រឿងខ្លី ទឹកភ្នែកកូនដើម

ep2

#រឿងទឹកភ្នែកកូនដើម (  Namjin )
#ភាគទី2

     ក្រោយពីបានលុយដែល ណាមជូន បានឲ្យគេនោះមក ជីន បានទិញកូនផ្ទះតូចល្មម ដែលមានតម្លៃសមរម្យ អាចរស់នៅបាន។ ជីន នៅសល់លុយមួយចំណែកធំទៀត គេក៏គិតថា យកលុយនោះ ទៅធ្វើជា​ដើមទុនរកស៊ីចិញ្ចឹមជីវិត មិនដើរអនាថាទៀតទេ។

      ជីន ដើរទៅផ្សារ ក៏បានឃើញ ណាមជូន បណ្ដើរមនុស្សស្រី ចេញពីហាងកាហ្វេ ពួកគេថែមទាំងឱបថើបគ្នា នៅមុខ ជីន ទៀត។ នេះនៅទីសាធារណៈគេធ្វើបែបនេះទៅហើយ ចុះក្រោយខ្នងគេវិញនោះ។ នេះប្រហែលជាមូលហេតុ ដែលគេ ដេញ ជីន ចេញហើយមើលទៅ។ ពេលគេអស់ន័យសម្រាប់គេហើយ ដ៏ដេញដូចឆ្កែឆ្មា។

     ទឹកភ្នែកនៃភាពឈឺចាប់របស់ ជីន ក៏បានហូរមកម្ដងទៀត  ជីន ដើរកាត់មុខគេទាំងទឹកភ្នែក តែ ណាមជូន មិនបានខ្វល់ខ្វាយអ្វីនោះឡើយ។

" ពួកយើងអស់និស្ស័យហើយមែនទេ? ហ៊ឹក ហ៊ឹក ហ៊ឹក ហេតុអ្វីក៏ឈឺត្រង់នេះម្លេះ? "

រាងតូចយកដៃដាក់ត្រង់ទ្រូងខាងឆ្វេងរបស់គេ ហើយក៏បន្តដើរទៅមុនទាំងនឿយហត់ក្នុងចិត្ត។

   មួយអាទិត្យនេះ គេពិបាកក្នុងខ្លួនណាស់ ចេះតែក្អួត និងអស់កម្លាំងធ្វើអីក៏មិនបាន។  ជីន ក៏សម្រេចចិត្តទៅពេទ្យ គ្រូពេទ្យក៏បានពិនិត្យគេ។

" ប្អូនមានផ្ទៃពោះ5សប្ដាហ៍ហើយ! គេសុខភាពល្អណាស់! ប្អូនពិតជាអស្ចារ្យណាស់! "

   គ្រូពេទ្យ និយាយទាំងញញិមទៅកាន់ ជីន។ ចំណែក ជីន យកដៃអង្អែលពោះ ទាំងទឹកភ្នែក។ គេនឹងប្រាប់ ណាមជូន ឲ្យគេបានដឹងរឿងនេះ ក្រែងលគេអាណិតកូន ហើយអនុញ្ញាតឲ្យគេរស់នៅជិតខ្លួនរបស់គេបន្តទៀត។

// ក្លឹប ណាមជូន //

  ជីន ឈរនៅមុខក្លឹបរង់ចាំ ណាមជូន ចេញមក គេនឹងប្រាប់ពីរឿងកូនក្នុងផ្ទៃឲ្យ ណាមជូន ដឹង។ ណាមជូន និងកូនចៅពិតជាចេញមកមែន រាងតូច ក៏ដើរទៅស្ទាក់ចាំគេ។

" បង! "

" ឯងត្រូវការលុយមែនទេហា៎? "

    រាងតូចក្រវីក្បាល ហើយញញិមដាក់គេ ជីន ចង់សុំគេឱបណាស់ តែមិនដឹងថា គេយល់ព្រមឬអត់ទេ?