[Unicode]
Theme Song on Media :
All You Need to Know (Acoustic) by Gryffin & Slander
………………………
" တစ္ဆေများနေ့မှာ ပျော်ရွှင်ပါစေ… "
ဤစကားကို ပြောလိုက်သော လူသေးသေးလေးသည် ရှည်လျားသောခြုံထည်နီနီကြီးကို လွှမ်းခြုံထားသည် ။ ခေါင်းဆောင်းနီနီလေးထဲမှ ပျားရည်ရောင်ဆံပင်ခွေလေးများကို တစွန်းတစမြင်နေရသည်။ လက်ထဲတွင် စာအုပ်လေးတစ်အုပ်နှင့် ဝိုင်ပုလင်းတစ်လုံးထည့်ထားသော ကြိမ်ခြင်းလေးကို ကျစ်ကျစ်ပါအောင် ဆုတ်ကိုင်ထားသည် ။
သူ့ရှေ့မှ သားရေကုတ်အင်္ကျီရှည်ကြီး နှင့် လူထွားကြီးသည် ပါးချိုင့်တစ်ဖက်ခွက်ဝင်သွားသည်အထိ ပြုံးလိုက်သည် ။ လက်တို့ကိုပိုက်ကာ ခါးကိုကိုင်းလိုက်သောအခါ လှန်တင်ထားသော ဆံပင်နက်နက်များထဲမှ တချို့က ကြေးနီရောင် နဖူးပြင်ပေါ် အရိုင်းဆန်ဆန် ဝဲကျလာသည် ။
လူထွားကြီးက ခါးကိုကိုင်းကာ လူသေးသေးလေးနှင့် မျက်နှာချင်းဆိုင်လိုက်သည် ။ ပြီးတော့ ပြောသည် ။
" ကိုယ် ပျော်သင့်ရဲ့လား… သူခိုးလေး… "
………………
ရွှေအိုရောင်မျက်ဝန်းတစ်စုံနှင့် ပြာလဲ့သော မျက်ဝန်းလေးများ စုံမိကြသည် ။ ဘီလီ၏ မျက်ဝန်းပြာလေးများက ဝိုင်းစက်သွားသည် ။
" သူ … သူ ခိုးတဲ့လား……… "
မှားတော့ မမှားပါဘူးလေ ဟု တွေးရင်း ဘီလီ မျက်လုံးလေးများ မှေးမှိတ်သွားသည်အထိ ရယ်ပြလိုက်သည် ။
" ဟီးဟီး… နှုတ်ဆက်ပြီးပြီ ဆိုတော့ သွားတော့မယ်နော် … "
ဘီလီ ပြုံးရင်းနှင့်ပင် တဖက်သို့ချာကနဲ လှည့်လိုက်သည် ။ တလှမ်းစီ လျောက်လာရင်း နောက်ကျောဖက်သို့ မသိမသာလေး လှည့်ကြည့်သည် ။ ပါးချိုင့်နှင့် ဝံပုလွေကြီးသည် ပျားရည်ရောင်ဆံခွေလေးများနှင့် ခြုံလွှာနီလေးနောက်သ်ို့ ထပ်ကြပ်မကွာလိုက်လာတုန်းပင် ရှိသေးသည် ။
" ဟာ… မိတ်ဆွေကြီး မစ္စတာအိုကန်စ်လေ … "
ဂျွန်၏ အသံကို ကြားလိုက်တော့ ဘီလီ မျက်ခုံးလေးများကိုပင့်ကာ နောက်သို့ အပြည့်အဝလှည့်ကြည့်လိုက်သည် ။ သွားဖြူဖြူများကို ဖြဲဟကာ ခပ်သွက်သွက်ပြေးလာသော ဂျွန်သည် ဝံပုလွေကြီး၏ လက်ကိုဆွဲကာ ခပ်ကြမ်းကြမ်းလှုပ်ယမ်းလိုက်သည် ။ ဝံပုလွေကြီးကလည်း ပါးချိုင့်နက်ကြီး ခွက်ဝင်သွားသည်အထိ ပြုံးနေသည် ။
KAMU SEDANG MEMBACA
Lullaby : The MIDNIGHT SUN(HIATUS)
Cerita PendekI'll lift you when you're feeling low I'll hold you when the night gets cold You'll never have to be alone And that's all you need to know (All You Need to Know - Gryffin & Slander) This is the OTHER VERSION of * Song of a WILLOW TREE * as a Hallo...
