مخطوفتي 🖤

Six 🖤

غيث : دخلنه سنه جديده واحتفلنه سوه وكضينه ليلة من احلى ليالي حياتي بدون مبالغه لان الانسانه الاحبه يمي نمنه وكعدنه ثاني يوم كالروتين المعتاد وعدت 3 ايام وفجأه دك تلفوني
غيث : الو
ابو ايلين : الوو اني ابو ايلين
غيث : ها اهلا اهلا عمي السلام عليكم
ابو ايلين : وعليكم السلام .. عمي شلون ضام عليه انو اخوك كعد من الغيبوبه
غيث : هاا لا مضام عليك بس احنه جنه ذيج الايام دنتاكد من سلامته
الو ايلين : عمي تعرف اني عندي امانه يمك
غيث : امانتك بالحفظ والصون وترجعلك
ابو ايلين : لعد جاي اليوم اخذه
غيث : لا ابو ايلين خليه لباجر لان اني بعدني مكايل اليه وبعده ممحضره اغراضه
ابو ايلين : بس .. يلا ماشي تحملت كل هالمده قابل مراح اصبر لباجر لعد من رخصتك يابه
غيث : الله وياك
غيث : سديته واني احس جبال على ظهري من الهم شلون راح افاتحه بالموضوع شلون راح اسلمخ بيدي هسه حسيت بشعور ابوه من مراد ينطيه فصليه لان داحس بشعوره من اب يخسر بنته داحسه مثل بنتي
ايلين : غيث شبيك ليش هيج ضايج
غيث : تعاي كعدي اريد احجي وياك شغله
ايلين : خير شصاير يمعود خوفتني
غيث : ايلين اخويه كعد من غيبوبه ...
ايلين : صمت بلا اي حركه ولا اي كلمه
غيث : ايلين سمعتيني شكتلج ؟
ايلين : بس
غيث : بلا بس ولا اي شي عمي مكانج مو بس عالراس وبالعين وبالكلب هذا البيت بيتج الله شاهد عليه حبيتج حب مصاير ومادري يمكن هذا كلام اول مره داكوله اجيتي غيرتيلي حياتي بعد سنين مخربطه نضمتيني من ضياع وانشغال ومن حياة طيش رغم انتي صغيره بالسنه بس جبيره بالعقل والتفكير والتصرفات مو هينه على كلبي لا والله انو ارجعج بس اني منطي وعد رجال لابوج حضري غراضج وهدومج كلشي اخذي وياج واني كتله لابوج باجر اني اسلمج اله بيدي
ايلين : كملت ؟
غيث : اي
ايلين : انت شنو من بشر ياخي بلا كلب بلا احساس هيج عندج بهاي سهوله بعد كلشي ترجعني ؟ هاهيه شبعت ومليت مني خلصت فترتي يمك بعد بس طلعة مو جبيرة عقل لا طلعت زعطوطه جنت مصدكه الاحلام العايشه بيه
غيث : بويه ايلين ليش جاي صعبيه عليه ؟ انتي شايفه شديصير بكلبي هسه
ايلين : خلص ماريد اسمع منك شي .. كمت وعفته رحت للغرفه ضليت ابجي كم ساعه ماحس على روحي لحد ما تعبت كمت اطلع اشوفه بره ماكو غسلت وجهي وصاير احمر من بجي لميت بس كم شغله وعفت كل الغراض مالتي ضليت كاعده ابجي ومخليه راسي بين رجليه اجه هو تقريبا نص الليل بس ضل بره بالصاله نمت على روحي من تعب مال بجي كعدت صبح فزيت لكيته نايم عالقنفه فز من تقربت منه
غيث : صباح الخير
ايلين : مجاوبته
غيث : اليوم لسوين ريوك نروح تريك لاخر مره سوه وبعدين اوديج
ايلين : ماريد وديني هسه
غيث : لتعاندين
ايلين : داكلك ماريد اريد ترجعني هسه
غيث: ماشي على راحتج حضرتي غراضج
ايلين : اي وفعلا طلعنه رحنه نفس البيت الي عقدت بي وطلع هو مخابر على ابويه جان جاي قبلنه رحت عليه ركض
ابو ايلين : ايلين
ايلين : بابا رحت ركض بحضنه جنت مفتقده حضنه كلش وضليت ابجي كوه من بجي فرح واشتياق ومن بجي حزن وفراق على غيث
غيث : مو بيدي بس مجبور هذا منظر كدامه اثر بالكل ولج شلون يا ايلين ترديني مارجعج لحضن ابوج
غيث : ها عمي هاي امانتك يمك ووعد الحر دين وفيت بوعدي الك
ابو ايلين : والله ياابني ما تقصر كد الحجايه زلمته سامحونه عمي على كلشي
ايلين : اني وداطلع باوعت اخر نظرات لغيث نظرات مليانه حزن وفراق وعتاب وحب واشتياق
.............................................................

ايلين : رجعت لاهلي وامي استلمتني هلاهل وبوس جانو محضرين اليه كلشي
ام ايلين : حبيبتي ماما هاي غرفتج نظفته ورتبته الح ادخلي سبحي وطلعي دنتغده مسويتلج دولمه ادري بيج تحبيه
ايلين : ماشي ماما .. اهلي جانو طايرين بيه من الفرح كلساع يبوسون بيه ويحضنوني مثل الي ممصدكين اني جنت فرحانه ومكسوره معقوله ايلين انتي جنت تنتظرين هذا اليوم يوم يوم ترجعين بي وهسه فرحتج مكامله اشتاقيت لغرفتي اشتاقيت لفراشي
ايلين : نزلت تغديت وسولفنه شويه بس عفتهم وصعدت كتلهم تعبانه اريد انام واني فكري كله يم غيث مرت الايام وجانت عاديه كلش حاولت ارجع اتاقلم ويه هاي حياتي جنت افكر غيث شديسوي وهل بعده يفكر بيه لو لا
ابو ايلين : بابا بعد لازم ترجعين للمدرسه
ايلين : بس شلون
ابو ايلين : معليج اني رهمته سويتلج انتساب تمتحنين بس نص السنه وتكدرين وره نص سنه تلغي جانت اصلا وقت امتحانات نص السنه وكيفت لكيت شي الهي بي نفسي كعدت قريت وكلش تعبت لان عايفه دراسه ومادري شلون اقره حاولت اقره باليوتيوب ودخلت امتحنت صح جاوبت بس مو مثل مستوايه مال قبل لان بالكوه لحكت اقره جزء من كل ماده اجت العطله وسافرنه لاربيل غيرنه جو جنت عايشه حياتي هيج بس فكري يم غيث كل يوم ادخل لحساباته اشوفه شنو ناشر هو من يوم رجعت جان بدبي مراجع خلصت عطله نص السنه ولغيت الانتساب ورجعه للمدرسه بس هنا بدت قصه ثانيه