يوميات عريس مجنون
التاسعه
سبحان الله وبحمده..
ام مراد كانت فرحانه انها رجعت تعيش في مصر تاني
.. قاعده هي واختها بيتكلمو
ام مراد: بصراحه كده انا زهقت من الغربه انا وابو مراد بنفكر نجوزه ونرجع نستقر هنا . اهو اما يرجع يعيش في امريكا هيكون معاه مراته مش لوحده . احنا بقي نرجع هنا وسط ناسنا واهلنا
ام سلمي : عين العقل يا حبيبتي ، بس هتجوزيه مين . هو مش راضي يروح يشوف عروسه
ضحكت ام مراد : احسن برضو . انا قولت الغبي ده هيرجع ويشوف حلاوه سلمي يفكر بعقله ويقول بنت خالتي أولي من الغريب . بس الواد طالع غبي
ام سلمي ضحكت : انا مش هلاقي لسلمي احسن من مراد .
ام مراد : وله انا والله يا ختي . عارفه الواد مراد ده مجنون . بس طيب و اهبل .
ضحك الاثنان
....
في اللايفنج روم
سلمي قاعده مع مراد : بقولك ايه انا مش مرتاحه لامي وخالتي تفتكر ناوين علي ايه
مراد ؛ وليه يكونو ناوين علي حاجه . مش ممكن يكونو بيتكلمو عادي كده
سلمي : لا، دول طردوني بره الاوضه ، وبيتوشوش اكيد في حاجه بيخططو ليها
مراد قلق: بت يا سلمي . ليكونو بيخططو يجوزوني . انا مش عايز اروح اشوف اي عروسه تاني . كفايه اللي حصلي اخر مره مع الملبوسه
..ده انا كل اما افتكر ركبي بتخبط في بعض
ضحكت سلمي : كنت شبهه الكتكوت المبلول
مراد : مش هرد عليكي . بس لو انتي مكاني . كنتي روحتي فيها
سلمي : ليك حق تتعقد
مراد : طيب انقذيني منهم . انا مش هروح أقابل حد
سلمي :مقابل ايه ؟
مراد : يعني ايه
سلمي : يعني عايزه حاجه مقابل انقاذك
مراد : واطيه اوي البت دي ..
سلمي : بتقول حاجه يا مراد
مراد : مش بقول يا سلومتي
سلمي : انا بتعفرت من الكلمه دي . متقوليش سلومتي دي . يا اما مفيش مساعده
مراد : خلاص . مش هقول حاجه . يا ساتر
....
كل محاولات ام سلمي واختها بتفشل ...
ام مراد : مبدهاش بقي. انا هقوله في الو كده صريحه
دخلت اوضه وقفلت الباب : مراد. انا شوفتلك عروسه كويسه وبنت ناس
