وراء رغباتي

البارت 15

120, بارت15

‏( ﻭﺭﺍﺀ ﺭﻏﺒﺎﺗﻲ ‏)
ﻧﺴﻴﺎﻥ ﺗﻜﻮﻝ .....
ﺍﻟﻴﻞ ﻳﻜﺼﺮ ﻟﻮ ﻛﻌﺪ
ﻳﻤﻚ ﻋﺰﻳﺰﺯﺯﺯﺯﺯﺯ
🌻🌻🌻🌻🌻🌻🌻🌻🌻🌻🌻🌻🌻🌻🌻
‏( 2009 ‏) ﺷﻬﺮ 8 ﻳﻮﻡ 13
ﻧﺴﻴﺎﻥ : ﻛﺎﻋﺪﻩ ﺍﻧﻀﻒ ﺑﻠﻤﻄﺒﺦ ﻻﻥ ﺍﻟﻤﺠﺎﺭﻱ ﻣﺴﺪﻭﺩﻩ
ﻭﺍﻟﺒﻴﺖ ﺻﺎﻳﺮ ﺷﺤﺎﻟﻪ ﻳﻠﻌﺐ ﺍﻟﻨﻔﺲ ﻭﻧﻮﺭ ﻭﻋﻠﻲ ﻋﺪ
ﺧﻮﺍﻟﻬﻢ ﺩﻭﻡ ﻳﺤﺒﻮﻥ ﻳﺮﺣﻮﻥ ﻳﻢ ﺟﻬﺎﻝ ﺍﺑﺮﺍﻫﻴﻢ ﻭﺧﺘﺎﻡ
ﻫﻢ ﺗﺤﺒﻬﻢ ﻭﺧﺎﻟﺘﻲ ﻣﺮﻳﻀﻪ ﻭﻧﺎﻳﻤﻪ ﻭﺍﻟﺒﺎﺭﺣﻪ ﻣﺤﻤﺪ
ﺟﺎﺏ ﻋﻤﺎﻝ ﺳﻮﻭ ﺍﻟﻤﺠﺎﺭﻱ ﻛﻔﺸﺘﻲ ﺷﻜﺒﺮﻫﺎ
ﻭﺩﺷﺪﺍﺷﺘﻲ ﺷﻌﺮﺿﻬﺎ ﻋﻠﻴﻪ ﻻﻥ ﺣﺎﺭﻩ ﻣﻮﺕ ﻭﻣﺤﻤﺪ ﻃﻠﻊ ﻟﺪﻭﺍﻣﻪ ﻫﺎﺍ ﺻﺪﻙ ﻧﺴﻴﺖ ﻣﺤﻤﺪ ﺗﻌﻴﻦ ﻣﻔﺘﺶ ﺑﻠﻌﺘﺒﻪ ﺍﻟﻌﻠﻮﻳﻪ
ﻳﻮﻡ ﻳﺒﺎﺕ ﻳﻤﻨﻪ ﻳﻮﻡ ﺑﺎﻟﺪﻭﺍﻡ ﻛﻤﻠﺖ ﺗﻨﻀﻴﻒ ﺍﻟﻤﻄﺒﺦ
ﻃﺒﻴﺖ ﺍﻟﻐﺮﻓﺘﻲ ﻟﻤﻌﺖ ﺍﻻﺧﺸﺎﺏ ﻭﻧﻀﻔﺖ ﺍﻟﺜﻼﺟﻪ
ﻭﻃﻠﻌﺖ ﺍﻏﻨﻴﻪ ﻟﻠﻤﻄﺮﺑﻪ ﻏﺰﻻﻥ ﺣﻠﻤﺖ ﺑﻴﻚ ﺍﻧﺘﻪ ﺯﻋﻼﻥ
ﺑﻌﺪﻧﻲ ﺍﻧﻀﻒ ﺍﺟﻪ ﻣﺤﻤﺪ ﻣﻦ ﺍﻟﺪﻭﺍﻡ ﺟﺎﻳﺐ ﻭﻳﺎﻩ ﺩﺟﺎﺝ
ﺷﻮﻱ ﺍﺧﺬﺗﻪ ﻣﻨﻪ ﺣﻀﺮﺗﻪ ﻭﺩﺯﻳﺖ ﻣﻨﻪ ﻟﺒﻴﺖ ﺍﺣﻤﺪ ﻭﻛﻌﺪﻧﻪ ﻧﺘﻐﺪﺍ ﻣﺤﻤﺪ ﻛﻤﻞ ﻭﻛﺎﻡ
ﻣﺤﻤﺪ : ﻧﺴﻴﺎﻥ ﺍﺫﺍ ﻛﻤﻠﺘﻲ ﻏﺪﺍ ﺟﻴﺒﻠﻲ ﺍﻟﺠﺎﻱ ﺑﻐﺮﻓﺘﻲ ﻭﺗﻌﺎﻱ ﻋﻨﺪﻱ ﺷﻐﻠﻪ ﻭﻳﺎﺝ
ﻧﺴﻴﺎﻥ : ﺻﺎﺭ ﺑﺲ ﺧﻞ ﺍﻧﻀﻒ ﺍﻻﻣﺎﻋﻴﻦ ﻛﻤﻠﻨﻪ ﺍﻧﻲ
ﻭﺧﺎﻟﺘﻲ ﻭﺧﻠﻴﺖ ﺍﻟﻘﻮﺭﻱ ﻋﻠﻰ ﻧﺎﺭ ﺑﻴﻦ ﻣﺎﻏﺴﻠﺖ
ﺍﻻﻣﺎﻋﻴﻦ ﺟﻬﺰ ﺍﻟﺠﺎﻱ ﺻﺒﻴﺖ ﻭﺩﻳﺖ ﺍﻟﺨﺎﻟﺘﻲ ﻭﺩﻭﺭ
ﺻﺒﻴﺖ ﺍﻟﻲ ﻭﻟﻤﺤﻤﺪ ﻧﻄﻴﺘﻪ ﺍﻟﺠﺎﻱ ﺟﺎﻱ ﻧﺸﺮﺏ ﻛﺎﻝ
ﺟﻴﺒﻲ ﺳﺘﺮﻩ ﻣﺎﻟﺘﻲ ﺑﻴﻬﺎ ﺍﻟﺮﺍﺗﺐ ﺍﻟﻴﻮﻡ ﺳﺘﻠﻤﺖ
ﻧﻄﻴﺘﻪ ﺍﻟﻔﻠﻮﺱ ﻧﻄﺎﻧﻲ 50 ﺍﻟﻒ ﻛﺎﻝ ﻧﻄﻴﻬﺎ ﺍﻻﻣﻲ
ﻣﺼﺮﻑ ﺍﻟﻬﺎ ﻭﻋﺰﻝ 100 ﺍﻟﻒ ﻟﺨﻮﺍﺗﻪ ﻛﻞ ﻭﺣﺪﻩ 25
ﻣﻦ ﻳﺠﻦ ﺍﻧﻄﻴﻬﻦ ﻭﺍﻟﺒﺎﻗﻲ ﻛﺎﻝ ﺿﻤﻴﻪ ﻭﺷﺘﺮﺩﻳﻦ ﺍﺧﺬﻱ
ﺑﺪﻭﻥ ﻣﺘﺴﺎﻟﻴﻨﻲ ﻛﺘﻠﻪ ﺍﻟﻠﻪ ﻳﺮﺯﻕ ﻭﻳﻔﺘﺤﻬﺎ ﺑﻮﺟﻬﻚ ﺑﺲ
ﻫﺴﻪ ﺭﺍﺡ ﺍﺧﺬ ﻓﻠﻮﺱ ﺍﻟﺴﻠﻔﻪ ﺍﻭﺩﻳﻬﺎ ﻻﻡ ﻛﺎﺿﻢ ﻛﺎﻝ
ﺍﺧﺬﻱ ﺍﻧﻲ ﺭﺍﺡ ﺍﻧﺎﻡ ﺷﻮﻳﻪ ﻛﺘﻠﻪ ﻟﻌﺪ ﺍﺭﻭﺡ ﺍﻭﺩﻱ
ﺍﻟﻔﻠﻮﺱ ﺍﺧﺬﺕ ﻓﻠﻮﺱ ﺧﺎﻟﺘﻲ ﻛﺘﻠﻬﺎ ﺧﺎﻟﻪ ﺫﻧﻲ ﺩﺯﻫﻦ ﻣﺤﻤﺪ ﺍﻟﺞ ﻣﺼﺮﻑ ﻛﺎﻟﺖ ﺷﻨﻮﻭ ﻣﺴﺘﻠﻢ ﺭﺍﺗﺒﻪ ﺟﺎ ﻣﻄﻠﻌﻪ ﻛﺪﺍﻣﻲ ﺍﻧﻲ ﻣﻮ ﺍﻣﻪ ﺻﺎﻳﺮ ﻳﻀﻤﻀﻢ ﻋﻠﻴﻪ
ﻧﺴﻴﺎﻥ : ﻋﻔﺘﻬﺎ ﺩﺭﺩﻡ ﻛﺘﻠﻬﺎ ﺍﻧﻲ ﺭﺍﺡ ﺍﺭﻭﺡ ﺍﻭﺩﻱ ﻓﻠﻮﺱ
ﺍﻟﺴﻠﻔﻪ ﻻﻡ ﻛﺎﺿﻢ ﻣﺎﺭﺩﺕ ﻋﻠﻴﻪ ﻃﻠﻌﺖ ﻭﺩﻳﺘﺘﻬﻦ ﺑﺴﺮﻋﻪ
ﻭﺭﺟﻌﺖ ﺍﺧﺬﺕ ﻓﻠﻮﺱ ﻭﺭﺣﺖ ﻟﺴﻮﻙ ﻻﻥ ﻣﺎﻋﺪﻧﻪ
ﻣﺴﻮﺍﻙ ﻭﺧﺎﻟﺘﻲ ﻣﺮﻳﻀﻪ ﺑﻌﺪ ﻣﺘﻄﻠﻊ ﻫﻮﺍﻱ ﻭﻣﺤﻤﺪ
ﺑﻠﺪﻭﺍﻡ ﻛﻤﺖ ﺍﻧﻲ ﺍﻃﻠﻊ ﻛﻞ ﻣﺴﻮﻟﻴﻪ ﺍﻟﺒﻴﺖ ﻋﻠﻴﻪ
ﻛﻤﻠﺖ ﻣﺴﻮﺍﻙ ﻭﺭﺟﻌﺖ ﻏﺴﻠﺘﻪ ﻭﻧﺺ ﻋﻔﺘﻪ ﺑﺜﻼﺟﻪ
ﺧﺎﻟﺘﻲ ﻭﻧﺺ ﻋﻨﺪﻱ ﺑﺜﻼﺟﺘﻲ ﻛﻤﻠﺖ ﻛﻮﻟﺸﻲ ﻛﻌﺪ
ﻣﺤﻤﺪ ﻛﺎﻝ ﺍﻛﻠﺞ ﻧﺮﻭﺡ ﻟﻬﻠﺞ ﻧﺸﻮﻓﻬﻢ ﻭﻣﻨﺎﻙ ﺍﻧﺮﻭﺡ
ﻟﺒﻴﺖ ﺍﺑﺮﺍﻫﻴﻢ ﻧﺠﻴﺐ ﺍﻟﺠﻬﺎﻝ ﻣﺸﺘﺎﻗﻠﻬﻢ ﻭﺑﺎﺟﺮ ﻋﻨﺪﻱ
ﺩﻭﺍﻡ ﻣﺎﻓﺮﻍ ﺣﻀﺮﺕ ﺭﻭﺣﻲ ﻭﻃﻠﻌﻨﻪ ﺍﺟﺮ ﺗﻜﺴﻲ
ﻣﺤﻤﺪ ﻭﺻﻠﻨﻪ ﻟﻬﻠﻲ ﺍﺑﻮﻱ ﻣﺮﻳﺾ ﺣﻴﻞ ﺣﺘﻰ ﻛﺎﻡ
ﻳﺘﻴﻬﻪ ﻣﺎﻳﻌﺮﻓﻨﻪ ﻛﻠﺶ ﻳﻨﺴﻪ ﻧﺎﻳﻢ ﺑﻠﻔﺮﺍﺵ ﺑﺲ ﻧﻔﺲ
ﻭﺍﻣﻲ ﻫﻢ ﺣﻴﻞ ﺗﻌﺒﺎﻧﻪ ﻭﺑﺲ ﺯﻳﻨﺐ ﻭﻳﺎﻫﻢ ﻭﺣﺴﻴﻦ
ﻭﺣﺴﻦ ﻣﻴﺮﺿﻮﻥ ﻳﺰﻭﺟﻮﻥ ﺑﺮﻏﻢ ﺣﺴﻴﻦ ﻛﻤﻞ ﺩﺭﺍﺳﻪ
ﻭﺻﺎﺭ ﻣﻬﻨﺪﺱ ﻭﺣﺴﻦ ﺿﺎﻝ ﻳﻔﺮﺭﻓﺮ ﺑﺴﻴﺎﺭﻩ ﻻ ﺷﻐﻠﻪ
ﻭﻻﻋﻤﻠﻪ ﻛﻤﺖ ﻣﺎﺣﺐ ﺍﺭﻭﺡ ﻟﻬﻠﻲ ﺍﺿﻮﺝ ﻋﻠﻴﻬﻢ ﻭﻻ
ﻋﺒﺎﻟﻚ ﺫﺍﻙ ﺑﻴﺘﻬﻢ ﺍﻟﺠﺎﻥ ﻣﻴﻔﺮﻍ ﻣﻦ ﺍﻟﺨﻄﺎﺭ ﻭﺍﺿﺤﻚ
ﻭﺍﺳﻮﺍﻟﻒ ﻫﺴﻪ ﻣﺎﻛﻮﻭﻭ ﻫﺪﻭﺀ ﻭﺿﻮﺟﻪ ﻳﻘﺒﺾ
ﺍﻟﻨﻔﺲ ﺟﻬﺎﻝ ﺍﺧﻮﻱ ﻛﻠﻬﻢ ﻛﺒﺮﻭﻭ ﻭﺳﻠﻤﺎﻥ ﻳﺮﻳﺪ ﻳﺰﻭﺝ
ﺍﺑﻨﻪ ﻭﺍﺑﺮﺍﻫﻴﻢ ﻫﻢ ﺟﻬﺎﻟﻪ ﺻﺎﺭﻭﻭ ﻛﺒﺎﺭ ﻭﺍﻟﺤﻴﺎﻩ ﺗﻤﺸﻲ
ﺑﺲ ﻋﺪ ﻧﺴﻴﺎﻥ ﻭﺍﻛﻔﻪ ﺑﻘﻴﻨﻪ ﻳﻢ ﺍﻫﻠﻲ ﺗﻘﺮﻳﺒﺎ ﺳﺎﻋﻪ
ﻭﻃﻠﻌﻨﻪ ﻟﺒﻴﺖ ﺍﺑﺮﺍﻫﻴﻢ ﻗﺮﻳﺐ ﻋﻠﻰ ﺍﻫﻠﻲ ﺗﻌﺸﻴﻨﻪ ﻳﻤﻬﻢ
ﻭﺑﻘﻴﻨﻪ ﻟﻠﻴﻞ ﻛﻤﺖ ﻟﻠﺤﻤﺎﻡ ﺍﺑﺎﻭﻉ ﻟﻠﻤﻄﺒﺦ ﺍﺣﺪﺙ ﺷﻲ
ﻭﺍﺣﻠﻲ ﺷﻲ ﺗﺨﻢ ﻗﻨﻔﺎﺕ ﺑﺼﺎﻟﻪ ﻳﺠﻨﻦ ﻣﺜﻞ
ﺍﻟﺒﺘﻠﻔﺰﻳﻮﻥ ﻛﻠﺸﻲ ﻋﺪﻫﻢ ﺣﻠﻮﻭ ﻭﺑﻴﺘﻬﻢ ﺑﻨﻴﺎﻧﻪ ﺣﺪﻳﺚ ﻭﺍﺑﺮﺍﻫﻴﻢ ﻧﻔﺲ ﺍﺑﻮﻱ ﺑﻴﺘﻪ ﻣﻴﻔﺮﻍ ﻣﻦ ﺍﻟﺨﻄﺎﺭ ﻭﺍﻟﺒﻴﺖ ﻫﻮﺳﻪ ﺗﺤﺲ ﺑﻲ ﺭﻭﺡ ﻋﻜﺲ ﺑﻴﺘﻨﻪ
ﻟﻠﻴﻞ ﺗﺎﺧﺮﻧﻪ ﻳﻤﻬﻢ ﻻﻥ ﺍﻧﺘﻀﺮﻧﻪ ﺳﻠﻤﺎﻥ ﺍﺟﻪ ﻫﻮﻩ
ﻭﻣﺮﺗﻪ ﺗﻮﻧﺴﻨﻪ ﻭﻳﺎﻫﻢ ﺑﺲ ﻣﺤﻤﺪ ﻣﺘﻌﻮﺩ ﻳﻨﺎﻡ ﻣﻦ
ﻭﻛﺖ ﺧﻠﻴﻨﺎﻫﻢ ﻧﺺ ﺍﻟﺴﻬﺮﻩ ﻭﺭﺟﻌﻨﻪ ﻟﺒﻴﺘﻨﻪ ﺑﻮﺟﻬﻲ
ﻟﻠﺤﻤﺎﻡ ﺳﺒﺤﺖ ﻭﺍﻟﺒﻴﺖ ﻧﻀﻔﺘﻪ ﻗﺒﻞ ﻻ ﺍﻃﻠﻊ ﻭﺟﻬﺎﻝ
ﻳﻨﺎﻣﻮﻥ ﻳﻢ ﺧﺎﻟﺘﻲ ﻃﻠﻌﺖ ﻟﻜﻴﺖ ﻣﺤﻤﺪ ﻧﺎﻳﻢ ﻭﻳﺸﺨﺮﺭ
ﻭﺑﺎﺟﺮ ﻳﺒﺎﺕ ﺑﻠﺪﻭﺍﻡ ﺗﻌﻮﺩﺕ ﻫﻠﻰ ﻫﻞ ﺷﻲ ﺛﺎﻧﻲ ﻳﻮﻡ
ﻛﻌﺪﺕ ﻣﻦ ﺍﻟﺼﺒﺢ ﻭﻱ ﻣﺤﻤﺪ ﻳﺸﺮﺏ ﺑﺲ ﺣﻠﻴﺐ ﻭﺟﺎﻱ
ﺳﻮﻩ ﺳﻮﻳﺘﻠﻪ ﻭﻃﻠﻊ ﺫﺑﻴﺖ ﻭﺭﺍﻩ ﻣﺎﻱ ﻻﻥ ﺧﺎﻟﺘﻲ ﺿﻞ
ﺗﺤﺠﻲ ﺍﺫﺍ ﻣﺎﺫﺏ ﻭﺭﺍﻩ ﻣﺎﻱ ﻣﺸﺖ ﺣﻴﺎﺗﻲ ﻃﺒﻴﻌﻲ
ﻧﻔﺲ ﺭﻭﺗﻴﻦ ﺍﻃﻠﻊ ﺍﺳﻮﻙ ﻟﻮ ﺍﻣﺮ ﻋﻠﻰ ﺟﺎﺭﺍﺗﻲ ﺍﺗﻮﻧﺲ
ﻭﻳﺎﻫﻦ ﻣﺤﻤﺪ ﻣﺎﻟﻪ ﻋﻼﻗﻪ ﺑﻴﻪ ﺍﺻﺮﻑ ﻭﺍﻃﻠﻊ ﺑﻜﻴﻔﻲ ﺻﺢ ﺧﺎﻟﺘﻲ ﺗﻀﺎﻳﻖ ﻭﺿﻞ ﺩﺭﺩﻡ ﺑﺲ ﻣﺎﻫﺘﻤﻠﻬﺎ
ﻓﺪﻳﻮﻡ ﺍﺟﻪ ﻣﺤﻤﺪ ﻣﻦ ﺍﻟﺪﻭﺍﻡ ﻭﻓﺮﺣﺎﻥ ﻃﺐ ﻟﻐﺮﻓﻪ ﺧﺎﻟﺘﻲ ﻭﺍﺳﻤﻌﻪ ﻳﻜﻮﻝ
ﻣﺤﻤﺪ : ﻳﻤﻪ ﺧﺎﺑﺮﻭﻧﻲ ﻣﻦ ﻣﺆﺳﺴﻪ ﺍﻟﺸﻬﺪﺍﺀ ﻳﻜﻮﻟﻮﻥ
ﻳﻨﻄﻮﻧﻪ ﺗﻌﻮﻳﺾ ﻻﻥ ﺍﺑﻮﻱ ﻛﺘﻠﻪ ﺻﺪﺍﻡ ﻳﻌﺘﺒﺮ ﺷﻬﻴﺪ
ﻟﻮ ﻳﻨﻄﻮﻧﻪ 80 ﻣﻠﻴﻮﻥ ﻟﻮ ﻗﻄﻌﻪ ﺍﺭﺽ ﺍﺭﻭﺡ ﻭﻧﻔﺘﻬﻢ ﻣﻨﻬﻢ
ﺧﺎﻟﺘﻲ : ﺻﻠﻮﺍﺕ ﻋﻠﻰ ﻣﺤﻤﺪ ﺷﻔﺖ ﻳﻴﻤﻪ ﻓﺮﺝ ﺍﻟﻠﻪ ﻋﻠﻰ ﺳﺎﻋﻪ ﺑﺲ ﻳﻴﻤﻪ ﻻﺗﺴﻮﻟﻒ ﺍﺑﺪ ﺧﺎﻑ ﺍﻟﻮﺍﺩﻡ ﺗﻜﺘﻠﻨﻪ ﺑﻌﻴﻨﻬﺎ
ﻣﺤﻤﺪ : ﻫﺴﻪ ﺧﻞ ﻧﺴﺘﻠﻢ ﻭﺍﻟﻠﻪ ﻛﺮﻳﻢ
ﻧﺴﻴﺎﻥ : ﺛﺎﻧﻲ ﻳﻮﻡ ﻃﻠﻌﻮﻭ ﻣﻦ ﺍﻟﺼﺒﺢ ﻣﺤﻤﺪ ﻭﺧﺎﻟﺘﻲ
ﻛﺘﻠﻬﻢ ﺧﻴﺮ ﻭﻳﻦ ﺗﺮﻳﺪﻭﻥ ﻛﺎﻟﻮﻭ ﻋﺪﻧﻪ ﻣﻌﺎﻣﻠﻪ ﻣﺎﻝ
ﺭﺍﺗﺐ ﺍﻟﺮﻋﺎﻳﻪ ﻋﺒﺎﻟﻬﻢ ﻣﺎﺩﺭﻱ ﻳﻀﻤﻮﻥ ﻋﻠﻴﻪ ﻭﺍﻟﻠﻪ ﻳﺎﻟﻠﻪ
ﻛﻤﺖ ﺳﻮﻳﺖ ﻏﺪﺍ ﺗﻤﻦ ﻭﻣﺮﻛﻪ ﻓﺎﺻﻮﻟﻴﻪ ﻻﻥ ﻋﻼﻭﻱ
ﻳﺤﺒﻬﺎ ﺗﺎﺧﺮﻭ ﺻﺎﺭﺕ ﺏ 2 ﺍﻟﻀﻬﺮ ﻭﻫﻤﻪ ﻣﺎﻛﻮﻭ ﺻﺒﻴﺖ ﻏﺪﺍ ﺗﻐﺪﻳﺖ ﺍﻧﻲ ﻭﻋﻠﻲ ﻭﻧﻮﺭ ﺷﻮﻳﻪ ﻭﺍﺣﺲ ﺍﻟﺒﺎﺏ ﻧﻔﺘﺢ ﻃﺒﻮﻭ ﻭﺟﻮﻩ ﻋﺒﺎﻳﺖ ﺧﺎﻟﺘﻲ ﻋﻼﻛﻪ ﻛﺒﻞ ﺣﻄﺘﻬﺎ ﺑﻜﻨﺘﻮﺭﻫﺎ ﻭﻗﻔﻠﺘﻪ ﻋﻦ ﻻ ﺷﻮﻓﻬﺎ ﻣﻦ ﻧﺰﻋﺖ ﺍﻟﻌﺒﺎﻩ ﻟﻔﺘﻬﺎ ﺑﻨﺼﻬﺎ ﻭﺫﺑﺘﻬﺎ ﺑﻠﻜﻨﺘﻮﺭ ﻛﺘﻠﻬﻢ ﺗﺎﺧﺮﺗﻮﻭ ﻭﻳﻦ ﺻﺮﺗﻮﻭ ﺍﺣﻨﻪ ﺗﻐﺪﻳﻨﻪ ﺍﺣﻀﺮﻟﻜﻢ ﻏﺪﺍ
ﻣﺤﻤﺪ : ﺍﻱ ﻭﺍﻟﻠﻪ ﻣﻴﺖ ﺟﻮﻉ ﺭﻭﺣﻲ ﺭﺍﺣﺖ ﻭﺩﺧﺖ ﺣﻴﻞﻧﺴﻴﺎﻥ : ﺣﻀﺮﺕ ﺍﻟﻐﺪﺍ ﻭﻛﻤﻠﻮﻭ ﻭﺭﺣﺖ ﺍﻟﻐﺮﻓﺘﻲ ﺍﺑﺎﻭﻉ
ﺍﻓﻼﻡ ﻣﺼﺮﻳ121, تكملة15
ﺍﻓﻼﻡ ﻣﺼﺮﻳﻪ ﻋﻠﻰ ﻗﻨﺎﻩ ﺭﻭﺗﺎﻧﺎ ﻧﻬﺎﺭ ﻛﻠﻪ ﻣﻜﺎﺑﻠﺘﻪ ﺑﺬﺍﺕ ﺍﻓﻼﻡ ﻋﺎﺩﻝ ﺍﻣﺎﻡ ﻭﻧﺎﺩﻳﻪ ﺍﻟﺠﻨﺪﻱ ﺍﻣﻮﺕ ﻋﻠﻴﻬﺎ 
ﻧﻮﺭ : ﻳﻤﻪ ﻳﻤﻪ ﺑﻴﺒﻴﺘﻲ ﺗﺮﻳﺪﺝ ﺗﻜﻮﻝ ﺧﻞ ﺗﺠﻲ ﻳﻤﻲ 
ﻧﺴﻴﺎﻥ : ﺍﻫﻮﻭﻭﻭ ﺷﺘﺮﻳﺪ ﻣﻮﺗﻐﺪﺕ ﻭﺟﺎﻱ ﻭﺷﺮﺑﺖ ﺳﺘﻮﻩ ﺑﺪﻩ ﺍﻟﻔﻠﻢ ﻭﺍﻟﻠﻪ ﻟﻌﺒﺖ ﺭﻭﺣﻲ ﻣﻨﻜﻢ ﻭﺍﺣﺪ ﻣﺎﻳﺮﺗﺎﺡ ﺍﻣﺸﻲ ﻭﻟﻲ ﻛﻠﻴﻠﻬﺎ ﺭﺍﺡ ﺗﺠﻲ ﺭﺣﺖ ﻛﺘﻠﻬﺎ ﻫﺎﺍ ﺧﺎﻟﻪ ﺷﻌﻨﺪﺝ 
ﺧﺎﻟﺘﻲ : ﺗﻌﺎﻱ ﻳﺨﺎﻟﻪ ﻋﻨﺪﻱ ﺷﻐﻠﻪ ﻭﻳﺎﺝ ﺍﺭﻳﺪ ﺍﺧﺬﺝ ﻟﺼﺎﻳﻎ ﺍﻟﻌﺼﺮ ﺍﺷﺘﺮﻳﻠﺞ ﺗﺮﺍﺟﻲ ﻻﻥ ﺍﺩﺭﻱ ﺑﻴﺞ ﺑﻌﺘﻴﻬﻦ ﻟﻤﺤﻤﺪ ﻣﻦ ﺍﺣﺘﺎﺝ ﻋﻤﻮﺩ ﺗﻌﻴﻦ 
ﻧﺴﻴﺎﻥ : ﺗﺤﺠﻴﻦ ﺻﺪﻙ ﺧﺎﻟﻪ ﻭﻣﻨﻴﻠﺞ ﻓﻠﻮﺱ ﺍﻧﺘﻲ ﻣﺎﻋﻨﺪﺝ 
ﺧﺎﻟﺘﻲ : ﺍﻟﻠﻪ ﺍﻟﺮﺯﺍﻕ ﻭﺍﻟﻴﻮﻡ ﻧﻄﻮﻧﻪ ﻋﻤﻮﺩ ﻋﻤﺞ ﺍﻟﻠﻪ 
ﻳﺮﺣﻤﻪ ﻣﻨﺤﻪ 5 ﻣﻼﻳﻦ ﻗﺴﻤﺘﻬﻦ ﺑﻴﻦ ﺍﻟﻮﻟﺪ ﻭﺍﻟﺒﻨﺎﺕ 
ﻭﺭﺍﺡ ﺍﺷﺘﺮﻳﻠﺞ ﺗﺮﺍﺟﻲ ﻫﺪﻳﻪ ﻣﻨﻲ ﻭﻫﻢ ﻛﻮﻟﻲ ﺧﺎﻟﺘﻲ ﻣﻮﺯﻳﻨﻪ ﻭﻳﺎﻱ ﻫﻬﻬﻬﻪ 
ﻧﺴﻴﺎﻥ : ﻻ ﺧﺎﻟﻪ ﺣﺸﺎﺝ ﺍﻧﺘﻲ ﺑﻤﻜﺎﻥ ﺍﻣﻲ ﻋﻔﺘﻬﺎ ﻭﺭﺣﺖ ﻟﻐﺮﻓﺘﻲ ﻟﻜﻴﺖ ﻣﺤﻤﺪ ﻣﺘﻤﺪﺩ ﻛﺘﻠﻪ ﻣﺤﻤﺪ ﺍﻟﻌﺼﺮ ﺧﺎﻟﺘﻲ ﺗﺎﺧﺬﻧﻲ ﻟﺼﺎﻳﻎ ﺗﺸﺘﺮﻳﻠﻲ ﺗﺮﺍﺟﻲ 
ﻣﺤﻤﺪ : ﺻﺪﻙ ﺫﻛﺮﺗﻴﻨﻲ ﻫﺎﺝ ﺫﻧﻲ ﺍﻟﻔﻠﻮﺱ ﺷﺘﺮﻱ ﻣﻮﺑﺎﻳﻞ ﻭﻣﻼﺑﺲ ﺍﻟﺞ ﻭﻟﻠﺠﻬﺎﻝ 
ﻧﺴﻴﺎﻥ : ﺿﻠﻴﺖ ﺻﺎﻓﻨﻪ ﻣﺤﻤﺪ ﺷﻜﻮﻭ ﺍﻟﻴﻮﻡ ﺗﻮﺯﻋﻮﻥ ﻓﻠﻮﺱ ﺍﻧﺘﻪ ﻭﺧﺎﻟﺘﻲ ﺳﺎﻟﻔﺘﻜﻢ ﻣﻮ ﺧﺎﻟﻴﻪ 
ﻣﺤﻤﺪ : ﻣﺎﺗﺮﺩﻳﻦ ﺟﺒﻴﻬﻦ ﻣﻮ ﻭﺟﻬﻪ ﻧﻌﻤﻪ 
ﻧﺴﻴﺎﻥ : ﻋﻠﻴﻚ ﺍﻟﻠﻪ ﻣﺤﻤﺪ ﺑﺪﺍﻋﺖ ﻋﻼﻭﻱ ﺷﻜﺪ ﻧﻄﻮﻛﻢ ﻓﻠﻮﺱ 
ﻣﺤﻤﺪ 5: ﻣﻼﻳﻦ ﻟﻴﺶ ﺗﺴﺎﻟﻴﻦ 
ﻧﺴﻴﺎﻥ : ﺑﻌﺪﻙ ﺗﻀﻤﻀﻢ ﻋﻠﻴﻪ ﻻ ﻋﺒﺎﻟﻚ ﻣﺎﺳﻤﻌﺘﻜﻢ ﺍﻧﺘﻪ ﻭﺧﺎﻟﺘﻲ ﺟﺬﺑﻮﻥ ﻋﻠﻴﻪ ﺑﻠﺨﻤﺲ ﻣﻼﻳﻦ ﺍﺩﺭﻱ ﺑﻴﻜﻢ ﺳﺘﻠﻤﺘﻮ 80 ﻣﻠﻴﻮﻥ 
ﻣﺤﻤﺪ : ﺍﺵ ﻭﻟﺞ ﻻﺗﺴﻤﻌﺞ ﺍﻣﻲ ﻭﺍﻃﻠﻊ ﺍﻧﻲ ﻣﺴﻮﻟﻔﻠﺞ ﺍﻱ ﺻﺪﻙ ﺍﻟﻤﻨﺤﻪ 80 ﻣﻠﻴﻮﻥ ﺑﺲ ﺍﻟﻴﻮﻡ ﺍﻧﻄﻮﻧﻪ ﺑﺲ 5 ﻣﻼﻳﻦ ﻭﺍﻟﺒﺎﻗﻴﺎﺕ ﻧﺴﺘﻠﻤﻬﻦ ﺑﻌﺪﻳﻦ 
ﻧﺴﻴﺎﻥ : ﻟﻌﺪ ﻟﻴﺶ ﺗﺠﺬﺏ ﻋﻠﻴﻪ ﺟﺎﻳﺘﻚ ﻣﻦ ﺍﻟﺸﺎﺭﻉ ﺍﻧﻲ 
ﻣﻮﻣﺮﺗﻚ ﻭﺍﻓﺮﺡ ﻟﻔﺮﺣﻚ ﻭﻻﺗﺒﻄﻞ ﺳﻮﺍﻟﻔﻚ ﺷﻤﺎﻛﻮﻝ 
ﺗﻐﻴﺮ ﻭﺻﺎﺭ ﺯﻳﻦ ﺗﺴﻮﻳﻠﻚ ﺳﺎﻟﻔﻪ ﺍﻛﺒﺮ ﻣﻦ ﺍﻟﻘﺒﻠﻬﺎ 
ﻣﺤﻤﺪ : ﺩﻭﺧﺘﻴﻨﻲ ﺍﺭﻳﺪ ﺍﻧﺎﻡ ﻭﺭﺍﺳﻲ ﻳﻮﺟﻌﻨﻲ 
ﻧﺴﻴﺎﻥ : ﻧﺎﻡ ﻧﺎﻡ ﻫﻮﻩ ﺍﻧﺘﻪ ﺑﺲ ﻫﺬﻩ ﺍﻟﻔﺎﻟﺢ ﺑﻲ 
ﻣﺤﻤﺪ : ﺷﻨﻮﻭﻭﻭﻭﻭ ﻗﺼﺪﺝ 
ﻧﺴﻴﺎﻥ : ﻋﻔﺘﻪ ﻭﺭﺣﺖ ﺣﻀﺮﺕ ﺭﻭﺣﻲ ﻭﻃﻠﻌﻨﻪ ﺍﻟﻌﺼﺮ ﻟﺼﺎﻳﻎ ﺷﺘﺮﻳﺖ ﺗﺮﺍﺟﻲ ﺣﻠﻮﺍﺕ ﺑﺲ ﺯﻏﺎﺭ ﻣﺎﻋﺠﺒﻨﻲ ﺣﻴﻞ ﻫﻮﺍﻱ ﻣﻮﺩﻳﻼﺕ ﻋﺠﺒﺘﻨﻲ ﺑﺲ ﺧﺎﻟﺘﻲ ﻣﻘﺒﻠﺖ ﺍﺧﺬﻫﻦ ﻻﻥ ﻏﺎﻟﻴﺎﺕ ﻛﻤﻠﻨﻪ ﻣﻦ ﺍﻟﺼﺎﻳﻎ ﻭﻃﻠﻌﻨﻪ 
ﺣﺎﺟﻴﺖ ﺧﺎﻟﺘﻲ 
ﻧﺴﻴﺎﻥ : ﺧﺎﻟﻪ ﺧﻠﻲ ﻧﻤﺮ ﻋﻠﻰ ﺍﺑﻮ ﺍﻟﻤﻮﺑﺎﻳﻼﺕ ﺍﺭﻳﺪ ﺍﺧﺬﻟﻲ ﻣﻮﺑﺎﻳﻞ ﻣﺤﻤﺪ ﺍﻧﻄﺎﻧﻲ ﻓﻠﻮﺱ ﻣﻮﺑﺎﻳﻞ ﻭﻣﻼﺑﺲ ﻟﻠﺠﻬﺎﻝ 
ﺧﺎﻟﺘﻲ : ﻫﺎﻱ ﻣﺤﻤﺪ ﻣﻨﻄﻴﺞ ﻭﺍﻧﻲ ﺍﻛﻮﻝ ﺧﻄﻴﻪ ﻭﺧﻞ ﺍﻓﺮﺣﻬﺎ ﺟﺎ ﻣﻜﻠﺘﻴﻠﻲ ﻣﺤﺪ ﻧﻄﺎﻧﻲ ﻭﻻ ﻳﻄﻠﻌﻠﻲ ﻛﻠﺐ ﺑﺲ ﺍﻧﻲ ﺍﺳﻮﻟﻔﻠﺞ ﻛﻠﺸﻲ 
ﻧﺴﻴﺎﻥ : ﺷﺠﺎﺝ ﺧﺎﻟﻪ ﻣﻌﺒﺎﻟﻲ ﻻﺯﻡ ﺍﻛﻠﺞ ﻣﺎﻗﺼﺪﻱ ﺷﻲ 
ﺳﻜﺘﺖ ﻣﺠﺎﻭﺑﺘﻨﻲ ﺑﺲ ﺣﻴﻞ ﺍﺿﺎﻳﻘﺖ ﻻﻥ ﻣﺎﻛﻠﺘﻠﻬﺎ ﺑﺎﻟﺒﻴﺖ 
ﺍﻟﻤﻬﻢ ﺍﺷﺘﺮﻳﺖ ﺍﻟﻤﻮﺑﺎﻳﻞ ﻭﺍﻟﻄﺮﻳﻖ ﻛﻠﻪ ﻓﺮﺣﺎﻧﻪ ﺑﻲ ﻭﺍﺧﻴﺮﺍ ﺻﺎﺭ ﻋﻨﺪﻱ ﻣﻮﺑﺎﻳﻞ ﻣﺜﻞ ﺍﻟﻨﺎﺱ ﻭﺍﻧﻮﺏ ﺍﺧﺎﺑﺮ ﺧﻮﺍﺗﻲ ﻭﺍﻣﻲ 
ﻣﻼﺑﺲ ﻣﺎﺷﺘﺮﻳﺖ ﻻﻥ ﺧﺎﻟﺘﻲ ﻛﺎﻟﺖ ﺍﺧﺬﻳﻠﻬﻢ ﻣﻦ ﺑﻐﺪﺍﺩ ﺑﺎﺟﺮ ﻧﺮﻭﺡ ﻟﺰﻳﺎﺭﻩ ﻟﻠﻜﺎﺿﻢ ... ﻋﻠﻴﻪ ﺍﻟﺴﻼﻡ ..... ﺣﻤﻠﻪ ﻭﻱ ﺑﻴﺖ ﺍﻡ ﻋﺎﺭﻑ ﻋﻮﺩ ﻣﻨﺎﻙ ﻭﻧﺸﺘﺮﻱ 
ﺧﺎﻟﺘﻲ : ﻳﻼ ﺧﻞ ﻧﻤﺮ ﻋﻠﻰ ﺳﻮﻙ ﺍﺭﻳﺪ ﺍﺧﺬ ﻛﻴﻠﻮﻳﻦ ﻟﺤﻢ 
ﻣﺜﺮﻭﻡ ﺍﺳﻮﻱ ﻛﺒﺎﺏ ﺍﻟﺒﺎﺟﺮ ﻧﺎﺧﺬﻩ ﻭﻳﺎﻧﻪ ﻏﺪﻩ ﺍﻟﻀﻬﺮ 
ﺧﺎﺑﺮﺕ ﺍﻟﺒﻨﺎﺕ ﻳﺠﻦ ﻳﺮﺣﻦ ﻭﻳﺎﻧﻪ ﻭﻧﻄﻴﻬﻦ ﺣﺼﺘﻬﻦ 
ﻭﺻﻴﺖ ﺍﻡ ﻋﺎﺭﻑ ﺗﺤﺠﺰ ﺍﻟﻨﻪ ﺑﺴﻴﺎﺭﻩ ﻋﺎﺭﻑ ﻻﻥ ﺩﻭﻡ ﻳﺎﺧﺬ ﺣﻤﻼﺕ ﺯﻳﺎﺭﻩ 
ﻧﺴﻴﺎﻥ : ﻭﺻﻠﻨﻪ ﻟﻠﺒﻴﺖ ﻭﺭﺍﺡ ﻣﺤﻤﺪ ﺷﺘﺮﺍﻟﻲ ﺷﺮﻳﺤﻪ ﻋﻤﻮﺩ ﺍﺧﺎﺑﺮ ﺍﻫﻠﻲ ﻭﺭﻩ ﺍﻟﻌﺸﻪ ﺍﺟﻦ ﺍﻟﺒﻨﺎﺕ ﺧﺘﺎﻡ 
ﻭﺟﻬﺎﻟﻬﺎﻭﻓﺮﺍﺕ ﻋﺪﻫﺎ ﺑﻨﺎﺕ ﺛﻨﻴﻦ ﻭﻟﺪ ﻭﻋﺒﻴﺮ ﻣﺼﺎﺭ 
ﻋﺪﻫﺎ ﺟﻬﺎﻝ ﻭﺍﻧﻐﺎﻡ ﺻﺎﺭ ﻋﺪﻫﺎ 4 ﺑﻨﺎﺕ ﻛﻤﺖ ﺍﻧﻲ 
ﻭﻋﺒﻴﺮ ﺣﻀﺮﻧﻪ ﺍﻟﻜﺒﺎﺏ ﻭﺧﻴﺎﺭ ﻭﻃﻤﺎﻃﻪ ﻭﻟﻴﻤﻮﻥ 
ﻭﻋﺠﻨﺖ ﻭﺧﺒﺰﺕ ﺻﻔﻄﻪ ﺧﺒﺰ ﻭﺗﺮﻣﺰ ﻣﺎﻝ ﺟﺎﻱ 
ﺣﻀﺮﺗﻪ ﻻﻥ ﻧﻄﻠﻊ ﻣﻦ ﺍﻟﺼﺒﺢ ﻭﻛﻌﺪﻧﻪ ﻧﺴﻮﻟﻒ 
ﻭﻧﻀﺤﻚ ﺍﻧﻲ ﻭﺍﻟﺒﻨﺎﺕ ﻭﻧﺬﻛﺮ ﺳﻮﺍﻟﻒ ﻗﺒﻞ ﻭﺷﻠﻮﻥ 
ﺍﻧﻐﺎﻡ ﺗﺨﺒﺚ ﻋﻠﻴﻪ ﺿﻠﺖ ﺑﺲ ﺗﻀﺤﻚ ﺗﻜﻮﻝ ﺍﻻﻧﺴﺎﻥ 
ﻳﻮﻣﻴﻪ ﺑﻌﻘﻞ ﺻﺢ ﻫﻴﻪ ﺻﺎﺭﺕ ﺯﻳﻨﻪ ﺑﺲ ﺍﺑﻮ ﻃﺒﻊ 
ﻣﻴﺒﺪﻝ ﻃﺒﻌﻪ ﺛﺎﻧﻲ ﻳﻮﻡ ﻛﻌﺪﺗﻨﻪ ﺧﺎﻟﺘﻲ ﻣﻦ ﺍﻟﻔﺠﺮ 
ﻃﻠﻌﻨﻪ ﺑﻴﺖ ﺍﻡ ﻋﺎﺭﻑ ﻗﺮﻳﺐ ﻋﻠﻴﻨﻪ ﺷﻜﻢ ﺷﺎﺭﻉ 
ﺻﻌﺪﻧﻪ ﺑﺴﻴﺎﺭﻩ ﺟﺎﻥ ﻋﺎﺭﻑ ﺍﻟﺴﺎﻳﻖ ﻻﻥ ﻫﻮﻩ ﻳﺎﺧﺬ 
ﺣﻤﻼﺕ ﻃﻠﻌﻨﻪ ﻭﻃﺮﻳﻖ ﻛﻠﻪ ﻣﺸﺎﻝ ﻋﻴﻨﻪ ﻋﻨﻲ ﺍﻭﻑ 
ﺗﺬﻛﺮﺕ ﻣﻦ ﺻﻌﺪﺕ ﻭﻳﺎﻩ ﺑﻌﺮﺱ ﺍﺣﻤﺪ ﻫﻢ ﻧﻔﺲ ﺍﻟﺸﻲ 
ﻟﻮ ﻣﻦ ﻳﺒﺎﻭﻋﻠﻲ ﻭﺍﻧﻲ ﺍﻧﻀﻒ ﺑﺎﻟﻜﺪﻭﺭ ﺷﻠﻮﻥ ﻋﻴﻨﻪ 
ﺻﻠﻔﻪ ﻭﻻﻳﺴﺘﺤﻲ ﻭﺟﻴﺮﺍﻧﻪ ﻭﻣﺮﻩ ﺻﺪﻳﻘﻪ ﺍﺑﺪ ﻣﺎﺭﺗﺎﺣﻠﻪ 
ﺻﺎﺭ ﺳﻨﻴﻦ ﻭﻫﻮﻩ ﻣﺎﺷﺎﻳﻠﻨﻲ ﻣﻦ ﺭﺍﺳﻪ ﺣﺘﻰ ﻣﺮﺍﺕ 
ﻳﻼﻛﻴﻨﻲ ﺻﺪﻓﻪ ﺑﺸﺎﺭﻉ ﻣﻦ ﺍﺭﻭﺡ ﻟﺴﻮﻙ ﻳﻀﻞ ﻳﻤﺸﻲ 
ﻭﺭﺍﻱ ﺑﺴﻴﺎﺭﺗﻪ ﻟﺤﺪ ﻣﺎﺭﺟﻊ ﺍﻟﺒﻴﺖ ﻭﺍﺧﺎﻑ ﺍﺣﺠﻲ 
ﻟﻤﺤﻤﺪ ﻟﺤﺪ ﻣﺎﻭﺻﻠﻨﻪ ﺯﺭﻧﻪ ﻭﻛﻠﻤﻦ ﺭﺍﺡ ﺑﺠﻬﻪ ﻳﻔﺘﺮ ﺑﺴﻮﻙ ﻭﻓﺘﺮﻳﻨﻪ ﺷﻠﻮﻥ ﺯﻳﺎﺭﻩ ﺗﺨﺒﻞ 
ﺷﻜﺪ ﺗﺘﻮﻧﺲ ﺑﺰﻳﺎﺭﻩ ﻭﻃﻠﻌﻪ ﺍﺫﺍ ﻋﻨﺪﻙ ﻓﻠﻮﺱ ﺷﺘﺮﻳﺖ 3 ﺩﺷﺎﺩﻳﺶ ﻭﺣﺪﻩ ﺍﻟﻲ ﻭﺛﻨﻴﻦ ﻟﻨﺴﺮﻳﻦ ﻭﺍﻟﻬﺎﻡ ﻭﻣﻼﺑﺲ 
ﻟﻌﻼﻭﻱ ﻭﻧﻮﺭ ﻭﺍﻟﺒﻨﺎﺕ ﺍﺷﺘﺮﻥ ﻛﻮﻣﻪ ﻏﺮﺍﺽ ﻃﺒﻴﻨﻪ ﻣﺤﻞ ﻣﻼﺑﺲ ﻧﻮﻡ ﺷﺘﺮﻥ ﺳﻴﺘﺎﺕ ﻧﻮﻡ 
ﻓﺮﺍﺕ : ﻫﺎﺍ ﻧﺴﻴﺎﻥ ﻭﻧﺘﻲ ﻣﺘﺸﺘﺮﻳﻦ ﺷﺠﺎﺝ ﺍﻧﺘﻲ ﺗﻤﻮﺗﻴﻦ ﻋﻠﻰ ﻫﺎﻱ ﺳﻮﺍﻟﻒ ﺷﻌﺠﺐ ﻣﺎﺗﺎﺧﺬﻳﻦ ﺧﺎﻑ ﻣﺎﻋﻨﺪﺝ ﻓﻠﻮﺱ ﺍﻧﻲ ﺍﺷﺘﺮﻳﻠﺞ115, تكملة15@
ﻧﺴﻴﺎﻥ : ﻻ ﻳﺨﺘﻲ ﻣﺸﻜﻮﺭﻩ ﻣﺘﻘﺼﺮﻳﻦ ﺑﺲ ﺍﻧﻲ ﻣﺎﺭﻳﺪ 
ﻣﺎﻋﺠﺒﻨﻲ ﺟﻨﺖ ﻭﺍﻛﻔﻪ ﺍﻛﻠﺐ ﺑﺴﻴﺖ ﻟﻮﻧﻪ ﺍﺣﻤﺮ ﺩﺧﺎﻧﻲ ﻭﺑﻲ ﺗﻮﺭ ﻋﻠﻰ ﺻﺪﺭ ﻭﺿﻬﺮ ﻣﺸﺒﺞ 
ﻳﺠﻨﻦ ﻛﻠﺶ ﻋﺠﺒﻨﻲ ﻭﺍﺣﺠﻲ ﻭﻱ ﺭﻭﺣﻲ ﺍﺧﺬﻩ ﺍﻟﻤﻦ ﻟﻤﺤﻤﺪ ﺍﻟﻴﻨﺎﻡ 
ﻣﻦ ﺍﻟﺘﺴﻌﻪ ﻣﺜﻞ ﺍﻟﺪﺟﺎﺝ ﻭﺣﺲ ﺭﻭﺣﻲ ﻧﻘﻬﺮﺕ ﺣﻴﻞ 
ﻣﻦ ﺷﻔﺖ ﺍﻟﺒﻨﺎﺕ ﺷﺘﺮﻥ ﻭﻛﻞ ﻭﺣﺪﻩ ﺍﺧﺬﺕ ﻗﻄﻌﺘﻴﻦ 
ﺗﻼﺛﻪ ﺭﺣﺖ ﺑﻐﻴﺮ ﻋﺎﻟﻢ ﻭﺍﻓﻜﺮ ﻭﻣﺎﺣﺲ ﻏﻴﺮ ﻋﺎﺭﻑ 
ﻭﺍﻛﻒ ﻗﺮﻳﺐ ﻋﻠﻰ ﻣﺤﻞ ﻭﺻﺎﻓﻦ ﻋﻠﻴﻪ ﺑﺴﺮﻋﻪ ﻧﺘﺒﻬﺖ 
ﻟﻨﻔﺴﻲ ﻭﺭﺟﻌﺖ ﻛﻌﺪﺕ ﻳﻢ ﺧﺎﻟﺘﻲ ﻭﻋﻔﺖ ﺍﻟﺒﻨﺎﺕ 
ﻳﻔﺘﺮﻥ ﻓﺮﺷﺖ ﺍﻟﺴﻔﺮﻩ ﻭﺣﻀﺮﺕ ﺍﻟﻐﺪﻩ ﺍﻟﻨﻪ ﻭﺣﺪﻧﻪ 
ﻭﻓﺮﺷﺖ ﺳﻔﺮﻩ ﻟﻤﺤﻤﺪ ﻭﺍﺣﻤﺪ ﻭﻋﺎﺭﻑ ﻭﻟﺪ ﺧﺘﺎﻡ ﻻﻥ 
ﻭﻟﺪ ﺷﺒﺎﺏ ﻭﺣﺪﻫﻢ ﻭﺍﺣﻨﻪ ﻭﺣﺪﻧﻪ ﻛﻤﻠﻨﻪ ﻏﺪﺍ ﻭﺭﺟﻌﻨﻪ 
ﻟﻠﺒﻴﺖ ﻫﻠﻜﺎﻧﻴﻦ ﺗﻌﺐ 
ﻣﺮ ﺗﻘﺮﻳﺒﺎ ﺳﺒﻮﻋﻴﻦ ﻛﺎﻋﺪﻩ ﺍﻧﻀﻒ 
ﺑﻐﺮﻓﺘﻲ ﺩﻙ ﺗﻠﻴﻔﻮﻧﻲ ﺑﺎﻭﻋﺖ ﺭﻗﻢ ﻏﺮﻳﺐ 
ﻣﺎﺭﺩﻳﺖ ﺑﻘﻪ ﻳﺪﻙ ﺍﺧﺮ ﺷﻲ ﺭﺩﻳﺖ ﺑﺲ ﻭﺍﻧﻲ ﺳﺎﻛﺘﻪ ﺑﺲ ﺭﺩﺕ ﺍﻋﺮﻑ ﻣﻨﻮﻭ ﻋﺒﺎﻟﻲ ﻧﺴﻮﺍﻥ ﺍﺧﻮﻱ ﻭﺍﺳﻤﻊ ﺻﻮﺕ 
ﺍﺣﺲ ﻧﻔﺴﻲ ﺳﺎﻣﺘﻌﻪ ﻣﻦ ﻗﺒﻞ ﻭﺍﻧﺼﺪﻡ ﻭﻫﻮﻩ ﻳﻜﻮﻝ ﺭﺟﺎﺀ ﻻﺗﺴﺪﻳﻪ ﺍﻧﻲ ﻋﺎﺭﻑ ....... 
ﺑﻘﻠﻤﻲ : ﺣﻨﻴﻦ ﺍﻟﻌﻠﻲ
بارت 16
‏( ﻭﺭﺍﺀ ﺭﻏﺒﺎﺗﻲ ‏) 
ﻧﺴﻴﺎﻥ : ﺑﺲ ﻓﺘﺤﺖ ﺧﻂ ﻭﺍﺳﻤﻊ ﺻﻮﺕ ﺳﺎﻣﻌﺘﻪ ﻣﻦ ﻗﺒﻞ 
ﻋﺎﺭﻑ : ﺭﺟﺎﺀ ﻻ ﺗﺴﺪﻳﻪ ﺑﺲ ﺳﻤﻌﻴﻨﻲ 
ﻧﺴﻴﺎﻥ : ﺍﺣﺲ ﺟﺴﻤﻲ ﻛﺎﻡ ﻳﺮﺟﻒ ﻭﻣﺎﻋﺮﻓﺖ ﺷﺴﻮﻱ ﻣﻦ ﺻﺪﻣﻪ ﺳﺪﻳﺘﻪ ﺑﻮﺟﻬﻪ ﻭ ﺫﺑﻴﺖ ﺍﻟﻤﻮﺑﺎﻳﻞ ﻋﻠﻰ ﺟﺮﺑﺎﻳﻪ ﻭﻃﻠﻌﺖ ﺛﻮﺍﻧﻲ ﻭﺍﺟﺖ ﺭﺳﺎﻟﻪ ﺑﺲ ﻣﺎﻋﺮﻑ ﺍﻗﺮﻩ ﻣﻌﺮﻓﺖ ﺷﻨﻮﻭﻭ ﺻﺤﺖ ﻧﻮﺭ 
ﻧﻮﺭ : ﻫﺎﺍﺍ ﻳﻤﻪ ﺻﺤﺘﻴﻠﻲ 
ﻧﺴﻴﺎﻥ : ﺗﻌﺎﻱ ﻳﻤﻪ ﻗﺮﻳﻠﻲ ﺷﻤﻜﺘﻮﺏ ﺑﻬﺎﻱ ﺍﻟﺮﺳﺎﻟﻪ 
ﻧﻮﺭ : ﺭﺟﺎﺀ ﺑﺲ ﻫﻞ ﻣﺮﻩ ﺳﻤﻌﻴﻨﻲ ﻭﺑﻌﺪﻳﻦ ﺑﻜﻴﻔﺞ ﺷﺘﺮﺩﻳﻦ ﺳﻮﻳﻦ ﺳﻮﻱ 
ﻧﺴﻴﺎﻥ : ﻫﺎﺍﺍ ﻫﺬﻩ ﺧﺎﻟﺞ ﺣﺴﻦ ﺭﺍﺩ ﺷﻐﻠﻪ ﻣﻨﻲ ﻧﺎﺳﻴﺘﻬﺎ 
ﻧﻮﺭ : ﻋﻔﺖ ﻣﺎﻣﺎ ﻭﻃﻠﻌﺖ ﻣﻦ ﺍﻟﻐﺮﻓﻪ ﻭﺍﻧﻲ ﺍﺩﺭﻱ ﻛﻠﺶ ﺯﻳﻦ ﻫﺬﻩ ﻣﻮ ﺧﺎﻟﻮﻭﻭ ﺣﺴﻦ 
ﻧﺴﻴﺎﻥ : ﺷﻮﻳﻪ ﻭﺭﺟﻊ ﺩﻙ ﻣﺎﺟﺎﻭﺑﺘﻪ ﺿﻞ ﻳﺘﺼﻞ ﺷﻜﺪ 
ﺑﻘﻪ ﺳﺒﻮﻉ ﻳﺘﺼﻞ ﻭﻣﺎﺟﺎﻭﺏ ﻛﻞ ﻣﺎﻳﺘﺼﻞ ﺍﺻﻴﺢ ﻟﻨﻮﺭ ﺗﻤﺴﺢ ﺍﻟﻤﻜﺎﻟﻤﻪ ﺧﺎﻑ ﻣﺤﻤﺪ ﻳﻌﺮﻑ 
ﻧﻮﺭ : ﺍﺑﺪ ﻣﺎﺭﺗﺎﺣﻴﺖ ﻟﺘﺼﺮﻓﺎﺕ ﺍﻣﻲ ﻣﺘﻮﺗﺮﻩ ﻭﺧﺎﻳﻔﻪ ﻭﺑﻌﺪﻳﻦ ﺍﺫﺍ ﺧﺎﻟﻮﻭ ﺣﺴﻦ ﻟﻴﺶ ﺗﻤﺴﺢ ﺍﻟﻤﻜﺎﻟﻤﺎﺕ 
ﻧﺴﻴﺎﻥ : ﺑﻠﻴﻞ ﻣﺤﻤﺪ ﺑﻠﺪﻭﺍﻡ ﻭﺟﻬﺎﻝ ﻳﻨﺎﻣﻮﻥ ﻳﻢ ﺧﺎﻟﺘﻲ ﻣﺘﻌﻮﺩﻳﻦ ﻏﺎﻓﻴﻪ ﻭﺍﺣﺲ ﻭﺍﺣﺪ ﻳﻤﻲ ﻛﺒﻞ ﻓﺰﻳﺖ 
ﻭﺍﺷﻮﻑ ﻋﺎﺭﻑ ﺑﻠﻐﺮﻓﻪ ﺳﺘﻮﻧﻲ ﺍﺭﻳﺪ ﺍﺻﻴﺢ ﺧﻠﻪ ﺍﻳﺪﻩ ﻋﻠﻰ ﺣﻠﻜﻲ ﻭﺟﺎﻥ ﻳﺤﺠﻲ ﺑﺼﻮﺕ ﻧﺎﺻﻲ ﻳﻢ ﺍﺫﺍﻧﻲ 
ﻋﺎﺭﻑ : ﻻ ﻻﻻﺗﺨﺎﻓﻴﻦ ﻣﺎﺳﻮﻳﻠﺞ ﻣﺴﺘﺤﻴﻞ ﺍﻧﻲ ﺍﺃﺫﻳﺞ 
ﻧﺴﻴﺎﻥ : ﺷﺘﺮﻳﺪ ﻣﻨﻲ ﻟﺨﺎﻃﺮ ﺍﻟﻠﻪ ﺣﺒﺎﺏ ﺗﺮﻛﻨﻲ ﻭﺍﻟﻠﻪ 
ﻣﺎﺳﻮﻟﻒ ﺑﺲ ﻋﻮﻓﻨﻲ ﺍﺣﺠﻲ ﻭﺟﺴﻤﻲ ﻛﻠﻪ ﻳﺮﺟﻒ ﻭﺩﻣﻮﻋﻲ ﻣﺎﺻﻴﻄﺮ ﻋﻠﻴﻬﺎ ﺑﻌﺪ 
ﻋﺎﺭﻑ : ﺗﻌﺮﻓﻴﻦ ﻛﻠﺶ ﺯﻳﻦ ﺷﺮﻳﺪ ﻣﻨﺞ ﻭﺣﺴﺴﺘﺞ ﻫﻮﺍﻱ 
ﺍﺗﺼﻞ ﻋﻠﻴﺞ ﻣﺠﺎﻭﺑﻴﻦ ﻣﺎﺧﻠﻴﺘﻲ ﻛﺪﺍﻣﻲ ﻏﻴﺮ ﻫﺬﻩ 
ﺍﻟﺤﻞ ﺧﻞ ﺍﻛﻠﺞ ﻣﻦ ﺍﻻﺧﻴﺮ ﻣﺎﻋﻮﻓﺞ ﻟﻮ ﺗﺜﺎﻟﺚ ﺍﻟﺪﻧﻴﺎ 
ﺍﻧﺘﻲ ﻣﻦ ﺯﻣﺎﻥ ﻫﻨﺎﺍ ﻭﻳﺄﺷﺮ ﻋﻠﻰ ﺭﺍﺳﻪ ﻣﻦ ﺍﻭﻝ ﻳﻮﻡ 
ﺷﻔﺘﺞ ﺑﻲ ﻭﺍﻧﺘﻲ ﻃﻴﻔﺞ ﻣﺎﻳﻔﺎﺭﻛﻨﻲ ﺗﻌﺮﻓﻴﻦ ﺷﻨﻮﻭ 
ﻭﺍﺣﺪ ﺍﻟﻤﺎﻱ ﻛﺪﺍﻣﻪ ﻭﻣﺎﻳﻜﺪﺭ ﻳﺸﺮﺏ ﻣﻨﻪ ﺍﻧﻲ ﻫﻴﺞ 
ﻭﻳﺎﺝ ﺑﺲ ﻟﻮﺗﻌﺮﻓﻴﻦ ﺷﻜﺪ ﺍﺣﺒﺞ ﻭﻻﺗﺨﺎﻓﻴﻦ ﻣﺴﺘﺤﻴﻞ ﺍﺳﻮﻳﻠﺞ ﺷﻲ ﺑﺲ ﺧﻠﻴﻬﺎ ﺍﺑﺎﻟﺞ ﻣﺎﻝ ﺍﻋﻮﻓﺞ ﻣﺎﺻﻴﺮﺭ ﺍﺑﺪ 
ﻧﺴﻴﺎﻥ : ﺍﻧﺘﻪ ﺷﺠﺎﻱ ﺗﺤﺠﻲ ﺍﻧﻲ ﻣﺮﻩ ﻣﺘﺰﻭﺟﻪ ﺣﺮﺍﻡ ﺍﻟﺠﺎﻱ ﺗﺴﻮﻳﻪ ﻭﺑﻌﺪﻳﻦ ﺷﻨﻮﻭ ﺍﻧﺘﻪ ﻣﺘﺴﺘﺤﻲ ﺍﻧﻲ ﻣﺮﻩ ﺻﺪﻳﻘﻚ ﺷﻨﻮﻭ ﺣﻴﻮﻭﻭﻭﻭﻭﻭﻭﺍﻥ ﺍﻧﺘﻪ ﻣﺘﺤﺲ 
ﻋﺎﺭﻑ : ﻻ ﺗﺠﺒﺮﻳﻨﻲ ﻋﻠﻰ ﺍﻟﺤﺮﺍﻡ ﻛﺘﻠﺞ ﺭﺍﻳﺪﺝ ﻭﺑﺎﻗﻴﻪ ﺑﻨﻔﺴﻲ ﻭﻣﺤﻤﺪ ﺍﺫﺍ ﺣﺎﺳﺒﺘﻪ ﺯﻟﻤﻪ ﺍﻧﺘﻲ ﻏﻠﻄﺎﻧﻪ 
ﻧﺴﻴﺎﻥ : ﺍﻧﺘﻪ ﺻﺪﻙ ﻣﺘﺴﺘﺤﻲ ﺩﺍﻳﺲ ﺑﻴﺘﻨﻪ ﺑﻨﺺ ﺍﻟﻴﻞ ﻭﺗﺤﺠﻲ ﻋﻠﻰ ﺭﺟﻠﻲ ﺻﺪﻙ ﻭﺍﺣﺪ ﺻﺎﻗﻂ ﻭﻧﺎﻗﺺ ﻏﻴﺮﻩ ﺍﻃﻠﻊ ﻻ ﻫﺴﻪ ﺍﺻﻴﺢ ﺻﻮﺕ ﺍﻟﻢ ﺍﻟﻨﺎﺱ ﻋﻠﻴﻚ 
ﻋﺎﺭﻑ : ﻃﺎﻟﻊ ﺑﺲ ﻗﺒﻞ ﻻ ﺍﻃﻠﻊ ﺳﻤﻌﻲ ﻫﻞ ﻛﻠﻤﺘﻴﻦ ﺯﻳﻦ ﻣﺤﻤﺪ ﻃﻠﺒﻴﻦ ﺍﻟﻄﻼﻙ ﻣﻨﻪ ﻭﻣﺎﻋﻮﻓﺞ ﻟﻠﻤﻮﺕ ﻭﻋﺪ ﺯﻟﻢ ﻭﺍﻧﻲ ﻣﻮﻫﺬﻩ ﻃﺒﻌﻲ ﺍﺩﻭﺱ ﺑﻴﺖ ﺍﻟﻌﺎﻟﻢ ﺑﺲ ﺍﻧﺘﻲ ﺟﺒﺮﺗﻴﻨﻲ ﻭﻣﺮﻩ ﺛﺎﻧﻴﻪ ﻣﻦ ﺍﺧﺎﺑﺮﺝ ﺟﺎﻭﺑﻴﻦ ﺍﺣﺴﻦ ﻣﺎﺟﻴﺞ ﻧﺺ ﺍﻟﻴﻞ 
ﻧﺴﻴﺎﻥ : ﻃﻠﻊ ﻭﺍﻧﻲ ﻛﺒﻞ ﻭﻛﻌﺖ ﺑﻠﻜﺎﻉ ﻣﻦ ﺍﻟﻬﺒﻄﻪ ﻳﺮﺑﻲ ﻣﻨﻴﻦ ﻃﻠﻌﺘﻠﻲ ﻫﻞ ﻣﺼﻴﺒﻪ ﻭﻳﻦ ﺟﺎﻧﺖ ﻣﻀﻤﻮﻣﺘﻠﻲ 
ﻳﺎﺭﺑﻲ ﺳﺘﺮﻙ ﺧﻠﺼﻨﻲ ﻣﻦ ﻫﻞ ﺣﻘﻴﺮﺭ ﺷﻮﻳﻪ ﻭﺩﺯﻟﻲ 
ﺭﺳﺎﻟﻪ ﺑﻴﻬﺎ ﻗﻠﺐ ﻭﻳﻀﻮﻱ ﺷﻤﺮﺕ ﺍﻟﻤﻮﺑﺎﻳﻞ ﻭ ﺿﻠﻴﺖ ﺍﻟﻴﻞ ﻛﻠﻪ ﺍﺑﺠﻲ ﻭﺍﺭﺟﻒ ﻭﻣﺎﻏﻤﻀﺘﻠﻲ ﻋﻴﻦ ﻗﺎﻓﻠﻪ ﺑﺎﺏ 
ﺍﻟﻐﺮﻓﻪ ﻭﻛﺎﻋﺪﻩ ﺷﻠﻮﻥ ﻭﺷﺮﺍﺡ ﺍﺳﻮﻱ ﻣﺒﻴﻦ ﻣﻮﺻﺎﺣﻲ ﻣﺨﺒﻠﻞ ﻭﻛﻠﺸﻲ ﻳﺴﻮﻭﻭﻭﻭﻭﻱ 
ﺻﺎﺭ ﺍﻟﺼﺒﺢ ﻭﺍﻧﻲ ﻛﺎﻋﺪﻩ ﺟﻬﺎﻟﻲ ﺭﺍﺣﻮﻭ ﻟﻠﻤﺪﺭﺳﻪ ﻭﺍﻧﻲ ﺿﻠﻴﺖ ﺑﻐﺮﻓﺘﻲ ﻣﺪﺩﻩ ﺍﺣﺲ ﺭﻭﺡ ﻣﺎﻋﻨﺪﻱ ﻣﻦ ﺍﻟﺼﺎﺭ 
ﻭﺷﺮﺍﺡ ﺍﺗﺼﺮﻑ ﺷﻮﻳﻪ ﻭﺍﺟﻪ ﻣﺤﻤﺪ ﻣﻦ ﺍﻟﺪﻭﺍﻡ ﺟﺎﻳﺐ ﻛﻴﻤﺮ ﻭﺻﻤﻮﻥ ﺣﺎﺭ ﻛﺎﻝ 
ﻣﺤﻤﺪ : ﻫﺎﺍ ﺷﻌﻨﺪﺝ ﺍﻟﻴﻮﻡ ﻟﺴﻪ ﻧﺎﻳﻤﻪ ﻭﺟﻬﺞ ﺗﻌﺒﺎﻥ ﺑﻴﺞ ﺷﻲ 
ﻧﺴﻴﺎﻥ : ﻫﺎﺍﺍ ﺷﻨﻮ ﻛﻠﺖ ﻣﺎﺳﻤﻌﺘﻚ 
ﻣﺤﻤﺪ : ﺷﺠﺎﺝ ﺍﻡ ﻋﻼﻭﻱ ﺷﺒﻴﺞ ﺍﻟﻴﻮﻡ 
ﻧﺴﻴﺎﻥ : ﻣﺎﻋﻨﺪﻱ ﺷﻲ ﺑﺲ ﺗﻌﺒﺎﻧﻪ ﻭﺭﺍﺳﻲ ﻳﻮﺟﻌﻨﻲ 
ﻣﺤﻤﺪ : ﺟﺒﺖ ﺭﻳﻮﻙ ﻛﻮﻣﻲ ﺣﻀﺮﻱ ﻳﻢ ﺍﻣﻲ ﻭﺗﺮﻳﻜﻲ ﻭﺻﻴﺮﻳﻦ ﺯﻳﻨﻪ 
ﻧﺴﻴﺎﻥ : ﻛﻤﺖ ﺍﺳﺤﻞ ﺑﺮﻭﺣﻲ ﺳﺤﻞ ﺧﻠﻴﺖ ﺍﻟﻘﻮﺭﻱ ﻋﻠﻰ 
ﻧﺎﺭ ﻭﺣﺲ ﺭﻭﺣﻲ ﻋﺎﻳﺸﻪ ﺑﻐﻴﺮ ﻋﺎﻟﻢ ﻭﺍﻟﺨﻮﻑ ﻣﺼﻴﻄﺮ 
ﻋﻠﻴﻪ ﺍﺩﻳﻪ ﺑﺲ ﺗﺮﺟﻒ ﺻﺎﻓﻨﻪ ﻭﻣﺎﺣﺲ ﻏﻴﺮ ﺟﺎﻱ ﻳﻔﻮﺭ 
ﻭﻣﺎﺭﺩ ﺍﻟﻄﺒﺎﺥ ﺑﺴﺮﻋﻪ ﻓﺰﻳﺖ ﺣﻀﺮﺕ ﺍﻟﺼﻨﻴﻪ ﻭﺩﻳﺘﻬﺎ 
ﻟﺨﺎﻟﺘﻲ ﻭﻣﺤﻤﺪ ﻭﺍﻧﻲ ﻣﺎﺷﺘﻬﻲ ﺷﺮﺑﺖ ﺑﺲ ﺟﺎﻱ 
ﻭﺭﺟﻌﺖ ﻟﻐﺮﻓﺘﻲ ﻣﺪﺩﺕ ﻭﺩﻙ ﺗﻠﻔﻮﻧﻲ ﻓﺰﻳﺖ ﻣﺮﻋﻮﺑﻪ 
ﻭﺍﺧﺎﻑ ﺍﺷﻴﻞ ﺍﻟﺘﻠﻔﻮﻥ ﺍﺑﺎﻭﻉ ﻟﺒﺎﺏ ﺍﻟﻐﺮﻓﻪ ﺧﺎﻑ ﻳﺠﻲ 
ﻣﺤﻤﺪ ﺑﺎﻭﻋﺖ ﻧﻔﺲ ﺍﻟﺮﻗﻢ ﺍﺣﺲ ﻛﻠﺒﻲ ﻫﺒﻂ ﺷﻠﻮﻥ 
ﻫﺴﻪ ﺍﺫﺍ ﻣﺎﺟﺎﻭﺑﻪ ﻳﺠﻴﻨﻲ ﺑﻠﻴﻞ ﻧﻄﻴﺘﻪ ﺭﻓﺾ ﻭﻛﻠﺖ 
ﻻﺯﻡ ﺍﺻﻴﺮ ﻗﻮﻳﻪ ﺿﻞ ﻳﺪﻙ ﻣﺎﺭﺩﻳﺖ ﺧﻞ ﻳﻮﻟﻲ ﺍﺻﻼﻥ