وراء رغباتي

البارت 9

137, #بارت٩

🌸 ‏( ﻭﺭﺍﺀ ﺭﻏﺒﺎﺗﻲ ‏) 🌸
ﺑﻘﻠﻤﻲ : ﺣﻨﻴﻦ ﺍﻟﻌﻠﻲ
ﻧﺴﻴﺎﻥ ﺗﻜﻮﻝ :
● ﻋﺴﻰ ﺍﻳﺎﻣﻲ ﻣﺎﺗﺤﻠﻰ ﻣﻦ ﺩﻭﻧﻜﻢ ●.
____________
ﻧﺴﻴﺎﻥ : ﺟﺎﺑﻮﻟﻲ ﻋﻠﻲ ﻭﻧﻮﺭ ﺍﺧﺬﺗﻬﻢ ﻟﺤﻀﻨﻲ ﻭﺑﻘﻴﺖ
ﺍﺷﻢ ﺑﺮﻳﺤﺘﻬﻢ ﺍﻭﻑ ﺷﻜﺪ ﻃﻴﺒﻪ ﺍﺣﺲ ﺭﻭﺣﻲ ﻣﻠﻜﺖ
ﺍﻟﺪﻧﻴﺎ ﺍﺧﻴﺮﺍ ﺭﺑﻲ ﺟﺒﺮﺕ ﺧﺎﻃﺮﻱ ﺻﺎﺭﻟﻲ ﺳﻨﻴﻦ ﺍﻧﺘﻀﺮ
ﻫﺎﻱ ﺍﻟﺤﻀﻪ ﺍﻟﺤﻤﺪ ﺍﻟﻠﻪ ﻭﺷﻜﺮ ﻗﺎﺑﻠﻪ ﺑﻜﻠﺸﻲ ﺑﺲ
ﻳﺎﺭﺑﻲ ﺍﺣﻔﻀﻬﻢ ﺍﻟﻲ ﺭﺿﻌﺘﻬﻢ ﺑﺲ ﻣﺎﺷﺒﻌﻮ ﻣﻦ ﺻﺪﺭﻱ
ﺟﺎﺑﺘﻠﻬﻢ ﺧﺎﻟﺘﻲ ﺣﻠﻴﺐ ﺭﺿﻌﻮﻭ ﻭﻧﺎﻣﻮ ﺑﻘﻴﻨﻪ ﺛﺎﻧﻲ ﻳﻮﻡ
ﻃﻠﻌﻨﻪ ﻣﻦ ﺍﻟﻤﺴﺘﺸﻔﻰ ﻭﻓﺮﺣﺘﻲ ﻣﺎﻧﻄﻴﻬﺎ ﻟﺸﺨﺺ
ﺍﺣﺲ ﺑﺪﻩ ﻋﻨﺪﻱ ﺍﻣﻞ ﺟﺪﻳﺪ ﺑﻠﺤﻴﺎﻩ ﻭﻣﺤﻤﺪ ﺍﻧﺸﺎﺀ ﺍﻟﻠﻪ
ﻳﺘﻐﻴﺮ ﺑﻠﻜﻲ ﻋﻤﻮﺩ ﺟﻬﺎﻟﻨﻪ ﻣﺸﺖ ﺣﻴﺎﺗﻲ ﻃﺒﻴﻌﻲ ﺍﻛﻌﺪ
ﻣﻦ ﺍﻟﺼﺒﺢ ﻭﻱ ﺟﻬﺎﻝ ﻳﻀﺤﻜﻮﻥ ﻭﻳﻨﺎﻏﻮﻥ ﻓﺮﺣﺎﻧﻪ
ﺑﻴﻬﻢ ﻣﻜﺎﺑﻠﺘﻬﻢ ﻣﺎﺭﻳﺪ ﺍﻓﻮﺕ ﺍﻱ ﻟﺤﻀﻪ ﻭﻫﻤﻪ ﺑﻌﺪﻳﻦ
ﻋﻨﻲ ﺧﺎﻟﺘﻲ ﻛﻠﺶ ﺗﺤﺒﻬﻢ ﻭﻣﺘﻌﻠﻘﻪ ﺑﻴﻬﻢ ﺣﺘﻰ ﺍﻟﺒﻨﺎﺕ
ﻭﻣﺤﻤﺪ ﻧﻔﺴﻪ ﻭﻧﻔﺲ ﻃﺒﻴﻌﺘﻪ ﻳﻮﻡ ﻳﻨﺎﻡ ﻳﻤﻲ ﻭﻋﺸﺮﻩ
ﺑﻼﺳﺘﻘﺒﺎﻝ ﺟﺎﻥ ﻛﻞ ﺍﺳﺒﻮﻉ ﻋﺸﺮﻩ ﺍﻳﺎﻡ ﻳﺘﻘﺮﺑﻠﻲ ﻫﺴﻪ
ﺻﺎﺭ ﺑﻠﺸﻬﺮ ﻣﺮﻩ ﺣﺘﻠﻮ ﺍﺑﺪﻝ ﺍﺧﻠﻲ ﻣﻜﻴﺎﺝ ﻛﻠﻪ ﻭﺍﺣﺪ
ﻋﻨﺪﻩ ﻭﺍﺳﺘﺤﻲ ﺍﺣﺠﻲ ﻭﻳﺎﻩ ﺑﻬﻴﺞ ﻣﻮﺿﻮﻉ ﻳﻨﺎﻡ
ﻳﻨﻄﻴﻨﻲ ﺿﻬﺮﻩ ﻭﻻ ﻋﺒﺎﻟﻚ ﻣﺮﻩ ﻧﺎﻳﻤﻪ ﻳﻤﻪ ﺣﻴﻞ ﺟﻨﺖ
ﺍﻧﻘﻬﺮ ﻭﺿﻮﺝ ﺍﻧﻲ ﻫﻢ ﺍﺭﻳﺪ ﺍﻟﻴﺤﺴﺴﻨﻲ ﺑﻮﺟﻮﺩﻱ
ﺣﺎﻟﻲ ﺣﺎﻝ ﺍﻱ ﻣﺮﻩ ﻣﺮﺍﺕ ﺍﻧﺴﻪ ﺭﻭﺣﻲ ﻛﻤﺖ ﻣﺎﺣﺲ
ﺑﺎﻱ ﺷﻲ ﺗﺠﺎﻩ ﻣﻮﺕ ﻛﻠﺸﻲ ﺣﻠﻮ ﺑﺪﺍﺧﻠﻲ ﺑﺲ ﻣﻦ
ﺍﺭﺟﻊ ﻭﺍﺷﻮﻑ ﻋﻠﻲ ﻭﻧﻮﺭ ﺍﻧﺴﻪ ﻛﻠﺸﻲ ﻻﻥ ﻫﻤﻪ ﺍﺣﻠﻰ
ﺷﻲ ﺻﺎﺭ ﺑﺤﻴﺎﺗﻲ ﺑﺪﻭﻭ ﺟﻬﺎﻟﻲ ﻳﻜﺒﺮﻭﻥ ﻭﻳﻤﺸﻮﻥ ﻭﻣﺤﻤﺪ ﻓﺘﺢ
ﻣﺤﻞ ﻓﻼﻓﻞ ﻭﺑﺪﻩ ﻳﺸﺘﻐﻞ ﻓﺮﺣﺖ ﺑﻠﻜﻲ ﻳﺘﻐﻴﺮ ﻭﺿﻌﻲ
ﻭﺍﺻﺮﻑ ﺑﺮﺍﺣﺘﻲ ﻭﺍﺷﺘﺮﻱ ﺍﻟﺒﻨﻔﺴﻲ ﻃﻠﻊ ﻣﺤﻤﺪ
ﻟﻠﺸﻐﻞ ﻭﺍﻧﻲ ﻛﻤﺖ ﻧﻀﻔﺖ ﻏﺮﻓﺘﻲ ﻭﺍﺧﺬﺕ ﻧﻮﺭ ﻭﻋﻠﻲ ﺩﺧﻠﺘﻬﻢ ﺣﻤﺎﻡ ﻭﻟﺒﺴﺘﻬﻢ ﻭﺩﻳﺘﻬﻢ ﻳﻢ ﺧﺎﻟﺘﻲ ﻛﻠﺘﻠﻬﺎ
ﺧﺎﻟﻪ ﻻﺗﺨﻠﻴﻨﻬﻢ ﻳﻄﻠﻌﻮﻥ ﺍﺧﺎﻑ ﻳﺘﻤﺮﺿﻮﻥ
ﻻﻥ ﺍﻟﺠﻮ ﺑﻮﻛﺘﻬﺎﺍﺍ ﺑﺎﺭﺩ ﻛﻠﺶ
ﺭﺣﺖ ﺍﻧﻮﺏ ﻟﻠﺒﻴﺖ ﻧﻀﻔﺘﻪ ﻉ ﺍﺻﻮﻟﻪ ﻭﻃﺒﺨﺖ ﻏﺪﻩ ﻭ ﻟﻜﻴﺖ ﺧﺎﻟﺘﻲ ﻋﺎﺟﻨﻪ ﺧﺒﺰﺕ ﻛﻤﻠﺖ ﺷﻐﻠﻲ ﻭﺭﺣﺖ ﺳﺒﺤﺖ ﺟﻤﻌﺖ ﻣﻼﺑﺴﻨﻪ ﺍﻟﻮﺻﺨﻪ ﺍﺭﻳﺪ ﺍﻏﺴﻠﻬﻦ ﺍﺟﺘﻨﻲ ﺍﻧﻐﺎﻡ
ﺍﻧﻐﺎﻡ : ﻧﺴﻴﺎﻥ ﺷﻮﻛﺖ ﺻﺒﻴﻠﻨﻪ ﻏﺪﻩ ﻣﻮ ﺟﻌﻨﻪ
ﻧﺴﻴﺎﻥ : ﺍﻧﻐﺎﻡ ﻭﺍﻟﻠﻪ ﻣﻠﺘﻬﻴﻪ ﺍﺭﻳﺪ ﺍﻏﺴﻞ ﺍﻟﻤﻼﺑﺲ ﻗﺒﻞ ﻻﻳﺠﻲ ﻣﺤﻤﺪ ﺭﻭﺣﻲ ﺍﻧﺘﻲ ﺻﺒﻲ ﺍﻟﻐﺪﻩ
ﺍﻧﻐﺎﻡ : ﻭﺍﻟﻠﻪ ﺍﻟﻤﻼﺑﺲ ﻣﻮ ﺍﻫﻢ ﻣﻦ ﺍﻟﻐﺪﻩ ﺍﻣﻲ ﺗﻜﻮﻝ ﺧﻠﻲ ﺗﺤﻀﺮ ﺍﻟﻐﺪﺍ ﻭﻓﺮﺍﺕ ﻭﺍﺣﻤﺪ ﻣﺴﺘﻌﺠﻠﻴﻦ ﻭﺭﺍﻫﻢ ﻣﺪﺭﺳﻪ
ﻧﺴﻴﺎﻥ : ﻫﺴﻪ ﻛﺎﻳﻤﻪ
ﺭﺣﺖ ﺻﺒﻴﺖ ﺍﻟﻐﺪﺍ ﻭﺍﻧﻄﻴﺘﻬﻢ ﺧﻠﺼﻮ ﻭﺟﺎﻱ ﺍﻧﻀﻒ ﺑﺎﻻﻣﺎﻋﻴﻦ ﺍﺣﺠﻲ ﺑﻴﻨﻲ ﻭﺑﻴﻦ ﻧﻔﺴﻲ ﻭﺍﻓﻜﺮ ﻟﺸﻮﻛﺖ ﺍﺑﻘﻪ ﻫﻴﺞ ﻭﻻﺯﻡ ﺍﻧﻔﺬ ﻛﻞ ﺍﻟﻴﻄﻠﺒﻨﻪ ﻭﺍﺳﺘﻤﺮﺕ ﺣﻴﺎﺍﺍﺍﺗﻲ ﻫﻴﺞ ﻓﻮﻙ ﺿﻴﻤﻬﻢ ﻣﺤﻤﺪ ﺿﺪﻱ ﻭﻣﺎﻳﺤﺲ ﺑﻴﻪ ﺍﺑﺪ .....
________ ﺳﻨﻪ 2003 ﻗﺒﻞ ﺳﻘﻮﻁ ﺍﻟﻨﻀﺎﻡ ﺍﻟﺒﺎﺋﺪ _
ﺍﺟﺎﻧﻲ ﻋﻼﻭﻱ ﻳﺮﻛﺾ ﻣﺎﻣﺎ ﺍﺟﺎﻧﻪ ﺧﻄﺎﺭ
ﻃﻠﻌﺖ ﺧﺎﻟﺘﻲ
ﺧﺎﻟﺘﻲ : ﻋﻼﻭﻱ ﺑﻴﺒﻲ ﻣﻨﻮ ﺍﺟﻪ
ﻋﻠﻲ : ﻣﺎﻋﺮﻑ ﺑﻴﺒﻲ ﺑﺲ ﻧﺴﻮﺍﻥ ﻫﻮﺍﻱ ﻭﻳﺎﻫﻦ ﺟﺎﺭﺗﻨﻪ ﺍﻡ ﻧﺼﻴﺮ
ﺍﻧﺪﻛﺖ ﺍﻟﺒﺎﺏ ﻃﻠﻌﺖ ﻓﺘﺤﺘﻪ ﺍﻡ ﻧﺼﻴﺮ ﻭﻳﺎﻫﺎ ﺍﺛﻨﻴﻦ ﻧﺴﻮﺍﻥ ﻃﺒﺒﺘﻬﻢ ﺍﻟﻐﺮﻓﻪ ﺍﻟﺨﻄﺎﺭ ﻭﺻﺤﺖ ﺧﺎﻟﺘﻲ ﺍﺟﺖ ﻳﻤﻬﻦ ﺭﺣﺖ ﺟﺒﺖ ﺍﻟﻤﻲ ﺗﻠﻜﺘﻨﻲ ﺍﻧﻐﺎﻡ
ﺍﻧﻐﺎﻡ : ﺍﻧﻄﻴﻨﻴﺎ ﺍﻧﻲ ﺍﻗﺪﻣﻪ ﺍﻟﻬﻦ
ﻧﺴﻴﺎﻥ : ﻟﻴﺶ ﻋﻴﻨﻲ ﺷﻜﻮ ﺍﻟﻨﺪﺍﺭﻩ ﻓﺠﺎﺀﻩ ﻧﺰﻟﺖ ﻋﻠﻴﺞ
ﺍﻧﻐﺎﻡ : ﺍﺣﺘﺮﻣﻲ ﻧﻔﺴﺞ ﺍﻧﻲ ﺍﺷﺘﻐﻞ ﺑﻜﻴﻔﻲ ﻭﺍﻛﻌﺪ ﺑﻜﻴﻔﻲ
ﻣﺎﻫﺘﻤﻴﺘﻠﻬﺎ ﺭﺣﺖ ﻗﺪﻣﺘﻪ ﺍﻟﻬﻦ ﺍﺷﻮ ﺧﺎﻟﺘﻲ ﺍﺿﺎﻳﻘﺖ ﻟﻤﻦ ﻃﺒﻴﺖ ﺣﺎﺟﺘﻨﻲ
ﺧﺎﻟﺘﻲ : ﻧﺴﻴﺎﻥ ﺧﺎﻟﻪ ﺧﻠﻲ ﺍﻧﻐﺎﻡ ﺳﻮﻱ ﺟﺎﻱ ﻭﺟﻴﺒﻪ
ﻧﺴﻴﺎﻥ : ﺻﺎﺭ ﺧﺎﻟﻪ
ﺍﺳﺘﻐﺮﺑﺖ ﻣﻦ ﺧﺎﻟﺘﻲ ﻻﻥ ﻣﺘﻌﻮﺩﻩ ﺍﻟﺰﻏﻴﺮﻩ ﻭﺍﻟﺠﺒﻴﺮﻩ ﻋﻠﻴﻪ
ﻃﻠﻌﺖ ﺗﻠﻜﺘﻨﻲ ﺍﻧﻐﺎﻡ
ﺍﻧﻐﺎﻡ : ﻫﺎ ﻧﺴﻴﺎﻥ ﺍﻣﻲ ﺗﺼﻴﺤﻠﻲ
ﻧﺴﻴﺎﻥ : ﺍﻱ ﺑﺲ ﺗﻜﻮﻝ ﺧﻠﻲ ﺍﺳﻮﻱ ﺟﺎﻱ ﻭﺍﺟﻴﺒﻪ ﻭﺗﺠﻲ
ﺍﺷﻮ ﻫﺎﻱ ﻃﺎﺭﺕ ﻣﻦ ﺍﻟﻔﺮﺡ ﺭﻛﻀﺖ ﺣﻀﺮﺕ ﺍﻟﺠﺎﻱ ﺑﺎﻻﺳﺘﻜﺎﻳﻦ ﺍﻟﺠﺪﻳﺪﻩ ﻭﺍﻟﻜﻴﻚ ﻣﺎﻋﺮﻑ ﻣﻨﻴﻦ ﻃﻠﻊ
ﻋﺮﻓﺘﻪ ﺍﻛﻮ ﺧﻄﺒﻪ ﺑﺎﻟﻤﻮﺿﻮﻉ ﺑﺲ ﻏﻠﺴﺖ ﻟﺸﻮﻳﻪ ﻭﺭﺍﺣﻦ ﺍﺟﺖ ﺧﺎﻟﺘﻲ ﻭﺟﻬﻬﺎ ﻳﻀﺤﻚ ﻭﺍﻧﻐﺎﻡ ﻋﺸﺘﻮﻭ ﻋﻮﺩ ﻣﺴﺘﺤﻴﻪ ﺭﺍﺣﻦ ﻟﻐﺮﻓﺘﻬﻦ
● ﺣﺰﺕ ﺑﻨﻔﺴﻲ ﻟﻴﺶ ﻣﻴﺴﻮﻟﻔﻦ ﻛﺪﺍﻣﻲ ﺑﺲ ﻣﻴﺨﺎﻟﻒ ﺍﻟﻤﻬﻢ ﺍﺧﻠﺺ ﻣﻦ ﺍﻧﻐﺎﻡ ﻻﻥ ﺧﺒﻠﺘﻨﻲ ﺣﻘﻴﺮﺭﺭﺭﻩ ﻛﻠﺶ ﻓﻮﻙ ﻣﺎﺗﺼﻮﺭﻭﻥ
ﻟﺸﻮﻳﻪ ﺍﺟﻪ ﻣﺤﻤﺪ ﺗﻌﺒﺎﻥ ﻃﺐ ﺳﺒﺢ ﻭﺭﺍﺡ ﻛﻌﺪ ﻳﻢ ﺧﺎﻟﺘﻲ ﺍﻧﻄﻴﺘﻪ ﻏﺪﻩ ﻭﻃﻠﻌﺖ ﺷﻮﻳﻪ ﻭﺻﺎﺣﻠﻲ
ﻣﺤﻤﺪ : ﻧﺴﻴﺎﻥ ﺗﻌﺎﻟﻲ ﺷﻴﻠﻲ ﺍﻟﺼﻴﻨﻴﻪ ﺷﺒﻌﺖ ﻭﺳﻮﻳﻠﻲ ﺟﺎﻱ ﺑﺲ ﻛﻮﻥ ﺧﻮﺵ ﺟﺎﻱ
ﺭﺣﺖ ﺣﻀﺮﺕ ﺍﻟﺠﺎﻱ ﻭﺻﺒﻴﺘﻪ ﻃﺒﻴﺖ ﻋﻠﻴﻬﻢ ﻭﺍﺳﻤﻊ ﺧﺎﻟﺘﻲ ﺗﻜﻠﻪ ﺧﻮﺵ ﻧﺎﺱ ﻭﺍﻟﻮﻟﺪ ﺷﺎﻏﻮﻝ
ﻣﻦ ﻃﺒﻴﺖ ﺳﻜﺘﺖ ﻭﻣﺤﻤﺪ ﻭﻻﺣﺴﺴﻨﻲ ﺑﺸﻲ
ﻋﻔﺘﻬﻢ ﻭﻃﻠﻌﺖ ....
ﺗﻌﺒﺖ ﻣﻦ ﻭﺿﻌﻲ ﻭﻳﺎﻫﻢ ﺍﺣﺲ ﻣﺤﻤﺪ ﺍﻟﻬﻦ ﻣﻮ ﺍﻟﻲ ﺑﻌﻤﺮﻩ ﻣﺎﺳﻮﻟﻔﻠﻲ ﺳﺎﻟﻔﻪ ﻭﺧﺎﺻﻪ ﺑﻴﻨﻪ ﺍﻭ ﺣﺠﺎﻟﻲ ﻋﻠﻰ ﺷﻲ ﺻﺎﻳﺮ ﻭﻳﺎ ﺑﺪﻭﻥ ﻣﺎﻳﻄﻠﻌﻦ ﻳﻌﺮﻓﻦ ﻗﺒﻠﻲ
ﻣﻦ ﻏﻴﺮ ﺣﻘﺎﺭﻩ ﺍﻧﻐﺎﻡ ﻭﺧﺒﺎﺛﺘﻬﺎ ﻭﻳﺎﻱ
ﻣﺮ ﺍﻟﻴﻮﻡ ﻋﺎﺩﻱ ﻭﺭﻩ ﺍﺳﺒﻮﻋﻴﻦ ﺗﻘﺮﻳﺒﺎ
ﺻﺎﺣﺘﻠﻲ ﺧﺎﻟﺘﻲ
ﻧﺴﻴﺎﺍﺍﺍﻥ
ﺧﺎﻟﺘﻲ : ﺗﻌﺎﻟﻲ ﺧﺎﻟﻪ ﺍﺭﻳﺪﺝ ﺗﻨﻀﻔﻴﻦ ﺍﻟﺒﻴﺖ ﻭﺗﻤﺴﺤﻴﻨﻪ ﻭﺍﻫﻢ ﺷﻲ ﻏﺮﻓﻪ ﺍﻟﺨﻄﺎﺭ ﻋﻄﺮﻳﻬﺎ ﺭﺍﺡ ﻳﺠﻦ ﻧﺴﻮﺍﻥ ﻭﻳﺎﻫﻦ ﺍﻟﻮﻟﺪ ﻳﺸﻮﻓﻮﻥ ﺍﻧﻐﺎﻡ ﻭﺍﺫﺍ ﺍﺗﻔﻘﻨﻪ ﻧﺮﻭﺡ ﺑﺎﺟﺮ ﻧﻤﻠﺞ ﺑﺎﺍﻻﻣﺎﻡ ﻋﻠﻲ ﺑﺲ ﻣﺎﺭﻳﺪ ﺍﺣﺪ ﻳﺪﺭﻱ
ﻧﺴﻴﺎﻥ : ﺻﺎﺭ ﺧﺎﻟﻪ
ﺑﻜﻠﺒﻲ ﻛﻠﺖ ﺍﻱ ﻫﻤﺰﻳﻦ ﺭﺍﺡ ﺍﺧﻠﺺ ﻣﻨﻬﺎ ﺑﺲ ﺷﺮﺍﺡ ﺍﻟﺒﺒﺲ ﻣﺎﻋﻨﺪﻱ ﺷﻲ ﺟﺪﻳﺪ
ﺛﺎﻧﻲ ﻳﻮﻡ ﻛﻌﺪﺕ ﻣﻦ ﺍﻟﺼﺒﺢ ﻧﻀﻔﺖ ﺍﻟﺒﻴﺖ ﻭﻛﻤﻠﺖ ﻛﻠﺸﻲ ﻭﺍﻧﻐﺎﻡ ﻣﺒﺪﻟﻪ ﻭﺍﻟﺤﻠﻚ ﺷﺎﻛﺘﻪ ﻟﻠﻌﺼﺮ ﺍﺟﻮﻭ ﺍﻟﻨﺎﺱ ﻭﻃﺒﺖ ﺍﻧﻐﺎﻡ ﻗﺪﻣﺘﻠﻬﻢ ﺍﻟﻌﺼﻴﺮ ﻭﺍﻟﻜﻴﻚ ﺑﺲ ﺍﻟﻌﺮﻓﺘﻪ ﺍﻟﻮﻟﺪ ﻣﺎﺣﺎﺟﻲ ﺷﻲ ﻭﻳﺎﻫﺎ ﻣﺠﺮﺩ ﺷﺎﻳﻔﻬﺎ ﻃﺎﻟﻌﻪ ﻻﻥ ﻳﺴﺘﺤﻮﻥ
ﻟﻠﻴﻞ ﺍﺟﺖ ﺍﻡ ﻧﺼﻴﺮ ﺩﺧﻠﺘﻬﺎ ﻟﻐﺮﻓﻪ ﺧﺎﻟﺘﻲ ﻭ ﺭﺣﺖ ﺟﺒﺖ ﻣﻲ ﻭﺍﺟﻴﺖ ﻳﻤﻬﻦ ﺑﺲ ﺗﻔﺎﺟﺄﺕ ﻳﺮﺩﻭﻥ ﻓﺮﺍﺕ ﻣﻮ ﺍﻧﻐﺎﻡ ﻫﻨﺎﺍ ﻭﺟﻬﻪ ﺍﻧﻐﺎﻡ ﻛﺎﻡ ﻣﺎﻳﺘﻔﺴﺮ ﺑﻴﻦ ﺍﻟﻴﻀﺤﻚ ﻭﺑﻴﻦ ﺍﻟﻴﺒﺠﻲ ﺑﺲ ﺳﻮﺕ ﺍﻟﻮﺿﻊ ﻃﺒﻴﻌﻲ ﻋﺎﻓﺘﻨﻪ ﻭﻃﻠﻌﺖ ﺑﺲ ﺍﻋﺮﻓﻬﺎ ﺿﺎﺟﺖ ﺍﻟﻮﻟﺪ ﺷﺎﻳﻒ ﻓﺮﺍﺕ ﻭﻣﻘﺘﻨﻊ ﺑﻴﻬﺎ132, تكملة9
ﻭﻣﻘﺘﻨﻊ ﺑﻴﻬﺎ ﻭﻗﺮﺭﻭ ﺑﺎﺟﺮ ﻳﻌﻘﺪﻭﻥ ﺑﻼﻣﺎﻡ ﻋﻠﻲ ﻉ
ﻋﻘﺪﻭ ﻭﻛﻤﻠﻮ ﻭﺣﺪﺩﻭ ﻣﻮﻋﺪ ﺍﻟﻌﺮﺱ ﻭﺭﻩ ﺍﺳﺒﻮﻋﻴﻦ ﻳﺎﺧﺬﻭﻫﺎ ﻭﺑﺪﻥ ﻳﺠﻬﺰﻥ ﺷﺘﺮﻥ ﻛﻮﻣﻪ ﻏﺮﺍﺽ ﻭﻣﻼﺑﺲ ﺧﻮﻭﻣﻜﻴﺎﺝ ﻋﻼﻛﻪ ﺷﻜﺒﺮﻫﺎ ﺑﺲ ﺫﻫﺐ ﻣﺎﺷﺘﺮﺕ ﻫﻮﺍﻱ ﻻﻥ ﻓﻠﻮﺱ ﻣﺎﻛﻔﻦ ﻭﻫﻨﻪ ﻣﺎﻃﻠﺒﻦ ﻣﻬﺮ ﻫﻮﺍﻱ ﻻﻥ ﺭﺍﺩﻥ ﺑﺲ ﻳﺰﻭﺟﻦ ﺧﺎﻟﺘﻲ ﺟﺎﺑﺘﻠﻲ ﺛﻮﺏ ﺑﻨﻔﺴﺠﻲ ﻭﺣﺠﺎﺏ ﻋﻠﻰ ﺫﻭﻗﻬﺎ ﻣﺎﻋﺠﺒﻨﻲ ﻛﻠﺶ ﺑﺲ ﺍﺣﺴﻦ ﻣﻦ ﺍﻟﻤﺎﻛﻮﻭ 
ﻭﺍﺟﻪ ﻣﻮﻋﺪ ﺍﻟﻌﺮﺱ ﺍﺟﺖ ﺧﺘﺎﻡ ﻗﺒﻞ ﺍﻟﻌﺮﺱ ﺑﻴﻮﻣﻴﻦ ﻭﺭﺍﺣﻦ ﻟﺼﺎﻟﻮﻥ ﺍﻧﻐﺎﻡ ﻭﺧﺘﺎﻡ ﻭﻓﺮﺍﺕ ﺑﺲ ﻋﺒﻴﺮ ﺑﻘﺖ ﻭﻳﺎﻱ ﻧﻀﻔﻨﻪ ﺍﻟﺒﻴﺖ ﻭﻛﻤﻠﻨﻪ ﻏﺪﺍ ﻭﺍﻫﻠﻲ ﺍﺟﻮ ﻣﻦ ﻭﻗﺖ ﻗﺒﻞ ﻟﺘﺠﻲ ﺍﻟﻨﺎﺱ ﻛﺎﻣﺖ ﺯﻳﻨﺐ ﻭﻳﺎﻱ ﻧﻀﻔﺖ ﺍﻣﺎﻋﻴﻦ ﺍﻟﻐﺪﺍ ﺷﻮﻳﻪ ﻭﻛﺎﻣﺖ ﺍﻟﻨﺎﺱ ﺗﺠﻲ ﻭﺍﻧﻲ ﺍﺭﻛﺾ ﻣﻨﺎ ﻭﻣﻨﺎ ﺭﺣﺖ ﺭﻛﻀﺖ ﺟﻠﻔﺖ ﻭﺟﻬﻲ ﺑﺼﺎﺑﻮﻥ ﺟﻠﻒ ﺟﻠﻒ ﻭﻟﺒﺴﺖ ﺍﻟﺜﻮﺏ ﻃﻠﻊ ﻳﺠﻨﻦ ﻋﻠﻴﻪ ﻭﻭﺳﻦ ﺧﻠﺘﻠﻲ ﻣﻜﻴﺎﺝ ﻻﻥ ﻫﻴﻪ ﺧﻮﺵ ﺳﻮﻱ ﻣﻜﻴﺎﺝ ﺍﺑﺎﻭﻉ ﺑﻠﻤﺮﺍﻳﻪ ﻏﻴﺮ ﺷﻜﻞ ﺻﺮﺕ ﺻﺎﺭﻟﻲ ﺷﻜﺪ ﻣﺸﺎﻳﻔﻪ ﺭﻭﺣﻲ ﻫﻴﺞ 
ﻛﻠﻬﺎ ﺗﺒﺎﻭﻉ ﻋﻠﻴﻪ ﻛﻤﻠﺖ ﻭﺍﻛﻔﻪ ﺑﻠﻤﻄﺒﺦ ﺍﻏﺴﻞ ﺑﻠﻜﻼﺻﺎﺕ ﺍﺟﻪ ﻣﺤﻤﺪ 
ﻣﺤﻤﺪ : ﺍﻡ ﻋﻠﻲ ﻭﻟﻮ ﻣﻮﻓﺎﺭﻏﻪ ﺑﺲ ﺍﺭﻳﺪ ﺳﺘﻜﺎﻥ ﺟﺎﻱ 
ﻧﺴﻴﺎﻥ : ﻫﺴﻪ ﺷﻮﻳﻪ ﺍﻧﺘﻀﺮﻧﻲ ﻭﺩﺭﺕ ﻭﺟﻬﻲ ﻋﻠﻴﻪ 
ﻣﺤﻤﺪ : ﻧﺴﻴﺎﻥ ﺗﺸﺘﻐﻞ ﻭﻣﻤﻨﺘﺒﻬﺘﻠﻲ ﺩﺍﺭﺕ ﻭﺟﻬﻪ ﻋﻠﻴﻪ ﺳﺒﺤﺎﻥ ﺍﻟﺨﻠﻘﻬﺎ ﻃﺎﻟﻌﻪ ﺗﺠﻨﻦ ﺻﺎﺭﻟﻲ ﺷﻜﺪ ﻣﻤﺮﻛﺰ ﺑﻮﺟﻬﺎﺍ 
ﻧﺴﻴﺎﻥ : ﺍﻧﻲ ﻣﺤﻀﺮﻩ ﺍﻟﺠﺎﻱ ﺑﺲ ﺻﺒﻴﺖ ﻭﺍﻧﻄﻴﺘﻪ 
ﺑﻘﻪ ﻭﺍﻛﻒ ﻳﻤﻲ ﻳﺸﺮﺏ ﺑﺎﻟﺠﺎﻱ ﻭﻳﺒﺎﻭﻋﻠﻲ ﺣﺴﻴﺖ ﻧﻀﺮﺍﺗﻪ ﺗﺨﺘﻠﻒ ﺍﻭﻝ ﻣﺮﻩ ﺍﺷﻮﻓﻪ ﻫﻴﺞ ﻳﺒﺎﻭﻉ ﻋﻠﻴﻪ ﻛﺎﻝ 
ﻣﺤﻤﺪ : ﻫﺎﻱ ﺷﻤﺴﻮﻳﻪ ﺑﺮﻭﺣﺞ 
ﻧﺴﻴﺎﻥ : ﻟﻴﺶ ﺷﻤﺴﻮﻳﻪ ﻣﺎﻋﺠﺒﻚ 
ﻣﺤﻤﺪ : ﻻ ﺑﺎﻟﻌﻜﺲ ﻛﻮﻟﺶ ﺣﻠﻮﻩ ﻟﺞ ﻟﻴﺶ ﻣﺘﺴﻮﻳﻠﻲ ﻛﻞ ﻳﻮﻡ ﻫﻴﺞ 
ﻧﺴﻴﺎﻥ : ﻟﻴﺶ ﺍﻧﺘﻪ ﺑﺤﺎﻟﻲ ﻣﻬﺘﻤﻠﻲ ﺍﺷﻮ ﻣﻜﺎﺑﻞ ﺍﻣﻚ ﻭﻃﻮﻝ ﻧﻬﺎﺭ ﻳﻤﻬﺎ 
ﻣﺤﻤﺪ : ﻛﺎﻓﻲ ﻧﺴﻴﺎﻥ ﻻ ﺍﺣﺪ ﻳﺴﻤﻌﺞ ﻋﻴﺐ 
ﻭﺣﻀﺮﻱ ﺭﻭﺣﺞ ﺍﻟﻴﻮﻡ ﻣﺜﻞ ﻫﺎﻟﺘﺮﺗﻴﺐ ﺍﺭﻳﺪﺝ :heart_eyes_cat: 
ﺿﺤﻜﺘﻠﻪ ..... ﻭﺟﺎﻱ ﻧﺤﺠﻲ 
ﻃﺒﺖ ﺧﺘﺎﻡ 
ﺧﺘﺎﻡ : ﻭﻟﺞ ﻧﺴﻴﺎﻥ ﺷﻤﺴﻮﻳﻪ ﻟﻤﺤﻤﺪ ﻭﻫﻴﺞ ﻣﻜﺎﺑﻠﺞ :imp: ﻫﻨﻴﺎﻟﺞ ﻋﻠﻲ ﻫﻬﻬﻬﻬﻪ 
ﻣﺤﻤﺪ ﺿﺤﻚ ﻭﻃﻠﻊ .... 
● ﻭﺍﻧﻲ ﺳﻜﺘﺖ ﺷﺠﺎﻭﺑﻬﺎ ﻳﻌﻨﻲ ﺳﻮﺗﻬﺎ ﺑﺸﻘﻪ ﺑﺲ ﻫﻨﻪ ﻛﻠﻬﻦ ﻋﺒﺎﻟﻬﻦ ﻣﺴﻮﻳﻪ ﺷﻲ ﻟﻤﺤﻤﺪ ﻭﺳﺎﺣﺮﺗﻪ 
ﺻﺎﺭﺕ ﺍﻟﺤﻨﻪ ﻭﺍﻧﻲ ﻣﺎﻓﺘﻬﻤﺖ ﺷﻲ ﺍﺭﻛﺾ ﻣﻦ ﺷﻐﻠﻪ ﻟﺸﻐﻠﻪ ﻭﺟﻬﺎﻟﻲ ﻭﻛﺤﻴﻦ ﺗﻌﺒﻮﻧﻲ 
ﻻﻛﻌﺪﺕ ﻭﻱ ﺍﻣﻲ ﻭﻻ ﺣﺠﻴﺖ ﻭﻳﺎﻫﺎ 
ﺯﻓﻮ ﻓﺮﺍﺕ ﻭﺧﺎﻟﺘﻲ ﻭﺍﻟﺒﻨﺎﺕ ﺭﺍﺣﻦ ﻭﻳﺎﻫﺎ ﺍﺟﺖ ﺍﻣﻲ ﻭﻧﺴﻮﺍﻥ ﺍﺧﻮﻱ ﺳﻠﻤﻦ ﻋﻠﻴﻪ ﻭﺭﺍﺣﻦ ﺿﻠﻴﺖ ﻭﺣﺪﻱ ﻭﺍﻟﺒﻴﺖ ﻫﻮﺳﻪ ﺭﺣﺖ ﻧﻴﻤﺖ ﻋﻼﻭﻱ ﻭﻧﻮﺭ ﻭﺭﺟﻌﺖ ﻧﻀﻔﺖ ﻛﻠﻪ ﻭﻛﻤﻠﺖ ﻃﺒﻴﺖ ﺳﺒﺤﺖ ﻭﻟﺒﺴﺖ ﺷﺪﺍﺷﻪ ﺣﻤﺮﻩ ﻗﺼﻴﺮﻩ ﻭﺍﻧﻲ ﺑﻴﻀﻪ ﻃﻠﻌﺖ ﻋﻠﻴﻪ ﺟﻨﻦ ﻃﻠﻌﺖ ﺻﺎﺭ ﺑﻮﺟﻬﻲ ﻣﺤﻤﺪ ... 
● ﺍﻭﻝ ﻣﺮﻩ ﻧﺒﻘﻪ ﺍﻧﻲ ﻭﻣﺤﻤﺪ ﺍﻟﻮﺣﺪﻧﻪ ﺑﺎﻟﺒﻴﺖ ﺑﺪﻭﻥ ﺍﺯﻋﺎﺝ ﺷﻌﻮﺭ ﺣﻠﻮﻭﻭﻭ :kissing: 
ﺻﻔﻦ ﺑﻮﺟﻬﻲ ﺳﺤﺒﻨﻲ ﺍﻟﺤﻀﻨﻪ ﻛﺎﻝ .. 
ﻣﺤﻤﺪ : ﺍﻻﺣﻤﺮ ﻳﺠﻨﻦ ﻋﻠﻴﺞ 
ﻧﺴﻴﺎﻥ : ﻳﻌﻨﻲ ﻋﺠﺒﻚ 
ﻣﺤﻤﺪ : ﻛﻠﺸﻲ ﺑﻴﺞ ﻳﻌﺠﺒﻨﻲ ﻭﺍﻧﻲ ﺍﺣﺒﺞ ﻭﺍﺷﺘﺎﻗﻠﺞ ﻭﺻﺢ ﻣﻘﺼﺮ ﻭﻳﺎﺝ ﺑﺲ ﺗﺪﺭﻳﻦ ﺍﻣﻲ ﻭﺍﺧﻮﺍﺗﻲ ﻣﺎﻛﺪﺭ ﻛﺪﺍﻣﻬﻢ 
ﻧﺴﻴﺎﻥ : ﺣﻤﻮﺩﻱ ﺣﺒﻴﺒﻲ ﺟﺎ ﻣﺎﻧﻌﺰﻝ ﻭﻧﺮﺗﺎﺡ ﻭﺍﻟﻠﻪ ﺍﺩﻟﻠﻚ ﺍﻋﻴﺸﻚ ﺑﺸﻲ ﻋﻤﺮﻙ ﻣﺎﻋﺎﻳﺸﻪ 
ﻣﺤﻤﺪ : ﻻ ﺍﻡ ﻋﻼﻭﻱ ﻣﻮ ﻣﺎﻝ ﻋﺰﻟﻪ ﻭﺍﻣﻲ ﺗﺒﻘﻪ ﻭﺣﺪﻫﺎ ﻣﺎﺗﺮﻫﻢ 
ﻧﺴﻴﺎﻥ : ﻟﻴﺶ ﻣﻮ ﺍﺣﻤﺪ ﻣﻮﺟﻮﺩ ﻭﺍﻟﺒﻨﺎﺕ ﻫﻢ 
ﻣﺤﻤﺪ : ﻧﺴﻴﺎﻥ ﻣﺎﺗﺮﻫﻢ ﺍﻟﻌﺰﻟﻪ ﻫﺴﻪ ﺧﻠﻲ ﻧﺰﻭﺝ ﺍﺣﻤﺪ ﻭﺗﺼﻴﺮ ﻋﻨﺪﻱ ﺍﻣﻜﺎﻧﻴﻪ ﺍﻭﻋﺪﺝ ﻧﻌﺰﻝ ﻫﺎﺍﺍ 
ﻧﺴﻴﺎﻥ : ﻫﺎﻳﻬﻴﻪ ﺍﺑﻮ ﻋﻼﻭﻱ ﺑﻜﻴﻔﻚ 
● ﻣﺮﺕ ﻫﺎﻱ ﺍﻟﻠﻴﻠﻪ ﻛﻮﻭﻟﺶ ﺣﻠﻮﻩ ﺗﺨﺘﻠﻒ ﻋﻦ ﻛﻞ ﺣﻴﺎﺗﻲ ﺍﺳﻠﻮﺏ ﻣﺤﻤﺪ ﻭﻛﻼﻣﻪ ﻛﻠﻪ ﻳﺨﺘﻠﻒ ... 
ﻛﻌﺪﺕ ﺍﻟﺼﺒﺢ ﺍﺑﺎﻭﻉ ﻟﺴﺎﻋﻪ 9 ﻭﻧﺺ ﺗﻔﺎﺟﺎﺀﺕ ﺍﺣﻨﻪ ﻣﻨﺘﺄﺧﺮ ﻫﻴﺞ ﺍﺑﺎﻭﻉ ﻋﻠﻰ ﻣﺤﻤﺪ ﻧﺎﻳﻢ ﻳﻤﻲ ﻓﺮﺣﺎﻧﻪ ﻻﻥ ﺑﺪﻩ ﻳﺘﻐﻴﺮ 
ﻣﺎﺣﺲ ﺍﻟﻪ ﺻﻮﺕ ﺍﻟﺒﺎﺏ ﻳﻨﺪﻙ ﻛﻤﺖ ﻟﺒﺴﺖ ﻣﻼﺑﺴﻲ ﻛﻌﺪ ﻣﺤﻤﺪ ﻛﺎﻝ 
ﻣﺤﻤﺪ : ﻫﺎﺫﻩ ﺑﺎﺑﻨﻪ ﻳﻨﺪﻙ 
ﻧﺴﻴﺎﻥ : ﺍﻱ ﺑﺎﺑﻨﻪ ﺍﺿﻦ ﺧﺎﻟﺘﻲ ﺍﺟﺖ 
ﻣﺤﻤﺪ : ﻟﻴﺶ ﺑﻴﺶ ﺍﻟﺴﺎﻋﻪ 
ﻧﺴﻴﺎﻥ : ﻫﺴﻪ 9 ﻭﻧﺺ 
ﺷﻨﻮﻭﻭ ﻓﺰ ﻣﺤﻤﺪ ﻣﻦ ﺍﻟﻔﺮﺍﺵ ﻭﻟﺒﺲ ﻣﻼﺑﺴﻪ ﻭﺭﻛﺾ ﻟﻠﺤﻤﺎﻡ 
ﺭﺣﺖ ﻓﺘﺤﺖ ﺍﻟﺒﺎﺏ ﺧﺎﻟﺘﻲ 
ﻛﺎﻟﺖ 
ﺧﺎﻟﺘﻲ : ﺷﻨﻮ ﺧﺎﻟﻪ ﻧﺎﻳﻴﻤﻴﻦ ﺷﺪﻋﻮﻩ ﺻﺎﺭ ﺳﺎﻋﻪ ﺍﺩﻙ 
ﻧﺴﻴﺎﻥ : ﻭﺍﻟﻠﻪ ﺧﺎﻟﻪ ﺗﻌﺒﺎﻧﻪ ﺍﻟﺒﺎﺭﺣﻪ ﺗﺄﺧﺮﺕ ﺍﻧﻀﻒ ﺑﺎﻟﺒﻴﺖ 
ﺧﺎﻟﺘﻲ : ﺟﺎﺍﺍﺍ ﻭﻣﺤﻤﺪ ﻭﻳﻦ ﺑﺲ ﻻ ﻫﻢ ﻧﺎﻳﻢ 
ﻧﺴﻴﺎﻥ : ﻻ ﺧﺎﻟﻪ ﺑﻠﺤﻤﺎﻡ ﻳﺴﺒﺢ 
ﺧﺎﻟﺘﻲ : ﻭﺷﻌﻨﺪﻩ ﺳﺎﺑﺢ ﻫﺴﻪ 
ﻧﺴﻴﺎﻥ : ﺻﻔﻨﺖ ﻋﻠﻰ ﻛﻼﻣﻬﺎ ﺑﺲ ﻣﺎﺣﺠﻴﺖ ﻭﻳﺎﻫﺎ ﺻﺎﺣﻠﻲ ﻣﺤﻤﺪ 
ﻣﺤﻤﺪ : ﺍﻛﻠﺞ ﻧﺴﻴﺎﻥ ﻫﺎﻱ ﺍﻣﻲ ﺍﺟﺖ ﺳﻤﻌﺖ ﺻﻮﺗﻬﺎ ﺷﻠﻮﻥ ﺍﻃﻠﻊ ﻭﺷﻮﻓﻨﻲ ﺳﺎﺑﺢ ﻓﺸﻠﻪ ﻭﺍﻟﻠﻪ ﺍﺳﺘﺤﻲ 
ﻧﺴﻴﺎﻥ : ﺻﻔﻨﺖ ﺑﻮﺟﻪ .... 
● ﻭﺍﻧﻲ ﻣﻜﻴﻔﻪ ﻛﻠﺖ ﻣﺤﻤﺪ ﺗﻐﻴﺮ ﻭﺭﺍﺡ ﺍﻋﻴﺶ ﺣﻴﺎﺗﻲ ﻣﺜﻞ ﺑﺎﻗﻲ ﺍﻟﻨﺴﻮﺍﻥ ﺍﻭﻭﻭﻭﻭﻭﻑ ﻳﺎﻧﺴﻴﺎﻥ ﻟﺸﻮﻛﺖ ﺿﻠﻴﻦ ﻫﻴﺞ....

يتبع..