Happy 450K, Archers! I know some of you have read my 3rd Gen. Sandejas' Simula but here it is! Available for you to read! Please take note na last 'to sa series so the next chaps will be posted in the future pa and this MIGHT change. 'Yong P.O.V. I am still not sure. I might be switching to 3rd Person if ever but we'll see.
Enjoy our baby cologne ambassador! Haha! I love you!
--
Simula
"Naku, paniguradong marami na namang mao-offer-an ng gamot 'yan si Yasmin." From the envelope I am holding, I looked at the girls direction and smiled.
"Hmm?"
"Sabi namin, paniguradong marami ka na namang mao-offer-an ng gamot natin." Ani Althea, isa ring medical representative kagaya ko.
"Kayo rin naman, ah?" I asked, "bakit naman hindi?"
"Sus, sa ating lahat naman dito'y ikaw ang pinakamagaling na magsalita, ano? Maganda pa at malambing ang boses kaya ang sarap pakinggan. Tiyak na may o-oo na naman."
"Hindi naman," napangiti ako, "sa tamang pagsasalita lang iyon, Althea. Mahirap talagang magbenta ng gamot sa kalakihang mga ospital ngayon dahil na rin sa daming brand na nagsusulputan, sa tamang pagpresinta lang tayo bumabawi."
"Oh, ayan, Liz! Narinig mo?" nakangising siniko ni Althea ang bagong med rep na kasama namin. "Makinig ka kay Ma'am Yasmin, naku at employee of the month na 'yan in five consecutive months!"
"Althea!" I called out, blushing because she's praising me so much.
"Asus, mahiyain!" napatawa pa siya, "ganyan talaga iyan, Liz. Tahi-tahimik pero ang utak ang talim mag-isip, kapag gusto mo ng advice tanungin mo 'yan at marami na 'yang experience sa pag-aalok ng brand natin sa mga ospital."
Nahihiya ako sa pinagsasabi ng kaibigan pero 'di ko rin maitago ang saya na naramdaman sa kanyang papuri.
"Ma'am Yas, totoo po bang marami na kayong napagtrabahuhang mga kompanya? Atsaka ospital?" the curious new girl asked kaya kaagad akong sumulyap kay Althea na ngumuso sa akin, mahinang sumasambit ng sorry niya sa pagiging madaldal kaya napailing ako at bumaling kay Liz.
"Ah, medyo." I explained, "ano kasi...paikot-ikot ako ng lugar, no permanent address ba kumbaga kaya ayon, kung saang may available na p'wedeng mapasukan doon ako."
"Ah..." she nodded. "Masaya po bang maging med rep? Pasensya na po't first time ko kasi talaga."
"Oo, masaya naman." I smiled, "nakakatakot at nakakakaba sa una pero kapag naman nasanay ka na ay ayos na. Madadaan mo lang iyan sa magandang usapan sa kliyente. Lalo na't mga doktor at propesyunal ang ating kinakausap."
Tumango-tango siya, nangingiti pa sa akin.
"Salamat, Ma'am. Tama nga itong sinabi ni Althea na magaling ka." Aniya kaya ngumuso ako, sumulyap sa kaibigan na binibigyan pa ako ng thumbs up at napailing.
"Ikaw talaga..." turo ko sa kanya na tatawa-tawa sa akin.
"Yasmin knows best," malakas pa niyang sabi kaya napatawa na ako.
Unti-unti kaming nabawasan nang madaanan na ang ibang ospital para sa iba kong mga kasama at nang kami rin ay mabilis kaming bumaba.
Kipkip ko ang isang envelope at paper bag na may logo ng pharmaceutical company na pinapasukan ko habang kasama si Liz na naglalakad papasok sa mismong lugar.
Akala ko'y simple at maliit na ospital lamang ang pupuntahan ko ngayon kaya 'yon na lang ang mangha nang makita ang prestihiyoso at malaking building ng ospital na ito.
