#عاصمتي (ذو فقار والبربرية )
ﺍﻟﺠﺰﺀ ﺍﻟﺤﺎﺩﻱ ﻋﺸﺮ 🍁💖💔
للكاتبة GomanFared
ﺗﺮﻋﺶ ﻭﻫﻲ ﺗﺸﻮﻑ ﻓﻴﻪ ﻛﻴﻒ ﺻﻜﺮ ﺍﻟﺒﺎﺏ ﺑﺎﻟﻤﻔﺘﺎﺡ ..
ﺗﻠﻔﺘﻠﻬﺎ .. ﻳﺸﻮﻓﻠﻬﺎ ﺑﻨﻈﺮﻩ ﺣﺎﺩﻩ ﺑﻌﻴﻦ ﻣﻠﻴﺎﻧﻪ ﺩﻣﻮﻉ ...
ﺷﺎﻓﺖ ﻹﻳﺪﻳﻪ ﻭﺣﺪﻩ ﻓﻴﻬﺎ ﺍﻟﺒﺎﻗﻪ ﻭﺍﻟﺘﺎﻧﻴﻪ ﻓﻴﻬﺎ ﺑﺎﻛﻮ ﺻﻐﻴﺮ ﻟﻮﻧﻪ ﺍﺳﻮﺩ ..
ﺭﻓﻌﺖ ﻋﻴﻮﻧﻬﺎ ﻓﻴﻪ ﻟﻘﺎﺗﻪ ﻳﺸﻮﻓﻠﻬﺎ ﺑﻨﻔﺲ ﺍﻟﻨﻈﺮﻩ ...
ﻓﻤﻬﺎ ﻳﺮﻋﺶ ﺗﺒﻲ ﺗﺘﻜﻠﻢ ﻣﺶ ﻗﺎﺩﺭﺓ ... ﺍﻟﺨﻮﻑ ﺍﻟﻠﻲ ﺗﺴﻠﻠﻬﺎ ﺳﻴﻄﺮﻋﻠﻴﻬﺎ ﺧﻼﻫﺎ ﺗﺼﻘﻊ ﺍﻛﺜﺮ ﻣﻦ ﺍﻟﺠﻮ ...
ﻧﻈﺮﺓ ﻋﻴﻨﻪ ﻣﻮﺗﺘﻬﺎ ﻣﻦ ﺍﻟﺨﻮﻑ ﺑﺰﻳﺎﺩﻩ ...
ﺩﻗﺎﻳﻖ ﻭﻫﻤﺎ ﻉ ﻫﺎﻟﺤﺎﻝ ...
ﻓﻴﺪﻫﺎ ﺗﻠﻴﻔﻮﻧﻬﺎ ... ﺭﻥ ...
ﻫﻮ ﻗﺪﻡ .. ﻭﻛﻞ ﻣﺎﻳﻘﺪﻡ ﺧﻄﻮﺓ ﻗﻠﺒﻬﺎ ﻳﻨﺒﺾ ﺑﻘﻮﺓ ﺷﺪﻳﺪﺓ ﻣﻦ ﺍﻟﺨﻮﻑ ...
ﺟﻲ ﻗﺪﺍﻣﻬﺎ ... ﻟﻮﺡ ﺍﻟﺒﺎﻗﻪ ﻭﺍﻟﺒﺎﻛﻮ ﻉ ﺍﻟﻤﻜﺘﺐ ﻭﻫﻮ ﻳﺸﻮﻑ ﻟﻌﻴﻮﻧﻬﺎ ﺑﻨﻔﺲ ﺍﻟﻨﻈﺮﺓ ...
ﺟﺒﺪ ﻣﻦ ﺍﻳﺪﻳﻬﺎ ﺍﻟﺘﻠﻴﻔﻮﻥ ﻭﻫﻮ ﻳﺸﻮﻓﻠﻬﺎ .. ﺷﺒﺤﻠﻪ ﻟﻘﺎﻩ ﺳﻤﻴﺮﺓ ﻋﺎﺩﻭﺕ ﻋﻠﻴﻬﺎ .. ﺻﻜﺮ ﻋﻠﻴﻬﺎ ﻭﺳﻜﺮ ﺍﻟﺘﻠﻴﻔﻮﻥ ...
ﻓﺘﺢ ﺑﻄﻤﺔ ﺍﺩﺟﺎﻛﻪ ﻭﺣﻂ ﺍﻟﺘﻠﻴﻔﻮﻥ ﻓﺠﻴﺒﻪ ...
ﺣﻂ ﺍﻳﺪ ﻓﻨﺼﻪ ... ﻭﺍﻟﺘﺎﻧﻴﻪ ﻣﺴﺢ ﺑﻴﻬﺎ ﻟﺤﻴﺘﻪ ﻭﻣﺎﺯﺍﻝ ﻳﺸﻮﻓﻠﻬﺎﺑﻨﻔﺲ ﺍﻟﻨﻈﺮﺓ ...
ﺍﻛﺜﺮ ﺷﻲ ﻣﺨﻮﻓﻬﺎ ﺻﻤﺘﻪ ... ﺻﻤﺘﻪ ﻗﺎﺍﺍﺗﻞ ..
ﻳﺪﻩ ﺍﻟﻠﻲ ﻛﺎﻥ ﻳﻤﺴﺢ ﺑﻴﻬﺎ ﻉ ﻟﺤﻴﺘﻪ ﺣﻄﻬﺎ ﻓﻨﺼﻪ ﺣﺘﻰ ﻫﻲ ﻭﻗﻌﺪ ﻳﺸﻮﻓﻠﻬﺎ ....
ﻭﺭﺟﻊ ﺑﻴﻪ ﺷﺮﻳﻂ ﺍﻟﺬﻛﺮﻳﺎﺕ ...
ﻟﻤﻮﻗﻒ ﺳﺒﺒﻠﻪ ﻧﻔﺲ ﺍﻷﻟﻢ ﺍﻟﻨﺎﺗﺞ ﻋﻦ ﺧﻴﺒﺔ ﺍﻷﻣﻞ ... ﻭﻛﺴﺮﺓ ﺍﻟﻘﻠﺐ ...
ﻓﻼﺵ ﺑﺎﻙ ..
ﻳﻨﺎﻳﺮ 2003
ﺭﺍﻓﻊ ﺑﻌﻴﻮﻥ ﻣﻠﻴﺎﻧﻪ ﺩﻣﻮﻉ : ﺍﺧﻼﺹ ﺷﻦ ﺗﻘﻮﻟﻲ ﺍﻧﺘﻲ ﻫﻬﻬﻬﻪ ... ﺗﺒﺼﺮﻱ ﺻﺢ ... ﻗﻮﻟﻲ ﺗﺒﺼﺮﻱ ... ﺗﺒﺼﺮﻱ !!
ﺍﺧﻼﺹ ﺑﺘﺼﻨﻊ ﺍﻟﺰﻋﻞ : ﺣﺎﺟﻪ ﺯﻱ ﻫﺎﺩﻱ ﻣﺎﻓﻴﻬﺎﺵ ﺑﺼﺎﺭﺓ ﺭﺍﻓﻊ .. ﺧﻼﺹ ﺍﻫﻠﻲ ﺟﺒﺮﻭﻧﻲ ﺟﺒﺮ ..
ﺭﺍﻓﻊ ﺑﺘﻀﻴﻘﻪ ﻋﻴﻮﻥ : ﻣﻦ ﺍﻟﻠﻲ ﺟﺒﺮﻙ ﻋﻤﻲ ﻣﺤﻤﻮﺩ ﺍﻟﻠﻲ ﻳﻌﺎﻣﻞ ﻓﻴﻚ ﺗﻘﻮﻝ ﺯﺑﺪﻩ ﺧﺎﻳﻔﻬﺎ ﺗﺴﻴﺢ .. ﻭﻻﺧﻮﺗﻚ ﺍﻟﻠﻲ ﻳﺤﻠﻔﻮﺍ ﺑﺮﺍﺳﻚ؟؟
ﺍﺧﻼﺹ ﺑﻮﻗﺎﺣﻪ : ﺍﺳﻤﻊ ﺭﺍﻓﻊ ﺍﻧﻲ ﺑﻨﺖ ﻣﺶ ﺯﻳﻚ ﻣﺎﻧﺒﻴﺶ ﻧﻘﻌﺪ ﻋﻤﺮ ﻧﺴﺘﻨﻰ ﻟﻴﻦ ﻳﺸﻴﺐ ﺷﻌﺮﻱ ..
ﺭﺍﻓﻊ ﺑﺼﺪﻣﻪ : ﺍﺧﻼﺹ ﻋﻤﺮﻙ 17 ﺳﻨﻪ ﺭﻩ !!
ﺍﺧﻼﺹ ﺑﻼﻣﺒﺎﻻﺓ : ﺍﻟﺒﻨﺖ ﺗﻜﺒﺮ ﻓﻴﺴﻊ ﻣﺶ ﺯﻱ ﺍﻟﻮﻟﺪ ..
ﺭﺍﻓﻊ ﺿﺤﻚ ﺑﺼﺪﻣﻪ : ﻫﻬﻬﻬﻬﻪ ... ﺳﻜﺖ .. ﺷﺪ ﻳﺪﻫﺎ ﻭﻗﺪﻣﻠﻬﺎ ﻭﺩﻣﻮﻋﻪ ﻧﺰﻟﻮﺍ ... ﻗﻮﻟﻲ ﺍﻧﻚ ﺗﺒﺼﺮﻱ .. ﻗﻮﻟﻲ ﺍﻧﻪ ﻣﻘﻠﺐ .. ﻣﻘﻠﺐ ﺣﺒﻲ ﺻﺢ !!!
ﺳﺤﺒﺖ ﺍﻳﺪﻫﺎ : ﺧﻼﺹ ﺭﺍﻓﻊ ... ﺍﻧﺴﺎﻧﻲ ﻭﻃﻠﻌﻨﻲ ﻣﻦ ﺭﺍﺳﻚ ...
ﻭﻟﻔﺖ ﻣﺸﺖ ﻭﺧﻼﺗﻪ ... ﻭﻫﻲ ﻣﺶ ﻣﺴﺘﻮﻋﺒﻪ ﺣﺠﻢ ﺍﻟﺪﻣﺎﺭ ﺍﻟﻠﻲ ﺧﻠﻔﺎﺗﻪ ﻭﺭﺍﻫﺎ ..
ﺍﻟﻮﻗﺖ ﺍﻟﺤﺎﺿﺮ ...
ﻧﺰﻝ ﺍﻳﺪﻳﻪ ...
ﻭﻓﺎﺀ ﺗﺮﻋﺶ ﺑﺘﻤﻮﺕ ..
ﺧﻄﻒ .. ﺷﺪ ﻳﺪﻫﺎ ﻭﻗﻌﺪ ﻳﺠﺮ ﻓﻴﻬﺎ ﻭﺭﺍﻩ ...
ﻭﻓﺎﺀ ﻭﻫﻲ ﺗﺮﻋﺶ : ﺍﺳﺴﺴﻤﻌﻌﻨﻲ ... ﻭﺍﻟﻨﻨﺒﻲ ﺍﺳﺴﺴﻤﻌﻨﻲ ..
ﻓﺘﺢ ﺍﻟﺒﺎﺏ ﻭﻃﻠﻊ ﻫﻮ ﻭﻳﺎﻫﺎ ...
ﻣﺎﺷﻲ ﻭﻳﺠﺮ ﻓﻴﻬﺎ ﻭﺭﺍﻩ ﻭﻫﻲ ﺗﺘﺮﺟﻰ ﻓﻴﻪ : ﺭﺭﺍﻓﻊ .... ﻭﺍﻟﻨﻨﺒﻲ ﺍﺳﺴﻤﻌﻨﻲ ﻭﺍﻟﻨﻨﺒﻲ .... ﺩﻣﻮﻋﻬﺎ ﻧﺰﻟﻮﺍ ..
ﻫﻮ ﻳﻤﺸﻲ ﻭﻧﻔﺲ ﺍﻟﻨﻈﺮﺓ ﻣﺎﺯﺍﻟﺖ ﻓﻌﻴﻨﻪ ..
ﻓﺘﺤﻲ ﻳﺸﺒﺤﻠﻪ ﻭﻣﺶ ﻓﺎﻫﻢ ﺷﻲ ...
ﻧﺰﻝ ﺑﻴﻬﺎ ﻣﻦ ﺍﻟﺪﺭﻭﺝ ﻭﻫﻮ ﻳﺠﺮ ﻓﻴﻬﺎ ... ﻭﻫﻲ ﺗﻨﺰﻝ ﻭﺧﺎﻳﻔﻪ ﺍﻃﻴﺢ ...
ﻭﻳﻦ ﻭﺻﻠﺖ ﻓﻲ ﺍﺧﺮ ﺩﺭﺟﻪ ﻃﺎﺣﺖ ﻉ ﺭﻛﺎﺑﻬﺎ .. ﺭﻓﻌﻬﺎ ﻣﻦ ﻳﺪﻫﺎ ﻟﻴﻦ ﻗﺮﻳﺐ ﺧﻠﻌﻬﺎﻋﻴﻄﺖ : ﺍﺍﺍﺍﺍﺍﺍﻩ ....
ﻭﻫﻮ ﻭﻻ ﻣﻬﺘﻢ ..
ﺍﻋﻀﺎﺀ ﺍﻟﻜﺘﻴﺒﻪ ﺍﻟﻤﻮﺟﻮﺩﻳﻦ ﻓﻲ ﺍﻟﻤﻘﺮ ﻳﺘﻔﺮﺟﻮﺍ ﻋﻠﻴﻬﻢ ﺑﺼﺪﻣﻪ ...
ﻃﻠﻊ ﺑﻴﻬﺎ ﺑﺮﺍ ....
ﻭﻓﺎﺀ : ﻭﺭﺍﺍﺍﺍﺍﺍﺱ ﺍﻣﻤﻤﻚ ﺍﺳﻤﻤﻤﻌﻨﻲ ..
ﺟﺒﺪﻫﺎ ﻟﻴﻪ ﻭﺣﻂ ﻳﺪﻩ ﻉ ﻓﻤﻬﺎ ﻭﻗﻌﺪ ﻳﺠﺮ ﻓﻴﻬﺎ ﻟﻴﻦ ﻭﺻﻞ ﺑﻴﻬﺎ ﻟﻠﺴﻴﺎﺭﻩ ﻓﺘﺢ ﺍﻟﺒﺎﺏ ﻭﺩﻓﻬﺎ ﻓﻮﺳﻄﻬﺎ ..
ﻣﻦ ﺍﻟﺨﻮﻑ ﺭﻛﺒﺖ ﻭﻫﻲ ﺗﺮﺟﻒ ﻣﻊ ﺑﻌﻀﻬﺎ ..
ﺻﻜﺮ ﺍﻟﺒﺎﺏ ﺑﻘﻮﺓ ... ﻭﻣﺸﻲ ﺟﻬﺔ ﺍﻟﺴﻮﺍﻕ ﺭﻛﺐ ﻭﺳﻜﺮ ﺍﻟﺒﺎﺏ ... ﻭﻟﻊ ﺍﻟﺴﻴﺎﺭﺓ .. ﻭﺗﺤﺮﻙ ﺑﻴﻬﺎ ﺑﺴﺮﻋﻪ ﻭﻫﻮ ﻳﺤﺮﻕ ﻓﻲ ﺍﻟﻌﺠﻞ ...
ﻭﻓﺎﺀ ﺑﺒﻜﻲ ﻭﻫﻲ ﺗﺮﻋﺶ : ﺧﺨﺨﻠﻼﺍﺍﺻﺼﺺ ﺑﺎﻟﻠﻪ ﻋﻠﻴﻴﻴﻚ .. ﻧﻮﻋﺪﺩﺩﻙ ﻭﺟﻬﻬﻲ ﻣﻌﺎﺍﺍﺵ ﺗﺸﻮﻭﻓﻪ ﻏﻴﺮ ﺧﻠﻴﻴﻨﻲ ﻧﻤﺸﻴﻲ ﻓﺤﺎﺍﻟﻲ ...
ﺭﺍﻓﻊ ﻳﺴﻮﻕ ﺑﻄﺮﻳﻘﻪ ﺧﻄﻴﺮﻩ ... ﻳﺘﺠﺎﻭﺯ ﻭﻳﺠﺮﻱ ﻭﻛﺄﻧﻪ ﻓﺴﺒﺎﻕ ..
ﻭﻓﺎﺀ ﺑﺘﻤﻮﺕ ﻣﻦ ﺍﻟﺨﻮﻑ : ﺍﺳﻤﻤﻌﻨﻲ ﻭﺍﻟﻨﺒﻴﻴﻴﻴﻴﻴﻲ ...
ﺟﺒﺪ ﻣﺴﺪﺱ ﻣﻦ ﺧﺼﺮﻩ ﻭﻭﺟﻬﻪ ﺟﻴﻬﺘﻬﺎ ﺑﺸﻜﻞ ﻣﺴﻄﺢ ..
ﻭﻓﺎﺀ ﺳﻜﺘﺖ ﻭﻫﻲ ﺗﺮﻋﺶ ﻭﺗﺸﻬﻖ ...
ﺭﺩﻩ ﻟﺨﺼﺮﻩ ﻭﻛﻤﻞ ﺳﻮﺍﻗﺘﻪ ﺍﻟﻤﺠﻨﻮﻧﻪ ..
ﺍﻟﻨﺎﺱ ﻣﻦ ﺑﺮﺍ ﻳﺸﻮﻓﻮﺍ ﻓﻲ ﺳﻴﺎﺭﺓ ﻣﻈﻠﻤﻪ ﻭﻋﺎﻟﻴﻪ .. ﺯﺑﻄﻮﻫﺎ ﻟﻮﺍﺣﺪ ﻣﻦ ﺟﻤﺎﻋﺔ ﺍﻟﻜﺘﺎﻳﺐ ...
ﻭﺍﺣﺪ ﻣﻦ ﺍﻟﻨﺎﺱ : ﺷﻜﻠﻪ ﻓﻲ ﺟﺒﻬﻪ ﻣﻔﺘﻮﺣﻪ ..
: ﺍﻟﻄﺮﻳﻖ ﻫﺎﺩﻱ ﺗﺮﻓﻊ ﻟﻠﺰﻭﺍﻳﻪ ﻭﻻ ..
: ﻗﺼﺪﻙ ﻓﻲ ﺣﺎﺟﻪ ﻏﺎﺩﻱ؟
: ﺷﻜﻠﻪ ..
ﻓﺘﺢ ﺍﻟﻔﻴﺲ ﻭﻛﺘﺐ ﻓﻲ ﻭﺍﺣﺪ ﻣﻦ ﺍﻟﻘﺮﻭﺑﺎﺕ ...
( ﺍﻵﻥ ... ﻣﺮﻭﺭ ﺭﺗﻞ ﻣﺴﻠﺢ ﻣﺘﻮﺟﻪ ﻟﻠﺰﺍﻭﻳﻪ )
ﻭﺍﻟﺘﻌﻠﻴﻘﺎﺕ ﻧﺰﻟﺖ ﻣﻊ ﺍﻟﻤﻨﺸﻮﺭ ...😂
🍁 ﻭﻣﺎﺯﺍﻝ ﻳﺠﺮﻱ ﺑﺎﻟﺴﻴﺎﺭﺓ ﻭﻣﺎﻧﻄﻘﺶ ﺑﺤﺮﻑ ﻭﺍﺣﺪ ..
ﻭﻓﺎﺀ ﺯﻱ ﺟﺮﻳﺪﻩ ﺗﺮﻋﺶ ... ﻭﺩﻣﻮﻋﻬﺎ ﻣﺎﺑﻄﻠﻮﺵ ﻧﺰﻭﻝ ...
ﻓﺎﺗﻮﺍ ﻣﻦ ﻓﻮﻕ ﻣﻄﺐ ﺩﺍﺭ ﺣﺮﻛﻪ ﻗﻮﻳﻪ ... ﻫﻮ ﻣﺎﺍﻫﺘﻤﺶ ...
ﺍﻣﺎ ﻫﻲ ﻋﻴﻄﺖ ﻭﺷﺒﺤﺘﻠﻪ : ﺭﺍﻓﻊ ..
ﺟﺒﺪ ﺳﻼﺣﻪ ﻭﺩﺍﺭ ﻧﻔﺲ ﺍﻟﺤﺮﻛﻪ ...
ﺣﻄﺖ ﻳﺪﻫﺎ ﻉ ﻓﻤﻬﺎ ﻭﻗﺎﻟﺖ : ﻫﻤﻤﻢ .. ﻫﻤﻤﻤﻢ ...
ﺭﺩ ﺳﻼﺣﻪ ﻣﻦ ﺟﺪﻳﺪ ... ﻭﻛﻤﻞ ﻃﺮﻳﻘﻪ ...
ﻭﺻﻠﻮﺍ ﻷﺣﺪ ﺍﻟﻤﺴﺘﺸﻔﻴﺎﺕ ..
ﺩﺭﺱ ﻧﺰﻝ .... ﺻﻜﺮ ﺍﻟﺒﺎﺏ ﻭﺟﺎﻫﺎ ... ﻓﺘﺢ ﺍﻟﺒﺎﺏ ﻭﻫﻲ ﺗﺸﻮﻓﻠﻪ ﻭﺗﺮﻋﺶ ﺟﺒﺪﻫﺎ ﻣﻦ ﻳﺪﻫﺎ ﺑﻌﻨﻒ ﻧﺰﻟﺖ ... ﺻﻜﺮ ﺍﻟﺒﺎﺏ ..
ﻭﺟﺮﻫﺎ ﻭﻫﻲ ﻣﻦ ﺧﻮﻓﻬﺎ ﺗﻤﺎﺳﻜﺖ ﻭﻗﻌﺪﺕ ﺗﻤﺸﻲ ﻣﻌﺎﻩ ..
ﺧﺶ ﺑﻴﻬﺎ ﻟﻤﻜﺎﻥ ﻣﻌﻴﻦ ...
ﻛﺎﻥ ﻓﺎﺿﻲ ..
ﻃﻠﻌﺘﻠﻪ ﻣﻤﺮﺿﻪ : ﻣﻌﻠﻴﺸﻲ ﺧﻮﻱ ﺗﻮﺍ ﻣﺎﻓﻴﺶ ..
ﻃﻠﻊ ﺳﻼﺣﻪ ﻭﺟﻬﻪ ﻟﺮﺍﺳﻬﺎ ..
ﺍﻟﻤﻤﺮﺿﻪ :😨 ﺗﺘﺘﺘﺘﻔﻀﻞ ..
ﻧﺰﻝ ﺳﻼﺣﻪ ﻭﻣﺎﺯﺍﻝ ﻓﻴﺪﻩ ﻭﺑﻴﺪﻩ ﺍﻟﺘﺎﻧﻴﻪ ﻳﺠﺮ ﻓﻲ ﻭﻓﺎﺀ ..
ﺍﻟﻠﻲ ﻛﺎﻧﺖ ﺗﺸﺒﺢ ﺣﻮﺍﻟﻴﻬﺎ ﻭﻣﺴﺘﻐﺮﺑﻪ ﻭﻣﺶ ﻓﺎﻫﻤﻪ ﺷﻲ ..
ﺍﻟﻤﻤﺮﺿﻪ : ﺍﻫﻮ ﻫﻨﻲ ..😖
ﺧﺶ ﺭﺍﻓﻊ ﻉ ﺍﻟﺪﻛﺘﻮﺭ ..
ﺍﻟﺪﻛﺘﻮﺭ ﺟﺎﻱ ﺑﻴﺘﻜﻠﻢ ﺷﺎﻑ ﺍﻟﻤﺴﺪﺱ ..😲 ﺩﺍﺭ ﺍﻟﻼﺯﻡ ﻭﻋﻄﺎﻩ ﺍﻟﻮﺭﺍﻕ ...
ﺧﺪﺍﻫﻢ ﺭﺍﻓﻊ ﻭﺳﺠﻞ ﺍﺳﻢ ﻭﻓﺎﺀ ... ﺑﻌﺪﻳﻦ ﺍﺳﻤﻪ ...
ﻭﻃﻠﻊ ﻭﻭﺭﺍﻩ ﺍﻟﻤﻤﺮﺿﻪ ﺟﺮﻱ ...
ﺧﺸﻮﺍ ﻟﻠﺤﺠﺮﺓ ﺍﻟﺘﺎﻧﻴﻪ ...
ﺍﻟﻤﻤﺮﺿﺔ ﺗﺸﻮﻑ ﻟﻮﻓﺎﺀ ﻛﻴﻒ ﻣﻨﻈﺮﻫﺎ ﻣﺶ ﻃﺒﻴﻌﻲ ﻭﻭﺍﺿﺢ ﺧﺎﻳﻔﻪ ﺑﺘﻤﻮﺕ ..
ﺟﺒﺪﻫﺎ ﻣﻦ ﻳﺪﻫﺎ ﻭﺩﻓﻬﺎ ﻉ ﺍﻟﻜﺮﺳﻲ ..
ﺭﺍﻓﻊ ﺑﻨﺒﺮﺓ ﺣﺎﺩﻩ : ﻫﻲ ﺍﻷﻭﻟﻰ ..
ﺍﻟﻤﻤﺮﺿﻪ ﺗﺸﻮﻑ ﻟﻠﻤﺴﺪﺱ : ﺣﺤﺤﺎﺿﺮ ..🤤
ﺑﺪﺕ ﺍﻟﻤﻤﺮﺿﻪ ﺗﺴﺤﺐ ﻓﻲ ﻋﻴﻨﺔ ﺍﻟﺪﻡ ﻣﻦ ﻭﻓﺎﺀ ...
ﺑﻌﺪ ﻛﻤﻠﺖ ﻭﻓﺎﺀ ﻧﺎﺿﺖ ...
ﻫﻮ ﺣﻮﻝ ﺍﺟﺎﻛﻪ .
ﺍﻟﻤﻤﺮﺿﻪ "...😍 ﻫﺬﺍ ﻭﻳﻦ ﺭﻛﺰﺕ ﻋﻠﻴﻪ ﻃﺮﻓﻮﺵ ﻭﻋﻀﻼﺕ .."😍
ﻗﻌﻤﺰ ﻉ ﺍﻟﻜﺮﺳﻲ ... ﻭﻗﺎﻡ ﻛﻤﻪ ..
ﻭﺍﻟﻤﻤﺮﺿﻪ ﺑﺪﺕ ﺗﺴﺤﺐ ﻓﻲ ﺍﻟﺪﻡ .... ﻛﻤﻠﺖ ... ﻧﺎﺽ ...
ﺍﻟﺰﻭﺯ ﺷﺎﺩﻳﻦ ﺍﻟﻘﻄﻨﻪ ﻉ ﻣﻜﺎﻥ ﺍﻟﻴﺒﺮﺓ ... ﺧﺪﻱ ﺩﺟﺎﻛﺘﻪ ...
ﺍﺷﺮﻟﻬﺎ ﺑﻴﺪﻩ ﺗﺠﻲ ﻭﺭﺍﻩ ..
ﻭﻫﻲ ﺍﺻﻼ ﻭﺭﺍﻩ ﻣﻦ ﻏﻴﺮ ﻣﺎ ﻳﺤﻜﻲ ﻣﻦ ﺍﻟﺮﻋﺐ ﺍﻟﻠﻲ ﻓﻴﻬﺎ ...
ﺧﺶ ﻟﻠﺪﻛﺘﻮﺭ ﻭﻗﺎﻝ : ﻏﺪﻭﺓ ﺍﻟﻌﺸﺮﺓ ﻧﻠﻘﺎﻩ ﻭﺍﺗﻲ ...
ﺍﻟﺪﻛﺘﻮﺭ ﺑﺨﻮﻑ : ﺣﺎﺿﺮ ..
ﺟﺒﺪﻫﺎ ﻣﻦ ﻳﺪﻫﺎ ﻭﻃﻠﻊ ﺑﻴﻬﺎ ....
ﻭﺻﻠﻮﺍ ﺍﻟﺴﻴﺎﺭﺓ ﻓﺘﺢ ﺍﻟﺒﺎﺏ ﻭﺩﻓﻬﺎ ﺭﻛﺒﺖ ﻭﻭﺟﻬﻬﺎ ﺍﺻﻔﺮ ﺯﻱ ﺍﻟﻠﻴﻤﻪ ..
ﺻﻜﺮ ﺍﻟﺒﺎﺏ ..
ﻭﻣﺸﻲ ﺭﻛﺐ ﻭﺻﻜﺮ ﺍﻟﺒﺎﺏ ... ﺷﻐﻞ ﺍﻟﺴﻴﺎﺭﺓ ﻭﺗﺤﺮﻙ ....
ﻭﺭﺟﻊ ﻳﺴﻮﻕ ﺑﻨﻔﺲ ﺍﻟﺴﺮﻋﻪ ...
ﻭﻭﻓﺎﺀ ﺗﺒﻜﻲ ﻭﺗﻨﺪﺏ ﻣﻦ ﺩﺍﺧﻠﻬﺎ ﻉ ﺍﻟﻠﻲ ﺩﺍﺭﺍﺗﻪ ﻓﺮﻭﺣﻬﺎ ..
***
ﺩﺭﺱ ﺍﻟﺒﺎﺹ ...
ﻧﺰﻟﺖ ... ﺳﻜﺮﻭﺍ ﺍﻟﺒﻨﺎﺕ ﺍﻟﻠﻲ ﻣﻌﺎﻫﺎ ﺍﻟﺒﺎﺏ ..
ﻭﻫﻲ ﻛﻤﻠﺖ ﻃﺮﻳﻘﻬﺎ ﺗﺸﻮﻑ ﻓﺘﻠﻴﻔﻮﻧﻬﺎ ..
ﻛﺎﻧﺖ ﻻﺑﺴﻪ ﻓﻮﻕ ﺍﻟﺒﺪﻟﻪ ﻛﺒﻮﻁ ﻗﺼﻴﺮ ﻣﺴﻜﺮﺍﺗﻪ ﻭﻻﻓﻪ ﺷﺎﻝ ﻉ ﺭﻗﺒﻬﺎ ﻭﻻﺑﺴﻪ ﺑﺮﻧﻮﺱ ﺍﻟﻜﺒﻮﻁ ﻓﻮﻕ ﺭﺍﺳﻬﺎ ...
" ﻳﺎﺑﻨﻴﻪ ﻃﺎﺡ ﻣﻨﻚ ﺗﻠﻴﻔﻮﻧﻚ .."
ﻫﻲ ﺯﻱ ﺍﻟﻌﺒﻴﻄﻪ ﺷﺎﻓﺖ ﻟﻮﻃﺎ
" ﻫﻬﻬﻬﻬﻬﻬﻬﻬﻬﻬﻬﻬﻪ " .
ﻗﺎﻣﺖ ﺭﺍﺳﻬﺎ ﺷﺎﻓﺖ ﺗﻠﻴﻔﻮﻧﻬﺎ ﻭﺟﻬﻬﺎ ﻭﻻﺍﺣﻤﺮ ﺷﺒﺤﺖ ﻗﺪﺍﻣﻬﺎ ﻟﻘﺎﺗﻪ ﻫﻮ ﻧﻔﺴﻪ ﻣﺘﺎﻉ ﻣﻮﻗﻒ ﺍﻟﻤﻴﻪ ..
ﺷﺒﺤﺘﻠﻪ ﺷﺒﺤﻪ ﺳﻢ ﻭﻛﻤﻠﺖ ﻃﺮﻳﻘﻬﺎ ... ﻫﻮ ﻫﺎﻟﻤﺮﺓ ﻳﻤﺸﻲ ﻉ ﺭﺟﻠﻴﻪ ..
ﻛﺎﻥ ﻻﺑﺲ ﺳﺮﻭﺍﻝ ﺟﻴﻨﺰ ﺯﻳﺘﻲ ﻭﻣﻦ ﻓﻮﻕ ﻓﺎﻧﻴﻠﻪ ﻫﻮﻳﻪ ﻏﺎﻣﻘﻪ ﻉ ﻛﺒﻮﻁ ﺯﻳﺘﻲ ... ﻭﻣﺎﺷﻲ ﻭﺭﺍﻫﺎ ﻭﻳﻘﻮﻝ ..
ﺍﻟﻤﻌﺘﺼﻢ ﺑﻀﺤﻜﻪ : ﻣﺎﻗﺪﺭﺗﺶ ﻧﺮﻗﺪ ﻟﻴﻠﺘﻬﺎ ﻭﺿﻤﻴﺮﻱ ﻳﺄﻧﺐ ﻓﻴﺎ ﻋﻠﻴﻚ .. ﻭﺍﻟﺤﺎﻝ ﺣﺎﻝ ﺻﻘﻊ ﻭﻫﺮﻭﺏ ﺿﻲ .. ﻗﻠﺖ ﺯﻋﻤﻪ ﻏﺴﻠﺖ ﺑﺪﻟﺘﻬﺎ ﻉ ﺍﻳﺪﻳﻬﺎ !!! ؟؟؟ ..
ﺭﻏﺪﻩ " ﻭﻭﻭﻩ ﻋﻠﻴﺎ ﻣﺮﺯﻥ ﺩﻣﻪ ﻛﺘﺘﺘﺘﻠﻪ .."
ﺍﻟﻤﻌﺘﺼﻢ : ﻗﻮﻟﻲ ﻳﺎﺍﺭﻧﻮﺑﻪ ﻏﺴﻠﺘﻴﻬﺎ ﻉ ﺍﻳﺪﻳﻚ ﻭﻻ ﻓﺎﻟﻐﺴﺎﻟﻪ؟
ﺳﺮﻋﺖ ﺭﻏﺪﻩ ﻣﺸﻴﺘﻬﺎ " ﺩﺭﺭﻩ ﻛﺒﺪﻙ ..."
ﺍﻟﻤﻌﺘﺼﻢ : ﻫﻬﻬﻬﻬﻬﻬﻪ ... ﻏﻴﺮ ﺑﺎﻟﺸﻮﻳﻪ ﻳﺎﺃﺭﻧﻮﺑﻪ ﻣﺶ ﺧﺎﻃﻔﻚ ﺭﻩ ... ﺟﺎﻭﺑﻨﻲ ﻉ ﺳﺆﺍﻟﻲ ﺭﻳﺤﻴﻠﻲ ﺿﻤﻴﺮﻱ ﻭﻧﺘﻮﻛﻞ ..
ﺭﻏﺪﻩ " ﻳﺎﺍﺍﺭﺑﻲ ﺣﺘﻰ ﺍﻟﻤﺴﺎﻓﻪ ﻟﻠﺤﻮﺵ ﻃﻮﻟﺖ .."😣
ﺍﻟﻤﻌﺘﺼﻢ : ﺗﺴﺴﺴﺴﺴﻢ ".. ﻗﺼﺪﻩ ﺗﺴﻤﻌﻲ ..."😂 ﻉ ﺍﻳﺪﻳﻚ ﻭﻻﻓﺎﻟﻐﺴﺎﻟﻪ؟
ﺭﻏﺪﻩ " ﻏﺴﺎﻟﺔ ﻳﻐﺴﻠﻮﻙ ﺍﻥ ﺷﺎﺀ ﺍﻟﻠﻪ .."😖
ﺍﻟﻤﻌﺘﺼﻢ ﻳﻀﺤﻚ ﻋﻠﻴﻬﺎ ﻭﻫﻮ ﻳﺸﻮﻓﻠﻬﺎ ﻛﻴﻒ ﺗﺠﺮﻱ ﺑﺎﻟﺸﻮﻳﻪ ...
ﻭﺭﻏﺪﻩ ﻣﺶ ﻣﺮﻛﺰﺓ ﻉ ﺷﻲ ﺗﺒﻲ ﺗﻮﺻﻞ ﻟﻠﺤﻮﺵ ﻭﺧﻼﺹ ..
ﺍﻟﻤﻌﺘﺼﻢ : ﻫﻴﻴﻴﻲ ﻻﻻﻻﻟﻼﻟﻼﺍﺍﺍﺍﺍﺍ
ﺭﻏﺪﻩ ﺗﺤﺴﺎﺏ ﺍﺷﺒﺢ ﺷﻦ ﺟﺎﻳﻬﺎ ﻭﻗﻔﺖ ﻭﺗﻠﻔﺘﺖ ..
ﺍﻟﻤﻌﺘﺼﻢ ﺑﺈﺑﺘﺴﺎﻣﻪ ﻋﺮﻳﻀﻪ : *****092 " ﻗﻌﺪ ﻳﻤﻞ ﻓﺮﻗﻤﻪ "..
ﺭﻏﺪﻩ ﺷﺒﺤﺘﻠﻪ ﺑﺈﺯﺩﺭﺍﺀ ﻭﺗﻠﻔﺘﺖ ﺍﻟﻘﺪﺍﻡ ﻭﻗﻌﺪﺕ ﺗﺠﺮﻱ ..
ﻫﻮ ﻣﻴﺖ ﺑﺎﻟﻀﺤﻚ ... ﻭﻣﺸﻲ ﻭﺭﺍﻫﺎ ...
ﺍﻟﺸﻨﻄﻪ ﺛﻘﻴﻠﻪ ﻭﺍﻟﺠﻮ ﺻﻘﻊ ﻳﺒﺲ ﺍﻟﻌﻈﺎﻡ ﺍﻟﺤﺮﻛﻪ ﻓﻴﻪ ﺻﻌﺒﻪ ..
ﺩﻫﺸﺖ ﻭﻗﻌﺪﺕ ﺗﻤﺸﻲ ﺑﺎﻟﺸﻮﻳﻪ ..
ﺍﻟﻤﻌﺘﺼﻢ ﺑﻀﺤﻜﻪ؛ ﻭﻻ ﻣﺎﺧﺎﻃﻔﻚ ﻳﺎﺃﺭﻧﻮﺑﻪ ﺍﻟﻠﻪ .. ﺑﺲ ﻧﺒﻲ ﻧﻌﺮﻑ ﺩﺭﺗﻴﻠﻬﻢ ﻃﻠﻴﻪ ﻉ ﺍﻳﺪﻳﻚ ﻭﻻ ﻓﺎﻟﻐﺴﺎﻟﻪ ..
ﺭﻏﺪﻩ ﺑﺘﺒﻜﻲ ﺧﻼﺹ ... ﻗﺮﻳﺐ ﻃﺎﺭﺕ ﻣﻦ ﺍﻟﻔﺮﺣﻪ ﻟﻤﺎ ﺑﺎﻥ ﻋﻠﻴﻬﺎ ﺣﻮﺷﻬﻢ ﻓﺎﺗﺖ ﺗﺠﺮﻱ ...
ﻭﺻﻠﺖ ﻓﻴﻪ ﻓﺘﺤﺖ ﺍﻟﺒﺎﺏ ﺷﺎﻓﺖ ﻟﻠﻤﻌﺘﺼﻢ ..
ﻟﻘﺎﺗﻪ ﻳﺄﺷﺮ ﺑﺄﻳﺪﻳﻪ ﻭﻳﻤﻞ ﻓﻲ ﺍﻟﺮﻗﻢ ... ﺧﺸﺖ ﺻﺮﻓﻘﺖ ﺍﻟﺒﺎﺏ ..
ﺗﺼﺮﻳﻔﻘﺔ ﺩﺍﺭﺕ ﺻﻮﺕ ﺯﻱ ﺍﻷﻧﻔﺠﺎﺭ ..
ﺍﻟﻤﻌﺘﺼﻢ : ﻫﻬﻬﻬﻬﻬﻬﻬﻬﻬﻪ ...
ﻭﺣﺪﻩ ﻣﻦ ﺍﻟﺠﻴﺮﺍﻥ ﻓﻲ ﺣﻮﺷﻬﺎ : ﺍﻧﻔﺠﺎﺭ ﻭﻻ؟
ﺑﻨﺘﻬﺎ : ﺍﻳﻪ ﺣﺘﻰ ﺍﻧﻲ ﺳﻤﻌﺘﻪ ﺍﺷﺒﺢ ﺷﻦ ﻓﺠﺮﻭﺍ ﺗﺎﻧﻲ ...
" ﻣﺎﺗﻘﻮﻟﻮﻟﻴﺶ ﻛﻴﻒ ﻣﺎﺗﻌﺮﻓﺶ ﺳﻠﻒ ﺍﺧﺘﻬﺎ .. ﺍﻧﻲ ﺧﻮﺍﺗﻲ ﻣﺘﺰﻭﺟﺎﺕ ﺳﻼﻓﻬﻢ ﻟﻮﻧﺘﻼﻗﻰ ﻣﻌﺎﻫﻢ ﻓﻲ ﺍﻟﺸﺎﺭﻉ ﻣﺎﻧﻌﺮﻓﻬﻢ "
ﺍﻣﺎ ﺍﻟﻤﻌﺘﺼﻢ ...
ﻟﻒ ﻭﻣﺸﻲ ﻭﻳﻦ ﻣﺎﻓﻲ ﺳﻴﺎﺭﺗﻪ ﺭﻛﺒﻬﺎ ﻭﻫﻮ ﻳﻐﻨﻲ ﻟﺘﺎﻣﺮ : ﻭﺣﺪﻩ ﺯﻳﻚ ﺑﺠﻤﺎﻟﻚ ﺑﺤﻼﻭﺗﻚ ﺑﺸﻘﺎﻭﺗﻚ ﻟﻮ ﻭﻗﻌﺖ ﻓﻲ ﺍﻳﺪﻱ ...
ﻭﺷﻐﻞ ﺳﻴﺎﺭﺗﻪ ﻭﻭﻟﻊ ﻧﻔﺲ ﺍﻷﻏﻨﻴﻪ ﻭﻋﻼ ﺍﻟﺼﻮﺕ ﻭﻃﺎﺭ ﺑﺎﻟﺴﻴﺎﺭﺓ ...
🍁🍁🍁
ﻓﻲ ﻧﻔﺲ ﺍﻟﻮﻗﺖ ﺍﻟﻠﻲ ﺩﺭﺱ ﻓﻴﻪ ﺭﺍﻓﻊ ﺑﺴﻴﺎﺭﺗﻪ ...
ﻧﺰﻝ ﻭﻣﺸﺎﻟﻬﺎ ﻃﻮﻝ ﻧﺰﻟﻬﺎ ﻣﻦ ﺍﻟﺴﻴﺎﺭﺓ .. ﻭﻫﻮ ﺷﺎﺩ ﺫﺭﺍﻋﻬﺎ ﺑﻘﻮﺓ ...
ﻗﻌﺪ ﻳﻜﺮ ﻓﻴﻬﺎ ..
ﻭﺍﺣﺪ ﻣﻦ ﺍﻟﺤﺮﺍﺳﺎﺕ ﻓﺘﺤﻠﻪ ﺑﺎﺏ ﺍﻟﺤﻮﺵ ...
ﻓﻲ ﺩﺭﻭﺝ ﻳﻨﺰﻟﻮﺍ ﻟﻮﻃﺎ ﻭﻳﻮﺻﻠﻮﺍ ﻟﻠﺒﺎﺏ ﺍﻟﺪﺧﻼﻧﻲ ...
" ﺍﻟﺤﻮﺵ ﻣﺒﻨﻲ ﻉ ﻣﺴﺘﻮﻯ ﻣﻨﺨﻔﺾ .. ﺍﻛﻴﺪ ﺷﺎﻳﻔﻴﻦ ﺯﻳﻬﻢ ﺍﻟﺤﻴﺎﺵ ﻫﺎﺩﻡ .."
ﻗﻌﺪ ﻳﺠﺮ ﻓﻴﻬﺎ ﻭﻫﻲ ﺗﺤﺎﻭﻝ ﻣﺎﻃﻴﺤﻴﺶ ...
ﺻﺎﺭ ﻧﻔﺲ ﺍﻟﺸﻲ ﻭﻋﻨﺪ ﺍﺧﺮ ﺩﺭﺟﻪ ﻃﺎﺣﺖ ﻭﻧﻬﻀﻬﺎ ﺑﻄﺮﻳﻘﻪ ﺍﻋﻨﻒ ﻣﻦ ﺍﻟﻤﺮﺓ ﺍﻟﻠﻲ ﻓﺎﺗﺖ ... ﺍﻟﻤﺮﺓ ﻫﺎﺩﻱ ﻛﺎﻥ ﺍﻷﻟﻢ ﺍﻗﻮﻯ .. ﺑﺲ ﻗﻌﺪﺕ ﺗﺒﻜﻲ ﻣﺎﻋﻴﻄﺘﺶ ...
ﻭﺻﻞ ﻓﻲ ﺍﻟﺒﺎﺏ ﻓﺘﺤﻪ ... ﺩﻓﻪ ﺑﺮﺟﻠﻪ ﺍﻧﻔﺘﺢ ﻉ ﻭﺳﻌﻪ ﻭﺑﺼﻮﺕ ﺍﺷﺒﻪ ﺑﺎﻟﺮﻋﺪ : ﺃﻣﻤﻤﻤﺎﺍﺍﺍﺍﻱ ...
ﺍﻣﻪ ﻛﺎﻧﺖ ﻓﻲ ﺍﻟﻜﻮﺟﻴﻨﻪ ﺟﺎﺗﻪ ﺗﺠﺮﻱ .... ﻭﺧﻮﺍﺗﻪ ﻃﻠﻌﻮﺍ ﻣﻦ ﺩﻳﺎﺭﻫﻢ ﻭﻗﺎﻋﺪﻳﻦ ﺑﺒﺪﺍﻟﻴﻬﻢ ﻣﺘﺎﻉ ﺍﻟﻤﺪﺭﺳﻪ ﻣﺎﻟﺤﻘﻮﺵ ﻳﻐﻴﺮﻭﺍ ..
ﺍﻣﻪ ﺷﺒﺤﺖ ﺑﺈﺳﺘﻐﺮﺍﺏ ﻟﻮﻓﺎﺀ : ﺷﻨﻮ ﻓﻲ ...
ﺩﻑ ﻭﻓﺎﺀ ﺟﺖ ﻃﺎﻳﺤﻪ ﻭﻗﺎﻝ : ﺍﻟﺤﻴﻮﺍﻧﻪ ﻫﺎﺩﻱ ﻏﺪﻭﺓ ﺗﻮﻟﻲ ﻣﺮﺗﻲ .. ﻣﻦ ﺗﻮﺍ ﻫﻲ ﻛﻠﺒﻪ ﺗﺤﺖ ﺭﺟﻠﻴﻚ ﺍﻟﻠﻲ ﺗﺒﻴﻪ ﻓﻴﻬﺎ ﺩﻳﺮﻳﻪ ..
ﻓﺠﺮﻳﻪ ﺑﺼﺪﻣﻪ : ﺭﺍﺍﺍﻓﻊ ﺷﻦ ﺗﺨﺮﺭﻑ؟؟ !!!
ﺭﺍﻓﻊ : ﺍﻟﻠﻲ ﺳﻤﻌﺘﻴﻪ ﻭﻟﻒ ﻭﺟﺎﻱ ﺑﻴﻄﻠﻊ ..
ﻓﺠﺮﻳﻪ ﺷﺪﺍﺗﻪ : ﻏﻴﺮ ﻓﻬﻤﻨﻲ ﻣﺶ ﻓﻲ ﺑﻨﻴﻪ ﺗﺎﻧﻴﻪ ﻛﻠﻤﺘﻨﻲ ﻋﻠﻴﻬﺎ ﻭﻗﻠﺖ ﺑﺘﺨﻄﺒﻬﺎ ..
ﺭﺍﻓﻊ ﺗﻠﻔﺖ ﻧﺺ ﺍﻟﺘﻔﺎﺗﻪ ﻭﺷﺒﺢ ﻟﻮﻓﺎﺀ ﺑﻨﻈﺮﺓ ﺣﺎﻗﺪﻩ ﻭﻭﻓﺎﺀ ﺗﺸﺒﺤﻠﻪ ﺑﺨﻮﻑ ﻭﺩﻣﻮﻋﻬﺎ ﻳﻨﺰﻟﻮﺍ ...
ﺭﺍﻓﻊ ﺍﺑﺘﺴﻢ ﺑﺄﺳﺘﻔﺰﺍﺯ : ﻏﻴﺮﺕ ﺭﺍﻳﻲ ﻗﻠﺖ ﻧﺎﺧﺪ ﻭﺣﺪﻩ ﻣﺎﻋﻨﺪﻫﺎ ﺣﺪ ﻧﻜﺴﺐ ﻓﻴﻬﺎ ﺍﺟﺮ ﺧﻴﺮ ﻣﺎﺿﻴﻊ ﻭﺗﺼﻴﻊ ...
ﻭﻓﺎﺀ ﻛﻼﻣﻪ ﻧﺰﻝ ﻋﻠﻴﻬﺎ ﺯﻱ ﺍﻟﺴﻢ ...
ﻟﻒ ﻭﻃﻠﻊ ﻭﺭﻓﻊ ﺍﻟﺒﺎﺏ ﻭﺭﺍﻩ ﺑﻘﻮﺓ ...
ﺍﻣﻪ ﻗﻌﺪﺕ ﺗﺸﻮﻑ ﻟﻮﻓﺎﺀ ﻭﺧﻮﺍﺗﻪ ﺣﺘﻰ ﻫﻤﺎ ...
ﻓﺠﺮﻳﻪ ﺭﻛﺰﺕ ﻋﻠﻴﻬﺎ ... ﺑﺎﻛﻴﻪ ﻭﺧﺎﻳﻔﻪ ﻭﺣﺎﻟﺘﻬﺎ ﺣﺎﻟﻪ ..
ﻭﻃﻴﺒﺔ ﻗﻠﺐ ﻓﺠﺮﻳﻪ ﻣﺎﻓﻴﺶ ﺯﻳﻬﺎ ... ﻭﺟﻌﺘﻬﺎ ﻫﻠﺒﻪ ...
ﻗﺮﺑﺖ ﻣﻨﻬﺎ ﻭﻧﺰﻟﺘﻠﻬﺎ : ﺑﻨﻴﺘﻲ ﻧﻮﺿﻲ ﻣﻌﺎﻱ ..
ﻭﻓﺎﺀ ﺧﺎﻳﻔﻪ ﺗﺸﻮﻓﻠﻬﺎ ﺑﺲ ..
ﺣﻄﺖ ﻓﺠﺮﻳﻪ ﻳﺪﻫﺎ ﻉ ﻛﺘﻔﻬﺎ ؛ ﻧﻮﺿﻲ ﻣﺎﻣﺎ ﻧﻮﺿﻲ ﺑﻨﻴﺘﻲ ﺗﻌﺎﻟﻲ ﻣﻌﺎﻱ ﻭﻣﺎﺗﺨﺎﻓﻴﺶ ...
ﻧﺒﺮﺓ ﺻﻮﺕ ﻓﺠﺮﻳﻪ ﺍﻟﺤﻨﻮﻧﻪ ﺫﻛﺮﺕ ﻭﻓﺎﺀ ﺑﺄﻣﻬﺎ ... ﻗﻠﺒﻬﺎ ﻣﺎﻝ ﻟﻔﺠﺮﻳﻪ ﻭﺍﻃﻤﻨﻠﻬﺎ ... ﻧﺎﺿﺖ ﻭﻓﺠﺮﻳﻪ ﻧﺎﺿﺖ ﻣﻌﺎﻫﺎ ﻭﺷﺒﺤﺖ ﻟﺒﻨﺎﺗﻬﺎ : ﻫﻴﺎ ﺑﺪﻟﻮﺍ ﻭﺻﻠﻮﺍ ﺍﻟﻐﺪﻱ ﻭﺍﺗﻲ ...
ﻭﺭﻓﻌﺖ ﻭﻓﺎﺀ ﻣﻌﺎﻫﺎ ...
ﺭﻭﻻﺑﺈﺳﺘﻐﺮﺍﺏ : ﻓﻬﻤﺘﻲ ﺣﺎﺟﻪ؟؟
ﻧﺠﻼ ﺑﻨﻔﺲ ﺍﻟﺤﺎﻟﻪ : ﺗﺴﺘﺲ ... ﻣﺸﺖ ﻟﻠﺪﺍﺭ ﻭﺍﺧﺘﻬﺎ ﻟﺤﻘﺘﻬﺎ ..
***
ﺑﻌﺪ ﺍﻟﻌﺼﺮ ..
ﻧﺎﺯﻝ ﻣﻦ ﺍﻟﺪﺭﻭﺝ ﻭﻫﻮ ﺑﻜﺎﻣﻞ ﺍﻧﺎﻗﺘﻪ ﻭﻋﻄﺮﻩ ﻳﺠﻴﺐ ﻣﻦ ﻭﻳﻦ .. ﻟﻤﺎ ﻗﺮﺏ ﻣﻦ ﺍﻟﻜﻮﺟﻴﻨﻪ ﻃﻠﻊ ﺗﻠﻴﻔﻮﻧﻪ ﻭﺣﻂ ﻉ ﺭﻗﻢ ﻣﻌﻴﻦ ﻭﺍﺗﺼﻞ ﻭﺧﺶ ﻟﻠﻜﻮﺟﻴﻨﻪ ...
: ﻳﺎﻫﻼ ﺑﺎﻟﻌﺴﺴﻞ ...... ﺍﻳﻪ .......
ﻫﻬﻬﻬﻬﻬﻬﻪ ... ﻣﺴﺎﻓﺔ ﺍﻟﻄﺮﻳﻖ ... ﺗﻲ ﻣﺴﺘﺎﺣﺸﻚ ﻟﻠﻮﺡ ..
ﻫﻲ ﻭﺍﻗﻔﻪ ﻉ ﺍﻟﻐﺎﺯ ﺍﻃﻴﺐ ﻓﻲ ﺍﻟﻘﻬﻮﺓ ﺗﺴﻤﻊ ﺑﺒﺮﻭﺩ ﻭﻻﻫﻤﻬﺎ ..
: ﺍﻳﻴﻴﻪ .... ﻭﻭﻭﻭﻩ ﻣﻨﻚ ﺍﻧﺘﻲ .... ﺗﻤﺎﻡ ﻳﺎﻋﺴﻞ ... ﻃﻴﺮﺍﺍﺍﻥ ... ﺑﺎﻫﻲ ... ﺍﻣﻤﻤﻤﻤﻤﻤﻤﻮﺍﻩ ... ﻭﺻﻜﺮ ..
ﺍﺑﺘﺴﻤﺖ ﺑﺘﻬﻜﻢ ...
ﻫﻮ ﺷﺒﺤﻠﻬﺎ : ﻃﺎﻟﻊ ﻣﺎﺗﺒﻮﺍ ﺷﻲ ...
ﺟﻴﺎﻧﺎ ﻭﻫﻲ ﺗﺠﻴﺐ ﻓﻲ ﻓﻨﺠﺎﻥ : ﻛﺮﺍﺳﺎﺕ ﻟﻠﻤﺎ ... ﻭﺳﺒﻴﺪﻭﺍ ﻟﻘﻴﺲ ..
ﺍﻧﻮﺭ : ﺍﻧﺘﻲ ﻣﺎﺗﺒﻲ ﺷﻲ؟
ﺟﻴﺎﻧﺎ ﻭﻫﻲ ﺗﺼﺐ ﻓﻲ ﺍﻟﻘﻬﻮﺓ : ﻻ ...
ﺍﻧﻮﺭ ﻗﻌﺪ ﻳﺸﻮﻓﻠﻬﺎ ﺷﻮﻳﻪ ﺑﻌﺪﻳﻦ ﻗﺎﻝ : ﺑﻨﺮﻭﺡ ﻣﺄﺧﺮ ...
ﺧﺪﺕ ﺍﻟﻘﻬﻮﺓ ﻭﺑﺘﻄﻠﻊ ﺑﺮﺍ : ﺧﻮﺩ ﺭﺍﺣﺘﻚ ..
ﺷﺎﻓﻠﻬﺎ ﺑﻨﻈﺮﺓ ﻋﻴﻦ ﻣﺤﺒﻮﺳﻪ ﻓﻴﻬﺎ ﺍﻟﺪﻣﻌﻪ ... ﻃﻠﻊ ﻣﻦ ﺍﻟﻜﻮﺟﻴﻨﻪ ..
ﻫﻲ ﻗﻌﻤﺰﺕ ﻉ ﻛﺮﺳﻲ .. ﻭﺗﺸﺮﺏ ﻓﻲ ﺍﻟﻘﻬﻮﺓ ..
ﺻﺢ ﺻﻘﻊ ﺑﺲ ﻫﻲ ﻣﺎﺯﺍﻟﺖ ﺍﺑﺮﺩ ﺑﻬﻠﺒﻪ .. ﺑﺮﻭﺩ ﺣﻴﺎﺗﻬﺎ ﺧﻼ ﻋﻨﺪﻫﺎ ﻣﻨﺎﻋﻪ ﺻﻘﻊ ﺍﻟﺸﺘﻲ ﻣﺎﻳﺄﺛﺮﺵ ﻓﻴﻬﺎ ...
ﺳﺮﺣﺖ ﺑﺘﻔﻜﻴﺮﻫﺎ ﻓﻲ ﻣﺎﺿﻲ ﺍﻟﺒﻄﻞ ﻣﺘﺎﻋﻪ ﻣﺎﺯﺍﻝ ﻋﺎﻳﺶ ﻣﻌﺎﻫﺎ ﻓﻴﻪ ...
ﻓﻼﺵ ﺑﺎﻙ ..
...2003
ﺟﺎﻣﻌﺔ ﺍﻟﻔﺎﺗﺢ " ﺁﻧﺬﺍﻙ .."
ﻭﺍﻗﻒ ﻋﻠﻴﻬﺎ ﻭﻳﻬﺪﺭﺯﻭﺍ ..
ﺍﺣﻤﺪ : ﺗﻌﺮﻓﻲ ﻛﺎﻥ ﻣﺎﻧﺎﺧﺪﻙ ﻧﻨﻬﺒﻞ .
ﺟﻴﺎﻧﺎ ﺑﻀﺤﻜﻪ : ﻣﺶ ﻭﺍﺧﺪﻧﻲ ﻏﻴﺮﻙ ﺍﻃﻤﻦ ..
ﺍﺣﻤﺪ ﺗﻨﻬﺪ : ﺍﺍﺍﻩ ﻳﺎﺟﻴﺎﻧﺎ ... ﺿﺮﺏ ﻉ ﺻﺪﺭﻩ .. ﻟﻮ ﺗﺤﻘﻲ ﺍﻟﻨﺎﺭ ﺍﻟﻠﻲ ﺷﺎﻋﻠﻪ ﻫﻨﺎ ﺑﺲ ﻭﺗﺤﺴﻲ ﺑﻴﺎ ..
ﺟﻴﺎﻧﺎ ﺍﺑﺘﺴﻤﺖ ﺑﺨﺠﻞ؛ ﺣﺎﺳﻪ ﺑﻴﻚ ﻳﺎﻭﺩﻱ ﻣﺶ ﺑﺎﻟﺤﻖ ﻫﻴﺎ ..
ﺍﺣﻤﺪ : ﻫﻬﻬﻬﻬﻬﻬﻬﻬﻬﻪ ... ﺗﻮ ﻧﻌﻠﻤﻚ ﺗﺤﻜﻲ ﺷﺮﻗﺎﻭﻱ ﻛﻮﻳﺲ ﻭﺍﻧﺘﻲ ﺗﻌﻠﻤﻴﻨﻲ ﺑﺮﺑﺮﻱ ..
ﺟﻴﺎﻧﺎ ﺿﺮﺑﺎﺗﻪ ﻉ ﻛﺘﻔﻪ : ﺃﻣﺎﺯﻳﻐﻲ ﻳﺎﻣﺘﺨﻠﻒ ﺷﻦ ﺑﺮﺑﺮﻱ ﻫﺎﺩﻱ ..
ﺍﺣﻤﺪ ﺑﻀﺤﻜﻪ : ﺍﺳﻒ ﻟﺨﺒﻄﺘﺖ ...
ﺟﻴﺎﻧﺎ ﺿﺤﻜﺖ ﺑﻌﺪﻳﻦ ﻗﺎﻟﺖ : ﺑﺲ ﺍﻧﻲ ﻋﻄﻴﺘﻚ ﺍﻭﻝ ﺩﺭﺱ ﺗﺮﺍ ﻧﺮﺍﺟﻌﻠﻚ .. ﻗﻮﻟﻲ ﺷﻦ ﻋﻠﻤﺘﻚ ..
ﺍﺣﻤﺪ ﺷﺒﺢ ﻟﻌﻴﻮﻧﻬﺎ ﺑﻬﻴﺎﻡ ﻭﻗﺎﻝ : ﺧﺴﻐﺎﻡ 💖 " ﻧﺤﺒﻚ ﻟﻠﺒﻨﺖ ﺑﺎﻷﻣﺎﺯﻳﻐﻲ .."
ﺟﻴﺎﻧﺎ ﻭﻫﻲ ﺗﺸﻮﻓﻠﻪ ﺑﻨﻈﺮﺓ ﻛﻠﻬﺎ ﺣﺐ : ﺍﺧﺴﻐﺎﻙ "💖 ﻧﺤﺒﻚ ﻟﻠﻮﻟﺪ ﺑﺎﻷﻣﺎﺯﻳﻐﻲ ..."
ﺍﺣﻤﺪ ﻣﻦ ﻗﻮﺓ ﻣﺸﺎﻋﺮﻩ ﺷﺪ ﻳﺪﻫﺎ ... ﻫﻲ ﺗﻘﺸﻌﺮﺕ ﻭﺳﺤﺒﺘﻬﺎ ..
ﺟﻴﺎﻧﺎ : ﺍﺣﻤﺪ !🐡
ﺍﺣﻤﺪ ﺑﻬﻴﺎﻡ : ﻣﺶ ﺑﻴﺪﻱ ﻭﺍﻟﻠﻪ ..💓
ﺍﺑﺘﺴﻤﺖ ﺟﻴﺎﻧﺎ ﺑﺨﺠﻞ ﺑﻌﺪﺕ ﻋﻨﻪ ﻭﻣﺸﺖ ﺑﺴﺮﻋﻪ ..
ﻫﻮ ﺿﺤﻚ ﺑﻌﺪﻳﻦ ﺗﻨﻬﺪ ﻭﻟﺤﻘﻬﺎ ..
ﺍﻟﻮﻗﺖ ﺍﻟﺤﺎﺿﺮ ..
ﻧﺰﻟﺖ ﻣﻦ ﻋﻴﻨﻬﺎ ﺩﻣﻌﺔ ﺃﻟﻢ ... ﻳﻮﻣﻴﺎ ﻫﺎﻟﺪﻣﻌﻪ ﺗﻨﺰﻝ ﻉ ﺧﺎﻃﺮﻩ ..
ﻣﻤﻜﻦ ﺗﻘﻮﻟﻮﺍ ﻫﻲ ﻉ ﺫﻣﺔ ﺭﺍﺟﻞ ﻭﻗﻠﺒﻬﺎ ﻣﻊ ﻏﻴﺮﻩ؟ !
ﺍﻳﻪ ﻏﻠﻂ ... ﺑﺲ ﺍﻟﻘﻠﻮﺏ ﻣﺶ ﺑﺈﻳﺪﻳﻨﺎ ... ﻫﻲ ﻋﻤﺮﻫﺎ ﻣﺎﺧﺎﻧﺖ ﺭﺍﺟﻠﻬﺎ ﺑﺄﻓﻌﺎﻟﻬﺎ .. ﺑﺲ ﻣﺶ ﻗﺎﺩﺭﻩ ﺗﺘﺤﻜﻢ ﻓﻘﻠﺒﻬﺎ ﺍﻟﻠﻲ ﺭﺍﻓﺾ ﻳﻨﺒﺾ ﻏﻴﺮ ﻷﻭﻝ ﺣﺪ ﻧﺒﻀﻠﻪ ﻓﻲ ﺣﻴﺎﺗﻪ ﻛﻠﻬﺎ ..
ﺣﺐ ﺍﻟﻤﺮﺍﻫﻘﻪ ﻭﺍﻟﺸﺒﺎﺏ .. ﻭﻟﻌﻨﺪ ﻫﺎﻟﻠﺤﻈﻪ ﻫﺎﻟﺤﺐ ﻗﺎﻋﺪ ﻳﻜﺒﺮ ﻓﻬﺎﻟﻘﻠﺐ ...
🍁 ﺟﻴﺎﻧﺎ ﻭﺍﺣﻤﺪ ﺣﺒﻮﺍ ﺑﻌﻀﻬﻢ ﻓﻲ ﺳﻦ ﺍﻟﻤﺮﺍﻫﻘﻪ ..
ﻛﺎﻥ ﻋﻤﺮ ﺍﺣﻤﺪ 16 ﺳﻨﻪ ﻟﻤﺎ ﺍﻧﺘﻘﻠﻮﺍ ﻣﻦ ﺑﻨﻐﺎﺯﻱ ﻟﻄﺮﺍﺑﻠﺲ ﺑﺴﺒﺐ ﺷﻐﻞ ﻭﺍﻟﺪﻩ ...
ﺳﻜﻨﻮﺍ ﻓﻲ ﺣﻮﺵ ﻣﻦ ﺍﻟﺤﻴﺎﺵ ﺍﻟﻤﻘﺎﺑﻠﻪ ﻟﺤﻮﺵ ﺍﻫﻞ ﺟﻴﺎﻧﺎ ..
ﺗﻌﺮﻓﻮﺍ ﻋﻠﻴﻬﻢ ﺍﻫﻞ ﺍﻟﺤﻲ ﻭﺑﻤﺎ ﻓﻴﻬﻢ ﻋﻴﺸﻪ ﻭﻣﺼﺒﺎﺡ ..
ﻭﻗﻌﺪﻭﺍ ﻳﻤﺸﻮﺍ ﻉ ﺑﻌﺾ ﻭﻳﺠﻮﺍ ...
ﺑﺲ ﻣﺎﻛﺎﻧﺘﺶ ﻓﻲ ﺧﻠﻄﻪ ﻗﻮﻳﻪ ﻫﻠﺒﻪ ﺑﻴﻦ ﺻﻐﺎﺭﻫﻢ ...
ﺑﻌﺪ ﻋﺎﻡ ﻣﻦ ﺳﻜﻨﺘﻬﻢ ﺍﺧﺖ ﺍﺣﻤﺪ ﺍﻟﻜﺒﻴﺮﺓ ﺩﺍﺭﺕ ﻋﺮﺳﻬﺎ ...
ﻭﻣﺸﻮﺍ ﺣﻀﺮﻭﺍ ﻛﻠﻬﻢ ...
ﻧﻬﺎﺭ ﺍﻟﻜﺴﻮﺓ ﻓﻲ ﺍﻟﻌﺸﻴﻪ ...
ﺳﻨﻪ ...2000
ﻛﺎﻥ ﺻﻴﻒ ..
ﺟﻴﺎﻧﺎ ﺍﻟﻠﻲ ﻛﺎﻥ ﻋﻤﺮﻫﺎ 15 ﺳﻨﻪ ﻭﺍﻗﻔﻪ ﻣﻊ ﺑﻨﺎﺕ ﺍﻟﺠﻴﺮﺍﻥ ﻭﻳﺸﻮﻓﻮﺍ ﻓﻲ ﻓﻲ ﺍﻟﻌﺰﺍﻳﺰ ﺍﻟﻜﺒﺎﺭ ﻛﻴﻒ ﻳﻐﻨﻮﺍ ﻏﻨﻲ ﺛﺮﺍﺗﻲ ﺣﻠﻮ ..
ﻭﺟﻮﻫﻢ ﻣﻤﻴﺰ ..
ﻋﻴﺸﻪ : ﺟﻴﺎﻧﺎ ﻣﺎﻣﺎ ﺑﺮﻱ ﺷﻮﻓﻲ ﻧﻮﻣﻴﺪﻳﺎ ﻭﺍﻳﻤﻦ ﻭﻳﻦ ﻣﺸﻮﺍ ..
ﺟﻴﺎﻧﺎ : ﺣﺎﺿﺮ ..
ﻣﺸﺖ ﻭﻗﻌﺪﺕ ﺍﺩﻭﺭ ﻓﻴﻬﻢ ﻓﻲ ﺍﻟﺠﻨﺎﻥ ﺍﻟﻠﻲ ﻛﺎﻥ ﻛﺒﻴﺮ ﻟﻘﺘﻬﻢ ﻳﺠﺮﻭﺍ ﻣﻊ ﺍﻟﺼﻐﺎﺭ ..
ﺟﻴﺎﻧﺎ : ﺍﻳﻤﻦ ﻧﻮﻣﻴﺪﻳﺎ ﺗﻌﺎﻟﻮﺍ ..
ﺟﺘﻬﺎ ﻧﻮﻣﻴﺪﻳﺎ ﻟﻜﻦ ﺍﻳﻤﻦ ﻃﻨﺶ ﻭﻗﻌﺪ ﻳﻠﻌﺐ ﺑﺎﻟﺪﺭﺍﺟﻪ ...
ﺟﻴﺎﻧﺎ ﺑﺼﻮﺕ ﻋﺎﻟﻲ : ﺍﻳﻤﻤﻤﻤﻦ ﺍﻧﺰﺯﺯﻝ ..
ﺍﻳﻤﻦ : ﺷﻮﻳﻪ ﺑﺲ ...
ﺟﻴﺎﻧﺎ : ﻻﺷﻮﻳﻪ ﻻﻫﻠﺒﻪ .. ﻭﻣﺸﺘﻠﻪ ..
ﻫﻮ ﻗﻌﺪ ﻳﺠﺮﻱ ﺑﺎﻟﺪﺭﺍﺟﻪ ....
ﺟﻴﺎﻧﺎ : ﺗﻌﺎﻟﻰ ﺟﺎﻱ ... ﻭﻗﻌﺪﺕ ﺗﺠﺮﻱ ﻭﺭﺍﻩ ﻭﻧﻮﻣﻴﺪﻳﺎ ﺗﺠﺮﻱ ﻣﻌﺎﻫﺎ ﻭﺗﻀﺤﻚ ... ﺍﻧﺰﻝ ﺍﻳﻤﻦ ... ﻭﺍﻟﻠﻪ ﻧﺤﺮﺵ ﻓﻴﻚ ﺑﺎﺑﺎ ..
ﻗﻌﺪﺕ ﺗﺠﺮﻱ ... ﺧﻼﺹ ﺑﺘﻠﺤﻖ ﻋﻠﻴﻪ ﻭﻫﻲ ﻣﺶ ﻣﺮﻛﺰﺓ ﻉ ﺣﺪ ﻏﻴﺮﻩ ..
ﺍﻳﻤﻦ ﻏﻴﺮ ﻃﺮﻳﻘﻪ ... ﻭﻫﻲ ﻣﻌﺎﺵ ﻗﺪﺭﺕ ﺗﺸﺪ ﺭﻭﺣﻬﺎ ...
ﺭﺍﺳﻬﺎ ﺍﻧﻀﺮﺏ ﻓﻲ ﺣﺎﺟﻪ ...
ﻭﻗﻔﺖ ﻭﺭﻓﻌﺎﺗﻪ ﻭﺍﻧﺼﺪﻣﺖ ﻗﺮﻳﺐ ﻣﺎﺗﺖ ...
ﺟﻴﺎﻧﺎ : ﺍﺳﻔﻪ ..😳
ﻛﺎﻥ ﻭﺍﻗﻒ ﻣﺴﺘﻮﻩ ﻓﻴﻬﺎ ... ﻛﺎﻧﺖ ﻻﺑﺴﻪ ﻓﻘﻄﺎﻥ ﺍﺯﺭﻕ ﺻﺎﺩﺍ ﻃﻮﻟﻪ ﻭﺍﺻﻞ ﻟﻠﺮﻛﺒﻪ ﻣﻦ ﻏﻴﺮ ﻛﻤﺎﻡ ﻣﺨﺼﺮ ﻣﻦ ﺍﻟﻨﺺ ﻭﻣﻦ ﺗﺤﺖ ﻭﺍﺳﻊ .. ﻭﻫﻲ ﺑﻴﻀﺎ ﻭﺍﻟﻌﻴﻮﻥ ﻛﺒﺎﺭ ﻣﻠﻮﻧﺎﺕ ﻭﺍﻟﺸﻌﺮ ﺍﺻﻔﺮ ﻓﻲ ﺍﻟﺬﻫﺒﻲ ﻭﺍﻟﻨﻘﺶ ﻳﻬﺒﻞ ... ﻋﻴﻮﻧﻪ ﺑﻴﺎﻛﻠﻮﻫﺎ ..
ﺟﻴﺎﻧﺎ ﺗﺤﺸﻤﺖ ﻣﻦ ﻧﻈﺮﺍﺗﻪ ﻟﻔﺖ ﻭﻗﻌﺪﺕ ﺗﺠﺮﻱ ...
ﻭﻧﻮﻣﻴﺪﻳﺎ ﻟﺤﻘﺘﻬﺎ ...
ﺍﻣﺎ ﺍﺣﻤﺪ ﻛﺎﻥ ﻭﺍﻗﻒ ﺟﺎﻣﺪ ﻓﻲ ﻣﻜﺎﻧﻪ ﻭﺿﺎﻳﻊ ﻭﻗﻠﺒﻪ ﺑﻴﺸﻖ ﺻﺪﺭﻩ ﻣﻦ ﻗﻮﺓ ﺍﻟﺪﻕ 💓...
ﺟﻤﻌﺘﻬﻢ ﻫﻠﺒﻪ ﻣﻮﺍﻗﻒ ﻓﻲ ﺍﻟﻌﺮﺱ ﻭﺷﺮﺍﺭﺓ ﺍﻟﺤﺐ ﺑﺪﺕ ﻣﻨﻪ ...
ﻣﻦ ﻳﻮﻣﻬﺎ ﻭﺍﻟﺰﻭﺯ ﻣﻴﺘﻴﻦ ﻓﺒﻌﺾ ﻭﻻﻫﻲ ﺗﺸﻮﻑ ﻏﻴﺮ ﺍﺣﻤﺪ ﻭﻻﺍﺣﻤﺪ ﻗﺎﺩﺭ ﻳﺸﻮﻑ ﻟﻐﻴﺮﻫﺎ ...
ﺭﺳﻤﻮﺍ ﺣﻴﺎﺗﻬﻢ ﻣﻊ ﺑﻌﺾ ﻭﺧﻄﻄﻮﻟﻬﺎ ﻭﺍﺣﻼﻣﻬﻢ ﻛﺎﻧﺖ ﺗﻜﺒﺮ ﻫﻠﺒﻪ ..
ﺑﺲ ﺍﻟﻨﺼﻴﺐ .... ﺍﻭ ﻻ ﻣﺶ ﺍﻟﻨﺼﻴﺐ ﺷﻲ ﺗﺎﻧﻲ ﻫﻮ ﺍﻟﻠﻲ ﻓﺮﻕ ﺑﻴﻨﺎﺗﻬﻢ ...
ﻭﻣﻊ ﺍﻟﻮﻗﺖ ﺣﻨﻌﺮﻓﻮﻩ ....
****
ﻗﻌﻤﺰﺕ ﻓﻲ ﺍﻟﺪﺍﺭ ﺑﺘﻘﺮﺍ ...
ﻓﺘﺤﺖ ﺷﻨﻄﺘﻬﺎ ﻭﺑﺪﺕ ﺍﻃﻠﻊ ﻓﻲ ﻛﺘﺎﺑﺎﺗﻬﺎ ..
ﻭﻫﻲ ﺍﻃﻠﻊ ﻓﻴﻬﻢ ﺗﻨﻄﺮﺕ ﻭﺭﻗﻪ ﻣﻄﺒﻘﻪ ﺍﺳﺘﻐﺮﺑﺖ ﻟﻤﺎ ﺷﺎﻓﺘﻬﺎ ...
ﺧﺪﺗﻬﺎ ﻭﻓﺘﺤﺘﻬﺎ ﻟﻘﺖ ﻓﻴﻬﺎ ﺭﻗﻢ ﻣﻜﺘﻮﺏ ﻓﻮﻗﻪ ﺍﻟﺴﻨﻲ
ﺻﻠﻴﺤﻪ ﺑﺼﺪﻣﻪ؛ ﺍﻟﺤﻴﻮﺍﻥ ﻛﻴﻒ ﺣﻄﻪ ﻓﻲ ﺍﻟﺸﻨﻄﻪ !!
ﺑﻌﺪﻳﻦ ﺍﺫﻛﺮﺕ ﺭﻭﺣﻬﺎ ﻟﻤﺎ ﻧﺰﻟﺖ ﻭﺧﺪﺕ ﺣﺎﺟﺎﺕ ﻣﻦ ﺍﻟﻤﺤﻞ ﻭﺧﻠﺖ ﺷﻨﻄﺘﻬﺎ ﻓﻲ ﺍﻟﺒﺎﺹ ..
ﺷﺒﺤﺖ ﻟﻠﺮﻗﻢ ﺑﻐﻞ ... ﺣﻄﺎﺗﻪ ﻓﻲ ﺍﻟﺸﻨﻄﺔ ﻭﻓﺒﺎﻟﻬﺎ ﺷﻲ ﺗﺒﻲ ﺍﺩﻳﺮﻩ ..
ﺟﺖ ﺑﺘﻔﺘﺢ ﻛﺘﺎﺑﻪ ... ﺧﻄﺮ ﻋﻠﻴﻬﺎ ... ﺷﺒﺤﺖ ﻟﺘﻠﻴﻔﻮﻧﻬﺎ .. ﺧﺪﺍﺗﻪ ﺗﻨﻬﺪﺕ ﻭﺧﺸﺖ ﻉ ﺍﻟﻤﺎﺳﻨﺠﺮ ﻟﻘﺖ ﺍﻟﺤﻈﺮ ﻗﺎﻋﺪ ﺍﺿﺎﻳﻘﺖ ﻉ ﺍﻵﺧﺮ ... ﺷﺪﺕ ﺩﻣﻌﺘﻬﺎ ﻭﺭﺩﺕ ﺍﻟﺘﻠﻴﻔﻮﻥ ﻟﻤﻜﺎﻧﻪ ﻭﺷﺪﺕ ﻛﺘﺎﺑﻬﺎ ﺗﺤﺎﻭﻝ ﺗﻠﻬﻲ ﺭﻭﺣﻬﺎ ﺑﺎﻟﻘﺮﺍﻳﻪ ..
🍁🍁🍁
ﻫﻮ ﻛﺎﻥ ﻣﻘﻌﻤﺰ ﻣﻊ ﺍﺧﺘﻪ ﻓﻲ ﺩﺍﺭﻩ ﻭﻳﻬﺪﺭﺯﻭﺍ ...
ﺳﻠﺴﺒﻴﻞ : ﺍﻟﺒﻨﻴﻴﻪ ﺧﺎﺍﻳﻔﻪ ﻉ ﺭﻭﻭﺣﻬﺎﺍﺍ ﻣﺎﺗﻨﻼﺍﺍﻣﺶ ..
ﺻﻬﻴﺐ ﺗﻨﻬﺪ : ﺍﻧﻲ ﻭﺍﻟﻠﻪ ﺣﺴﻦ ﺍﻟﻨﻴﻪ ﻣﻌﺎﻫﺎ ..
ﺳﻠﺴﺒﻴﻞ : ﻋﺎﺭﻓﻪ ﺣﺒﻴﻴﻴﺒﻲ ﺑﺲ ﻫﻲ ﻣﺎﺍﺍﺗﻌﺮﻓﻜﺶ ﻫﻴﺎﺍﺍ ﻛﻠﻬﺎ ﻣﻌﺮﻓﺔ ﻧﺖ ﻣﺎﺍﺍﻓﻴﻬﺎﺍﺵ ﺍﻣﺎﻥ ﻭﻫﻴﻲ ﺑﻨﺖ ..
ﺻﻬﻴﺐ : ﻭﺍﻟﺤﻞ؟
ﺳﻠﺴﺒﻴﻞ ﺷﺒﺤﺘﻠﻪ ﺷﻮﻳﻪ ﺑﻌﺪﻳﻦ ﻗﺎﻟﺖ : ﺩﻳﺮﻭﻭﺍ ﻣﻮﻋﺪ ﺗﺸﻮﻓﻮﻭﺍ ﺑﻌﺾ ..
ﺷﺒﺤﻠﻬﺎ ﺑﺤﺪﻩ : ﺳﻠﺴﺒﻴﻞ !
ﺳﻠﺴﺒﻴﻞ : ﻋﻼﺍﺍﺵ ﻻﺍﺍ ﻫﻴﺒﻮ ..
ﺻﻬﻴﺐ ﺑﺮﻓﻌﺔ ﺣﻮﺍﺟﺐ : ﻋﻼﺍﺍﺍﺵ .. ﺗﺴﺘﻌﺒﻄﻲ ﺳﻠﺴﺒﻴﻞ؟ !!
ﺳﻠﺴﺒﻴﻞ : ﻳﺎﺻﻬﻲ ...
ﺻﻬﻴﺐ ﻗﺎﻃﻌﻬﺎ ﺑﺼﻮﺕ ﻋﺎﺍﻟﻲ ﻭﻫﻮ ﻣﻐﻤﺾ ﻋﻴﻮﻧﻪ : ﺍﻃﻠﻌﻴﻴﻲ ﺑﺮﺍﺍﺍﺍ ..
ﺳﻠﺴﺒﻴﻞ ﺍﻧﺨﻠﻌﺖ ﻭﻧﺎﺿﺖ : ﺑﺎﺍﺍﻫﻲ .. ﺣﺎﺍﺍﺿﺮ ... ﻃﻮﻝ ﻃﻠﻌﺖ ﻭﺻﻜﺮﺕ ﺍﻟﺒﺎﺏ ..
ﻭﻫﻮ ﻗﻌﺪ ﻳﺒﻜﻲ ﺑﻘﻬﺮ ﻭﻳﺸﺒﺢ ﻟﺮﺟﻠﻴﻪ ... ﻗﻌﺪ ﻳﺨﺒﻂ ﻋﻠﻴﻬﻢ ﺑﻘﻮﺓ ..
ﻭﺍﺧﺘﻪ ﺗﺴﻤﻊ ﻓﻴﻪ ﻭﺗﺒﻜﻲ ...
ﺣﻂ ﺍﻳﺪﻳﻪ ﻉ ﻋﻴﻮﻧﻪ ﻭﻗﻌﺪ ﻳﺒﻜﻲ ﺑﺎﻟﻌﺒﺮﺓ ...
ﻭﻳﺎﻗﺪﺍﺵ ﻓﻲ ﻣﻦ ﺻﻬﻴﺐ ﺭﺍﺣﻮﺍ ﺿﺤﻴﻪ ﻟﻠﺼﺮﺍﻋﺎﺕ ﺑﻘﺼﺪ ﻭﺩﻭﻥ ﻗﺼﺪ ... ﻓﻲ ﺍﻟﻠﻲ ﻣﺎﺕ ﻣﻮﺗﻪ ﻭﺣﺪﻩ .. ﻭﻓﻲ ﺍﻟﻠﻲ ﻳﻤﻮﺕ ﻓﻲ ﺃﻟﻒ ﻣﻮﺗﻪ ﻓﻲ ﺍﻟﺪﻗﻴﻘﻪ 💔
***
ﺗﻼﺗﻪ ﺳﻴﺎﺭﺍﺕ ﺩﺭﺳﻮﺍ ﻗﺪﺍﻡ ﻭﺣﺪﻩ ﻣﻦ ﺍﻟﻌﻤﺎﺭﺍﺕ ..
ﻧﺰﻟﻮﺍ 8 ﻣﻦ ﺳﻴﺎﺭﺗﻴﻦ ﺗﻮﺯﻋﻮﺍ ﻓﻲ ﺍﻟﺸﺎﺭﻉ ﻛﻠﻪ ..
ﻭﺣﺪﻩ ﻣﻨﻬﻢ ﻧﺰﻝ ﻣﻨﻬﺎ ... ﻭﻓﻲ ﻳﺪﻩ ﺳﻼﺣﻪ ...
ﺧﺶ ﻟﻠﻌﻤﺎﺭﻩ ... ﺭﻛﺐ ﻟﻠﺪﻭﺭ ﺍﻻﻭﻝ .. ﻭﺻﻞ ﻓﻲ ﺍﻟﺸﻘﻪ ﺍﻟﻤﻄﻠﻮﺑﻪ ..
ﻃﻖ ﺍﻟﺒﺎﺏ ﺑﻘﺒﻀﺔ ﺍﻳﺪﻩ ﺑﻘﻮﺓ ...
ﺩﺍﺧﻞ ..
ﻣﻘﻌﻤﺰﺓ ﻣﻊ ﺟﺎﺭﺗﻬﻢ ﻭﺗﺒﻜﻲ ..
ﺳﺎﻣﻴﻪ : ﻳﺎﺣﻠﻴﻠﻲ ﻭﻳﻦ ﻣﺸﺖ ﻭﻳﻦ !!!
ﺳﻤﻌﻮﺍ ﺗﻘﺮﺑﻴﻊ ﺍﻟﺒﺎﺏ ..
ﺟﺎﺭﺗﻬﻢ : ﻳﺎﻭﺍﻗﻲ ﻭﻗﻲ ..
ﻧﺎﺿﺖ ﺳﺎﻣﻴﻪ ﺗﺠﺮﻱ ﻟﻠﺒﺎﺏ ﻓﺘﺤﺎﺗﻪ ... ﺍﻧﺼﺪﻣﺖ ﻭﺧﺎﻓﺖ ﻣﻦ ﺍﻟﻠﻲ ﺷﺎﻓﺎﺗﻪ ﻭﺍﻗﻒ ﻗﺪﺍﻣﻪ ..
ﺭﺍﻓﻊ ﺷﺎﻑ ﻟﺠﺎﺭﺗﻬﺎ ﺍﻟﻠﻲ ﻛﺎﻧﺖ ﻭﺭﺍﻫﺎ ﺍﺷﺮﺑﻴﺪﻩ ﺍﻟﻠﻲ ﻓﻴﻬﺎ ﺍﻟﻤﺴﺪﺱ ﻋﻠﻴﻬﺎ : ﺭﺍﺟﻠﻚ ﻗﺎﻋﺪ ..
ﺍﻟﻤﺮﺍﺓ ﻭﻫﻲ ﺗﺮﻋﺶ : ﺍﻳﻴﻴﻪ ... ﻗﻘﻘﺎﻋﺪ ..
ﺭﺍﻓﻊ ﺷﺒﺢ ﻟﺴﺎﻣﻴﻪ : ﺍﻟﺤﻘﻴﻨﺎ ﻟﺤﻮﺷﻬﻢ .
ﺳﺎﻣﻴﻪ ﺑﺨﻮﻑ : ﻣﻦ ﺍﻧﺖ ﺷﻦ ﺗﺒﻲ ..
ﺭﺍﻓﻊ : ﺷﻮﻳﻪ ﻭﺗﻌﺮﻓﻲ .. ﻭﺍﺷﺮ ﻟﺠﺎﺭﺗﻬﻢ ﺑﺎﻟﻤﺴﺪﺱ .. ﻫﻴﺎﺍﺍ ..
ﻃﻠﻌﺖ ﻣﺴﻜﻴﻨﻪ ﻭﻫﻲ ﻣﻴﺘﻪ ﻣﻦ ﺍﻟﺨﻮﻑ ﻭﻣﺸﺖ ﻟﻠﺤﻮﺵ ﻭﻓﺘﺤﺖ ﺑﺎﺏ ﺍﻟﺸﻘﻪ ...
ﻃﻠﻌﺖ ﺳﺎﻣﻴﻪ ﻭﻗﻠﺒﻬﺎ ﺑﻴﻮﻗﻒ ﻭﻣﺘﺎﻛﺪﻩ ﺍﻥ ﺍﻟﻤﻮﺿﻮﻉ ﻟﻴﻪ ﻋﻼﻗﻪ ﺑﻮﻓﺎﺀ ...
ﺍﻟﺘﻔﺖ ﺭﺍﻓﻊ ﻭﺍﺷﺮﻟﻬﺎ ﺑﺎﻟﻤﺴﺪﺱ : ﻛﻠﻤﻲ ﺧﻄﻴﺒﻚ ﻗﻮﻟﻴﻠﻪ ﻳﺴﻴﺐ ﺍﻟﻠﻲ ﻓﻴﺪﻩ ﻭﻳﺠﻲ ... ﺗﺘﺘﻮﺍﺍﺍ ..
ﺳﺎﻣﻴﻪ : ﻋﻼﺵ؟ !!!
ﻏﻤﺾ ﻋﻴﻮﻧﻪ ﺑﻨﻔﺎﺩ ﺻﺒﺮ : ﺩﻳﺮﻱ ﺍﻟﻠﻲ ﻗﻠﺖ ﻋﻠﻴﻪ ﻭﻣﺎﺗﻜﺴﺮﻳﺶ ﺭﺍﺱ ﺩﻳﻦ ﺍﻣﻲ ﺑﺎﻷﺳﺌﻠﻪ ..
ﺳﺎﻣﻴﻪ ﺯﺍﺩﺕ ﺧﺎﻓﺖ ﻭﺍﺗﺼﻠﺖ ﺑﻤﺼﻠﺢ ﻭﻗﺎﻟﻬﺎ ﺟﺎﻱ ...
ﺧﺸﺖ ﺍﻟﻤﺮﺍﺓ ..
ﺭﺍﻓﻊ : ﺿﺒﺤﻲ ﻉ ﺭﺍﺟﻠﻚ ..
ﺍﻟﻤﺮﺍﺓ ﺟﺮﻱ ﻛﻠﻤﺖ ﺭﺍﺟﻠﻬﺎ ﻭﻃﻠﻊ ﻣﻔﺠﻮﻉ ﻣﺴﻜﻴﻦ ..
ﻋﺎﺷﻮﺭ : ﺧﻴﺮ ﺍﻥ ﺷﺎﺀ ﺍﻟﻠﻪ ..
ﺭﺍﻓﻊ ﻭﺍﻳﺪﻩ ﻓﻨﺼﻪ ﻭﺑﺎﻟﺘﺎﻧﻴﻪ ﻳﺤﻚ ﻓﻲ ﺣﺎﺟﺒﻪ ﺑﻴﻬﺎ ﺑﺎﻟﻤﺴﺪﺱ : ﻧﺒﻴﻚ ﻓﻲ ﻛﻠﻤﺘﻴﻦ ﻳﺎﺣﺎﺝ ... ﻋﻄﻴﻨﻲ ﺍﻹﺫﻥ ﻧﺨﺶ ..
ﺑﻤﺴﺪﺳﻚ ﻫﺬﺍ ﻳﺎﺭﺍﻓﻊ ﺧﺪﻳﺖ ﺗﺄﺷﻴﺮﻩ ﺩﺧﻮﻝ ﺑﻼﺃﺫﻥ ﺗﺨﺶ 😁
ﻋﺎﺷﻮﺭ : ﺗﺘﻔﻀﻞ ﺗﻔﻀﻞ ..
ﺭﺍﻓﻊ : ﺍﺣﻤﻢ .. ﻳﺎﺳﺎﺗﺮ ﻭﺧﺶ ﻟﻠﺤﻮﺵ ﻭﻫﻤﺎ ﻳﺸﻮﻓﻮﻟﻪ ﺑﺨﻮﻑ ﻭﺳﺎﻣﻴﻪ ﺻﻜﺮﺕ ﺍﻟﺒﺎﺏ ﻭﻟﺤﻘﺘﻬﻢ ..
****
ﻓﻲ ﺍﻟﻤﺴﺘﺸﻔﻰ ﺍﻟﺨﺎﺹ ..
ﻧﺤﻄﻮﻙ ﻓﻮﻕ ﻭﺧﻼﺹ ..
ﻧﻮﻣﻴﺪﻳﺎ ﺑﻀﺤﻜﻪ : ﻳﺎﺭﻳﺖ ﻭﺍﻟﻠﻪ ﻧﻘﺎﺑﻞ ﺍﻟﻮﺟﻮﻩ ﺍﻟﺒﺮﻳﺌﺔ ﺍﻟﻠﻲ ﻟﻤﺎ ﻳﻀﺤﻜﻮﺍ ﻳﻌﻄﻮﻧﻲ ﻃﺎﻗﻪ ﺍﻳﺠﺎﺑﻴﻪ ﻭﻳﻌﻄﻮﺍ ﻓﻴﺎ ﺍﻣﻞ ﻟﻠﻤﺴﺘﻘﺒﻞ ..
ﺳﻬﻴﻞ : ﻫﻬﻬﻬﻬﻬﻬﻬﻪ ..
ﻧﻮﻣﻴﺪﻳﺎ ﺑﻀﺤﻜﻪ : ﻣﺎﺗﻀﺤﻜﺶ ﻳﺎﺑﺎﺭﺩ ..
ﻉ ﺧﻄﻤﺔ ﻣﻤﺮﺿﻪ ﺻﻐﻴﺮﺓ ﻓﻲ ﺍﻟﺴﻦ ﺍﺑﺘﺴﻤﺘﻠﻬﻢ ﻭﻫﻤﺎ ﺭﺩﻭﻫﺎﻟﻬﺎ ﻭﻣﺸﺖ ..
ﻧﻮﻣﻴﺪﻳﺎ : ﻣﺎﺷﺎﺀ ﺍﻟﻠﻪ ﻋﻠﻴﻬﺎ ﺍﺳﻠﻮﺑﻬﺎ ﺧﺪﻣﺘﻬﺎ ﻣﻤﺮﺿﻪ ﻣﻤﺘﺎﺯﺓ ..
ﺳﻬﻴﻞ : ﺍﻳﻪ ﺑﺮﻏﻢ ﺍﻧﻬﺎ ﻭﺍﺧﺪﻩ ﺩﻭﺭﺓ ﺗﻤﺮﻳﺾ ﺑﺲ ﻏﻴﺮﺕ ﻧﻈﺮﺗﻲ ﻓﻴﻬﻢ ..
ﻧﻮﻣﻴﺪﻳﺎ ﺷﺒﺤﺘﻠﻪ : ﺍﺳﻤﻬﺎ ﺣﻠﻮ ﺣﻴﺎﺓ ...
ﺳﻬﻴﻞ : ﺯﻭﺍﺭﻳﻪ ..
ﻧﻮﻣﻴﺪﻳﺎ : ﺍﻟﻠﻪ !
ﺳﻬﻴﻞ ﺑﺈﺑﺘﺴﺎﻣﻪ ﻫﺰ ﺭﺍﺳﻪ ﺑﺈﻳﺠﺎﺏ ..
ﺟﺘﻬﻢ ﺍﻟﻤﻤﺮﺿﻪ ﻋﺎﻟﻴﺎ : ﺩﻛﺘﻮﺭ ﺳﻬﻴﻞ ﻳﺒﻴﻚ ﺩﻛﺘﻮﺭ ﻋﺒﺪﺍﻟﻠﻪ
ﺳﻬﻴﻞ : ﺟﺎﻱ .
ﻧﻮﻣﻴﺪﻳﺎ : ﺗﻌﺮﻑ ﺳﻬﻴﻞ ﻛﺎﻧﺖ ﺗﺮﻛﺒﻮﺍ ﺍﻟﺠﻬﺎﺯ ﻫﺬﺍ ﺍﻟﻠﻲ ﻳﺸﺒﻪ ﺍﻟﻤﻨﻈﻮﻣﻪ ﻓﻲ ﺍﻟﻌﺮﺍﺱ ... ﺍﻣﺘﻰ ﺗﻨﺎﺩﻱ ﺍﻟﻤﻨﺸﻄﻪ ﻋﺎﻳﻠﺔ ﻓﻼﻥ ﺍﻟﻔﻼﻧﻲ ﻳﺮﺟﻮﺍ ﻓﻴﻜﻢ ﺑﺮﺍ ... ﻓﻲ ﺍﻟﻤﺴﺘﺸﻔﻲ ﻣﺜﻼ ﺯﻱ ﺗﻮﺍ .. ﻣﻴﺴﺎﺀ ﻭﻻ ﺭﻭﺑﻴﻦ ﻳﻨﺎﺩﻭﺍ .. ﺩﻛﺘﻮﺭ ﺳﻬﻴﻞ ﻃﺎﻟﺒﻴﻨﻚ ﻓﻲ ﻏﺮﻓﺔ ﺍﻹﺩﺍﺭﻩ ..
ﻋﺎﻟﻴﻪ ﻭ ﺳﻬﻴﻞ : ﻫﻬﻬﻬﻬﻬﻬﻬﻬﻪ ..
ﻧﻮﻣﻴﺪﻳﺎ ﺑﻀﺤﻜﻪ : ﻭﺍﻟﻠﻪ ﻧﺤﻜﻲ ﺟﺪﻳﺎﺕ ﺍﻏﻠﺐ ﺍﻟﻤﺴﺘﺸﻔﻴﺎﺕ ﻓﻲ ﺍﻟﻌﺎﻟﻢ ﻣﺪﺍﻳﺮﻧﻬﺎ ..
ﻋﺎﻟﻴﻪ ﺑﻀﺤﻜﻪ : ﻳﺎﺭﻳﺖ ﺗﺮﻳﺤﻮﻧﻲ ﻣﻦ ﺍﻟﺠﺮﻱ ﻫﻨﻲ ﻭﻫﻨﻲ ..
ﺳﻬﻴﻞ ﺑﻀﺤﻜﻪ : ﺣﺎﺍﺿﺮ ﺗﻮ ﻧﻘﻮﻝ ﻟﻠﺪﻛﺘﻮﺭ ﻋﺒﺪ ﺍﻟﻠﻪ ﻋﻠﻴﻪ ... ﺑﺎﻱ .. ﻭﻟﻒ ﻭﻣﺸﻲ ﻭﻫﻮ ﻳﻀﺤﻚ ...
ﻋﺎﻟﻴﻪ ﺍﺑﺘﺴﻤﺖ ﻭﺷﺎﻓﺘﻠﻬﺎ : ﺑﺘﺮﻭﺣﻲ ..
ﻧﻮﻣﻴﺪﻳﺎ ﺑﺈﺑﺘﺴﺎﻣﻪ : ﺍﻳﻪ ﻫﺪﺍﻛﺎ ﻫﻮ ..
ﻋﺎﻟﻴﻪ : ﺑﺎﻫﻲ ﻓﻲ ﺍﻣﺎﻥ ﺍﻟﻠﻪ ...
ﻧﻮﻣﻴﺪﻳﺎ : ﺳﻼﻡ ... ﻭﻣﺸﺖ ﻛﻞ ﻭﺣﺪﻩ ﻓﺠﻬﻪ ..
ﻧﻮﻣﻴﺪﻳﺎ ﻟﻤﺎ ﺗﻮﻟﻲ ﺑﺮﻭﺣﻬﺎ ﺍﻭﻝ ﻣﻦ ﻳﺨﻄﺮ ﻋﻠﻴﻬﺎ ﻫﻮ .. ﻭﻳﻘﻌﺪ ﺍﻟﻘﻠﺐ ﻋﺎﺩ ﻳﺘﻌﺐ ﻓﻴﻬﺎ ... ﻭﻳﻨﻪ .. ﺍﺳﺘﺤﺸﺖ ﺻﻮﺗﻪ .. ﺍﺳﺘﺎﺣﺸﺖ ﻧﺸﻮﻓﻪ .. ﻭﻳﻨﻪ ﻳﺎﻧﻮﻣﻴﺪﻳﺎ 💓💓💓. ﺍﻧﺎ ﺗﺎﻋﺐ ﻣﻦ ﻏﻴﺮﻩ 💓💓...
ﻧﻮﻣﻴﺪﻳﺎ ﺗﺘﻨﻬﺪ ﻭﺧﻼﺹ ... ﻭﺻﻠﺖ ﺳﻴﺎﺭﺗﻬﺎ ﺭﻛﺒﺖ .. ﺷﻐﻠﺘﻬﺎ ﻭﺗﺤﺮﻛﺖ ..
***
ﺳﺎﻣﻴﻪ : ﺷﻦ ﺗﻘﻮﻝ ﺍﻧﺖ؟
ﺭﺍﻓﻊ ﺑﺤﺪﻩ : ﻗﺎﻋﺪ ﻧﺪﻭﻱ ..
ﻣﺼﻠﺢ ﺑﻨﻔﺲ ﺍﻟﺤﺪ : ﻧﻘﺺ ﺻﻮﺗﻚ ..
ﺷﺒﺤﻠﻪ ﺑﺮﻓﻌﺔ ﺣﺎﺟﺐ ﺷﻘﻠﺐ ﻋﻴﻮﻧﻪ ﻭﺷﺒﺢ ﻟﻌﺎﺷﻮﺭ : ﺍﻧﻲ ﻣﺎﻧﺒﻴﺶ ﻋﺮﺱ ﻻ ﻋﺮﺍﺳﻲ ﺑﻨﻘﺮﺍ ﻓﺎﺗﺤﺘﻬﺎ ﻭﺗﻢ ...
ﻋﺎﺷﻮﺭ : ﻟﻜﻦ ﻳﺎﻭﻟﺪﻱ ﻻﺯﻡ ﻧﻌﺮﻓﻮﺍ ﺍﻟﺴﺒﺐ .
ﺭﺍﻓﻊ : ﻋﻨﺪﻧﺎ ﻭﺍﺣﺪ ﻣﻴﺖ ﺟﺪﻳﺪ ﻣﺎﻧﻘﺪﺭﺵ ﻧﺪﻳﺮ ﻋﺮﺱ ..
ﺳﺎﻣﻴﻪ : ﺍﻧﺖ ﻣﺎﺩﻳﺮﺵ ﻣﺎﺩﺧﻠﻨﺎﺵ ﺑﻴﻚ ﻟﻜﻦ ﺣﻨﻲ ﺑﻨﺪﻳﺮﻭﺍ ..
ﺭﺍﻓﻊ : ﺍﻓﻔﻔﻔﻔﻒ ...
ﺣﻂ ﺍﻟﻤﺴﺪﺱ ﻉ ﺍﻟﻄﺎﻭﻟﻪ ..
ﻛﻠﻬﻢ ﺷﺎﻓﻮﻟﻪ ...
ﻣﺼﻠﺢ : ﻣﺎﻏﻠﻄﺖ ﻓﺸﻲ ﺑﺶ ﺣﻀﺮﺗﻚ ﺗﺘﻨﺮﻓﺰ ﻫﻜﻲ ...
ﺭﺍﻓﻊ ﺷﺒﺤﻠﻪ ﺷﻮﻳﻪ ﺑﻌﺪﻳﻦ ﺷﺒﺢ ﻟﺴﺎﻣﻴﻪ : ﻣﻄﻤﻦ ﻋﻠﻴﻚ ﻣﻌﺎﻩ ﺭﺍﺟﻞ ﻳﺒﺎﻥ ..
ﺷﺒﺤﻠﻪ ﻣﺼﻠﺢ ﺑﺤﺪﻩ ..
ﺳﺎﻣﻴﻪ : ﺍﺧﺘﻲ ﻭﻳﻦ ..
ﺭﺍﻓﻊ ﺑﺒﺮﻭﺩ : ﻋﻨﺪ ﺍﻣﻲ ..
ﺳﺎﻣﻴﻪ : ﻛﻴﻴﻴﻒ !!
ﻣﺼﻠﺢ : ﺍﻧﺖ ﻭﺍﺧﺪ ﺣﺎﺟﻪ ﻗﺒﻞ ﺗﺠﻲ ﻫﻨﻲ؟
ﺭﺍﻓﻊ ﺍﺑﺘﺴﻢ ﺑﺮﻓﻌﺔ ﺣﻮﺍﺟﺐ : ﻋﺪﻳﻠﻲ ﻭﻣﺎﻧﺒﻴﺶ ﻧﺪﻳﺮ ﻓﻴﻚ ﺷﻲ ..
ﺳﺎﻣﻴﻪ ﺧﺎﻓﺖ ﻭﺷﺪﺕ ﺩﺭﺍﻉ ﻣﺼﻠﺢ ..
ﺧﺪﻱ ﺳﻼﺣﻪ ﻭﻧﺎﺽ : ﺍﻟﻤﻌﻠﻮﻣﻪ ﻭﺻﻠﺘﻬﺎ ... ﻧﺘﻼﻗﻮﺍ ﺍﻟﻌﺼﺮ ﻳﺎﺣﺎﺝ ﺟﻴﺐ ﻣﻌﺎﻙ ﺍﻟﻜﺘﻴﺐ ﻣﺶ ﺗﻨﺴﻰ ﻓﺠﺎﻣﻊ ...***** ﺷﺒﺢ ﻟﻤﺼﻠﺢ .. ﺍﻧﺖ ﻛﺎﻧﺖ ﺗﺒﻲ ﺗﺠﻲ ﺗﻌﺎﻟﻰ ...
ﻣﺸﻲ ﻟﻠﺒﺎﺏ ﻭﻧﺎﺽ ﻣﻌﺎﻩ ﻋﺎﺷﻮﺭ ﻳﺴﻘﺪﻩ ..
ﻧﺎﺿﺖ ﺳﺎﻣﻴﻪ ﺗﺠﺮﻱ : ﺷﻮﻳﻪ ﺍﺳﺘﻨﻰ ﺑﺎﻟﻠﻪ ﻋﻠﻴﻚ ..
ﺭﺍﻓﻊ ﻃﻠﻊ ﻭﻭﻗﻒ ﻓﻢ ﺍﻟﺒﺎﺏ ﻭﻗﺎﻝ : ﺑﺴﺮﺭﺭﻋﻪ ...
ﻣﺸﺖ ﺑﺴﺮﻋﻪ ﻟﺸﻘﺘﻬﺎ ﻓﺘﺤﺖ ﺍﻟﺒﺎﺏ ﻭﺧﺸﺖ ﺗﺠﺮﻱ ..
ﻭﻣﺼﻠﺢ ﻣﺸﻲ ﻭﻭﻗﻒ ﻓﻢ ﺑﺎﺏ ﺍﻟﺸﻘﻪ ﻭﻳﺸﻮﻑ ﻟﺮﺍﻓﻊ ﺑﺤﺪﻩ ﻭﺭﺍﻓﻊ ﻣﺘﺠﺎﻫﻠﻪ ..
ﺷﻮﻳﻪ ﻭﻃﻠﻌﺖ ﺳﺎﻣﻴﻪ ﺑﺒﻮﻛﺲ ﻣﺘﻮﺳﻂ ﺍﻟﺤﺠﻢ ﻭﺟﺎﺗﻪ ﻭﺩﻣﻮﻋﻬﺎ ﻳﻨﺰﻟﻮﺍ ﻣﺪﺗﻬﻮﻟﻪ : ﻭﺻﻠﻪ ﻟﻮﻓﺎﺀ ﺿﺮﻭﺭﻱ ﺃﺭﺟﻮﻙ .
ﺭﺍﻓﻊ ﺷﺒﺢ ﻟﻠﺒﻮﻛﺲ ﺷﻮﻳﻪ ﺑﻌﺪﻳﻦ ﺧﺪﺍﻩ ...
ﻓﺎﺗﻬﺎ ﻭﺟﺎﻱ ﺑﻴﻨﺰﻝ ...
" ﺍﻣﻨﺘﻚ ﻋﻠﻴﻬﺎ ﻭﺭﺍﺱ ﻭﺧﻴﻲ .."
ﺭﺍﻓﻊ ﻭﻫﻮ ﻋﺎﻃﻴﻬﺎ ﺑﺎﻟﻈﻬﺮ ﻭﻗﻒ ﺷﻮﻳﻪ ... ﻳﺪﻭﺏ ﻫﺰ ﺭﺍﺳﻪ ﺑﺈﻳﺠﺎﺏ ﻭﻧﺰﻝ ﺑﺴﺮﻋﻪ ...
ﻋﺎﺷﻮﺭ : ﻻﺣﻮﻝ ﻭﻻﻗﻮﺓ ﺇﻻ ﺑﺎﻟﻠﻪ .. ﻭﺧﺶ ﺻﻜﺮ ﺍﻟﺒﺎﺏ ...
ﻏﻤﻀﺖ ﺳﺎﻣﻴﻪ ﻋﻴﻮﻧﻬﺎ ﺑﺄﻟﻢ ..
ﻣﺼﻠﺢ : ﺷﻦ ﺍﻟﻘﺼﻪ ﺳﺎﻣﻴﻪ ..
ﻣﺴﺤﺖ ﺩﻣﻮﻋﻬﺎ ﻭﻣﺸﺖ ﻟﺸﻘﺘﻬﺎ ﻭﻗﺎﻟﺖ ﺑﺪﻭﻥ ﻣﺎﺗﺸﻮﻓﻠﻪ : ﻣﺎﻧﻌﺮﻓﺶ ﺍﻛﺜﺮ ﻣﻦ ﺍﻟﻠﻲ ﺗﻌﺮﻓﻪ .... ﻭﺭﺍﻧﺎ ﻗﺎﻋﺪﻳﻦ ﻉ ﺍﻟﺒﺮ ...
ﺧﺸﺖ ﻭﺳﻜﺮﺕ ﺍﻟﺒﺎﺏ ..
ﺣﻄﺖ ﻳﺪﻫﺎ ﻉ ﻓﻤﻬﺎ ﻭﻗﻌﺪﺕ ﺗﺒﻜﻲ ﺑﺤﺮﻗﻪ ﺷﺪﻳﺪﻩ ..
ﺍﻣﺎ ﻣﺼﻠﺢ ﺗﻨﻬﺪ ﺑﺄﻟﻢ .. ﻭﻧﺰﻝ ﻃﻮﻝ ...
🍁🍁🍁
ﻃﻮﻝ ﺍﻟﻄﺮﻳﻖ ﻭﻫﻮ ﻳﻔﻜﺮ ﻓﻲ ﻛﻞ ﺷﻲ ﺻﺎﺭ ﻣﻦ ﺍﻟﻈﻬﺮ ﻟﻬﺎﻟﻠﺤﻈﻪ ﻭﻣﺶ ﻋﺎﺭﻑ ﻋﻼﺵ ﻫﻜﻲ ﻳﺼﻴﺮ ﻓﻴﻪ ...
ﻋﻼﺵ ﻟﻤﺎ ﻳﺼﻔﻲ ﻗﻠﺒﻪ ﻭﻧﻴﺘﻪ ﻣﺎﻳﻠﻘﺎﺵ ﺧﻴﺮ !!!
ﺍﻛﺜﺮ ﺷﻲ ﻗﺎﻫﺮﻩ ... ﺍﻥ ﻭﻓﺎﺀ ﻣﺶ ﺯﻱ ﺍﺧﻼﺹ ﺑﺎﻟﻨﺴﺒﻪ ﻟﻴﻪ ...
ﻭﻓﺎﺀ ﺗﻤﻨﺎﻫﺎ ﺑﻜﻞ ﻗﻮﺓ ﻭﺣﺒﻬﺎ ﻣﻦ ﺍﻭﻝ ﻣﺎﺟﺖ ﻋﻴﻨﻪ ﻋﻠﻴﻬﺎ ﺧﻄﻔﺖ ﻗﻠﺒﻪ ﻭﻋﻘﻠﻪ ﻭﺧﻼﺗﻪ ﻣﺘﻴﻢ ﺑﻴﻬﺎ ﻭﻓﻜﺮ ﺍﻥ ﺟﺮﺡ ﺳﻨﻴﻦ ﺩﻭﺍﻩ ﻋﻠﻰ ﺍﻳﺪﻳﻬﺎ ... ﻣﺎﻛﺎﻧﺶ ﻋﺎﺭﻑ ﺍﻥ ﺍﻟﺠﺮﺡ ﺍﻟﻘﺪﻳﻢ ﺣﻴﺠﺎﻭﺭﻩ ﻓﻲ ﻗﻠﺒﻪ ﺟﺮﺡ ﺟﺪﻳﺪ ﺃﻋﻤﻖ ﻭﺃﻛﺒﺮ ﺑﻬﻠﺒﻪ ...
ﺗﻠﻔﺖ ﻟﻠﻜﺮﺳﻲ ﺍﻟﻠﻲ ﺟﻨﺒﻪ ﻭﻗﻌﺪ ﻳﺸﻮﻑ ﻟﻠﺒﻮﻛﺲ .. ﺩﻣﻌﻪ ﺧﺎﻧﺖ ﻭﻧﺰﻟﺖ ﻃﻮﻝ ﻉ ﻳﺪﻩ ﺍﻟﻠﻲ ﻛﺎﻥ ﺣﺎﻃﻬﺎ ﻉ ﻓﺨﺪﻩ ﻭﻫﻮ ﻳﺴﻮﻕ ...
ﻣﺴﺢ ﻳﺪﻩ ﻓﻲ ﺍﻟﺴﺮﻭﺍﻝ ﺑﻌﺪﻳﻦ ﻣﺴﺢ ﻋﻴﻮﻧﻪ ﻭﻗﺎﻝ : ﻭﺍﻟﻠﻪ ﻣﺎﺗﺴﺘﺎﻫﻠﻲ ﻳﺎﻛﻠﺒﻪ ﻧﺰﻟﻬﻢ ﻉ ﺧﺎﻃﺮﻙ ....
ﺷﺪ . ﺑﻴﺪﻩ ﺍﻟﺘﺎﻧﻴﻪ ﺍﻟﺪﻭﻣﺎﻥ ... ﻭﻫﻮ ﻗﺎﻋﺪ ﻳﺘﻮﺟﻊ ﻣﻦ ﺍﻟﻨﺎﺭ ﺍﻟﻠﻲ ﺗﻠﻬﺐ ﻓﻲ ﺻﺪﺭﻩ .... ﺿﺮﺏ ﺑﻴﺪﻩ ﻉ ﺻﺪﺭﻩ ﻭﻗﺎﻝ : ﺁﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻩ ﺁﺍﺍﺍﺍﺍﺍﺍﻩ ..💔....
ﻭﺻﻞ ﻟﻠﺤﻮﺵ ﺑﻌﺖ ﺍﻟﺒﻮﻛﺲ ﻣﻊ ﻭﺍﺣﺪ ﻣﻦ ﺍﻟﺤﺮﺍﺳﺎﺕ ﻭﻣﺸﻲ ﻃﻮﻝ ....
****
ﺗﺎﻧﻲ ﻳﻮﻡ ...
ﺍﻟﺴﺎﻋﻪ 7 ﻭﺭﺑﻊ ...
ﻃﻠﻌﺖ ﻟﻠﺒﺎﺹ ﻭﻫﻮ ﻳﺸﻮﻓﻠﻬﺎ ﻗﺒﻞ ﺗﺨﺶ ﺷﺒﺤﺘﻠﻪ ﻃﻠﻌﺖ ﻭﺭﻗﺔ ﺍﻟﺮﻗﻢ ﻭﻣﺰﻗﺘﻬﺎ ﻃﺮﻑ ﻃﺮﻑ ﻭﻃﻴﺮﺗﻬﺎ ...
ﻫﻮ ﻗﻌﺪ ﻳﺸﺒﺢ ﺑﺼﺪﻣﻪ ... ﻓﺘﺤﺖ ﺍﻟﺒﺎﺏ ﻭﺭﻛﺒﺖ ﻭﻣﺸﺖ ﻗﻌﻤﺰﺕ ﻓﻲ ﺍﻷﺧﻴﺮ ﻫﻮ ﺗﻜﻨﻄﺎ ﻟﻴﻦ ﺧﻼﺹ ...
ﻭﺳﻄﺮﺏ ﺑﺎﻟﺒﺎﺹ ... ﻭﺍﻟﺒﻨﺎﺕ ﺍﻟﻤﻮﺟﻮﺩﺍﺕ ﺗﻔﺎﺟﺌﻮﺍ ﻭﻫﻲ ﺍﺑﺘﺴﻤﺖ ﺑﺘﻬﻜﻢ ...
ﻗﻌﺪ ﻳﺠﺮﻱ ﺑﺎﻟﺒﺎﺹ ﻭﻫﻮ ﻓﻘﻤﺔ ﺍﻟﻐﻀﺐ ﻟﻴﻦ ﻭﺻﻞ ﻟﺤﻮﺵ ﺭﻏﺪﻩ .. ﻛﻠﻜﺲ ﻛﻼﻛﺲ ﻓﻴﻖ ﻃﺮﺍﺑﻠﺲ ﻛﻠﻬﺎ ..
ﺩﺍﺧﻞ ..
ﻧﻮﻣﻴﺪﻳﺎ : ﺍﺧﻠﻊ ﻓﺮﺍﻳﺴﻪ ..
ﻃﻠﻌﺖ ﻋﻴﺸﻪ : ﺍﻃﻠﻌﻴﻠﻪ ﺑﺴﺮﻋﻪ ..
ﺭﻏﺪﺓ ﺧﺪﺕ ﺷﻨﻄﺘﻬﺎ ﻭﻃﻠﻌﺖ ﺗﺠﺮﻱ ﻭﻫﻲ ﻣﺴﺘﻐﺮﺑﻪ ... ﺭﻛﺒﺖ ﻭﻗﻌﻤﺰﺕ ﻓﻲ ﺍﻷﺧﻴﺮ ﻭﺟﺖ ﺟﻨﺐ ﺻﻠﻴﺤﻪ ..
ﺭﻏﺪﺓ ﺑﺈﺑﺘﺴﺎﻣﻪ : ﺻﺒﺎﺡ ﺍﻟﺨﻴﺮ ..
ﺻﻠﻴﺤﻪ ﺍﺑﺘﺴﻤﺖ : ﺻﺒﺎﺡ ﺍﻟﻨﻮﺭ ...
ﻃﺎﺭ ﻋﻤﻜﻢ ﺍﻟﺴﻨﻲ ﺑﺎﻟﺒﺎﺹ ...
ﺭﻏﺪﻩ ﺑﻬﻤﺲ : ﺻﺒﺢ ..
ﺻﻠﻴﺤﻪ : ﺍﺷﺒﺢ ﻣﻦ ﻣﺼﺒﺢ ﻋﻠﻴﻬﺎ ﺑﺘﻬﺰﻳﺒﻪ ﻣﻠﻴﺤﻪ ..
ﺭﻏﺪﻩ ﺿﺤﻜﺖ ﻭﺻﻠﻴﺤﻪ ﺿﺤﻜﺖ ﻣﻌﺎﻫﺎ ...
🍁🍁🍁🍁
ﻭﻓﺎﺕ ﺑﺎﻗﻲ ﺍﻟﻨﻬﺎﺭ ... ﻭﺟﻲ ﺍﻟﻌﺼﺮ ..
ﻓﻲ ﻭﺣﺪﻩ ﻣﻦ ﺍﻟﺠﻮﺍﻣﻊ ...
ﻛﺎﻥ ﻣﻮﺟﻮﺩ ... ﻻﺑﺲ ﺍﻟﻠﺒﺴﻪ ﺍﻟﻄﺮﺍﺑﻠﺴﻴﻪ ﻟﻮﻧﻬﺎ ﻋﺴﻠﻲ ﻭﻣﺰﺧﺮﻓﻪ ﺑﺎﻟﺬﻫﺒﻲ ... ﻭﻛﺎﻥ ﺑﻜﺎﻣﻞ ﺍﻧﺎﻗﺘﻪ ﻏﺰﺍﺍﺍﻝ ﻣﺼﻮﺭ ﻭﺷﺨﺼﻴﻪ ﻣﻦ ﺍﻷﺧﻴﺮ ...😍🔥
ﻛﺎﻧﻮﺍ ﻣﻮﺟﻮﺩﻳﻦ ﻋﺎﺷﻮﺭ ﻭﻣﺼﻠﺢ ﺍﻟﻠﻲ ﺟﻲ ﻋﺨﺎﻃﺮ ﻋﻴﻮﻥ ﺳﺎﻣﻴﻪ ..
ﺣﻀﺮﻭﺍ ﺻﺤﺎﺑﻪ ﻭﺟﻤﺎﻋﺘﻪ ﻣﺎﻋﺪﺍ ﺍﻟﺠﺎﺳﺮ ﺍﻟﻠﻲ ﻣﺎﺯﺍﻝ ﻣﺎﺭﻭﺣﺶ
ﺍﻧﻘﺮﺕ ﺍﻟﻔﺎﺗﺤﻪ ﻭﻛﺎﻥ ﻭﻛﻴﻞ ﻭﻓﺎﺀ ﻋﺎﺷﻮﺭ ... ﻷﻥ ﺍﻗﺎﺭﺑﻬﺎ ﻛﻠﻬﻢ ﻫﺮﺑﻮﺍ ﺑﺮﺍ ﺍﻟﺒﻼﺩ ﻭﺧﻠﻮﻫﻢ ...
ﺩﺍﺭﻭﻟﻪ ﺟﻤﺎﻋﺘﻪ ﻧﻮﺑﻪ ﺑﻌﺪ ﻃﻠﻊ ﻣﻦ ﺍﻟﺠﺎﻣﻊ ...
ﻭﻛﺎﻥ ﻳﺮﻗﺺ ﻭﻫﻮ ﻓﺮﺣﺎﻥ ﺑﻴﻄﻴﺮ ...
ﺍﻭ ﻳﻈﺎﻫﺮ ﺍﻧﻪ ﻓﺮﺣﺎﻥ ﺑﻴﻄﻴﺮ ...
ﺷﻮﻳﻪ ﻭﺭﻛﺐ ﺳﻴﺎﺭﺗﻪ ..
ﻭﺍﻟﻤﻮﻛﺐ ﻭﺭﺍﻩ ﺍﺩﻫﻮﺭﻭﺍ ﻓﻲ ﺍﻏﻠﺐ ﺷﻮﺍﺭﻉ ﻃﺮﺍﺑﻠﺲ ﻛﻼﻛﺴﺎﺕ ﻭﺿﺮﺏ ﺭﺻﺎﺹ ﻓﻲ ﺍﻟﻬﻮﺍﺀ ...
ﻟﻌﻨﺪ ﻭﺻﻞ ﻟﻠﺤﻮﺵ ... ﻧﺰﻝ ﻭﻧﺰﻟﺖ ﻣﻌﺎﻩ ﺍﻟﻨﻮﺑﻪ ...
ﻭﺟﻤﺎﻋﺘﻪ ﻳﻐﻨﻮﻟﻪ ﻭﻫﻮ ﻳﻐﻨﻲ ﻣﻌﺎﻫﻢ ﻭﻳﺮﻗﺺ ...
ﻧﺠﻼ ﻣﻦ ﻓﻮﻕ ﺍﻟﺴﻄﺢ : ﻣﺤﻼﻩ ﻭﺧﻴﻲ ..
ﺭﻭﻻ : ﺍﻟﻠﻲ ﻳﺸﻮﻓﻪ ﻳﺼﺪﻕ ﺍﻧﻪ ﻓﺮﺣﺎﻥ ...
ﻧﺠﻼ : ﻫﻴﺎ ﺍﻧﺰﻟﻲ ﻗﺒﻞ ﻳﺸﻮﻓﻨﺎ ﻳﻨﺸﺮﻧﺎ ﻗﺪﻳﺪ ...
ﺍﺧﺘﻬﻢ ﺷﺪﻯ : ﺍﻧﺰﻟﻮﺍ ﻳﺎﺣﻤﺎﺭﺍﺕ ...
ﻧﺠﻼ ﻭﺭﻭﻻ ...😨😨 ﻭﻃﻮﻝ ﻧﺰﻟﻮﺍ ﻳﺠﺮﻭﺍ ..
ﻟﻮﻃﺎ ..
ﻭﻓﺎﺀ ﻣﻘﻌﻤﺰﺓ ﺑﺮﻭﺣﻬﺎ ﺩﺍﺧﻞ ﻭﺧﺎﻳﻔﻪ ﺑﺘﻤﻮﺕ ...
ﺧﺸﺖ ﻋﻠﻴﻬﺎ ﻓﺠﺮﻳﻪ : ﺑﻨﻴﺘﻲ ..
ﻭﻓﺎﺀ ﺍﺑﺘﺴﻤﺖ ﻟﻤﺎ ﺷﺎﻓﺘﻬﺎ ...
ﻗﻌﻤﺰﺕ ﺣﺪﺍﻫﺎ : ﺑﻨﻴﺘﻲ ﺍﻧﻲ ﺻﺢ ﻣﺶ ﻋﺎﺭﻓﻪ ﺍﻟﻠﻲ ﺻﺎﺭ ﻟﻜﻦ ﻧﻘﻮﻟﻚ ﺭﺍﻓﻊ ﻋﺼﺒﻲ ﺷﻮﻳﻪ ﺑﺲ ﻭﺍﻟﻠﻪ ﻣﺎﻓﻲ ﻣﻦ ﻃﻴﺒﻪ ﻗﻠﺒﻪ ﻭﺣﻨﻴﺘﻪ ﻃﺎﻟﻌﻠﻲ ﺭﻩ ﻫﻬﻬﻬﻬﻬﻪ ..
ﻭﻓﺎﺀ ﺿﺤﻜﺖ ﺿﺤﻜﻪ ﺧﻔﻴﻔﻪ ..
ﻓﺠﺮﻳﻪ ﺣﻄﺖ ﻳﺪﻫﺎ ﻉ ﻳﺪ ﻭﻓﺎﺀ : ﻣﺎﺗﺨﺎﻓﻴﺶ ﺑﻨﻴﺘﻲ ﻣﺎﻳﺪﻳﺮﻟﻚ ﺷﻲ ﻭﺍﻧﻲ ﻣﻮﺟﻮﺩﻩ ..
ﺷﺪﺕ ﻭﻓﺎﺀ ﺍﻳﺪﻳﻬﺎ ﻭﻫﻲ ﺧﺎﻳﻔﻪ ﻭﺩﻣﻮﻋﻬﺎ ﻣﻌﺒﻴﺎﺕ ﻋﻴﻮﻧﻬﺎ
ﺧﺸﺖ ﺳﻮﺳﻦ ﻭﻫﻲ ﻗﺎﻳﻤﻪ ﻓﻐﻤﺮﻫﺎ ﻭﻟﺪﻫﺎ : ﻣﺒﺮﻭﻙ ﻛﻨﺘﻨﺎ ...
ﻭﻓﺎﺀ ﺑﺈﺑﺘﺴﺎﻣﻪ : ﺍﻟﻠﻪ ﻳﺒﺎﺭﻙ ﻓﻴﻚ ..
ﺟﺘﻬﺎ ﺷﺬﻯ ﻭﺑﻄﻨﻬﺎ ﻗﺪﺍﻣﻬﺎ ﻭﻣﻌﺎﻫﺎ ﺭﻭﻻ ﻭﻧﺠﻼ ...
ﺷﺬﻯ ﻗﻌﻤﺰﺕ : ﻣﺒﺎﺭﻙ ﻭﺭﺑﻲ ﻳﻬﻨﻴﻜﻢ ..
ﺍﺑﺘﺴﻤﺖ ﻭﻓﺎﺀ ﺑﺎﻟﻐﺼﺐ : ﺍ
