حب يتخطى الزمن(مكتملة)

13

حب يتخطي الزمن
13
______________________________________
اعلم انى اخطأت و لكن لما كل هذا البُعد ؟
انه رد فعل لخطأ شخص آخر ، لما انا من تحملت كل الذنب؟ لما لم تكون الحياة فى صفى أنا حتى لو لمرة واحدة ؟   لم لا تسامحنى؟ لم لا نبدأ حياة جديدة ؟
حياة نقية من الكذب ، بعيد عن الآخرين.
تحزننى فكرة اننى اسأل اسأله لا اعلم اجابتها حتى☹️..
بقلمى ليله محمود
______________________________________

عند دينا و عز
تجلس بجانبه متوتره تتابعه بطرف عينيها و هو يجلس بجانبها ممسك بهاتفه تعلم ان ما ستقوله سيغير الكثير و لكن هى مضطرة لكى يسامحها هى لا تملك الجرأة ان تقول شئ كهذا و لكن هذه محاولتها الأخيرة فى ان يسامحها
قالت بسرعه و جرأة هى شخصيا استغربتها : عز انا بحبك
انتفض من مكانه كمن لدغته عقربة و نظر لها بتعجب
تابعت حديثها قائله و هى تحرك رأسها تأكيداً على كلامها و تقول : ايوا بحبك و اكيد كان باين اوى يعني
قال باستهزاء : كان باين بس اكيد كان من ضمن المسلسل اللى كنتوا عاملينه
استغلت فرصة انه يحادثها و يرد عليها ثم اعتدلت فى مكانها و قالت : و انت يا اذكى اخواتك تفتكر انا لو كنت عامله المسلسل دا من الاول عشان منتجوزش اصلاً ليه همثل انى بحبك بقا دا ايه الذكاء دا ثم التمعت عينيها بالدموع و هى تقول انا و الله كنت محطوطه فى موقف وحش اوى انا اخر حاجه توقعتها انى ممكن احبك اساساً ، بجد انا مكنتش عارفه اعمل ايه تخيل معايا كدا فكره انى هتجوز حد مشوفتهوش من و احنا صغيرين و خلاص مفيش مفر ، مكنتش لاقيه و لا حل غير دا  بجد أنا عارفه انى غلطانه بس جدو اللى غلط من الاول انو حطنل فى مزقف زي دا ثم تنهدت و قالت بص طب فهمنى نهايه الخصام دا ايه ، نهايه كل دا ايه هنتطلق و لا ايه بالظبط
ثم نظرت فى عينيه و هى تقول ب حُزن / عشان خاطرى قول اى حل الا الطلاق ثم سكتت لبرهه و قالت بانتفاضه من مكانها / و اى  حل تانى الا انك تتجوز حد غيرى او عليا
انتفضت من مكانها مرة اخرى على اثر صوته العالى و هو يقول / اييييه بالعهه راديووو حتى و انتِ متضايقه لكاكه يخربيت كدا افصلى حبه سيبلي فرصة اتكلم سيبي فرصه اقول صالحتك و لا لا ابرر موقفى طيب
مسحت دموعها ثم قالت : طب صالحتنى و لا لا ثم بكت مره اخرى عندما لم تجد رد منه و قالت : ياريتنا اتقابلنا فى موقف احسن من دا ياربي بقا
اشفق عليها و اقتنع فعلا ان المذنب الاكبر هو جدهم و هو من وضعهم فى هذا الموقف و قرر ان يبدأ حياة جديده معها
نظر لها بابتسامه و هو يقول : خلاص يا ستى صالحتك
نظرت له باشمئزاز و ابتعدت عنه و هى تقول : بقا انا بصالحك و انت بتقولى يا ستى
رفع حاجبه و هو يقول / نعم يختى دا انت كنتى مزهقانى فى الرايحه و الجايه تقوليلي يا بني جت عليا انا اما اجى أقول يا ستى مينفعش
قالت بتذمر : م هو يا بني يعني ببين انك صغير و ابنى و كدا حاجه كيوت يعني  انما ستى دى تبين انى عجوزه
اغلق ضوء الغرفه و هو يقول / طب نامى يا عجوزه نامى يختي
بعد دقائق من الصمت
... عز
-اممم
...هو انت صالحتني بجد
-اه
... طب و تفتكر بدر هيصالح منه
-مش عارف
... مش عارف ليه هو مش اخوك و المفروض تبقى عارفو اكتر من ما هو شخصيا يعرف نفسه
-المفرود عند المكوجى
... نام يا عز نام الله يهديك انا ابقى كلبه لو وجهتلك كلمه تانى انت و دمك السم دا
بعد دقائق اخرى
... هو هو '' بتقلد صوت الكلب''