- කෑකෝ ගෙදර with අයිතිකාරයා - (✓)

💚 Chapter 13 💚

අප්පා මාව තුරුල් කරගන්න ගමන් අහද්දි මේ වෙනකම් හිර කරන් හිටිය කඳුළු පැන්නෙ ලොකු ඉකියකුත් එක්කම.

" අප්පා ඔයා මගෙ අප්පා නෙමෙයි නේද. එදා මගෙ අප්පත් අම්මා වගේම මාව දාලා ගියා නේද. කියන්න මට ඔයා මගේ අප්පා නෙමෙයි නේද. එදා මාව බේරගත්තෙ ඔයා නේද මිස්ටර් කිම් "

" ඒයි පිස්සු කෙල්ල මොනවද මේ කියවන්නෙ ආ. මමයි ඔයාගෙ අප්පා හරිද. "

" නෑ නෑ ඔයා නෙමේ.... මට හැමදේම මතකයි. ඔයා තමා මාව එදා මින්සුක්ගෙන් බේරගත්තෙ. මට මතකයි හැම දෙයක්ම අප්පා... මියානේ. මියානේ අප්පා "

" මැණික ඇයි මේ. මොකද මගෙන් සමාව ගන්නෙ. "

" මියානේ අප්පා ඔයාට මන් නිසා ඔයාගෙ පවුලෙන් ඈත් වෙන්න වුණා.."

" ඇයි මේ. මන් ඒක කළේ කැමැත්තෙන් "

" ඒත් අප්පා ඔයා දන්නවද එයාලා ඔයා නැතුව කොච්චර දුකෙන්ද ඉන්න ඇත්තෙ කියලා. මන් කොහොමද ටේහ්යුන්ට මේක කියන්නෙ අප්පා. එයා අවුරුදු ගානක් හොයපු එයාගෙ අප්පා මගේ අප්පා වෙලා මාව බලාගත්තා කියලා. "

" අප්පා ඔයා... "

මට අප්පගෙ තුරුලෙ ඉද්දිම ටේහ්යුන් අප්පා කියලා කියනවා ඇහුණා. ටේහ්යුන් කාමරේ දොර ළඟට වෙලා හිටියෙ ගොඩක් බය වෙලා. එයාගෙ මූණෙන් පෙනුණෙ දැන් වෙච්ච හැම දෙයක්ම එයාට ඇහිච්ච බවක්. ටේහ්යුන්ගෙ ඇස් වල කඳුළු පිරිලා තිබුණා. ඒ ඇස් වල මන් කඳුළු දැක්ක පලවෙනි වතාව. ඒ කඳුළු එයාගෙ ඇස් වලින් ගලාගෙන යන්න තත්පරයක්වත් ගත වුන්නෑ.

" ටේහ්යුන්...... "

මන් ටේ ළඟට යන්න හැදුවත් ටේ එක පාරටම එතනින් යන්න ගියේ මගෙ දිහාවත් බලන්නැතුව. මමත් එයාගෙ පස්සෙන්ම යන්න හැදුවත් මට කලින් අප්පා එයාගෙ පස්සෙන් දිව්වා. මාත් යන්න හැදුවත් අරෝ මාව නවත්තගත්තෙ මන් තාම බාත් රොබ් එක පිටින් හිටිය නිසා. මට තාමත් මේක විශ්වාස කරන්න බෑ. මාව මීට අවුරුදු හයකට කලින් මින්සුක්ගෙන් බේරගෙන මාව මේ තරම් කාලයක් බලාගත්තු මගෙ අප්පා කියන්නෙ ටේහ්යුන්ගෙ අප්පා. මන් නිසා එයාට එයාගෙ අප්පත් නැති වුණා. මට එවෙලෙ දැනුණෙ එදා රෑ මාත් මින්සුක්ගෙ අතින් මැරිලා ගියානම් හොඳයි කියලා. මොකද ටේට එයාගෙ අප්පාගෙ ආදරේ අවුරුදු හයක් නැති වුණේ මන් නිසා. මිසිස් කිම්ට එයාගෙ හස්බන්ඩ්ව නැති වුණේ මන් නිසා. අරෝට කිසිම දෙයක් හිතා ගන්න බැරුව වගේ තාමත් හොඳටම අඬන මන් දිහා බලන් ඉන්නවා. මන් එයාට ටේයි මමයි වුල්ෆ්ලා කියන එක ඇරුණම අනිත් හැමදේම කිව්වා. මගෙ අප්පා කියන්නෙ ටේගෙ අප්පා කියලත්. මන් ආපහු බාත්රූම් එකට ගියේ මගෙ ඇඳුම් මාරු කරගන්න.