اللهم صل وسلم على نبينا وحبيبنا محمد وعلى آله وصحبه أجمعين ♥️
متنسوش صيام الايام البيض لرجب قوموا اشربوا يلا 👀
و متنسوش النجمة يا سكاكر ✨✨
نغم بصدمة:نعم! يعني ايه
والدها:زي ما سمعتي جهزي نفسك يا عروسة
نغم بقهرة : عروسة؟ انت عشت معايا اصلًا عشان تسلمني لحد تاني انت تعرف عني ايه هتقول لعريس الغفله ده بنتك بتحب ايه بتكره ايه انت متعرفش اصلا
والدها بضيق : بلاش كلام المسلسلات الابيض واسود ده انتي اعقل من كدا انا شايف انه مناسب جدًا وهتتقابلوا قريب عشان تحددوا معاد الخطوبة كلامي خلص
وخرج كأنه لم يفجر قنبلة لتوه ولم يكسر قلبها تركها في حيرة ماذا تفعل الان يبدو عليه الجدية ؟
نغم:انا وانت والزمن طويل وافتكر ان انت اللي بدأت، لما اكلم البنات أشوف ههبب ايه
حكت نغم ما قاله والدها في جروبهم على الواتساب واتفقوا ان يتجمعوا في كافيه لكي يهدؤها ويفكروا جيدا في ذلك العريس الذي جاء ليفسد كل ما خططت له
سبحان الله العظيم وبحمده سبحان الله العظيم *
بعد فتره في الكافية
كانت الفتيات يشربون القهوة وينظرون لبعض بترقب شديد وعقل كل منهن يفكر في خطة لطرد هذا العريس
مليكة بحنق : يوه حبكت ابوكي يطلع بالعريس ده دلوقتي
نغم بحسرة: انا حظي منيل من يومه اعمل ايه طيب
جوري بهدوء مقلق: اهدي الحوار مش مستاهل ده عريس وهنطفشة
مليكة بخبث: بتفكر في ايه يا معلمي
جوري: بت أنغم هو يزن ايه نظامه
نغم بإحراج:من ساعة ما قالي في الحفلة وسبته ومشيت و قالي في الفون واتحرجت وهو مكلمنيش
مليكة: بتفكري في ايه يا جوري مينفعش هي تروحله تقوله
جوري بضحك : اكيد يعني هي اه مدلوقة بس عمرنا ما نروح نقول
نظرت لها نغم بضيق وضربتها على كتفها بشدة
نغم: ايه مدلوقة دي
مليكة:بس يا بت ده انتي مدهوله، ايه اللي في دماغك يا جوري
جوري بأبتسامة خبيثة: كل خير، احنا هنركن يزن دلوقتي مينفعش نقوله عشان ميبقاش جاي يتقدم عشان ينقذك من العريس ده احنا عاوزينه يجي على الهادي بمزاجة
نغم بحيرة:اومال هعمل ايه
جوري بدهاء: اسمعي مني انتي هتقابلي العريس ده و......
على الجهة الأخرى في كلية علوم :
كانت كنزي تقف مع ندى والحزن بادًا على ملامحهن بشدة بسبب صعوبة الامتحان
أنت تقرأ
في عشق الخيال
Teen Fictionالنوع :كوميدي، رومانسي، اجتماعي، طابع ديني كاتبة روائية صغيرة تتمكن من الشهرة بوقتٍ قصير ولكن بأسم مستعار لأسبابٍ مجهولة ولا تعلم أن هناك من يعشق عالمها الصغير المتمثل في شكل رواية من تأليفها سيجمعهم القدر ولكن دون أن يعلم انها كاتبة روايتة المفضل...
