- هنفضل سوا دايما واما نكبر هنتجوز صح؟
-صح بس انا بابا قالي نقول إن شاء الله عشان الحاجه اللي انتَ عايزها تحصل بجد
-إن شاء الله هنكبر مع بعض انا بحبك اوي يا ليله
-وانا كمان بحبك اوى♥️
______________________________________
إن هذه الذكريات شاقة علي النفس يا صديقي. انها تطعن قلبك مرة ، ثم يبقي الجرح نازفاً الي الابد
دوستويفسكي"
______________________________________
فاق من شروده علي دخول اخته المفاجئ لغرفته
قالت ريم بمرح
- مارو حبيب قلب قلبي
... البداية دي انا عارفها كويس ، ادخلى فى الموضوع من غير مقدمات و انا هستعبط واعمل مش عارف انتِ عايزه ايه
-طب بما انك فاهمني كدا هات الفلوس مرة واحدة بقا بسرعه بسرعه عشان في حاجه مهمة اوي
.... و فين مصروفك يختى ؟؟؟
قالت بسرعة
-لا دول غيرر مصروفى هاتهم يلا بسرعه يا بنى ورايا مشوار فى غاية غااية الاهميه
قال مروان ب استهزاء
-ابنك ؟ وبعدين غيرهم ليه يعني و مشوار ايه اللى في غاية الاهمية انتِ هتستعبطى انتِ حد يعرفك غيرنا اصلاً
- انتَ بتتكلم كتير كدا ليه هجيب بيهم هديه ل واحده صاحبتي راجعه من السفر
قال بغضب
-مش ملاحظة طريقة كلامك معايا و اني كدا مش هديكي حاجه و هكرشك برا؟
وبعدين صاحبتك مين دي انتِ عندك صُحاب أصلا
.... يووه يا مروان هجيب هدية ل ليلة
قال مروان بكذب و قلبه يكاد ان يتحرك من مكانه
- ليله مين؟
رفعت حاجبها و هى تقول
- يا بنى ليله بنت عمتو فرح دا انتَ و هي حرفيا كنتوا روح واحده وانتوا صغيرين انتَ هتستعبط بقا اكيد فاكر محدش هينسى بنت عمته يعني
قال بتذكر زائف
... اهه اه افتكرتها سافرت من زمان ف مكنتش فاكر اوي مالها يعني
- ياحبيبي انتَ غبي ولا بتتغابي يعني انا بقالي حوالي ساعه بقولك صاحبتي ونازله قريب و بفكرك ب ليله دلوقتي هيكون قصدي ايه يعني
قال بغضب و توتر
متخلصي ياريم و ادخلي في الموضوع علي طول ملكيش فيه انا بحب اتغابى بموت فى الغباء بعشق ضيق التنفس خلصيني
-يابني ليلله نازله كمان اسبوع و انا عايزة فلوس اجبلها هديه انت متخيل هى وحشتني قد ايه متخيل مشوفتهاش من امته؟ من و احنا لسه في أولى ثانوي يا مروان خلصني بقا
وكأن الزمن توقف عند هذه النقطه
حبيبته ومعذبه قلبه سوف تعود ،اشتاق لها حد اللعنه !
'سوري ع اللغه العربيه بتاعتي بس بحاول هه'
-بس بس انت ياعم انت روحت فين هتديني الفلوس ولالا خلصني
مروان : اه اه تمام هديهالك امسكي
وعلى الجانب الآخر
تقف شارده الذهن
و تنظر لوالدها من خلف زجاج المشفي ب حزن
فالمرض أنتصر عليه و أصبح لا يتمكن حتى من التحرك
تفكر كيف ستكون حياتها بدونه؟
إنها حتماً ستصبح وحيدة تماماً ؛ ف هو من تبقي لها بعد وفاة والدتها في صغرها وهي حتي لا تمتلك اخوة
حاولت نفض كل هذه الافكار ودخلت له الغرفة
قالت بتوتر
-عامل ايه النهارده يا حبيبي
ايمن : الحمدلله دايما، حضرتي حاجاتك وكل اللي هتحتاجيه عشان ننزل مصر؟
قالت بإنزعاج
-انا بجد مش عارفه يابابا ليه عايزنا ننزل مصر و هنا المستشفيات افضل واحسن ب كتير
قال ايمن بحُزن:
-بصي يا بنتي إحنا مش هنضحك علي بعض إحنا الأتنين عارفين إن أنا كدا خلاص فى آخر أيامى و أنا عايز اموت و اتدفن في مصر هناك و علي الاقل اكون متطمن عليكي و انا سايبك عند خالاتك و خلانك و جدك هناك احسن و أمان ليكي
قالت بفزع
- يا بابا ليه الكلام دا طيب الأعمار ب يد الله اتفائل بس وإن شاء الله خير
ايمن : إن شاء الله
بعد مرور أسبوع
في المطار
تسير ليله و تمسك فى يد حقيبتها و فى اليد الاخرى الكرسى المتحرك الذى يجلس عليه والدها
قالت بنفاذ صبر ف هى غير راضية عن فكرة نزلهم الى مِصر مرة اخرى
.... متأكد يا بابا إنهم المفروض عارفين إن ميعاد نزولنا فى المطار الساعة أربعة ؟
قال والدها بملل و انزاعاج فهذه المرة الثالثة الذى تسأله فيه هذا السؤال
-ايوا يا بنتى متأكد أهدي بقا وترتيني
قالت و هى تنظر لفتاة قادمة من بعيد ملاكحها مألوفة لها نوعاً ما
و عندما اقتربت أكثر قالت لوالدها
-ثانيه ثانيه هم اللي هناك دوللل؟
يتبع
..
البارت مُعدل ❤️
أنت تقرأ
حب يتخطى الزمن(مكتملة)
Romanceليلتى💗 يصعب وصفها فهى اخذت كل مميزات الطبيعه وحيدة منفردة بذاتها كالقمر ، ولكنها ايضاً لامعة كالنجوم فى السماء ،تصرفاتها باردة كبرودة الجليد ، ولكن ابتسامتها ساطعة كالشمس نهاراً ، و عينيها كالبحر فى لونه هدوئها مثله فى الصيف و غضبها مثل موجاته و...
