နဂါးဘုရင်၏နှလုံးသား (The Dragon King's Heart)

Ep.7 ဗလာဟင်းလင်းခံစားချက်

Uni

ဗလာဟင်းလင်းခံစားချက်

"နဂါးဆိုတဲ့အမျိုးက
လူတွေရဲ့ကျွန်ပြုရာမဟုတ်ဘူး
ရှောင်ကျန့်....
ငါ့မျိုးနွယ်တွေကျွန်ပြုခံနေရတာ
သိသိကြီးနဲ့ မကယ်တင်နိုင်ရင်
ငါမွေးဖွားလာခြင်းက ဘာလုပ်ဖို့လဲ.....
သူတို့အကုန်လွတ်မြောက်သွားရင်
ငါ့နှလုံးသားလေးဆီမှာ
လာရောက်ခစားပါ့မယ်
ဘယ်လိုအနေထားနဲ့ပဲဖြစ်ဖြစ်ပေါ့''

သူငယ်ငယ်လေးမှာ မိဘနှစ်ပါးက အသက်ပေးကာကွယ်ခဲ့ကြလို့ အသက်ဘေးကနေသီသီလေးလွတ်ခဲ့ရတယ်။ ဒါတောင်ရေခဲအဆိပ်မိခဲ့တာမို့ လူသားလေးက ကယ်တင်ခဲ့ရသေးတယ်။
မိဘနှစ်ပါးကလွဲရင် ကယ်တင်ပေးခဲ့တဲ့လူသားလေးက ယုံကြည်ရဆုံးပင်။
နောက်တော့ သံယောဇဥ်တွေဖြစ်လာတယ် ဒီလူသားအတွက်ဆို ဘာမဆိုဖြည့်ဆည်းပေးချင်တယ် ။
လူသားအသွင်ပြောင်းနိုင်ဖို့ အသဲအသန်ကြိုးစားခဲ့ရပြီး.တကယ်အဆင်သင့်ဖြစ်လာတော့လည်း ဖွင့်မပြောရဲခဲ့။
မင်းကငါစောင့်ရှောက်ပေးဖို့မှ မလိုတော့တာ ထွက်သွားတော့ဆိုရင် ခက်ရချည်သေးရဲ့။
သူမှဒီလူသားလေးနဲ့ ခွဲမနေနိုင်တာ။
မြို့တော်ရောက်ပြီးမှ မျိုးနွယ်တူပေါင်းများစွာ ရှိနေသေးတာကို သိခဲ့ရတယ်။
ကံမကောင်းတာက သူတို့ကအခိုင်းခံကျွန်ပြုခံနေရတာ။
သူထင်ခဲ့တာက သူတို့မိသားစုက နောက်ဆုံးဖြစ်မယ်လို့။

တကယ်တော့ သူတို့မိသားစုကို လာရောက်ဖမ်းဆီးခဲ့တဲ့ ရေခဲမှုတ်ထုတ်နိုင်တဲ့ နဂါးကြီးက မျိုးနွယ်စုတစ်ခုလုံး ကျွန်ပြုခံနေရတာရဲ့ အကြောင်းရင်း ဖြစ်မယ်ထင်။
သူသာမိဘတွေရဲ့ကာကွယ်ပေးမှုကြောင့် ကံသီလို့လွတ်ခဲ့ကာ စိတ်ကောင်းရှိတဲ့ လူသားလေးကြောင့် ကျွန်ပြုမခံခဲ့ရတာ။
လွတ်နေတဲ့သူက မျိုးနွယ်တွေအားလုံး လွတ်ဖို့တာဝန်ရှိပေတယ်။
တာဝန်တွေပြီးဆုံးသွားရင် ချစ်တဲ့လူသားလေးနား.တစ်သက်လုံးလူသားအသွင်နဲ့ နေသွားတော့မယ်။
မောင်းထုတ်ရင်တောင် ထွက်မသွားမယ့် တွယ်ကပ်ခြင်းမျိူးနဲ့ပေါ့။

အစိမ်းရောင်နဂါးကြီးနဲ့ တွေ့ပြီးတည်းက
သတင်းတွေပျံ့နှံ့ကာ မျိုးနွယ်တွေလာရောက်ပြီး သူတို့ကိုကယ်တင်ပေးဖို့ တောင်းဆိုနေကြတာ။
တာဝန်တွေပိုမိုခိုင်မာလာတယ်။
တင်းတင်းရစ်နှောင်းထားတဲ့ ကြိုးတွေလိုပဲ။
အရေးကြီးတာက အတွေ့ကြုံရင့်ကျက်တဲ့
သက်တမ်းရင့် ရေခဲနဂါးကြီးကို ရင်ဆိုင်ရန်ပင်။
အားလုံးထဲမှာ ကံအဆိုးဆုံးက နန်းတော်က နဂါးများ။သူတို့က လျောင်မင်းသမီးနဲ့ သွေးစာချုပ်ချုပ်ဆိုထားတာမို့ လွတ်မြောက်ရန်မဖြစ်နိုင်ကြ။တွေ့ဆုံစဥ်အခါက မျက်ရည်များစွာကျနေတာကို မြင်ယောင်မိသေး။
နည်းလမ်းရှာပြီးကယ်တင်ပါ့မယ်လို့ ကတိပေးလိုက်ပေမယ့် နည်းလမ်းကဘယ်မလဲ။
အားလုံးလွတ်မြောက်ရင်တောင် သူတို့ကမလွတ်နိုင်တာမို့ ဝမ်နည်းအားငယ်တာလည်း
ဖြစ်သင့်တယ်ရယ်။