البـــــــــــــــــــ19ــــــــــــارت
(رۆآيَـہ فَـتٌـآہ غـلُـبْـتٌ شُـيَـطُـآنْـہـآ)
عادت رنا إلى المنزل وهي في حالة لا يعلم بها سوى
الله ... كان الألم والندم يعتصران قلبها... "
لو
عاد بها الزمان للوراء بضعة أشهر...فقط بضعة أشهر
كانت من الممكن أن تكون سببأ في تغيير حياتها
بالكامل... كانت تتذكر ما مرت به في تلك الشهور وتشعر
بالحسرة .... وبينما هي كذلك إذا بدعاء تتصل بها...
دعاء:الو..... ازيك
رنا : الحمد لله ...انتى عاملة ايه؟؟؟
دعاء : انتم اللي عملتم ايه من غيرى النهاردة ؟؟
رنا : يا سلام يعني انتي متعرفيش ؟؟؟
دعاء: معرفش ايه ؟! هو فيه حاجة حصلت ؟؟
رنا : فيه حاجة حصلت ؟؟ده حصل بلاوى إ!
دعاء: خير فيه ايه
قصت رنا كل ما حدث بالتفاصيل ....لم تستوعب دعاء
ما حدث فقالت : انتي بتتكلمي بجد ؟؟؟!! انتي عاملة
فيا مقلب مش كده...
رنا : مقلب ايه وبتاع ايه ؟؟هي الحاجات ديه فيها هزار
انتي كمان
دعاء: طب لما دينا قالتلك كده عمرو قال ايه ؟
رنا : هيقول ايه يعني ...
دعاء : وازاى دينا تقبل اصلا ؟؟؟ وبعد الموقف اللى
انتي عملتيه معاه ده المفروض كانت تسيبه وتمشي
رنا : اقولك على حاجة ... احنا اللي غلطانين من الأول
طول عمرنا عارفين موقف الشباب من البنات اللى
بيقفوا معاهم وبرغم كده برضه مفيش فايدة عملنا
نفسنا ولا كأننا عارفين حاجة ..وقلنا فيها ايه يعني ما
كله كده.
دعاء وقد بدأ يتسلل الندم إلى قلبها : عندك حق ... طب
و منى مكلمتكيش من ساعتها ؟؟
رنا : لا متصلتش ... وبصراحة انا من كتر ما انا مكسوفة
منها مش عايزة اتصل بيها ...زمانها دلوقتي مفكرة اننا
كلنا بقى مصاحبين ... انا بجد ندمانة اوى
دعاء : لا يا رنا انتي عارفة منى لا يمكن تفكر كده
ابدا... وحتى لو فكرت احنا هنشيل الفكرة ديه من
دماغها
رنا : ازاي بقى
دعاء : وديه محتاجة تفكير يعني احنا مش هنقف
معاهم تاني ابدا بعد كده ...وكده هي هتفهم إننا
سيبناهم بسبب الموقف اللي حصل معاها ...بس
المشكلة بقى في دينا وندى .. انتي عارفة ان ندى لا
يمكن تسيب دينا
رنا : وانتي عارفة إني لا يمكن اكلم دينا تاني بعد اللى
حصل النهاردة ...
دعاء : بس انا خايفة يقولوا علينا كلام من ورانا وانتي
عارفة دينا تعملها .
رنا : انا مش عارفة ازاى انا كنت كده وازاى كنت
مصحباها وانا عارفة انها كده ..
دعاء: خلاص يا رنا متزعليش نفسك سيبي كل حاجة
على ربنا
شعرت رنا بغصة وقالت: يا رب ...دلوقتي هسيب
كل حاجة على ربنا ... ربنا اللي قعدت شوفي كام شهر
باعدة عنه حتى الصلاة مكنتش بصليها ... والولاد اللى
اتعرفت عليهم وأهلي اللي كانوا فاكرني زى العسكرى ...
يا ترى كام حد شافني وانا واقفة معاهم وقال عليا إني
مش محترمة ؟؟؟ لا وكمان لما كنت اشوف اى حد شكله
ملتزم أدارى نفسي .. كنت بتكسف من الناس ومش
بتكسف من ربنا
ردت دعاء وقد تأثرت: كفاية يا رنا.. كفاية .. متخلينيش
اندم اكتر من كده ..
رنا وقد اختنق صوتها وغلبتها عبراتها : دعاء انا هقفل
معاكي دلوقتي عشان مش قادرة اتكلم
دعاء: طب متقلقينش عليكي وانا هتصل بيكي على
بالليل كده اطمن عليكي
رنا : ماشي ...سلام
دعاء : سلا
انهت رنا المكالمة وراحت في بكاء عميق كانت تعتريها
مشاعر الحزن والخوف والندم اخذت تحدث ،
هو ممكن دينا تقول عليا حاجة ؟؟؟ ولا ممكن عمرو ده
يقول عليا حاجة ؟؟
الشيطان موسوسا : مش بعيد...ربنا ممكن ينتقم منك
عشان اللي كنتي بتعمليه ...
رنا : بس أنا والله كنت ناوية ارجع لربنا حتى قبل ما ده يحصل
الشيطان موسوسا: بس انتي غلطتي كتير اوى
وعصيتي ربنا ياما مفيش فايدة ...ده كفاية عقوبة
ترك الصلاة ديه لوحدها ده غير بقى الأغاني والشباب
والنميمة ربنا هيغفرلك ايه ولا ايه
رنا : طب اعمل ايه ؟؟انا ماليش غيره ..
الشيطان موسوسا : دلوقتي ملكيش غيره ...انتي اصلا
عايزة تقربي دلوقتي من ربنا عشان خايفة حد يقول
عليكي كلام مش كويس ... واول لما الفترة ديه تخلص
هتبعدى تاني عن ربنا.... انتي مش بتعرفي ربنا غير في
مصلحتك وبس واوعي تفتكرى ان ربنا هيساعد واحدة
منافقة زيك
رنا وهي تبكي : والله انا عايزة ارجع لربنا ...ربنا رحمته
واسعة .
الشيطان موسوسا : الكلام ده لحد ناوى يتوب بجد
ويسيب كل المعاصي اللي كان بيعملها ... تقدرى
تقوليلي ممكن تغيرى لبسك كله من بكرة وتخليه
واسع...طب تقدرى تبطلي اغاني وافلام من دلوقتي ....
طب تقدرى تصلي ومتسيبيش ولا فرض ولا سنة ولا أى
حاجة خالص؟؟؟؟ طبعا متقدريش انتي فين والإلتزام
شعرت رنا بالإحباط واليأس وقالت : انا فعلا مقدرش
اعمل كل الحاجات ديه دلوقتي ... انا حاسة ان ربنا
غضبان عليا اوي
الشيطان موسوسا: ومش عايز يخليكي تتوبي...
عشان مفيش فايدة منك انتي حاولتي كتير بس شكلك
خلاص ..
شعرت رنا باكتئاب شديد وكانت من عادتها انها إذا
شعرت بإكتئاب راحت في نوم عميق ... بالطبع لم
يتركها شيطانها فهو يريد أن يقنطها من عفو الله
بأى شكل من الأشكال ..فرأت جميع أنواع الأحلام
المزعجة ...فتارة ترى والدها داخل الجامعة يراها وهي
تتحدث مع الشباب ... وتارة ترى عمرو في منزلها - الذى
لا يعرف عنوانه من الأساس - يتحدث مع والدها .
على الجانب الأخر كانت أميرة تتصل بمنى ...
أميرة: السلام عليكم
وعليكم السلام
منى .
أميرة : ايه عاملة ايه دلوقتي ؟؟
أنت تقرأ
روايه فتاه غلبت شيطانيها
Ficción Generalقصه كامله الـسلام علـيكم ورحمة الله وبرگـاتـه الـروايـہ بْتتكلم عن فتاه و كان آلُشيَطان بيحآول ان يسيطر علي تفكيرها ويخلي الذنْوبْ تحلو في نظرها وان هو دا الصح مع ان هو الغلط، لُحد مآ هيا قدرت تغلـب شيطانها ۆمبْقتٌشُ تٌسمع لُيَہ، لُحٍدِ قدِرتٌ بْ...
