نهوة الشيخ عياش

البارت السادس والثلاثون

#نهوة الشيخ عياش
(البارت السادس والثلاثون 36)
هم حطت كحل لعِيونها الحلوات
وهنه بلا كحل بالشوف جتالات.
-🤍🫂'
جمارة: صار الظهر نزلت ويه البنات احضر بالغده بس بالي كله يمه هسه شدعوه عليه هوه شعر يحتاج كل هالهوسة لكفتني سحر احجي ويه روحي
سحر: هااا خوية شمالج صافنه تحاجين روحج تخبلتي !
جمارة: اسكتييي اكلت رزاله معدله
نور: هوه مال رزاله رزاله لأن صوت الشيخ واصل سابع جار من رزلج واني جنت اشر الملابس
جمارة: لابربج صدك يعني صوته عالي
نور: ايييي والله صوته عاليي
سحر: هسه ماكتيلي عليش رزلج !
جمارة: لان صابغه شعري وكاصته هسه شسالفه هوه شعري وبعدين اني حره بيه اعوفه اكصه هوه شبيي بس يصيح ! 🙂
سحر: لابلا غير رجلج ومسؤل عنج
سرور: كافيجن شكد تلغن ورانه تعزيله خفن ايدجن هسه ع جيه الشباب  يجون جوعانين
ريحان: بنات الشيخة تكول صبن غده كلها اجت
البنات : حاضر
جمارة: رحنه صبينه الغده كلها موجودة بس هوه ماكو اهوووهذا وينه ليش مانزل بس لانايم قاطع افكاري جدي
الشيخ مصعب : بوية ام عياش وينه الشيخ ليش مانزل يتغده ويانه ؟
ميادة: والله ياعمييي نايم تعبان هسه كعدته كال شوية وانزل بس بين مايصلييي
الشيخ مصعب : اي بوية بيها الخير الله يساعده
جمارة: شوية ونزل لابس تراك الله شكد ححلو طالع نوب اسود لابسه وهوه منا عنده عضلات يشككككك طالع عليه رفعت راسي ضليت اباوع عليه صوفرت
سرور: اكلييي لايشوفج عمي ويغسلج غسله بعدين صفني ع زلمة موش وكتج كلها موجودة
جمارة: بوية موش بيت ابراج مراقبة كلها فاكه عيونها علييينه خنسكت اشرفليي
الشيخ مصعب : يي بوية شلونه دوامك شلونك هناك مرتاح
عياش: اي شيخ الحمدالله زينين كلهم
الشيخ مصعب : بوية ليش ماتنقبل هنااا موش احسن من هالشلعان الكلب
عياش: الله كريم شيخنة ...
عاصم: ييي عمي ماكتلنه هاي نزله ونزلت من الدوام شوكت تعرس صارلك هواي من خاطب
جمارة: ابوي يحجي ويااا واني العيون كلها توجهت عليه حته هوه يباوعلييي جريت نفس يمه احس بطني راح تتكطع ترخصت وكمت للمطبخ اركض شربت ميييي وبقيت الهث من الخوف احس روحيييي راح ينغمييي عليه دخيلك ياعلييي
عياش: حجه عمي وياي وهاي صوفرت طفرت من مكانها ضحكت من كل كلبي عليهااا كتله عمييي الله كريم خنرتاح هاليومين ونكمل النواقص ونتوكل ع الله
الجميع : الله كريم  شايفين كل الخير ان شاءالله
منال: يمه وليدي قبل بجم يوم انطينه خبر حته نحجز كلشي
عياش: مايحتاج يمة تحجزون كلشي محضر انه
منال: براحتك ابني ..
.
.
.
.
قيس: نقهرت كلش ع سالين صار جم يوم ماحاجي وياها ضجت حيل قررت اخذلها بوكييي ورد واروح اشوفهاا بشغل وبالمره اعتذر منهاا كعدت الصبح بدلت وكملت وتريكت واخذت سويج سياره ورحت اشتريت بوكي ورد نوعته اكثر شي تحب الجوري هيه والياسمين نوعت من كلشي شي واخذتهن ورحت للشركة اول مادخلت سئلت عليها كالو بعدها ماجاية ضل بالي ياربييي ليش مااجت اخابر عليها مغلق خفت وزاد توتري ياالهييي وتالي شوية واجه ايهاب لمحته من بعيد ركضت اله صباح الخير استاذ ايهاب
ايهاب *بثكل : صباح النور قيس
قيس: مو الهدرجه عاد ادري انه طوختها عمي واسفين ونعتذر منك بس تعال اكلك اختك ليش مامداومة !!
ايهاب : لاوالله كلش هامك ماعرفت تتصل عليهااا وتحجي وياها امس طلعتها من المستشفئ
قيس: شنو يامستشفئ شبيك انته شهل حجييييي هذا وليش انه ماعندي علم استغفرالله يعني ماعرفت تتصلون علييي تحجون تكولون موش رجلها انه ومسؤل عليها لو هاهيه يعني !!
ايهاب: صوتك ومرض لاصيح احنه بشركة وبعدين لو انته صدك زلمتها ماتبجيها وتخلي دموعها ع خدهااا ومابيها شي لاتخاف صارت زينة بس انه كتلها لاداوم اليوم لان شويك عدها اعراض خفيفه
قيس: ايهاب انه لازم اروح اشوفها هيه بالبيت موو !!
ايهاب : توء توء توء ححبيبي مفكر دخول الحمام زي خروكة عندك كومة شغل اليوم ماكو طلعه انثبر هناا خلص شغل وتكسح
قيس: ايهاب فدوه اروحلك خل اروح لاتشعل ابو ابوي هسه وطلعني من طوري شتريد اسويلك من ارجع بس خنروح اشوفها
ايهاب: خوش بشرط اخذلها شي حلو من شوفه تنسه كلشي كون والله ياقيس اذا سمعتك مسويلها شي لو مخليها تبجي ماتلوماله نفسك خوش
قيس: ديلا افتهمنه انه رايح في امانالله ..
سالين: مالي خلك صار فتره من تعاركت ويه قيس الحد هسه كلش تعبانه ومالي واهس بااي شي قررت مااداوم اليوم وكلت الايهاب لو احد سئل عليه كلهم تعبانة راح ايهاب لدوام واني بقيت بالبيت نضفت وصليت وبقيت كاعده اتفرج ع تلفزيون وطلبت ريوك شوية واتصل علي ايهاب عبالي المطعم الوو ها هيوب شونك
ايهاب: ها حبيبتي باعييي زين اني شوفييي قيس راح يجيج هسه خاف يجي سوي روحج ميته كلش مابيج شييلين كشايه من الارض خوش
سالين: اسمالله رحمن لويش كل هذا صاير ؟
ايهاب: سوي الكتلج علييي ومعليج لو سئلج شوكت طلعتي من المستشفئ كليله البارحه وجان عندييي تسمم خوش
سالين: ايهاب شمسوييييييي القيس ومخوفه هيج ععلييي
ايهاب: شوف الفطيره بعدها دافعله احسن حته صيرله حرت اذن ويتوب يلا روحي عندي شغل ولايتأخر هذا الارعن ع دوام شوية وخل يلفييي عنده هواي شغل
سالين: ماشي الباب يندك روح خنشوف منو
ايهاب: يلا باي ديربالج
سالين : ماشي عيني باي ، طلعت اجو اهل المطعم جابو طلب صبيته وبديت انتضر قيس يجي حته نتريك هناك اندك الباب سويت نفس مثل مكال ايهاب حته روحي مابيه حيلها 😂 فتحت الباب اله جان جايب بوكي ورد وحلويات
قيس: سلام ..
سالين: وعليكم السلام تفضل ..
قيس: شلونج شلون صرتي !
سالين: تمام انته شجابك ومنو كلك
قيس: شنو شجابك ايهاب كلييي ليش مخابرتيني بلا
سالين: ماجان يمي تلفونييي وبعدين صرت زينة مابيه شي
قيس: شنو شبيج ليش تخربطتي
سالين: صار عندي تسمم وتخربطت وطلعت البارحه من المسشتفئ
قيس : صدك تحجينننننن غير تكولين تصخمين تخابرين انه طول  اليوم بالي يمج واله لأن صيحت عليج ست سالين هاهيه معناها ماتحجين ويايييي موو !!
سالين: لا مو هيج بس كتلك ماجان بيه حيل تعبانة
قيس: هااا واضح شو تعاي كعدي اكليي وجهج اصفر
سالين: كعدنه ناكل اباوعله شون خايف علييي صدك ضحكت علييي حيلل تستاهل حته مره ثانيه لازعلنييي بس هسه شلون لو عرف جذب شيخلصنييي
قيس: شبيج صافنه ماتاكلين
سالين: لاهاي اكلت الحمدالله بس تعال اكلك انته مووعندك شغل شلون تعوف الشغل وتجييي
قيس : انعلبو شغل غير بالي يمج وخفت عليج وانتي حضرت جنابج تلفونج مغلق اتصل ماتردين شلون بيج اضل اعلم
سالين: لاصيح قيس يعني جنت تعبانة وبس ..
قيس: خوش حسابج بعدين من صيرين زينة شنو عندج اليوم العصر ؟
سالين: ماعندي شي لويش
قيس: عازمج بره اريد اطلعج تغيرين جو وبالمناسبة تره العرس الخمييس خاف متعرفين
سالين: كلشي مكمله انييي مابقه شي حته صالون ححزنه اني وسالي بس شدعوه اليوم ثلاثاء يعني ركضه ركضه
قيس: شنو ركضه ركضه بنت الاوادم هوه غير صارلنه كومة من مخطوبين انه بعد مااتحمل لو علييي اليوم اخذج واروح
سالين: ههههههههه ماشي ، اكلك حبيبي يعني هم اذا زوجنك تاخذني نروح نشوف اهلك
قيس: اي ان شاءالله مفكر بهذا الموضوع اخذج اعرفج عليهم صار هواي ماشايفهم وبنفس الوكت نشوف عرس الشيخ شوكت حته نروح ويه عرسه
سالين: ان شاء الله..
.
.
.
.
جمارة: صار يومين اني مااحجي ويه عياش حته هوه تغير فد نوب لايحجي وياي لايسئل ضجت حيل منه شسالفه شدعوه بليل خابرت زينة كالت راح نجيييي كمنه سوينه عشه وحضرنه كلشي اجت زينة وعمتييي وبقينه كاعدين نسولف
مروه: صدك نسيت اكلكم الخميس عرس قيس
الجميع : صلاوات الف مبروك
مروه: الله يبارك بيكم
ميادة: زين خيه بعده مصر يبقه هناك مايرضه يرجع
مروه : والله طاحت وصله من الساني وانه اقنع بي مو راضييي يكول اجيكم بين فتره وفتره
هناء : خلييي خيه الله يسهل اله
الجميع : امين يارب
جمارة: كاعدين يسولفون شوية ودخل  عياش هذا وين جان سلم ع عمتي ووالشباب وكعد يسولف وياهم واني عيني ابد ماشلتها من عليه ياربييي شكد ححلو صاير
عياش: جنت طالع عندي شغله كملتها ورجعت للبيت لكيت عدنه عمتي مروه دخلت سلمت عليها وكعدت يم لشباب نسولف وكل ما ادور وجهي اشوف جماره تباوع علي ضحكت بداخلي وخزرتها ورجعت اسولف ويه لشباب
مروان: عياش دريت الخميس عرس قيس
عياش: لا والله ما دريت توني سمعت منك بيها الخير انشالله الله يسعده والف مبروك باوعت ع جماره اشوف رد فعلها بس عادي ماكو اي رد فعل فرحت يمكن نست حبه يي اكيد مو يمكن ترخصت وكلت لجمانه تسويلي جاي وتصعده لغرفتي
جماره: كاعدين يسولفون الشباب وعيني ابد ما نزلت من عياش هوه انتبه علي وخزرني كلشش خفت ضليت كل شوي واباوع بدون ما ينتبه شوي ومروان كله ع عرس قس وهوه يحجي ويه مروان ويباوع علي اني ابد ما هتمين ونوب صاحلي وكلي جمانه ما كال جماره ولا جمارتي ولا جماره كلبي كلشش نقهرت معناته كلش ضايج مني ردت ابجي اله شوي سويتله جاي وصعدت دكيت لباب واني لدمعه بعيني
عياش: صعدت وشوي وندك لباب عرفت هيه كتلها تدخل دخلت اباوع بوجها لدمعه بعينها ضحكت ع منضرها اخذت لجاي منها وهيه ضلت واكفه كتلها عاجبج ضلين يمي ليوم؟
جماره: اخذ مني الجاي واني ضليت واكفه صافنه علي فززني صوته وكتله لا بس انت شبيك وياي ليش ما تحجي وياي وليش كتلي جمانه بجي* هاي كله لأن كصيت شعري والله اسفه بعد ما اكصه ولا اصبغه بس لا سوي هيج وياي ما اتحمل ونبي
عياش: كلش نقهرت من بجت رحت حضنتها وكتلها بنيتي انه ما احب تسوي ايشي بشكلج انتي حلوه بدون ايشي انه احبج هيج ما احب تلعبين بروحج بعدين انتي تدرين بيه احب شعرج احب لونه واحب طوله ليش هيج سويتي بي عناد بيه لو شنو بس فهميني وخرت عنها وكلتها وحق لخلقج يا جماره اذا تكصين خصله منه اكصج وره فهمتي كلشي ولا تلعبين بروحج
جماره: والله بعد ما اكص منه شي بس انت لا ضوجني ويي عناد بيك سويت هيج واسفه
عياش:اويلي عليج رجعت حضنتها بعد روح عياش انتي  بنيتي سمعي كلامي ولا تعصبيني فدوه اروحلج صيري حبابه تقربت منها وبستها بخدها وهيه ابد ما مانعت تقربت اكثر وبستها بشفتها وهيه تجاوبت وياي حسيتها ذابت بين ايدي بنيتي روحي لغرفتج لا اسوي بيج مصيبه
جماره: حضني وباسني ابد ما مانعته عجبني الوضع ههههههه باسني بشفتي وانه ذبت بيده حسيت ع روحي من كال👆 رحت لغرفتي بسرعه واني ميته خجل وفرح ع خوف رحت للحمام غسلت وجهي ورجعت للغرفه شفته يريد ينزل دخلت للغرفه بسرعه عدلت شالي ونزلت اساعد لبنات بلعشه دخلت للمطبخ لكيت لبنات جاي يسون عشه كعدت اساعدهن واني لبتسامه ما فاركت وجهي
نور: اليوم الوجه مورد شعجب ما كالبه لخلقه شنو صالحتي ويه الشيخ ؟
جماره: نجبي بله اني دائما وجهي مورد ويي تصالحت ويه الشيخ فديته شيخ كلبي 
نور: العب اليوم تتغزل بلشيخ مصخنه اليوم لو شنو السالفه بضحك*
جماره: زوجي وحبيبي واتغزل بي شعليج انتي
ازل: هااهااا من وراي شكو اليوم ضحكين والضحكة شاكه حلكج شني صالحتو
جماره : يااء شبيجن  صوتجن فضحتني  يي صالحت وياا
نور: ولجن بنات سمعتنها شكالت ؟
لبنات: لا شنو كالت ما انتبهنه
نور:ولجن تكول ع عياش زوجها وحبيبها واخيرا الله هداها كككللوووووش
ازل : يااا صدك كككككللووش واخيرا حنيتي علي الله يديمكم انشالله ويسعدكم
جماره:  انشالله صوتجن شهرتنه
عياش: جاي انزل جوه وشفت جماره طالعه من لحمام هيه شافتني وركضت الغرفتها ضحكت عليها ونزلت رحت للمضيف لكيت لكل موجود كلت خوش فرصه هاي احجي ويه الشيخ علمود موعد العرس مدام بقه عندي شغل شوي كم يوم وانشالله اخلصه سلمت عليهم بست ايد جدي وراسه كعدت يمه ضلينه نسولف سوالف عاديه والشيخ كال اكو طلابه صايره ويه عشيره ال... بلعماره يروح اسبوع ع ما تنحل كتله شيخ اريد احجي وياك بموضوع عرسي مادام لكل موجود وعمي عاصم هم
الشيخ مصعب: اتفضل بويه احجي نسمعك
عياش: انشالله لعرس وره ما اكمل شغلتي وانت ترجع من لعماره ونبدي نحضر بلتحضيرات ونحدد يوم لعرس
الشيخ مصعب:انشالله بويه يوم السعد اشوفك عريس واشوف اطفالك قبل لا الله ياخذ امانته
عياش وكل الموجودين: اسم الله شيخ عمرك طويل انشالله
.
.
.
.
قيس: راضيت سالين وكملت ريوك وياها رجعت لشغلي وانه كلش ضايج عليها كملت لشغل ورحت للبيت احضر نفسي علمود اخذ سالين ونطلع نغير جو خطيه مريضه تحتاج تغير جو سبحت وحضرت ملابسي اتصلت عليها اشوفها حضرت نفسها لو لا
قيس📞: الوو ها حبيبتي كملتي لا؟
سالين📞: لا حبيبي بعدني بقه بس اخلي مكياج
قيس📞: يعني اله تخلين ميكاج تره انتي حلوه بدون مكياج لو اله تصبغين وجهج
سالين📞: احمم خجلتني ويي يعمري لازم اخلي مكياج لعد شلون تريدني اطلع جبار ابو الشربت ههههههه
قيس📞: عمي ونبي بدون مكياج احلى بس شسويلج لازم تصبغين جهرتج ديله حبي يله فضيها يرادلج ساعه بس صبغ خل اكمل تبديل واجيج 5 دقايق اذا ما مكمله اعوفج واطلع ايهاب بدالج ماشيي
سالين: لا والله طلع ايهاب شنو والله معليه تنتضرني توني يله خليت لمرطب خل ينشف شوي يله ابدي بلمكياج يله حب باي خل اكمل
قيس: ضحكت ع حجيها وسديته كلت خل اتصل ع اهلي اشوفهم شلونهم بين ما تكمل هاي لخبله يرادلها بلساعه بس مكياج اتصلت ع ابوي
قيس📞: الو ها بويه شلونك شخبارك مشتاقلك امي شلونها مروان شلونه ازل شلونها زينه شلونها مشتاقلكم هوااي بيت حدي شلونهم شخبارهم شنو شوكت يعرس لشيخ
ادهم: هلا وليدي زين الحمدالله انت شلونك شخبارك انشالله مرتاح كلهم زينين وليدي يسئلون عليك مريتك شلونها شوكت تجيبها وتجي انشالله والله ما ادري شوكت عرس لشيخ خل تجي امك واسئلها
قيس📞: بخير دامك انت بخير بويه زينه مريتي خوش بنيه والله مرتاح كلشش بويه ليش جا وين هيه؟
ادهم 📞: الله يسعدك وليدي والله امك بيت جدك راحت تشوفهم هيه وزينه
قيس📞:هاا جا من ترجع سلملي عليها وانشالله وره عرسي اجي اشوفكم
ادهم📞: انشالله وليدي هلا بيك بكل وكت ستعجل بجيتك ابني طاك كلبي عليك يابعد كلبي *بدموع
قيس📞: انشالله يا غالي انت لا تبجي بويه انشالله اجي واشوفكم وهوه يحاول يخفي دموعه *  يله يا خلي اروح انه عندي شغل من اكمل اتصل عليك واحجي ويه امي
ادهم📞: الله وياك وليدي الله يحفظك ويسعدك
قيس📞: سديته من ابوي وانه ميت بجي كلشش مشتاقلهم ميت ع شوفتهم رحت غسلت وجهي وكملت تبديل اخذت لسويج وقفلت باب لشقه وطلعت بيت سالين مو بعيد علي شقتي ف بسرعة وصلت اتصلت عليها جاوبت كلتها اذا كملت تطلع شوي وطلعت بوييه مو بينه شتك شك شنو من جمال شايله ضليت صافن عليها
سالين: كملت مكياج وره شوي اتصل علي قيس طلعت اله بسرعه اشو هاذ ضل صافن بوجهي واني اتحرك هوه يباوع علي صعدت بلسياره سلمت علي وهاذ بعده صافن كتله حبيبي شبيك صافن شنو محلوه طالعه؟
قيس: خاب يا محلوه غير تموتين اكلج ليش ما نخلي عرسنه اليوم مو احسن؟
سالين: ياا شنو عرسنه اليوم والله ماا هسه انزل اذا لعرس اليوم
قيس: ستغفرت ربي وكلت خلاص خلاص مو اليوم يله سدي الباب خل نمشي اخذتها للسينما وشتريت تذاكر دخول ختارينه فلم يكون حلو وبي شوي ورومانسي شاهدنه لفلم كلشش حلو جان وبعدين رحنه للمطعم تعشينه وكملنه ورجعنه للبيت.
.
.
.
.
مهند: كاعدين نسولف وبت كلبي كاعده يم البنات عيني ع حركاتها وحجيها شلون تحجي فدوه لكلبها راسلت جماره علمود تضبط الوضع علمود اشوفها واحجي وياها كلش مشتاقلها
مهند💭: اختي مجوره الجميله العزيزه اروحلج فدوه انه يا بعد كلبي انتي
جماره💭: هاا خير شعندك من مصلحه احجي اسمعك ؟
مهند💭: افااا مصلحه شنو يا بعد كلبي اريد منج طلبب صغيرووون فدوه اروحلج
جماره💭: يي مصلحه يله كول شنو هوه طلبك بله
مهند💭: اريدج دبريلي مكان احجي بي ويه نور يا روح اخوج انتي
جماره💭: من لبدايه وكول هيج ادبرلك مكان بس بشرط 😏
مهند💭: شرطي يا عمري انتي شنو تردين كولي واسوي الج
جماره💭: اريدك تسويلنه طلعه جماعيه ضوجه وملينه من البيت نريد نغير جو شوي واذا سويت شرطي اخليك تحجي ويه نور مااشي يا حلوو
مهند💭: خادم ولوكي احسبي نفسج طلعتي تأمرين امر يا كلبي انشالله اتفق ويه الشيخ عياش والشباب ونطلع ماشي بس فدوه اروحلج ستعجلي خيتي
جماره💭: اوكك حبيبي اوككك وهسه يله دعبل خل اكمل سوالف كلت للبنات نروح لغرفتي اريد اسولفلهن صعدنه للغرفه وسولفتلهن كلشي
البنات: لج عاشش زين سوين بي ونبي ضايجين خل يطلعونه شوي والله يا نور طلعتي بيج فايده
نور: نجبن ولجن اني بيه فايده من زمان بعدين انتن تردن طلعن براسي لا تخلني ما اروح اشوفه وما طلعن
البنات: سوي هيج انتي وشوفي شنسوي بيج
جماره: بقينه كاعدين نحش سوالف نوب كلمن راحت الغرفتها غيرت ملابسي ونمت ..
.
.
.
.
قيس: اجه يوم عرسي وعرس ايهاب كعدت من الصبح تريكت بسرعه ورحت للحلاق زينت وسويت تنضيف بشره وايهاب هم سوه مثلي كملنه ورجعنه للبيت بدلنه و اتصلت ع سالين اشوفها كملت لو لا
قيس📞: الو ها بنيتي كملتي لو لا تره شوي ونجيجن كملنا كلشي احنه
سالين📞: هلا حبيبي سالي كملت بقيت بس اني مابقه شي واكمل ع ما توصلون تلكوني مكمله
قيس📞: انتي دومج تتاخرين بس اريد اعرف شوكت يجي اليوم الي اتصل عليج واسئلج مكمله وتكليلي يي ففف منجج
سالين: يعمري شسوي غير همه بلكوه وصل السره النه ويله حبي روح خل اكمل باي مححح
قيس📞: حترك اخوج ع هل حركه اشوفج لو مااشوفج اليوم اله اطلع هلحركات من عينج
سالين📞:اووي  لا تخوفني هاي شبيك ليش تخليني ابجي ويخرب مكياجي
قيس📞: عمي روحي روحي لا نوب يخرب وضلين ساعتين تسوين بي سديته من سالين وفززني صوت ايهاب
ايهاب: ليش تحركني ها ولك ساقط
قيس: وسم ومرض خرعتني واذا حركتك عليك لوسفه هسه
ايهاب: وجع بعدني عريس ليش تحركني خل اشوف حياتي اول واشوف مريتي وبعدين احركني
قيس: بضحك* دمشي يلعريس امشي لا نتاخر رحنه ع بنات شوي وطلعن صعدت بنيتي بلسياره واشوف بنيتي ايه من الجماره طالعه تموت بلكوه لزمت نفسي عنها رحنه طكينه صور صارن كلشش حلوات كملنه ورحنه للقاعه ركصنه وكلشش تونسنه كملنه لحفله تمنيت انه بوسط اهلي وناسي بس صار الي صار الحمدالله سوينه زفه كلشش حلوه اصدقائي واصدقاء ايهاب لعبو لعب زفونه للفندق دخلت ع بنيتي
سالين: كلشش تونسنه بلعرس صار احلى يوم بحياتي كملنه وزفونه للفندق دخلت للغرفه كعدت اقره ادعيه وايات قرءانيه شوي ودخل قيس يمه احس كلبي طلع من مكانه متتت خوف اجه تقرب يمي
قيس: تقربت يمهاا رفعت راسها بستها من راسها وكتلها نورتي حياتي  يا اميرتي ويا احلى بنيه بحياتي انشالله اسعدج وافرحج بحياتج يعمري انتي
سالين: يكلبي انت الله يحفظك الي ويخليك خيمه فوك راسي انشالله اكون عند حسن ضنك واكون الك زوجه وام واخت وصديقه
قيس: بستها من بين عيونها وكتلها يله بنيتي روحي غسلي وجهج وتعاي نتعشه ورانه سهره اليوم وغمزتلهاا 
سالين: انشالله حبيبي بخجل * رحت مسحت المكياج وبدلت طلعت الملابس عزاا فضيحه شضم منهن يبوو الله لا يطيج يا سالين ع هللبس بلكوه لبستها وطلعت من الحمام وهوه صار كبالي عزاا متت خجل
قيس: كاعد انتضرها اشو هاي تاخرت بلحمام رحت اشوفها لكيتها كبالي بويه الحك لبنك راح يموت من وره جمالها
سالين : ياا حبيبي اسم الله لا جيب طاري الموت فدوه اروحلك
قيس: دتعاي تعاي خل ناكل بسرعه كعدنه ناكل واوكلها بيدي وهيه ميته خجل ويه كل لكمه ابوسها كملنه وكتلها عوفي الماعين ع ميز وتعاي
سالين : كملت خليت لاكل ع ميز وهوه راح ع جربايه غسلت واجيت نمت يمه
قيس: بنيتي انتي جاهزه تسلميني نفسج برضاج ما اريد اجبرج ع شي
سالين: بخجل* احمم يي حبيبي جاهزه وبرضاي هم
قيس: ماشي بنيتي تقربت منها بستها يم شفتها بوسه خفيفه بهمس احبج يعمري انتي نسيتيني كلشي صار بحياتي انتي هديه من ربي الي اروحلج فدوه بستها بشفتها برقه وهيه تفاعلت وياي ووووو...... (سوالف عرسان معليكم انتم 😂😂)....
#الكاتبـة نيروز الكربلائية .🖤