بين الماضي والحاضر.

"1"

صلوا على سيدنا محمد
البارت الاول
- شن الي يغلب الطبع ولا التطبع؟

هزار ..خلاص ماما مصار شي توا ولا بعدين لمهم كنت بنروح توا مش كنتي دايرتيلي فيها دموع واستحشتك وتوا وينه بدينا فالهزايب من اول يوم
امها(ايناس)..باهي باهي خلاص ريحينا من لسانك ..هي خشي وعي اختك والبسن نعدو لعيت جدكن ولد عمكن قريب يجي وطلعت

هزار..مشينا لحوش جدي الي ليا سنيين مشفته الله قديش استحشته خشيت وحظنتهم كلهم مع ان امس كنت هنا! بس شن ندير يوم ميسدش سلمت وحظنت وضحكت وبعدين قعمزت نراجي في الجامعه دزلي نتيجتي ومره مره يجن البنات ينابشني نبتسملهم ونرد نبحت فتلفوني.....✨
____________________

نزار....واخيرا روحت وحنشوف عيلتي بعد 5سنين حنشوف حب حياتي!علمن نضحك زمان قدام عيونها ومش معبرتني يبال توا نستني بكل هههه!لمهم نشوفها مش مهم هيا تعبرني💔

جيت مع عمي وخشينا لمربعنا والشباب عيال عمامي واصحابي دايرين جو مع ان صبح ساعه11عليك ازعاج وخلاص نزلت من سياره وبديت عاد نسلم ع هذا نحظن في هظك لمهم بعد كملت نفاق وخشيت بدال ما نلقاهم في وجي كيف ما كنت متوقع لقيتهم كلهم متلمين مفهمتش، في بنت تبكي! قربت وقلت..كيف صار نرد نسافر وضحكت كلهم جوني وسيبوها عرفتها هيا من غيرها امتى روحت طبعا قربت علشان كانت تبكي ومديتلها يدي وسلمنا متغيييره بكل محلوه اكترر مكانتش هكي قبل 5 سنين منسقه دبشها وتدوي بشويه زعما متحشمه مني ولا الغربه غيرتها اين غربه هيه عدت طرابلس وكانت تزور فيهم مش كيفي عديت معش عرفت نرد...كيف حالك هزار
هزار مبتسمه وتمسح في دموعها ...تمام الحمد لله وانت كيف حالك وحال المانيا وضحكت
نزار فسره (معش تضحكي مزلت مستوعبتك قدامي بيش نستوعب ضحكتك) ضحك ...ماشيه وانتي كنك تبكي
هزار ..مش عارفه اليوم مفروض تنزل نتيجتي والجامعه دزتلي اني منجحتش في تلات مواد
نزار...كيف هذي وكنت نسمع انك تجيبي فالاول
هزار ..مش عارفه بنطلع نقول لبابا يشوفهم مرات نرد لطرابلس اخره
نزار...(غر وين ماشيه اصبريه مزلت مشبعت منك)..كنهذا خلي عيت جدك غادي يشوفوا من عندهم مفيش داعي تردي وتتعبي اخره
هزار..رنيت بيهم كان صار ما صار نعدي وخلاص نستاذنك توا بنشوف ببابا
نزار...اذنك معاك ...تستأذن من امتى تستاذن وزمان نذكر تخش فجأة وتطلع فجأة...ممكن حشم وممكن تغيرت!

هي تو خلينا نوضحو شن في...

انا هزار كنت بنت هبله ومهمله وطايشه بكل منحبش القرايا حياتي عباره عن مشاكل وفالطات مكنتش مهتمه بروحي دبشي زي متقول ماما خرق  كنت نلبس في واسع لانه مريح والي في قلبي ع لساني صريحه لساني طويله بالعاميه واحيانا وقحه مع ناس معينه بس كنت نتميز بضحكتي الي متفارقنيش اربعه وعشرين ساعه نضحك وديما بمصيبتي وطبعا مشتركات معايا اختى وبنت عمي اكتر تنين نحبهن فالعيله...
هذا كله "كنت" اما توا انا بنت هاديه بكل متسمعليش حس اهم شي قرايتي لبسي شكلي تغير!
ليش تغير؟ بعد كملت ثانوي بابا وماما دزوني لهل ماما فطرابلس قعدت عندهم 5 سنين نقرا هندسه غيروني بكل لان اهل ماما معروفين عيله راقيه وهاديه لابعد الحدود عشت معاهم وكسبت طبعهم غيورني للي انا ليه توا وقعدت شاطره بكل فقرايتي والمقوله الي حفظتها ليا جديده ملكيش غير قرايتك كنتي سكتي يا جديده الي كيفك عندهم زهايمر قرتني تلات لغات تركي وانجليزي وفرنسي غير الكورسات الي خديتهن في الرسم والتصوير والتنسيق والديكور......
مش عارفه بابا ليش دزني بس فعلا لخبطولي حياتي!