#نهوة الشيخ عياش
(البارت الثامن 8)
عياش : بعد هوسة البارحة صعدت اسبح وابدل وتمددت ع جرباية وانه ادخن وبالي وتفكيري كله يم جمارتي اجذب اذا اكول ماتندمت لان كتلتها باوعت لساعة لكيتها ب٢:٣٠ بليل نزلت جوه اشرب ماييي وكلت خل امر ع غرفتها اشوفها دخلت والكاها مثل لفراشة نايمة وشعر مبعثر ع وجهه والخدود والبياض تسحررر اكبر واحد كعدت يمهاا وانه احجي وياها ، شوكت تفهمين انه احبج وماريد غيرج شوكت تحسين بهل كلب ليش هيج تصرفين هلكدتج ودولبتيني يبنت عمي من اروح فدوه لهل نومة الحلوه عزيزتي انتي لو تدرين شكد متندم من مديت ايدي عليج بس السانج اخخ منج تقربت من يمهااا وعساني لاتقربت عطرهاا سطرني سطررر مادري شون سيطرت ع نفسي جمارتي احبج واموت عليج مريتي وبستها من راسها وغطيتها وطلعت صعدت لغرفتي وانه افكر بيهاااا وابد ماراحت عن بالي لل ٤:٠٠ يلا كدرت انام كعدت الصبح ع اتصال جايني من قاسم كبل اتصلت عليه
قاسم : صباح الخير سيدي
عياش : صباح النور قاسم بشر شنو الاخبار
قاسم : والله ياسيدي لكينااا لحمزه بس
عياش : ياالله وين لكيتو وشنو بس احجي
قاسم : حمزة متعارك ويه واحد يطلبه فلوس ومصاوب ونايم بلمستشفئ واليوم وصلتنة الاخبار ساعة ب٦:٣٠
عياش : انته شتحجي يامستشفى بسرعه انه جاييي
قاسم : سيدي مستشفى .....
عياش : في امان الله ، بدلت ونزلت اركض تلكاني جدي
الجد مصعب : هااا بويـة شجاك من صبح تركض وين رايح وهيج مستعجل
عياش : جدي لاكين حمزة وهوه هسه بلمستشفى
الجد مصعب : ياساتر ليش شبي ولك ابني فهمني صاير
عياش : جدي انه رايح بعدين افهمك
الجد مصعب : اوكف انه جاي وياك ، عاصم انته هم تعال ويانه
الاب عاصم : اي بويـة يلا امشينة
عياش : استعجلوو بسرعة
الجده امنية : ولك يمة اكعد اكل لكمة موش زين تطلع بلايه اكل بين مايبدلون جدك وعمك
عياش : لاعزيزتي اريد بس چاي
الام منال : وليدي هسه اجيبلك چاي
عياش: شربت چاي واخذت جدي وطلعت وصلنه للمستشفى ولكيت حمزة نايم بالغرفة دخلت عليه والكاااا حالته تكسر الخاطر
الممرضة : عفواً منو حضرتك وشلون تدخل ع المريض هيج رجاءاً اطلع بره
عياش : طلعتلهه هويتي وعرفتها بنفسي وكتلهاا انه اقاربة
الممرضة : عفواً سيدي اخذ راحتك
عياش : تسلمين بس اريد اشوف دكتور
الممرضة : ع ايدك اليمنه غرفة دكتور ادهم
عياش : السلام عليكم دكتور
الدكتور ادهم : وعليكم سلام اهلاً منو حضرتك
عياش : انه شيخ عياش ال ..... اجيت اسئل ع مريض حمزة اسماعيل
الدكتور ادهم : اهلاً وسهلاً شيخ تفضل ، والله مااعرف شكلك بس الاصابة مالته كلش قوية واحتمال يئدي الى شلل
عياش : كول غيرها دكتور شلون يعني يئدي الى شلل
الدكتور ادهم : مثل ماسمعت احنه سوينه العلينه وبقت يم الله لان الاصابة جايه بلعامود الفقري بنخاع
عياش : زين دكتور مانكدر نسفره خارج العراق حته يتعالج
الدكتور ادهم : مااعتقد لان ماله علاج ابد اصابتة كلش قوية
عياش : شكراً دكتور بس اكدر اشوفه
الدكتور ادهم : اي تفضل وياي بس مايصير اكثر من شخص ويااا بنفس الغرفه ماتتحمل وضعيه المريض
عياش : السلام عليكم شلونك حمزة الحمدالله ع سلامتك شون صرت
حمزة : عليكم السلام الله يسلمك زين
عياش : حمزة طيب بااسرع وكت حته نحجي بموضوع القطعة بس هسه اريد اعرف منك منو صاوبك وليش صاوبك ؟
حمزة : واحد يطلبني فلوس وصار هواي مامسددهنن وبس بعت القطعه ردت اسدد الفلوس وضل يدز تهديدات الي وبعدين دز جماعة وصاوبني
عياش : وشكد يطلبك فلوس ؟
حمزة : ١٠ ملايين ونص
عياش : انه راح اسدد المبلغ هذا بس لازم نكعد كعده حته نفك الموضوع بس اتعافه واوكف ع حيلك هسه وبعدين لكل حادث حديث عندك العافية وطلعت ...
الجد مصعب : ها بويـة شلونها حالته وشكال دكتور
عياش : جدي حمزة مصوب بلعامود الفقري واحتمال كلش چبير يصير بي شلل والي مصاوبة شخص يطلبه ١٠ ملايين ونص
عاصم : هذا شلون بييي مايتوب شيصخم بل فلوس هلكثر مدين مايجوز من سوالفه والله نزل راس اخوانه بلطين من دون اخوانه هوه الوحيد الي الله مطيح حظة حشه سامع
الجد مصعب : الله يرحمك ياخويه لو تكعد وتشوف ابنك شسوه بااخوانه وهسه شراح نسوي بويـة
عياش : مااسوي شي هسه الحد مايصير زين نسدد الفلوس ونكعد كعده والكل حادث حديث
الجد مصعب : عاشت ايدك بويااا الله كريم ...
.
.
.
.
قيس : السلام عليكم هاا امونة شلونج شخبارج
الجده امنية : هلا وليدي هلا بريحة الغالية شلونك يمه اسئل عليك اهلك شلونهم
قيس : الحمدالله يبوسون ايدج ، تسئل عليج العافيه حبيبتي ( باس راسها وكعد يمهاا ) شو جدي ماكوو ماشوفنه
الجدة امنية : والله يايمه طلع هوه والشيخ وخالك يحلون طلابـة حمزة وهسه همه ع جية
قيس : چاا زين انه صاعد اشوف حسن
الجدة امنية : اخذ راحتك يمه البيت بيتك
.
.
.
حسن : جنت كاعد احجي ويه ازل وشوية واشوف الباب انفتح لك هاا حيوان جابك حسباالي تشاقه
قيس: هااا ساق.... هاي ويامن تحجي تخون اختي
حسن : ازولة حبيبتي اجه اخوج الحيوان بعدين نسولف روحي بنيتي
قيس : عشتو بنيته الوصخ
حسن :ههههههههههه انجب واك وهسه كلي شلونك شخبارك شكو ماكو الحب شلونه
قيس : الحمدالله انته شلونك ، اخخخ لاذكرنييييي اول مااجيت صبحت بوجهه لو هيج الصباح لو مايراد مو من اجي اشوفن وجهك المعفن
حسن : ايااا حيوان يكفي اختك راضيه بيه فديتهاا
قيس : اشو انته ماتستحي وتتغزل بااختي كبالي
حسن : انجب چا هيه غير حلالييي هم الك عين تحجي بعد
قيس : لاعمي اسفين اخذ راحتك
حسن : قيس شبيك اشوفنك موش ع بعضك
قيس : ....
#بقلم الكاتبـة نيروز الكربلائيـة 🖤.
أنت تقرأ
نهوة الشيخ عياش
Fanficيدك براس حبك يزغيرون وآحن لحرورتك حنين النوك حقي ارتبك ووگوع من أﻻگيـك رمش عينك يفهي العدهن الطلوك الشمس شتعودلك شويچوي ملكاك دفؤ زنودك على المستبرد يلوك حايط بابكم معذور إذا طاح الله يساعده بكل لحظه مدگوك
