[Unicode]
Theme Song on Media :
All You Need to Know (Acoustic) by Gryffin & Slander
………………………
မြင်းနက်နှစ်ကောင် ဆွဲသော ရထားလုံးသည် ဗလက်ဒ်ဒီယန်းအိမ်တော်မှ တရွေ့ရွေ့ထွက်ခွာလာသည် ။ စာအုပ်ထူထူကြီးတစ်အုပ် ထည့်ထားသော ကြိမ်ခြင်းတောင်းလေးကို ဘီလီ ကျစ်ကျစ်ပါအောင် ပိုက်ထားသည် ။
" မင်း သိပ်လှတာပဲ မာရီယာရယ် ~ "
" အို ဂျွန်နီရယ်~ "
မျက်နှာချင်းဆိုင်ခုံတန်းမှ လင်းနို့မလေး မာရီယာက လည်ချောင်းတွင် ငါးရိုးတစ်နေသော အသံဖြင့် တဟစ်ဟစ်ရယ်သည် ။ သူမဘေးမှ ဂျွန်ကလည်း သွားစွယ်အစုံကို နွားပြာကြီးများလို ပွင့်လင်းစွာဖြဲဟလျက် ။
ရထားလုံး၏ တံခါးကို ဘီလီ ဝုန်းကနဲ ဆောင့်ကန်ဖွင့်လိုက်သည်။ ဖြုတ်မျက်ချေးလောက်ပမာဏမျှသာ ကြီးမားသော သည်းခံနိုင်စွမ်းတို့ အငွေပျံသွားပြီ ဖြစ်သည် ။
" မင်း ရည်းစားဟောင်းတွေနဲ့သွားနေကျ မြို့လယ်က ဂေါ်ဒီရဲ့ ယမကာဘား ပဲမဟုတ်လား… ငါ လာခဲ့မယ်… "
လက်ထဲမှ ခြင်းတောင်းကို ဂျွန့်လက်ထဲသို့ထည့်ရင်း ပြောလိုက်သည် ။
"ယူထား… ငါ အတောင်ဆန့်လိုက်ဦးမယ် … သွားပြီ… "
ပုံစံပြောင်းကာ ဝုန်းကနဲ ပျံတက်သွားသော ဘီလီကြောင့် ရထားလုံးက ခါယမ်းသွားသည် ။ ဂျွန့်မျက်နှာလည်း မဲသည်းကာ ကျန်ရစ်သည် ။
တရွီရွီလေတိုးသံများအသံကြားတွေ ဘီလီ့ရယ်သံလွင်လွင်လေး ကပ်ညှိပါလာသည် ။
………
ဟယ်လိုဝင်းညနှင့် လပြည့်ည တိုက်ဆိုင်သည့်ရက်မို့ထင်ပါသည် ။ ကောင်းကင်ပေါ်တွင် အုံ့စိုင်းသော ခြောက်ခြားစရာအငွေ့အသက်များ ပျံ့နှံ့နေသည် ။
ကျောက်သား ကမ်းပါးယံပေါ်တွင် မှောက်ယက်လေးအိပ်ကာ ထွက်ပြူစ လမင်းကြီးကို ကြည့်နေသော ဘီလီ့နှာဝသို့ အနံ့တစ်မျိုး ပျံ့နှံ့လာသည် ။ ကြောင်ရိုင်းတစ်ကောင်ဆိုတာကိုသိလိုက်တော့ ဘီလီ့မျက်ဝန်းလေးများက ဖြတ်ကနဲ နီရဲလာသည် ။ လက်သည်းလေးများ ချွန်ထွက်လာသည် ။ ကြောင်ရိုင်း၏ သွေးသည် ဘီလီအကြိုက်ဆုံး အစာဖြစ်သည်လေ ။
YOU ARE READING
Lullaby : The MIDNIGHT SUN(HIATUS)
Short StoryI'll lift you when you're feeling low I'll hold you when the night gets cold You'll never have to be alone And that's all you need to know (All You Need to Know - Gryffin & Slander) This is the OTHER VERSION of * Song of a WILLOW TREE * as a Hallo...
