✳ الجزء 1 ✳
♥شهــــــــــــد عمـــــــــــــر ♥
🔥 شهد عمري 🔥
🌸 تيما مبارك🌸
خارجة و شادة في يديها كتوباتها حانية راسها و لي داز من حداها كتقفز هزات راسها لقات طوبيس ديال لافاك كي تسنا و كي كلاكسوني و هذا كل حال في مدينة القصر الكبير باش تمشي لافاك في العرائش خاصك طوبيس و مع 7 الصباح كي ديماري هي تعطلات و تمت غادا كتجري باش تلحق عليه وقفات كتنهج و طلعات عاااامر طلبة اليوم كاين حصة ديال الاحصاء
المشكل مشي هنا المشكل في طالبة منين كي شوفوها لابسة نقابها كي ستحقروها مع انها مكدير حتى حاجة خايبة
ديمارا الشيفور و وصلو لافاك كبيرة و واسعة و حداها غير الجرادي تبارك الله غير هما توجهات الشؤون الطلبة و دخلات عندهم هزات فيهم عويناتها حيت هما الوحيدين لي كي بانو
***( بصوت رقيق):السلام عليكم
رئيس:مرحبا
***:بغيت نسولك بطاقة الطالب فوقاش عتخرج
رئيس:شهر 11
***:و المنحة
رئيس:في اخير شهر 10 و عنمشيو العمالة باش تشوفي واش تقبلتي
***:فوقاش كتصرف
رئيس:شهر 1 شنو سميتك
شهد:شهد العمراني
رئيس:سيري لحصتك دابا
حنات راسها و زادت بخطواتها كتسرع حتى وصلات اونفي لقات يالله بداو يدخلو ختارو بلاصة قريبة بزاف جلسات فيها و بدأت متبعة الدرس مع الاستاد باش تفهم حتى كملات 4 السوايع طابت بالجلاس خرجات برا و بقات كتسنا طوبيس ديال القصر الكبير يجي شوية هي تبدا شتاء كطيح هزات راسها و مشات خبات تحت واحد الشجرة
و هذه حقيقة البنات و تجربتي حق الله بقات واقفة كتسنا و شتاء قالت ليها عليك كنقلب ولا البنت ساردة و كترعد اما واحد اللوطو ديال الطلبة المعفرين على شوية و يديرو كسيدة حيت زلقات بيهم شهد كتشوف البنات كي ديرو اوطو سطوب بسباب يا مرة يا رجل المهم يهربو الساعة 5 خرجو فيها من لافاك دابا ساعة 7 و ها 4 الطوبيسات جايين شكون غدي تهز كلشي كي تصابق و لي مصاحب مع لي كي تخلص راه مخلي ليه البلاصة و لي طلع يشد بلاصتو و بلاصة صاحبو بقات لور كتشوف حتى دورو راسهم واحد مجموعة طلبة ولاد و هما يغوتو حيت هما المشمكرين ديال ديك لافاك ولكن رجال و نص
طالب:اييييييه لي طلع كامل ولاد ينزل خليو البنات يمشيو
طلات عليه وحدة:الا راه تعطلنا
طالب2(جبد من تحت السروال موس):تا برب ما ينزلو لا تحرك هذه طوبيس من لهنا
خافو منهم بصح و هذه الشي حقيقي نزلو الدراري و طلعو البنات منهم شهد و ديمارا الشيفور في طريق كي تصادفو مع جوج طوبيسات طالعين يهبطو لبنات حطات راسها على الزاج و كترعد و هذا حال طلبة القصر الكبير ديما
أنت تقرأ
🔥 شهد عمري 🔥 بالدرجة المغربية
Storie d'amoreقصة دينة قصيرة كتحكي عن حياة بنت شاب بمناسبة عيد المولد النبوي الشريف #احتيال # #الاغتصاب # #الانتقام # #الدراما # #الرومنسية❤ # #المافيا # #الهوس # #تسلط # #حزن # #ضلم # #فقر # #نصب #دارجة #مغربية #كره #حزن #حب
