في عشق الخيال

البارت العشرون

✳النجمة اخواتي في الله ✨

فزوره البارت

سيُمنع كتابي هذا في كثير من الأروقة .. وسيثير النزاع أينما حل .. لكنه سيصل إلى عينيك .. فلم نعد في عصر يقدر أي أحد أن يمنع كتابا ليصل إلى العيون .. إذا مست يدك هذا الكتاب فاعلم أنني في قبري .. فالذي يسبح عكس القطيع يموت .. إذا تحدثت عني بالشر سيمدحوك على المنابر وإن تحدثت عني بالخير سيلعنوك معي .. وقد يبقى جزء فيك يلعنني بعد قراءة هذا الكتاب .. لأنه لا يصدقني .. انس معتقداتك وكل ما توارثته وأقنعوك أنه صحيح .. واقرأ .. وستمر الأيام ويأتيك كلامي متحققا مثل فلق الصبح .

اللهم صل على سيدنا محمد سيدنا محمد وعلى آله وصحبه أجمعين ♥️

*في الشركة

كان يجلس سليم في مكتبة يشعر ب يومه ناقص بدون جوري فا قرر الاتصال بها

سليم بإحراج:ممكن تكون نايمة انا هرن مرة بس

ثم هاتفها

عند جوري:
كانت جوري نائمة

جوري بإزعاج: مين قليل الزوق اللي بيرن عليا ده.... يالهوي ده سليم

ثم هدأت نفسها وأجابت:صباح الخير

سليم :شكلي صحيتك من النوم انا أسف

جوري : لا ابدًا نوم ايه ده انا صاحية من زمان ما انت عارف اني نشيطة

سليم بضحك:مهو عشان عارف أشك في حوار نشيطة ده المهم وراكي حاجة انهاردة

جوري:شوية مذاكرة عشان ألم المنهج قبل الامتحانات بس

سليم:حلو بما إن البارت الجديد نزل امبارح ايه رأيك نقرأه سوا ونتناقش فيه في الكافية

جوري بزهول:كافية ايه يا سليم اسكندرية فيها تلج ده انا حاسه اني لو نزلت هلاقي بطاريق في الشارع يأخي ده انا مش حاسة بأطرافي ولا كأنها أطراف سوسيس

سليم بضحك :بلاش كسل ده باقي المحافظات نفسهم يجوا يتفرجوا على فرع موسكوا اللي عندنا انتي تقولي لا، انا هستناكي هناك يلا

جوري بتهرب:والله انت فايق ورايق هو مفيش شغل انهاردة ولا ايه

سليم بحماس:كان في شوية حاجات وخلصتهم على طول لكن مفيش باقي اليوم الجو تلج

جوري :تمام ساعتين كده واكون عندك، سلام
.
.

*سبحان الله وبحمده سبحان الله العظيم '
.
.
عند مليكة

استيقظت على فريدة تقفز فوق فراشها

فريدة بصراخ:مليكة، مليكة، مليكة

مليكة بضيق:يخرب بيت مليكة على اليوم اللي شافتك فيه عاوزة ايييه

فريدة بحماس :اصحي الدنيا بتنزل تلج

مليكة بإستخفاف:كذبة لطيفة هصدقها لما نكون في كندا سيبيني انام بقى

فريدة:ايه فيل البحر ده يا مليكة قومي التلج غرق الشارع ماما مش هتوافق تنزلني لوحدي