بعد مرور اربع سنوات
في احدي المستشفيات الخاصه بعائلات الهواري
في غرفه كبيره نسبيا ، ينام ذلك الجسم الذي اهلكه المرض ، تهالكت معالم وجهه ، اختفي ثقلهُ ، وتلك العضلات السداسيه التي كانت مرسومه باحتراف علي صدره اختفت ، لم يتبقي سوي هيكل ضعيف شاحب الملامح ، لا يتقبل ان يحيا مجددا وكل ذلك بارادته .
يري امامه غابة بيضاء والشجر المتحجر البني القاني ، يجلس وحيد بحزن الي ان احس بكفين يحاوطان وجهه ، يعلم ان تلك اليدين قد المته من قبل في المنتصف العميق
روح : زين ارجع كفايا كده انت وحشتني
زين بلا شعور : مش راجع انا هفضل كده لحد مموت
روح : لو انا رجعت هترجع
زين بتفكير : هترجعي بس عمرك مهتدخلي قلب زين تاني قلب زين مات وبايدك
روح بدموع : انا محتاجاك يزين ، ارجع
زين : متخاوليش وامشي اطلعي من احلامي ، انتي حتي مش سيباني فحالي وانا نايم
روح بدموع : محتاجاك يزين ارجع انقذني انقذ روحي وروحك
زين :...
روح بصراخ : هيموتوني يزين ارجعع انا بموتت
خارج الغابه خاصه في تلك الغرفه الراقد بها ، يستمع لذلك الصوت ، لا يريد العوده ، لا يريد ان يحيا مجددا ، حاول ان يقاوم قلبه الذي يرغمه علي العوده من اجل روحه ، لكنن ذلك الصوت لم يتركه " ارجع يزين انقذ روحك وروحي ....هيموتوني يزينن" وعند هذه النقطه رمش بعينيه اكثر من مره الي ان استطاع ان يفتح جفنيه ويعود للحياه مجددا .
فتح عينيه كل ما يراه حوله ما هو الا غرفه بيضاء ناصعه ، بعض الاسلاك علي صدره العاري ، وذلك النصل الحاد الذي يؤلمه ولكن لحظهه لا يدري اين هو وكم المده التي قضاها في ذلك المكان
زين بمحاوله فاشله للنطق : اا..فى
ثانيه والثانيه وما بعدها وفي اقل من خمسه ثواني امتلات الغرفه بالاطباء المذهولين
طبيب ١ بدهشه : زين باشا انت عايشش!!!
طبيب ٢ بدهشه لا تقل عنه : جميع المؤشرات سليمه هذا يعني انه بخير
وظلو يتناقشون متناسين هذا الراقد امامهم لا يقوي الحراك ولا النطق وتعصف بذهنه كل الاسئله التي يريد جوابها الآن بل فورًا
بعد مرور يومين
زين بقي كويس نسبيا ، يعني رجع يتكلم احسن ، وبيتحرك ببطئ بس بيتحسن
في المستشفي " في غرفه الصخر"
زين بضجر : مش هتقولولي انا بعمل اي هنا واي اللي جابني وبقالي اد اي ...بعدين انا عايز ارجع القصر
قصير بهدوء : بص من اربع سنين ان... لم يكمل حديثه حين قاطعه زين
زين بزهول : اربع سنيننن!!!!!!!؟؟؟؟؟
قيصر بريبه : اهدي سيبني اكمل ..من اربع سنين بالظبط انت عملت حادثه نقدر نقول كنت بتموت نفسك بايدك بعدها دخلت فغيبوبه وطول الاربع سنين دول مكانش في اي امل انك ترجع تعيش تاني ، الكل كان بيقول اننا لازم ندفنك خلاص لانك مش راجع وبعد سنتين بالظبط انا فضلت فيهم حاسس انك هترجع بس يأست وخلاص كنا هنشيلك من علي الاجهزه وووو
زين ومازاله في صدمته : اختي فين
قيصر : بكمل اهو .. سماء متقبلتش اننا نشيلك من علي الاجهزه وفضلت مصره انك هتعيش ولحد من يومين بردو واصرارها بيزيد انك هترجعلها وهتعيش لحد مانت فوقت اهو ودي لسا محدش مصدقها بس الحمد لله انك رجعتلنا بالسلامه
زين بحزن : يعني بقالي اربع سنين نايم النومه دي
قيصر بحزن عميق : ايوه يصاحبي بقالك المده دي كلها معذبنا ونايم كده + انت اللي مكنتش عايز تفوق كل الدكاتره قالو ان مؤشراتك كويسه وان انت اللي مُصر مترجعش
زين بالم دفين : كل دا بسببها ، بسببها هيا وبس
قيصر متالما من اجل صديقه : انساها بقي يزين كفايا عذاب لحد كده
زين : لو كنت قدرت انسي مكنتش رجعت يقيصر ...سماء فين ومجاتش تشوفني ليه
قيصر : سماء طلعت الاولي علي دفعتها وجالها منحه فالمانيا وكان لازم تسافر
زين بعصبيه : تسافر وانت سبتها انت ازاي توافق علي حاجه زي دي
قيصر بهدوء : اختك كانت بتموت في اليوم الف مره وانت ادامها كده كان لازم اخليها تروح وتتخطي حزنها دا + هيا مكانتش هتروح واستحاله كانت ترضي تسيبك بس انا حاولت بكل الطرق عشان توافق والعدها عن جو المستشفي دا ووافقت بعد معاناه وسافرت
زين بتفهم للوضع : هترجع امتي
قيصر : هيا هناك بقالها خمس شهور واخر مره وهيا بتسالني عليك قالت قدامها اسبوع يعني ممكن فخلال اليومين دول ترجع
زين بفرحه فهو اشتاقها كثيرا : متقولهاش اني فوقت خليها مفاجاه
قيصر : حاضر ...انا في حاجه هموت واعملها من اول منت فوقت
زين بدهشه : ا....وما هي الا ثواني وارتمي فحصن صديقه يبكي مرار اربعه سنوات عذاب ومعاناه لقد احس بالوحده وشعر بالهزيمه من دونه وكان يريده في كل وقت
قيصر بدموع لاول مره في حياته : انا لسا مش مصدق انك رجعت يزين
زين بحزن وهو بحتضنه : رجعت يقيصر رجعت ...لسا هرجع لقوتي تاني هرجع الصخر تاني
قيصر بريبه من القادم : ربنا يستر
زين : هو انت معرفتش حاجه عنها؟
قيصر بعصبيه : روح تاني يزين !!! لا معرفش ولا عارف مش هقولك
زين بزعيق : انجز يبني ادم
قيصر : رجعت مصر من سنتين و..
زين : وايه انجز ؟
قيصر بتردد : متجوزه وعندها بنت عندها سنتين ونص
زين وقد احس ان الباقي منه قد انشطر : اتجوزت !!......رجعني القصر يقيصر
قيصر : مينفعش لسا بدري عما تطل..
زين بعصبيه : بقولك رجعني القصر بدل مارجع انا بطريقتيي
وفعلا مع اصرار زين قيصر اضطر يرجعه القصر مع احتفاظه بكافه المستلزمات الطبيه والاجهزه التي مازال محتاجها وطلب اطباء وممرضين للقصر لكي يهتمو به .
بارت صغير سوري❤️
بقلم / شهرذاد ..🖤
أنت تقرأ
"أنين قلب " ...🖤
Romansعِندما يتحطم القلب ، عندما تقسي أنفُسنا ، وقتها فقط نشعر بلهيب الهزيمة ، والقادِم حينئذٍ هو لذة النصر حينها يتكون حاجر منيع امام القلوب ، تتحجر العيون ويبقي الإنتقام هو السُلطان ولكن لا يشفي الجرح ويبقي الحُطامُ حُطام . زين بألم / فلتشفقين علي قلبا...
