت جنبي
عليا بهمس. خيرك متقلبت الجو
انا بعصبية و همس.خيرني
عليا تضحك و غزل اتشوف فينا و فاصله
انا بهمس . عليا اسكتي
عليا انتبهت و سكتت
عمتي غاليه. هيا امشو ارقدو يا بنات بكرا عندك امتحان يا هدايا
انا و عليا. تصبحو على خير
غزل و عمتي غاليه. انتم من اهل الخير
انا طلعت برة بنشوف السيارة و القيتها قاعده
انا خشيت داخل و فرشنا في المربوعه و رقدو كلهم و انا قعدت واعية و نستنى في فردوس اسمعت صوت غزل جاية و قعدت انطاوق من الباب شفتها طالعه برة هيا و فردوس لخوتها انا مشيت نجري لفراشي و غطيت روحي من فوق لتحت خقت حد يخش علينا و يشوفني واعية و اسمعت غزل خاشة داخل و باب المربوعة انفتح و الضي انا طاوقت من البطانية القيتها فردوس انا نضت
فردوس زعلانه لاكن لما شافتني واعية فرحت شوي
فردوس.حسيتك مش راقدة
انا. خيرك
فردوس. خطتنا فشلت
انا. ليش
فردوس. خوتي رفعوها السيارة
انا. ليش
فردوس.كنت فاصلة و تعاركت انا وياهم و قتلهم الخطة بالغلط
انا. باهي كيف انديرو توا
فردوس. ما عندي كيف اندير انا زعلانه واااجد و هما مش حاسين بيا توا خلينا ساهرين انا وياك باهي
انا. تمام
قعدت انا و فردوس ساهرين لين جت الساعه 4.40 فردوس نعست
فردوس. هيا نرقدو
انا. به
لاكن انا ما رقدت و قعدت انفكر و فردوس رقدت و ضرب تلفونها فردوس ناضت
فردوس و هيا اتنعس. الو
خوها..........
فردوس. باهي
و سكرت التلفون
فردوس. دودو امشي نوضي امي و قوليلها قالك محمد هيا
انا انزعجت. به
و مشيت لدار يلي راقدة فيها عمتي سلمى
انا. عمتي سلمى عمتي سلمى
غزل عرفتني بنقوللها قاللكم محمد هيا. هدايا امشي ارقدي
انا انزعجت اكتر. عمتي سلمى
ناضت عمتي سلمى
عمتي سلمى. نعم هدايا
انا. قاللكم محمد هيا
عمتي سلمى. قوليله انصلو الفجر و نطلعو مافيش طلوع توا
غزل. قولي لفردوس ما اتردش عليه و امشي ارقدي يا هدايا
عمتي سلمى. لالا امشي قوليله كيف ما قتلك
انا طلعت من الدار و مشيت للمربوعه القيت فردوس رقدت نوضتها و قتلها كيف ما قاتلي عمتي سلمى............
الساعه 5.30 انا كنت مقعمزة في الممر و مقعمزة عل كرسي و ماسكة كتاب و دايرة روحي نقرا و نبي انشوف غزل و ناضو شفت عمتي سلمى خاشة للحمام و بعدها طلعت و شفت غزل طالعة من الدار و شبحت فيا و فاتت بدون ما اتقولي شي ولا انا كلمتها و بعدها جتني عمتي
عمتي عيشة. هدايا ليش نايضة من توا مزال بكري
انا. لا بس نضت انراجع في الامتحان صعب شوي
عمتي عيشة. انشاءالله بالنجاح
انا عيوني على باب الحمام . انشاءالله
و مشيت عمتي عيشة و شوي و طلعت غزل انا نزلت عيوني على الكتاب و شبحت في غزل القيتها واقفه و اتشوف فيا و ما كلمتني انا قعدت انشوف فيها لاكن ما كلمتها و نزلت عيوني و رفعت راسي القيتها مش قاعده بعدها لما جت طالعه قاتلهم مع السلامة و جتني غزل
غزل. مع السلامه و سلميلي على البنات يلي راقدات باهي
ضمتني و انا ما قدرت انقول حتى مع السلامه و قتلها به و مشيت طالعة و فردوس تبكي و انا عيوني بدن يدمعن و مشيت نجري للمربوعه و قعدت انشوف فيها من النافذة و نبكي و هيا راكبة في السيارة و طلعو انا مسحت عيوني و بديت ننعس خشيت داخل القيت فردوس في الدار قعدت حداها و نعسانه و بنرقد
فردوس. هدايا انديلك قهوة
انا. لالا شكرا ما نشرب فيها
فردوس.باهي نسكافيه
انا. لالا بارك الله فيك ما نيتي فيها
و بعدها انعست خمسة دقايق جتني اسماء
اسماء. هدايا هيا نوضي المدرسة
انا. نعسانه خليني نرقد
اسماء . ما دخلني فيك هيا
فردوس . خليها والله مسكينا تعبااانه
اسماء. عندها امتحان ما تقدرش اتغيب
انا نضت خشيت الحمام و مشيت للمدرسه و طول الوقت شاردة و مش امركزة و نعسانه و انقول اكيد غزل ولو اكيد عطلت بيهم السيارة و لما روحت الحوش القيت فردوس
انا. هلك ما جو
فردوس بصدمة. مالا جايين
انا. لالا شي شي
فردوس . استني
انا. نعم
فردوس. ليش سالتيني
انا. شي كان عندي امل انهم يرجعو
فردوس ضحكت. الا هلي ما يديروها
انا فتت و قعدت نضحك
............... في الليل الساعه 10.15
فردوس اتكلم في غزل و انا و عليا جنبها و الدار مليانه
فردوس. غزل هدايا بتكلمك
عطتني التلفون انا حدفته عل فراش
فردوس بعيطه . تلفوني
عليا رفعت التلفون. الو غزل
الكل يشوفو فينا و انا طلعت نجري
.......................
هدايا شن بيصير فيها؟
و هل بترجع تكلم غزل؟
استنو البارت 4
أنت تقرأ
انا فتاة و احببتو فتاة
General Fictionباللهجه الليبية و حقيقية 2021 انشاءالله تعجبكم هدي اول رواية ليا 💞♥😍
