روايه فتاه غلبت شيطانيها

🧡الـبـــارت الـسـابـع عـشـر 🧡

فَـتٌـآہ غـلُـبْـتٌ شُـيَـطُـآنْـہـآ🌻🖇️

آلُـبْـآرتٌ آلُـسآبْـع عـشُـر💛♥

مرت أيام طويلة ومنى تشعر باليأس والإحباط
فلقد صدمت من أقرب الأقربين إليها ... كانت تؤدى
العبادات بفتور شديد وضعف همة بلا خشوع بلا حب

..وبالطبع فشيطانها يلعب الدور الرئيسي في
ذلك
الشيطان : يا سلاااااااام بقالي كام يوم مستريح على الآخر..
هي أى نعم بتصلي فروض ونوافل وده اللي
مضايقني حبتين ..
بس وايه المشكلة طالما من غير
تركيز ومن غير دعاء زى ما كانت خنقاني ومن خير
خشوع ولا عياط بقى زى ما كانت مموتاني يعني عادى ...
ولسه المرحلة الجاية كمان هخليها تسيب النوافل
شوية بشوية كده ..
بلاش أخد المواضيع معاها كده قفش أحسن تقفشني هي..
وكل اللي اعمله يروح ...
لا و النهاردة كمان هزود معاها جرعة اليأس والإحباط
كده حبتين عشان ابدأ بقى في المرحلة الجديدة...
حان وقت صلاة العشاء فقامت منى بتثاقل شديد
لأدائها ..
صلت وهي شاردة الذهن حزينة ...

بالطبع لم يتركها شيطانها فلم تدرى كم صلت ...
أخذت تحدث نفسها اثناء الصلاة :

هو انا صليت كام ركعة بالظبط ...تلاتة ولا اربعة يعني ديه الاخيرة ولا ايه..
الشيطان موسوسا: لا أربعة يلا بقا خلصي ..
منى : بس أنا مش فاكرة إني صليت أربعة انا هعمل زي ما سمعت بالظبط أصلي على اقل عدد وبعد كده
اسجد سجدة سهو ...

الشيطان موسوسا: لا سهو ولا حاجة انتي مصلية
صح يلا بقى عشان لسه السنة كمان ...و شكلك تعبانة
ونفسيتك مدمرة بلاش تصليها احسن كده كده مش
هتتحاسبي لو سبتيها ..

افاقت منى ووجدت نفسها واقفة لا تتحرك اثناء
الصلاة وغارقة في التفكير فاستعاذت بالله على الفور
وانهت الصلاة وسجدت سجود السهو وصلت السنة .
ثم جلست تفكر :يااااااه للدرجادى وصل بيا الحال
وتذكرت حديث الرسول صلى الله عليه وسلم ((إن
أحدكم إذا قام يصلي جاءه الشيطان فلبس عليه
حتى لا يدرى كم صلى فإذا وجد ذلك أحدكم فليسجد سجدتين وهو جالس))
الشيطان بقى في صلاتي وسيطر عليا وكمان كان
هيضيه عليا السنة رحمتك يا رب

وانا اللى من اسبوع
واحد بس كنت بخطط لحفظ القرآن والدعوة كمان انا ايه اللي جرالي للدرجادى شيطاني سيطر عليا..

الشيطان موسوسا: لا ده مش شيطانك ديه نفسك .. انتي اللي كده.، لأنك شكلك مكنتيش ملتزمة بحق
وحقيقي كان كله كلام على الفاضي والدليل اهو ...

اصلا اللى انتي فيه ده مكنش إلتزام ده كان تعقيد...
ضيعتي أصحابك منك حتى امك بتقول عليكي معقده...
يعني المفروض بقى تشوفي الصح فين وتعمليه ..
وأخذ الشيطان يزيد جرعة الإحباط فجعلها تتذكر
جميع المواقف المحزنة في حياتها ... أو تتخيل مواقف
محزنة لم تحدث من الأساس .. وجعلها تتذكر سخرية اصحابها منها ...
بكت منى بكاة شديدا لتلك التخيلات وقالت في
نفسها : يعني أعمل ايه يعني ؟؟ أرجع تاني ... أرجع
تاني للي كنت فيه ...
الأغاني واللبس والسينمات ومش بعيد كمان اصاحب ولاد ...
كل ده عشان ايه
وعشان مين ؟؟
عشان ارضي امي اللى المفروض هي اللي تنصحني ولا عشان بنات سابوني وباعوني عشان
بقولهم عايزة اقرب من ربنا ...