مخطوفتي 🖤

Two🖤

ألين : ماما شو بابا راح من الليل لحد هسه مرجع ظل بالي
ام ألين : والله يا ألين مادري من بارحه ادك عليه مديجاوب ظل بالي كلش ... هياته فك باب اجه ابن حلال هسه دنحجي بسيرته خير يا رجال شصاير
ابو ألين : ألين صعدي لغرفتج
ألين : ليش بابا شكو
ابو ألين : داكلج صعدي
ام ألين : احجي شصاير تره وكعت كلبنه من بارحه انت ماكو ندك وماكو
ألين : صعدت فوك بس صعدت سمعت امي عياطه اخذ البيت نزلت داشوف شكو وسمعته دكول لابويه لو على جثتي مياخذون بنتي هاي وحيدتي الي طلعت بيه من الدنيا
ابو ألين : مادري مادري واكع بين نارين منا اهلي واحنه كلنه نموت تخيلي طابين على بيت اخويه نص الليل ماخذين كرار وبعد اكو شغله
ام ألين : شنيه
ابو ألين : اني قبل فتره ضايقت بالفلوس داينت من جماعه وهسه نصدمت طلعو تابعين اله
ألين : شكو منو ياخذني
ابو ألين : بابا تعاي اريد احجي وياج
ام ألين : لا مستحيل ولا اصلا دكلله الموضوع على جثتي هالشي يصير
ابو ألين : اسكتي يا مره اسكتي حياتنه كله حتنهجم عبالج حيعوفونه بحاله تره يموتونه كلنه تعاي بابا ادري اني راح اظلمج ادري الشي الي حكوله جبير بالنسبه الج انتي بنوتي كتكوتي الصغيره
ألين : احجي بابا شكو
ابو ألين : ابن عمج متعارك ويه واحد هسه هو بغيبوبه واخو يريد فصليه يعني مره من عدنه واني مديون لنفس هذا الشي بابا تعرفين ماكو بنيه غيرج بالعائله انتي حترحين ويه هذا الشخص كم يوم لحين ما يكعد اخو وترجعين
ألين : وشون اعوفكم واعوف دراستي وحياتي وكلشي
ابو ألين : بنتي هي كم يوم وترجعين مراح ياثر واني اخذلج اجازه من مدرسه وانتي هذا الشي راح سوي لخاطري ولخاطر عائلج
ألين : ماشي بابا ... طبعا اني مجنت فاهمه شنو الموضوع وشنو الوضعيه لان مجنت اعرف بهاي سوالف فصليه ولا سامعه عنه عبالي فعلا كم يوم وارجع بديت احضر ملابسي وغراضي وماما اشترتلي ملابس اكثر ومدافتهم ليش هلكد ملابس واني كم يوم وارجع رحنه اني وبابا بدلت وكلي لبسي شويه طويل اني جنت ممحجبه والبس براحتي بس بحدود رحنه طبينه لبيت جبير كلش ومنطقه راقيه بس ديكوره قديم يعني ساكنين بي من زمان طبيت بغرفه صغيره بصف الصاله وجانو عمامي وناس كومه اكو ضليت تقريبا لليل وماكو اي احد اجاني للغرفه وبديت اجوع واضوج واخاف وره شويه فات عليه رجال ...