حبيبتي الجميلة (باللهجة الجزائرية)

١

تسنيم : خليني نعاونك عمي
العم ؛ ربي يفرحك بنتي لله يسترك
تسنيم : يعيشك عمي
رفدت عليه القفة كانت ثقيلة و قعدت طريق قاع وهي تقسر معاه كان شيخ كبير عندو 75 سنة
العم: شعال في عمرك بنتي
تسنيم : 22 سنة
العم : لله يبارك انا عندي وليدي اسمو " نزيم" و ني حابة نزوجو و شوفي ربي كيفاش شفتك نتي عجبتيني وتباني متربية و لي عجبني كيفاش ساترة روحك بالحجاب الشرعي
تسنيم : متحشمنيش عمي ربي يحفظك☺♥️
كملنا نمشو وصلنا لدارو ول نقولو فيلا كانت كبيرة  ما شاء لله فتح ل باب وانا قتلو
تسنيم : عمي انا نروح ابقا على خير واتهلا في روحك
العم : لالا اصبري بنتي نعيط ل مرتي تجي تشوفك
قالي دخلي رفضت حشمت متت هكا شوية خرجت هي كانت دايرة خيمار على رأسها  وجا العم معاها قاتلي
الخالة : ادخلي بنتي
تسنيم : لالا خالتي انا نروح طولت ماما تتقلق عليا
العم : اصبري مالا عطيلي نيميرو تع باباك قبل
تسنيم : بصح...
العم : متخافيش بنتي
عطيتهولو وسلمت عليهم ورحت.....
دخل العم هو ومرتو راح قعد في الصالون وجات قعدت قدامو مرتو وقالها
العم: شفتيها طفلة ما شاء لله نعم التربية والاخلاق
الخالة : ايه تبان طفلة ما شاء لله
العم : نا تبانلي هذي هيا طفلة لمليحة ل نزيم
الخالة :  حنا نروح و نشوفو ربي وش راه كاتب
العم : لعشية نعيط ل باباها
الخالة : ان شاء لله
.......
رجعت للدار فتحت الباب وقلت
تسنيم : السلام عليكم
ردت عليا ماما
ماما : وعليكم السلام
رحت سلمت عليها وقعدت فوق الكرسي عييت فرغت كاس ماء وشربت وقلت ل ماما
تسنيم : ماما دك نبدل ونجي نحكيلك
ماما : صحا بنتي
رحت نحيت حجابي وخيماري و جبدت جبة تع دار ورحت دخلت للدوش شللت روحي ولبست وخرجت رحت للكوزينة لقيت ماما وجدتلي لحليب مع لقاطو 💜
تسنيم : ني ميتة بالشر
ماما : كولي هاوليك قدامك
فرغت لحليب وقعدت ناكل وحكيت ل ماما كل شي قاتلي نعرفهم ناس ما شاء لله
تسنيم : تعرفوهم؟
ماما : ايه شكون لي ميعرفهمش متنسايش باباه يعني لي هدرتي معاه صباح كان جنرال
تسنيم : اء ولله مكان علبالي ملييح
كنا قاعدين حتى دخل بابا وخويا" عصام"
بابا : السلام عليكم
ردينا عليه السلام و رحت نوجدلهم القهوة و ديتها للصالون حطيتها ورحت للكوزينة بديت نوجد فالعشاء و ماما راحت قعدت معاهم فالصالة بديت نقي في الخضرة حبيت ندير المثوم كانو خاصيني صوالح قلت ل عصام
تسنيم : عصام يخصني صوالح هاك لورقة جيبهم
عصام : اوك دك نجي
لبس صباطو وخرج شوية هكا وجا وفي يدو الساشي شديتو عليه ورحت حطيتو فوق الطابلة وبديت نجبد في الصوالح حتى لقيتو جابلي شيبس و زريعة و شيكولة مالفرحة رحت عندو للصالة وسلمت عليه  قعد يضحك وقالي
عصام: حقا مقالكش بابا!
تسنيم : وش يقولي؟
عصام : يسما مزال ما قالك خلي هو يقولك مالا
تسنيم : حكيلي نتا قبل تشو
عصام : عمي السعيد تعرفيه لي يسكن تحت
تسنيم : اييه نعرفو
عصام: عيط ل بابا وحب يخطبك لوليدو
تسنيم : علبالي
عصام: ؟!!!
حكيتلو كل شي قعد يضحك وقالي
عصام: تعرفي تصيدي 😂
تسنيم : عصااااام☺
مزيا تفكرت ونضت كملت وجدت الطابلة وحطيت العشا وعيطتلهم تلمينا قاع قعدنا ناكلو ونقسرو حتى نطق بابا
بابا: تسنيم عيطولو جماعة وحبو يجو يخطبوك راهم جايين غير غدوة ان شاء الله يشوفوك
تسنيم : ☺☺☺
ماما : نعيط ل سامية تجي هي و غادة يعاونونا مالا
بابا : اصبري شوفي طفلة وش تقول
ماما : ياك حكيتلك يسما باينة راهي قابلة
خزرو فيا و قتلهم
تسنيم: لي تشوفوه نتوما صحيح هذاك هو
بابا : ايا صحا
كملنا تعشينا كي كملنا ناضو ونا رحت لميت الماعن و غسلتهم ورحت ل شمبرتي صليت و دخلت في وسط فراشي دخلت ديراكت لل واتباد قعدت نكتب حتى لحقت ال00:00 حطيت تليفون يتشارجا ورقدت .....
نضت صباااح على صوت واحد يضحك حليت عينيا ونلقا غادة رافدة طاس ماء وترميه عليااا نضت نعيط
تسنيم: غاااااادة يابقرة ياخرية فااايحة علااااش
بدات تضحك خزرت فيها خزرة تخوف فهمت روحها ناضت تجري لحقتها وانا هكاك حالتي حالة شعري طالع تلاقيت مع خالتي سامية فالطريق حشمت حبست وقاتلي
خالتي سامية : يااااا تسنيم ارواحي سلمي عليا
تقدمت منها سلمت عليها حتى جات غادة لبقرة قاتلي
غادة : نسيت قاع ارواحي سلمي
تسنيم : ناس يسلمو ونتي ترمي بالماء واو
سلمت عليها و رحت للدوش غسلت وجهي وبدلت قشي ورحت خرجت فراشي للشمس باسكو تشمخ قاع و رحت للكوزينة قعدت نتقهوا ومعايا غادة حتى جات ماما
تسنيم: صباح الخير ماما
ماما : صباح النور اسمعي نا ني خارجة نجيب صوالح يخصو ونتي و غادة ديرو الميناج ما بيد مانجو ونلحقو عليكم ونعاونوكم
تسنيم: اوكي
غادة : روحي خالتي متخميش
لبسو حجاباتهم وجدو رواحهم وراحو ونا بسيف باش قدرت نوض رحنا خملنا قع شنابر مسحنا لغبرة نقينا الدوش وتوالات ومبعدا سيقنا الشنابر كي نشفو غلقناهم وخليناهم نقايا ورحنا للصالون نقيناها قاع مسحنا لغبرة كل شي رجعت تهبل ومبعدا سوطينا للكوزينة حتى جاو لقاونا نسيقو فيها
غادة : هذي هيا تجو تعاونونا
خالتي سامية : سيقو وبلعو
تسنيم : اهاا😂😂😂🙂
يتبع
........
اذا عجبتكم قولولي نكملها🐢💚