روايه(واقعنا الحزين💔).
الحلقه الخامسه.....
للكاتبه: ايوته مرعي
.
.
.
.
روٌآيَهّ لَيَبًيَهّ 🔥
بقلم: آيَوٌتٌهّ مرعي💜
الحلقه 5
مروه: كنك احكي مش عجبتني اليوم
تامي: يامروه نا مضايقه بس
مروه: كنك عليش مضايقه؟
تامي: لا شي من اول مانضت هكي مضايقه
مروه: روحي توا صلي وارقدي تو اتريحي حبي💜
تامي: ان شاء الله اهو رن سليم هيا نطلعو
مروه: هيا غريبه ماحقيتش سالم شكله مازال ف محاضره
تامي: اها شكله💔
وطلعن🍃
___________________
نجيه: جيتي تامي
تامي: اهاا نبي انخش نرقد
نجيه تغدي باهي
تامي: لالا مانبش نبي نرقد
خشت تامي دار وكانت زعلانه🍃
اسراء: اهلا
تامي: خير
اسراء: شن جو محاضره
تامي: كويسه
اسراء: كنك ي تامي جوك مش تمام
تامي: لا شي تعبانه مارقدتش امس نضت مبدري اليوم نبي نرقد
اسراء: باهي ارقدي نا نمشي نقرا ف مربوعه
تامي: تمام صكري باب
تامي ف سرير: ليش نا حبيبته💔 خلاص ياتامي انتي توا معش اتفكري فيه هما يحبو بعضهم اصلا 💔
_____________________
مروه: ماما قتلكك
سلوي: نعم
مروه: قالتلك جايني واحد بيخطب من طرف صاحبتي
سلوي: معرفه خير ان شاء الله تو انشوف باتك واحمد بعدين لما يروحوا. مروه بفرحه: تمام😍❤ سلوي: وكيف قالتله لكي من هي صحبتك نور؟
مروه: لالا مش هي
مروه باستغراب: قالته ليا ف جامعه
سلوي بنظره: اها باهي ان شاء الله يابنيتي نفرح بيك❤
مروه: ان شاء الله ❤
______________________________
ع مغرب
سعاد فتحت الباب: سند😍😍
سند: رايفت عليك ياغاليه
سعاد: حمدالله
ع
رنده: واخيراا
سند: حني كيف حالك
صالحه: جانا الهبل 😂 حمدالله كيف حالك انتا ياوليدي
سند: تمام 😂😂
سعاد: حمدالله
سليمه: رايفت عليك قبل ديما اتجي تسمط عليا 😂
سند: ماعندك وين هاربه ياعمتي😂
كلهم: 😂😂
وكانوا كلهن فرحانين ب طلعت سند من مستشفى 🍃
_______________________
تامي وعت مشطت شعرها لبست 🍃
اسراء: كنك لبسه؟ وين ماشيه؟
تامي بضيق: ماشيه ف الجنان
اسراء: باهي🤔
حست اسراء ف حاجه ب تامي 🍃
وكاين الباين ع وجه تامي طلعت وكانت مضايقه
سليم: تامي
تامي: نعم جيت توا ولا امبدريي؟
سليم من امبدري تغديت وقعدت ف جنان نشرب ف شاهي
تامي قعمزت ع كرسي جنبه: اها
سليم ياتامي نقولك نا نبي نخطب ماعرفتش كيف نحكي لامي
تامي بضحكه: عندك. بنت ف عقلك
سليم: اها ونبي نخطبها
تامي: تكلم فيها من امتي؟
سليم: شهرين
تامي: اووووو ماعليك تو انقول ل ماما هي ماما وين قاعدة توا؟
سليم: راقده
تامي: تمام لما توعي تو اندير قهوه انغيرلها جو قبل ونحكيلها ماعليك تو نا ماشيه نتغدا جعانه ماتغديتش امبدري
سليم بفرح: ربي يخليك ليا❤
تامي بفرح: وليا ❤
وكان سليم ف فرحه لاتوصف
_____________
سلوي: عبدالدين قالتلك
عبدالدين: نعم
سلوي: مروه يبو ايجو ناس يخطبوها
عبد الدين: باهي من طرف من؟
سلوي: صحبتها ف جامعه
عبد الدين: ان شاء الله معرفه خير يتفضلوا وبعدها نسالوا ع عيل
صبت سلوي لل دار مروه
مروه: شن صار؟
سلوي: قال ان شاء الله معرفه خير يتفضلوا وبعدها نسالوا ع عيل
مروه بفرح: حمدالله باهي ماتعصبش واحمد💔؟
سلوي: شن دخله احمد باتك هوا موافق مهم
ربي يتمم ع خير
مروه بفرح: ان شاء الله
__________________
صالحه: سعاد نا نازاله لوطه تبي حاجه دزي رنده
سعاد: اقعدي ياعمتي
صالحه: لا والله بنيتي ننزل حوش مهم جاء سند بصحته
سعاد: حمدالله
صالحه: هيا سليمه
رنده: اقعدي يعمتي سليمه
سليمه: حبيبتي انتي تعالي لوطه
رنده: تو انشوف بلكي بكره انجيك انكمل قرايتي وانجيك كان صار
سليمه: تمام
صالحه: تعالي
رنده: كان صار
سعاد: ان شاء الله
صالحه&سليمه: مع السلامه
سعاد: مع السلامه
صكرن🍃
سعاد: سند الهبل نزل لوطه مايعرفش مصلحته
رنده: قال شباب يراجو فيا لوطه😂
سعاد: ربي يهديه❤
_________________
اسراء: تامي تلفونك يرن
تامي: سرو هذي❤
فتحت 🍃
ساره: تامي حبي شن جوك اليوم
تامي: تمام شن جوك انتي
ساره: تمام قالتلكك وتي روحك جايه توا بايته عندك قاعده انتي؟
تامي بفرح: اها قاعدة تفضلي نا ابروحي مضايقه محتاجه حد نحكيله💔
اسراء بحتت ف تامي بنظره استحقار ع كلمه (محتاجه حد نحكيله)
ساره: تمام حبي وسعي بالك انتلاقوا باي
تامي: باي
صكرن🍃
اسراء بشر: انا شنو😒؟
تامي باستغراب: كيف شنو
اسراء: كيف اتقولي محتاجه حد نحكيله وكأنه نا مش اختك يعني ديما قاعده جنبك وماتحكش امعايا بككل ولا كأنه نا اختك
تامي: ياسراء ع اساس انتي تحكي حتي مع ماما ديما حاطه راسك ف القرايا
اسراء: توا تبي ديري سبله بقرايتي
تامي تعصبت: والنبي يااسراء نا تو مش فاضيه ل كلام هذا مش قصدي فيها حاجه غير انتي تقري بس وانتي اختي الوحيده ماعندش غيرك
اسراء: باهي خلاص تعالي يابارده حتي نا مش قصدي😂😂😂
تامي ضبطاتها:😂❤
نجيه: حي حي ع بناتي دووم ان شاء الله
تامي&اسراء: 😂😂
تامي: طولتي ف نوم
نجيه: رقدت رقده سمحه
تامي: تو انديرلكك قهوه امعايا تبي اسراء؟
اسراء: اكيده دايرلي امعاكن فنجان
نجيه: نا انصبي انصلي عصر
تامي: تمام بابا وين
نجيه: ف شغل
تامي: اهاا ❤قالتلك قبل م اتعدي اتصلي ساره جايه بايته عندي اليوم
نجيه: صاح مرحبتين
اسراء: رايفت عليها والله❤
تامي: باهي انعدي اندير قهوه توا
ولاكان هكي انراجي ساره بالمره
اكيده جايه توا
نجيه: شوفيها رني عليها نا نبي انصلي
تامي ترن ع ساره🍃
تامي: سرو جايه توا نرجاك ع قهوه
ساره: ف طريق قاعده
تامي صاح خلاص امعاناها نرجاك انتلاقوا
ساره: تمام
صكرن وكانت تامي فرحانه لانها كانت مضايقه ومحتاجه حد تحكيله 💔لانها اختها مش مقربات ل بعضهن اسراء نوعيتها تختلف عن تامي بواجد اسراء اتحب تقعد ابروحها وهاديه تختلف عن اختها ف كانن مش مقربات ك خوات 👉🍃
_________________________
فتحي: ياايات
ايات: نعم
فتحي: ديرلي قهوه ونا عيال عمي وشباب
ايات بملل: باهي كم فنجان.؟
فتحي: معش تنفخي عليا حطي عشر فنجان😡
ايات بأاستحقار: باهي
فتحي: تعرفي ديرلي حركه هذي مره اخري نقتلك
طارق (باتهم): اطلع برا واحترم واختك وانتي خشي ديرله قهوه
فتحي بأتعصب ينفخ وطلع🍃
وايات بملل وخشت دراتله قهوه
فتحيه: طارق نا ماشيه ل عيت ناجي
طارق: باهي بنات امعاك؟
فتحيه: لالا
ريان: ماما ارجي ممكن نمشي امعاك انشوف ايات
فتحيه: باهي اسرعي شويه
ريان صبت تجري لل ايات
ريان: ايتو
آيات: نعم
ريان: ماما توا تمشي عند جدي نا قلت خلينا نمشو يحسبنا الاء وفاطمه خايفات منهن
ايات بتفكير: اممم باهي صدقتي يحسابنا خايفات توا انتي البسي وانا اندير قهوه لل فتحي ونلحقكك
ريان: تمام امعناها انقول ماما اتعدي
ايات: خليها اتعدي
ريان: تمام
صبت تجري ريان🍃
ريان: ماما خلاص امشي نا ايات تو نلحقوك
فتحيه: باهي
طلعت 🍃
طارق: ريان كلميلي اختك
ريان: باهي
ريان: ايات تعالي بابا يبيك مازالتي اديري ف قهوه يابايره😂
ايات: قهوه ع مهلها
ريان: عدي بابا انتي نا تو انرن ع فتحي
ايات: باه
ريان ترن
ريان: فتحي تعال خود قهوه
فتحي: تمام صكري
جاء فتحي وخذا قهوه وكان رايقله من ايات🍃 صبت ريان تلبس تبي تقهر بنات عمها🍃
ايات: نعم بابيتوو
طارق: ايات تعالي قعمزي يابنيتي
٠جت قعزت جنبه🍃
طارق: يابنيتي نبي انفهمك موضوع ع خوك نبيكي معش تعصبيه واحترميه هذا خوك الوحيد هو سندك انتي واختك مايعلم الا ربي بلكي ايجي اليوم ونا نقعد مش امعاكم
ايات خفت من كلمه باتها🍃
ايات: لا يابابا معش اتقول هكي ربي يحفظك لنا هو هكي يابابا يتعصب من كل حاجه بس نا عشان خاطرك معش انعصبه مهم انتا ماتزعلش ياغالي💙
طارق: سلم بنتي توا عدي انتي البسي بيش اتعدي عند عمك نا توا نبي نطلع اليوم طالع عمك من مستشفي ناس كلها جايه
ايات: تمام نا ماشيه نلبس 💗
________________________
طق طق الباب
فتح سليم: اهلين ساره
ساره: اهلا سليم
تامي: سروو حيااتي تعالي خشي
سليم:ياتامي نا طالع قولي امي قوليلها ع موضوع
غمزلها وطلع🍃
ساره: وين اسراء
اسراء بصوت عالي: نا جيت سرووو حيااتي
ساره بفرحه ضبطاتها: رايفت عليك وانتي ايات واجدد
اسراء: والله حتي نا اليوم سهره باهي لدرتيها جيتنا
ساره: ف عقلي لياا ايام رايفتلك تعالي ياحيوانه
ضبطن بعضهن اخري ❤
تامي: خلاص ياباردات فكنا من اجواء عاطفيه😂
ساره &اسراء: 😂😂😂
ساره: وين خالتي نجيه
تامي: تنشر ف دبش
ع خشت نجيه 🍃
نجيه: سرو اهلين
ساره: اهلا كيف حالك اخويله
نجيه: حمدالله كيف حال امك
ساره: كويسه
تامي: هي بنات
تعالن انديروا قهوه نركبوا فوق اسطاح وماما وانتي تعالي ف موضوع نحكيلك عليه
اسراء: شنو
نجيه: ان شاء الله خير
ساره: تامي عطيني نا اندير قهوه
تامي: خير خير باهي سرو بكرج قاعد ف دولاب زوايه
نجيه: نركب نا اسراء نجيب فرشه
تامي: باهي سليم طلع راه
نجيه: نحسابه قاعد
تامي: لا طلع قالي قولي امي
نجيه: هيا اسراء نركبو وانتن ديرين قهوه
اسراء: هيا
________________________
طق طق الباب عند عيت ناجي( عيت عم ريان)
فتحت عبير (مرات عم ريان: اهلين
ايات: اهلا اعميمه
ريان: كيف حالك
عبير: حمدالله خشن تفضلن
خشن وكانن ايطنشن ع بنات عمهن يقهرن فيهن🍃
الاء: رين شن جوك اليوم
ريان بنظره مستفزه: مش رين ويقولولي رينو
ايات: اساسك غلط
الاء: 😒ضحكتني حبابيتي ع كلمه غلط دلع
خشت مبروكه(جدة ريان) اسكتن
مبروكه: خير يابنيتي
ايات: اهلين يااجديده كيف حال صحتك
ريان:اهلين ياا
الاء طلعت واطنش اتشوف ف فاطمه وبنات عمتها الاخرات🍃
مبروكه: حمدالله
طلعت مبروكه حست جو مش تمام بين بنات🍃
وقعدن ايات وريان بس ف دار وحولن وشاحتهن وجن قعمزن جنب بنات عمتهن🍃
فرح(بنت عمت ريان): وينك ياريان وايات رايحات مختفيات
ايات باستحقار: والله جو هنا رايح مش حلو ونحنا جينا ع عشان خاطر عمو ناجي واعميمه عبير
فرح باستحقار: اها
زينب(بنت عم ريان): مبروك
ريان بأستغراب: شنو؟
ايات:ع شنو
ايات:عليش مبروك
زينب: مو ________
وهنا كانت صدمه ريان 🍃💔
شن صدمه ريان 🤔؟
مازال مش عارفين ع خطط الاء وفاطمه برضو مع حلقات ح تعرفوا؟ 🤔
يتبع 🔥______
تابعونيي💙.
