في عشق الخيال

البارت الثاني عشر

َمتنسيش النجمة يا قمر ✨ 💖

سعف النخيل يظلل الأفق من بعيد وكأنّه سحاب أخضر. صيحة غريبة صمّت أذنيه ثُمّ شعر فجأة بمخالب تقبض على كتفيه، فرفع بصره ورأى طائرًا عملاقًا يبسط جناحيه مظللًا فوق رأسه، تسارعت أنفاسه وهو يطير على ارتفاعٍ شاهق فوق وادٍ عميق يقطعه نهر ماؤه رقراق زمرّدي اللون! لاحت من بعيد أكواخٌ صغيرة لكنّها متقاربة مصفوفة بانتظام في مجاميع يفصل بينها ممرّات أرضها مغطاة بزهور صغيرة صفراء. تناهى إلى سمعه صوت أنثوي ناعم، كان يناديه ويكرر كلمة غريبة لم يدرك كنهها!

فما اسم هذه الرواية يا سكاكر؟ 🤸‍♀️💗

اللهم صلِ على سيدنا محمد وعلى آله وصحبه أجمعين ♥️

في المساء
جلست جوري ومليكة في إنتظار نغم

جوري بضجر: نغم اتأخرت اووي
مليكة بتأفأف: ده انا هسلخها لما تيجي بس

قاطع نمنمتهم رنين الجرس معلنًا عن وصول نغم فقامت فريدة بفتح الباب

فريدة : جيتي لأجلك ادخلي استلقي وعدك بقى

نغم بعدم فهم: ليه عملت ايه

فريدة بغمزة: كل ده تأخير ايه كنتِ فين من غير العيال لتكوني بتحبي وانا معرفش

نغم بدراما: حب ايه اللي انت جاي تقول عليه عيب عليك يا سيد احنا فينا من الكلام ده

خرجت لهم جوري و مليكة بغضب

مليكة: ما لسه بدري يا ست هانم كنتِ باتي برا احسن

جوري: جرا ايه يا نغم الله يرحم ايام ما كنتي بتروحي البيت من الساعه سته وتقولي اتأخرت

نغم بإقتضاب : ايه سارينه فتحت في وشي الطريق كان زحمة بعدين وسعي كده عايزة ارتاح

فريدة بسخرية:العيال اتجننت، اما اروح اكمل المانيكير بتاعي بلا قرف

ثم تركتهم وغادرت لغرفتها لتكمل ما كانت تفعله

جوري بتعجب:فكريني كده البت دي عندها كام سنة

مليكة بضحك:اتعودي بقى اختاااه احنا اللي عيال مش هي

نغم: عندكم اكل انا ميتة من الجوع

مليكة: عندنا قومي غيري هدومك عقبال ما اجيب الاكل انا وجوري

وبالفعل ذهبت جوري ومليكة لجلب الطعام وقامت نغم بتغير ثيابها وجلست تنتظر الفتيات لتحكي لهم ما حدث بيومها الملئ بالأحداث الغريبة

مليكة :خدي مني يا نغم لـ احسن الطبق سخن

جوري بجوع : يلا انا عصافير بطني بتصوصو

جلسن على الأرض في شكل دائري وبدأوا بتناول الطعام

جوري بخبث: الا صحيح يا نغم مش انا شوفت النوتيلا وهي بتوصل عطيات البيت