136, #بارت٦
🌹 💜 ( ﻭﺭﺍﺀ ﺭﻏﺒﺎﺗﻲ )💖🌷
ﻣﺜﻞ ﻓﻨﺠﺎﻥ ﻃﺒﻌﻚ ﻓﺎﺭﻍ ﻭﻣﻬﺰﻭﺯ
ﻛﻞ ﺳﺎﻋﻪ ﺑﺤﻠﻚ ﻭﺳﻮﺍﻟﻔﻚ ﻣﺮﻩ
.........................................
ﻧﺴﻴﺎﻥ : ﺑﻌﺪﻧﻲ ﺑﻔﺮﺍﺷﻲ ﻭﺍﺳﻤﻊ ﺧﺎﻟﺘﻲ ﺗﻌﻴﻂ ﻭﺗﺒﺠﻲ
ﻫﻴﻪ ﻭﺍﻟﺒﻨﺎﺕ ﻃﻔﺮﺕ ﻣﻦ ﻣﻜﺎﻧﻲ ﻭﺍﺣﺲ ﻛﻠﺒﻲ ﻫﺒﻂ
ﻭﺭﻭﺣﻲ ﺭﺍﺣﺖ ﻓﺘﺤﺖ ﺍﻟﺒﺎﺏ ﻟﻜﻴﺖ ﺧﺎﻟﺘﻲ ﺑﺎﻟﻬﻮﻝ
ﺗﺒﺠﻲ ﻭﺗﻠﺒﺲ ﺑﺠﻮﺍﺭﻳﺒﻬﺎ ﺷﺎﻓﺘﻨﻲ ﻛﺎﻣﺖ ﺗﺒﺠﻲ ﻛﺘﻠﻬﺎ
ﺧﻴﺮ ﺧﺎﻟﻪ ﺷﻜﻮ ﺷﺼﺎﻳﺮ ﻛﺎﻟﺖ ﻣﺎﻛﻮ ﺷﻲ ﺧﺎﻟﻪ ﻻﺗﺨﺎﻓﻴﻦ ﺑﺲ ﺑﺲ .....
ﻛﻮﻟﻲ ﺧﺎﻟﻪ ﺍﻫﻠﻲ ﻣﺎﺑﻴﻬﻢ ﺷﻲ ﻋﻠﻴﺞ ﺍﻟﻠﻪ ﺍﺧﻮﺗﻲ ﺑﻴﻬﻢ
ﺷﻲ ﻭﻛﻤﺖ ﺍﺑﺠﻲ ﺍﺟﻪ ﻣﺤﻤﺪ ﺣﻀﻨﻲ ﻭﻛﺎﻝ ﺍﻟﺒﻘﻪ
ﺑﺮﺍﺳﺞ ﺍﺣﻼﻡ ﺭﺍﺣﺖ ﻟﺮﺣﻤﻪ ﺍﻟﻠﻪ
ﻧﺴﻴﺎﻥ : ﺷﻨﻮﻭﻭﻭﻭ ﺷﺘﺤﺠﻲ ﻣﺤﻤﺪ ﻣﺼﺎﺭﻟﻲ ﻳﻮﻣﻴﻦ
ﺟﻨﺖ ﻳﻤﻬﺎ ﺷﻠﻮﻭﻭﻭﻥ ﻳﻤﻪ ﺍﺧﺘﻲ ﺭﺍﺣﺖ ﻛﻤﺖ ﺍﺻﻴﺢ
ﻭﺍﻣﻠﺦ ﺑﺮﻭﺣﻲ ﻛﻮﻟﻮﻟﻲ ﺟﺬﺏ ﻛﻮﻟﻮ ﺍﺣﻼﻡ ﻣﺎﺑﻴﻬﺎ ﺷﻲ
ﻋﻠﻴﻚ ﺍﻟﻠﻪ ﻣﺤﻤﺪ ﻛﻠﻲ ﺟﺬﺏ ﺍﻟﺴﻤﻌﺘﻪ ﺿﻠﻴﺖ ﺑﺤﻀﻦ
ﻣﺤﻤﺪ ﻭﺍﻣﻠﺦ ﺑﺮﻭﺣﻲ ﻣﺎﺣﺲ ﺑﻌﺪ ﺑﺪﻧﻴﺎﺍ
ﻣﺤﻤﺪ : ﻛﻮﻩ ﻣﺼﻴﻄﺮ ﻋﻠﻰ ﻧﺴﻴﺎﻥ ﻓﻘﺪﺕ ﺗﻤﻠﺦ ﺑﺮﻭﺣﻬﺎ
ﺍﺣﺲ ﺭﻭﺣﻬﺎﺍ ﻓﺮﻓﺤﺖ ﻧﺼﺪﻣﺖ ﺑﻮﻓﺎﻩ ﺍﺣﻼﻡ
ﺍﻟﺼﺮﺍﺣﻪ ﻛﻠﻨﻪ ﺍﻧﺼﺪﻣﻨﻪ ﻗﺒﻞ ﻳﻮﻣﻴﻦ ﻣﻦ ﺟﺒﺖ ﻧﺴﻴﺎﻥ
ﻣﻦ ﺍﻫﻠﻬﺎ ﻃﻠﻌﺖ ﺳﻠﻤﺖ ﻋﻠﻴﻪ ﻭﺗﻀﺤﻚ ﻭﺗﺸﺎﻗﻪ
ﻭﺍﻟﻤﻮﺕ ﺑﻌﻴﺪ ﻋﻨﻬﺎ ﺳﺒﺤﺎﻥ ﺍﻟﻠﻪ ﻭﻻ ﺣﻮﻝ ﻭﻻﻗﻮﻩ ﺍﻟﻠﻪ
ﺑﺎﻟﻠﻪ ﺍﻟﻌﻠﻲ ﺍﻟﻌﻀﻴﻢ ﻧﺴﻴﺎﻥ ﻭﻛﻌﺖ ﻣﻦ ﻃﻮﻟﻬﺎ ﺑﻴﻦ
ﺍﻳﺪﻱ ﺍﻛﻌﺪ ﺑﻴﻬﺎ ﻣﺘﻜﻌﺪ ﺑﺲ ﺗﺮﻣﺶ ﺑﻌﻴﻮﻧﻬﺎ ﺭﻛﻀﺖ
ﺍﻣﻲ ﺫﺏ ﻋﻠﻴﻬﺎ ﻣﺎﻱ ﺷﻮﻳﻪ ﻳﻼ ﺻﺤﺖ
ﻧﺴﻴﺎﻥ : ﻓﺘﺤﺖ ﻋﻴﻨﻲ ﻭﺍﻧﻲ ﺑﺤﻀﻦ ﻣﺤﻤﺪ ﻭﻣﻼﺑﺴﻲ
ﻛﻠﻬﺎ ﻣﺎﻱ ﺟﻨﺖ ﻟﺒﺴﻪ ﺩﺷﺪﺍﺷﻪ ﻭﺭﺩﻱ ﺻﺎﺣﺖ ﺧﺎﻟﺘﻲ
ﻋﻠﻰ ﻓﺮﺍﺕ ﻛﺎﻟﺘﻠﻬﺎ ﺭﻛﻀﻲ ﺑﺴﺮﻋﻪ ﺟﺒﻴﻠﻬﺎ ﺩﺷﺪﺍﺷﻪ
ﺳﻮﺩﻩ ﺧﻞ ﻧﺮﻭﺡ ﺍﻟﻠﻪ ﻳﺴﺎﻋﺪ ﻛﻠﺒﺞ ﻳﺨﻴﺘﻲ ﺷﺤﺎﻟﺞ ﻫﺴﻪ ﻭﺗﺒﺠﻲ
ﻧﺴﻴﺎﻥ : ﻟﺒﺴﻨﻲ ﺍﻟﺒﻨﺎﺕ ﺍﺳﻮﺩ ﻭﺭﺣﻨﺎ ﻟﻬﻠﻲ ﺑﺲ ﻣﺎﺣﺲ
ﺑﺸﻲ ﺍﺷﻮﻓﻬﻢ ﻳﺤﺠﻮﻥ ﻭﻳﺎﻱ ﺑﺲ ﻣﺎﻓﻬﻢ ﺷﻲ ﻭﻻﺳﻤﻊ
ﻭﺻﻠﻨﺎ ﻟﺸﺎﺭﻉ ﻣﺎﻟﺘﻨﺎ ﺑﻴﺖ ﺍﻫﻠﻲ ﻣﻔﺘﻮﺡ ﺍﻟﺒﺎﺏ ﺍﻟﺠﺒﻴﺮ
ﻭﺍﻟﺒﺎﺏ ﺍﻟﺰﻏﻴﺮ ﻃﺒﻴﻨﻪ ﻣﻨﻪ ﻻﻥ ﺑﺎﻟﺒﺎﺏ ﺍﻟﺠﺒﻴﺮ ﺯﻟﻢ ﺗﺎﺭﺳﻪ
ﺷﺎﺭﻉ ﻭﻳﻨﺼﺒﻮﻥ ﺑﺠﺎﺩﺭ ﻭﻃﺒﺎﺥ ﻳﻄﺒﺦ ﻃﺒﻴﺖ ﻟﻜﻴﺖ
ﺍﻣﻲ ﺑﺲ ﺑﺪﺷﺪﺍﺷﻪ ﻣﻠﺨﻪ ﺭﻭﺣﻬﺎ ﻭﺧﺪﻭﺩﻩ ﺗﺠﺮﻱ ﺩﻡ
ﻭﺫﺍﺑﻪ ﺷﻴﻠﻪ ﻭﺍﻟﻬﺎﻡ ﺷﺎﻛﻪ ﺩﺷﺪﺍﺷﻪ ﻭﺗﺼﻴﺢ ﻭﻧﺴﺮﻳﻦ
ﺗﺮﻛﺾ ﻣﻨﺎ ﻭﺗﺮﺩ ﻣﻨﺎ ﻭﺗﺒﺠﻲ ﻫﻴﻪ ﻭﻧﺴﻮﺍﻥ ﺍﺧﻮﻱ ﻻﻥ
ﺍﺧﻮﺗﻲ ﺧﺎﺑﺼﻴﻬﻦ ﺧﺒﺺ
ﻧﺴﻴﺎﻥ : ﺣﻀﻨﺖ ﺍﻣﻲ ﻭﺻﻴﺢ ﻳﻤﻪ ﺭﺍﺣﺖ ﺍﺣﻼﻡ ﺭﺍﺣﺖ
ﺍﻟﺤﻨﻴﻨﻪ ﺑﻌﺪ ﻣﺎﺷﻮﻓﻬﺎ ﻟﻴﺶ ﺭﺑﻲ ﺑﻌﺪﻫﺎ ﺯﻏﻴﺮﻩ ﻟﻴﺶ
ﺟﻬﺎﻟﻬﺎ ﻳﺒﺎﻭﻋﻮﻟﻲ ﻭﻳﺒﺠﻮﻥ ﺍﺧﺬﺗﻬﻢ ﻟﺤﻀﻨﻲ ﻭﺍﺷﻬﻚ
ﻻﺗﺒﺠﻮﻥ ﻫﺴﻪ ﺗﺠﻲ ﺍﻣﻜﻢ ﻭﻓﺎﻃﻤﻪ ﺑﺘﻬﺎ ﺗﻜﻠﻲ ﺧﺎﻟﻪ
ﻣﺎﻣﺎ ﺭﺍﺣﺖ ﺍﻧﻲ ﺍﺭﻳﺪ ﺍﻣﻲ ﺍﺧﺎﻑ ﺍﻧﺎﻡ ﻭﺣﺪﻱ
ﻭﻣﺼﻄﻔﻰ ﺑﺲ ﺩﻣﻮﻉ ﺗﺠﺮﻱ ﻻﻥ ﺟﺎﻥ ﺟﺒﻴﺮ ﺷﻮﻳﻪ
ﻳﻔﺘﻬﻢ ﺿﻠﻴﺖ ﺣﺎﻳﺮﻩ ﺍﺑﺠﻲ ﻋﻠﻴﻬﻢ ﻟﻮ ﻋﻠﻰ ﺍﺧﺘﻲ
ﺍﻟﻤﺎﺷﺎﻓﺖ ﺷﻲ ﻣﻦ ﺩﻧﻴﺎ ﺍﻧﻄﺎﻫﺎ ﺍﺑﻮﻱ ﻟﺸﺎﻳﺐ ﻭﻋﺪﻩ
ﺛﻨﻴﻦ ﻧﺴﻮﺍﻥ ﻭﻻﺷﺎﻓﺖ ﺍﻟﺮﺍﺣﻪ ﻭﻳﺎﻩ ﺻﺎﺭﺕ ﻫﻮﺳﻪ
ﻭﻛﻞ ﺷﻮﻳﻪ ﻃﺐ ﻧﺴﻮﺍﻥ ﻭﺗﺼﻴﺢ ﺍﺟﺖ ﺍﻟﻤﻠﻪ ﻭﺷﺪ
ﺍﻟﻌﺰﻩ ﻣﻠﺨﺖ ﺭﻭﺣﻲ ﺷﻠﻮﻥ ﺍﻧﺴﻪ ﺍﺣﻼﻡ ﻭﻫﻴﻪ ﺟﺎﻧﺖ
ﺑﻤﻜﺎﻥ ﺍﻣﻲ ﺷﻨﺤﺘﺎﺝ ﺷﻨﺮﻳﺪ ﺣﺘﻲ ﺍﺧﻮﺗﻲ ﺑﻴﺘﻨﻪ ﻛﻠﻪ
ﻣﻌﺘﻤﺪ ﻋﻠﻴﻬﺎ ﺍﻟﻌﺮﻓﺘﻪ ﺍﺧﺘﻲ ﻃﺎﻛﻪ ﻋﻠﻴﻪ ﺍﻟﺠﻮﻟﻪ
ﻭﻣﺤﺘﺮﻛﻪ ﻭﻛﻠﻤﻦ ﻛﺎﻡ ﻳﺤﺠﻲ ﺷﻜﻞ ﺷﻮﻳﻪ ﻭﺍﺟﺖ
ﻧﺴﺮﻳﻦ ﻛﺎﻟﺖ ﻣﺤﻤﺪ ﻳﺮﻳﺪﺝ ﻃﻠﻌﺖ ﻛﻮﻩ ﺍﺟﺮ ﺑﺮﻭﺣﻲ
ﺟﺮ ﺟﺎﻥ ﻭﺍﻛﻒ ﺑﺎﺏ ﺍﻟﻤﻄﺒﺦ ﻛﺎﻝ ﺷﻠﻮﻥ ﺻﺮﺗﻲ ﺑﺎﻟﻲ
ﻳﻤﺞ ﻻﻥ ﺟﻨﺘﻲ ﺗﻌﺒﺎﻧﻪ ﻣﻦ ﺟﻴﻨﻪ ﻛﺘﻠﻪ ﺯﻳﻨﻪ ﺍﺣﺴﻦ ﺑﺲ
ﺟﻬﺎﻝ ﺍﺣﻼﻡ ﻳﻤﺮﺩﻭﻥ ﺍﻟﻜﻠﺐ ﺷﻠﻮﻥ ﺑﻴﻬﻢ ﻭﺑﺠﻴﺖ ﺩﻣﻮﻋﻲ ﻭﻻﻧﺸﻔﺖ
ﻣﺤﻤﺪ : ﺍﻛﻠﺞ ﺍﺑﺮﺍﻫﻴﻢ ﻳﻜﻮﻝ ﻣﺎﺻﺪﻙ ﺍﺧﺘﻲ ﻣﺤﺘﺮﻛﻪ ﺑﻠﺠﻮﻟﻪ ﻳﻜﻮﻝ ﺧﺎﻑ ﻫﺬﻩ ﺍﻟﻜﻮﺍﺩ ﺭﺟﻠﻬﺎ ﺣﺎﺭﻛﻬﺎ ﺍﻭﻣﺴﻮﻳﻠﻬﺎ ﺷﻲ
ﻧﺴﻴﺎﻥ : ﻟﻄﻤﺖ ﻋﻠﻰ ﺻﺪﺭﻱ ﻋﺰﻩ ﺑﺲ ﻻ ﺻﺪﻙ ﺍﻛﻮﻝ ﺍﺧﻮﺗﻲ ﺳﻮﻭ ﺍﻟﻔﺎﺗﺤﻪ ﻫﻨﺎ
ﻣﺤﻤﺪ : ﻛﻠﺸﻲ ﻳﺒﻴﻦ ﺑﻌﺪﻳﻦ ﺍﻧﺘﻲ ﺭﺗﺎﺣﻲ ﺍﺩﺭﻱ ﻫﻞ ﺷﻲ ﺻﻌﺐ ﺑﺲ ﻣﺎﺑﻴﺪﻧﺎ ﺷﻲ
ﻧﺴﻴﺎﻥ : ﻃﺒﻴﺖ ﺟﻮﻩ ﺍﻟﺒﻴﺖ ﻳﺨﻨﻚ ﺍﺣﺴﻪ ﺍﺿﻠﻢ ﺟﻨﻪ
ﺑﻜﻞ ﻣﻨﺎﺳﺒﻪ ﻟﻮ ﺟﻤﻌﻪ ﺍﺣﻼﻡ ﺗﻔﺘﺮﺭ ﺑﻠﺒﻴﺖ ﻭﺗﻄﺒﺦ
ﻭﺗﺸﺎﻗﻪ ﻭﻱ ﺍﺧﻮﺗﻲ ﻭﺗﺼﻨﻒ ﻋﻠﻰ ﻧﺴﻮﺍﻧﻬﻢ ﻣﺎﻋﺮﻑ
ﺷﻠﻮﻥ ﺍﻧﺴﺎﻫﺎ ﻭﺗﺮﻭﺡ ﻣﻦ ﺑﺎﻟﻲ ﻃﺒﻴﺖ ﺑﻨﺺ ﺍﻟﻨﺴﻮﺍﻥ
ﺍﻟﻄﻢ ﺣﻴﻞ ﻟﺤﺪ ﻣﺎﻓﻘﺪﺕ ﻣﺎﺩﺭﻱ ﺑﺮﻭﺣﻲ ﺍﺟﺖ ﺧﺎﻟﺘﻲ
ﻃﻠﻌﺘﻨﻲ ﻛﺎﻝ ﺧﺎﻟﻪ ﻋﻠﻰ ﻛﻴﻔﺞ ﻭﻱ ﺭﻭﺣﺞ ﺧﺎﻑ ﻋﻨﺪﺝ
ﺷﻲ ﺑﻬﺬﻩ ﺍﻟﻮﻗﺖ ﺟﺎﻧﺖ ﺧﺘﺎﻡ ﺳﺘﻮﻫﺎ ﺣﺎﻣﻞ ﺑﺲ ﻣﺤﺪ
ﺣﺠﻪ ﺑﻠﻤﻮﺿﻮﻉ ﻭﻳﻨﻪ ﻭﻳﻦ ﻫﻞ ﺳﻮﺍﻟﻒ ﻭﺳﻦ ﻫﻢ
ﺷﺎﻛﻪ ﺑﺮﻭﺣﻬﺎ ﺑﺲ ﺯﻳﻨﺐ ﺧﻄﻴﻪ ﺻﺎﺭﻟﻬﺎ ﺳﻨﺘﻴﻦ
ﻣﺰﻭﺟﻪ ﻣﺎﻋﺪﻫﺎ ﺍﻧﻲ ﺟﻨﺖ ﻣﺎﻓﻜﺮ ﺣﻴﻞ ﺑﺠﻬﺎﻝ
ﻭﻣﻮﺑﺎﻟﻲ ﺍﺻﻼ ﺧﻠﺼﺖ ﺍﻟﻔﺎﺗﺤﻪ ﻭﻃﺸﺖ ﺍﻟﻨﺎﺱ ﺭﺍﺡ
ﺍﺑﻮﻱ ﻭﺍﺧﻮﺗﻲ ﻋﻠﻰ ﺭﺟﻞ ﺍﺣﻼﻡ ﻳﺘﻔﺎﻫﻤﻮﻥ ﻭﻳﺎﻩ
ﻭﻫﻨﺎﻙ ﺍﺑﺮﺍﻫﻴﻢ ﻛﺎﻳﻢ ﻋﻠﻴﻪ ﻭﻃﺎﻛﻪ ﻭﺻﺎﻳﺮﻩ ﻫﺪﺩﺩ
ﻭﻣﺎﻗﺒﻞ ﺍﻟﺠﻬﺎﻝ ﻳﺒﻘﻮﻥ ﻋﺪ ﺍﻣﻲ ﺍﺧﺬﻫﻢ ﻭﺍﺑﺮﺍﻫﻴﻢ
ﻣﺎﻗﺎﺑﻞ ﺑﺲ ﺑﻌﺪﻳﻦ ﺍﺑﻮﻱ ﻛﻠﻪ ﺍﻃﻴﻬﻢ ﺟﻬﺎﻟﻪ ﻣﺎﻟﻨﻪ ﺣﻚ
ﻋﻠﻴﻬﻢ ﻭﺍﺟﻮ ﺍﺧﺬﻭﻭ ﺍﻟﺠﻬﺎﻝ ﺩﻣﻮﻋﻬﻢ ﺗﺠﺮﻱ ﺿﻠﻴﺖ
ﺍﺑﺠﻲ ﻭﺭﺍﻫﻢ ﺍﺷﻢ ﺭﻳﺤﻪ ﺍﺣﻼﻡ ﺑﻴﻬﻢ ﺍﻭﻑ ﺷﻜﺪ ﺟﺎﻧﺖ136, تكملة6
ﺗﺤﺒﻬﻢ ﺗﺤﻤﻠﺖ ﺿﺮﺏ ﻭﺍﻫﺎﻳﻦ ﺭﺟﻠﻬﺎ ﻭﻣﺸﺎﻛﻞ ﻧﺴﻮﺍﻧﻪ
ﺑﺲ ﻋﻠﻤﻮﺩﻫﻢ ﻫﺴﻪ ﺭﺍﺣﺖ ﻭﻫﻤﻪ ﺿﻠﻮﻭ ﻣﺤﺪ ﺍﻟﻬﻢ
ﺷﻨﺴﻪ ﻣﻨﺞ ﺍﺣﻼﻡ ﺳﻮﺍﻟﻔﺞ ﺿﺤﻜﺘﺞ ﺷﻘﺎﺝ ﺍﻭﻑ ﺭﺑﻲ
ﺻﺒﺮﻧﻲ ﺍﺑﺠﻲ ﻭﺍﺷﻬﻚ ﺍﺣﺲ ﻛﻠﺒﻲ ﻛﺎﻡ ﻳﻮﺟﻌﻨﻲ ﻭﺑﻌﺪ
ﻣﺎﻋﻨﺪﻱ ﻃﺎﻗﻪ ﺍﺗﺤﻤﻞ ﻣﺎﻛﺪﺭ ﻣﺴﺘﺤﻴﻞ ﺍﻧﺴﺎﻫﺎ ﻳﺎﺭﺑﻲ
ﺻﺒﺮﻧﻲ ﺑﻘﻴﺖ ﻳﻢ ﺍﻫﻠﻲ ﻋﺸﺮﻩ ﺍﻳﺎﻡ ﻋﻤﻮﺩ ﺍﻣﻲ ﺣﻴﻞ
ﺗﻌﺒﺎﻧﻪ ﻭﺧﺎﻟﺘﻲ ﻭﻳﺎﻱ ﺗﻮﺍﺳﻲ ﺑﺎﻣﻲ ﺑﺲ ﺍﻟﺒﻨﺎﺕ
ﻭﻣﺤﻤﺪ ﻣﻦ ﺧﻠﺼﺖ ﺍﻟﻔﺎﺗﺤﻪ ﺭﺍﺣﻮﻭ ﺍﻟﺒﻴﺖ ﺧﻴﻢ ﻋﻠﻴﻪ
ﺍﻟﺤﺰﻥ ﻣﺤﺪ ﺍﻟﻪ ﻧﻔﺲ ﻳﺎﻛﻞ ﺍﺟﻪ ﻣﺤﻤﺪ ﻛﺎﻟﺖ ﺧﺎﻟﺘﻲ
ﺧﺎﻟﻪ ﺍﻧﻲ ﺭﺍﺡ ﺍﺭﻭﺡ ﺍﻧﺘﻲ ﺿﻠﻲ ﻳﻢ ﺍﻣﺞ ﺷﻜﻢ ﻳﻮﻡ
ﺑﻠﻜﻲ ﺻﻴﺮ ﺯﻳﻨﻪ ﺟﺎﻥ ﻣﺎﻋﻨﺪﻱ ﻣﺼﺮﻑ ﻭﻻﻣﻼﺑﺲ
ﺟﺎﻳﺒﻪ ﻭﻳﺎﻱ ﺍﻟﺒﺲ ﻣﻦ ﺯﻳﻨﺐ ﻛﺘﻠﻪ ﻣﺤﻤﺪ ﺍﺭﻳﺪ ﻓﻠﻮﺱ
ﺍﺷﺘﺮﻱ ﻣﻼﺑﺲ ﺳﻮﺩ ﻣﺎﻋﻨﺪﻱ ﻛﺎﻝ ﺍﻧﻲ ﻣﺎﻋﻨﺪﻱ ﺷﻮﻓﻲ
ﺍﻣﻲ ﻫﻞ ﺗﻨﻄﻴﺞ ﻛﺘﻠﻪ ﺍﻧﻲ ﻟﻌﺒﺖ ﺭﻭﺣﻲ ﻛﻠﻪ ﺍﻣﻲ ﺍﻣﻲ
ﺍﻧﻲ ﻣﺎﺧﺬﺗﻚ ﻟﻮ ﻣﺎﺧﺬﻩ ﺍﻣﻚ ﻃﻠﻌﺖ ﺣﺮﻛﻪ ﻛﻠﺒﻲ ﺑﻲ
ﺧﻠﻴﺖ ﻭﻃﺒﻴﺖ ﺷﻮﻳﻪ ﻭﺍﺟﺖ ﺧﺎﻟﺘﻲ ﻗﺒﻞ ﻟﺘﺮﻭﺡ
ﻃﻠﻌﺖ ﻓﻠﻮﺱ ﻭﻧﻄﺘﻨﻲ ﻣﺒﻴﻦ ﻫﻮﻩ ﻛﺎﻳﻠﻠﻬﺎ ﺍﺑﺎﻭﻉ
ﻟﻠﻔﻠﻮﺱ ﺣﻚ ﺩﺷﺪﺍﺷﻪ ﻣﺎﺟﻴﺒﻠﻲ ﺍﺧﺬﺗﻬﻦ ﻭﺳﻜﺘﺖ
ﺍﺳﺘﻐﻔﺮ ﺍﻟﻠﻪ ﺭﺑﻲ ﺍﺑﺎﻭﻉ ﻋﻠﻰ ﺭﻭﺣﻲ ﻭﻻﻋﺒﺎﻟﻚ ﻣﺰﻭﺟﻪ
ﻭﻋﻨﺪﻱ ﺭﺟﺎﻝ ﻳﺼﺮﻑ ﻋﻠﻴﻪ ﻳﺤﺴﺴﻨﻲ ﺑﻮﺟﻮﺩﻩ ﺍﺳﻤﻪ
ﺭﺟﺎﻝ ﺑﺪﻳﺖ ﺍﻣﻞ ﺣﻴﻞ ﻣﻦ ﻣﺤﻤﺪ ﻭﻟﻮﺍﺑﻘﻪ ﻳﻢ ﺍﻫﻠﻲ
ﺍﺣﺴﻠﻲ ﺑﺲ ﻫﻮﻩ ﻛﻠﺒﻪ ﻃﻴﺐ ﻭﻓﻘﻴﺮ ﺑﺲ ﻳﻀﻮﺟﻨﻲ ﺷﻜﻠﻪ ﻛﺎﻝ ﻛﻮﻟﻲ ﻟﻤﻲ ﺟﺎ ﺍﻧﺘﻪ ﺷﻨﻮﻭﻭ
ﺑﻘﻴﺖ ﺍﻓﻜﺮ ﻭﻣﻘﻬﻮﺭﻩ ﻋﻠﻰ ﺭﻭﺣﻲ ﻭﺍﺣﻼﻡ ﻣﺎﺗﺮﻭﺡ ﻣﻦ
ﺑﺎﻟﻲ ﺍﺟﺖ ﺧﺘﺎﻡ ﺗﺮﻛﺾ ﻭﻟﺞ ﻟﺤﻜﻲ ﺧﺎﻟﺘﻲ ﻣﺎﺩﺭﻱ
ﺷﺒﻴﻬﺎﺍ ...........
ﺷﻨﻮ ﺭﺍﻳﻜﻢ ﺑﻠﺒﺎﺭﺕ ﻭﺗﻮﻗﻌﺎﺗﻜﻢ ﻟﻠﻘﺼﻪ
ﺍﻟﻘﺎﺩﻡ ﺍﻓﻀﻞ 😜
ﺍﻧﺘﻀﺮﻭﻧﻲ ﻟﻠﺤﻜﺎﻳﻪ ﺑﻘﻴﻪ .......
ﺍﺗﺮﻛﻢ ﺑﺤﻔﻆ ﺍﻟﺮﺣﻤﺎﻥ
ﺍﻟﻜﺎﺗﺒﻪ : ﺣﻨﻴﻦ ﺍﻟﻌﻠﻲ
أنت تقرأ
وراء رغباتي
General Fiction186, 96, #وراء_رغباتي هالقصه للتوعيه والحذر ﺍﻣﺮﺍﺀ ﻣﻦ ﻋﺎﺋﻠﻪ ﻋﺮﺍﻗﻴﻪ ﻣﺤﺎﻓﻀﻪ ﺗﺘﺰﻭﺝ ﻣﻦ ﺭﺟﻞ ﺿﻌﻴﻒ ﺍﻟﺸﺨﺼﻴﻪ ﻓﺘﺼﺒﺢ ﺍﺳﻴﺮﻩ ﺭﻏﺒﺎﺗﻬﺎ ﺍﺑﺸﻊ ﺍﻧﻮﺍﻉ ﺍﻟﺨﻴﺎﻧﻪ ﻫﻴﻪ ﺧﻴﺎﻧﻪ ﺍﻟﺰﻭﺟﻪ ﻫﻞ ﻟﻠﺸﻴﻄﺎﻥ ﻓﺮﺻﻪ ﺑﻴﻨﻬﻢ ( ﻭﺭﺍﺀ ﺭﻏﺒﺎﺗﻲ ) ﻗﺼﻪ ﻋﺮﺍﻗﻴﻪ ﺣﻘﻴﻘيه ﺑﺲ ﻟﺘﻨﺒﻴﻪ ﻓﻘﻂ ﺍﻟﻘﺼﻪ ﺗﺤﺘﻮﻱ ﻋﻠ...
