[Unicode]
Theme Song on Media :
All You Need to Know (Acoustic) by Gryffin & Slander
………………………
၁၈၄၅ ခုနှစ် ။
" ၆၁၄ … ၆၁၄ …… "
ဖြူလွှသော လက်သွယ်သွယ်လေးသည် ခပ်နွမ်းနွမ်းသစ်သားစာအုပ်စင်ပေါ်မှ ထူထဲသောစာအုပ်များကြား ပြေးလွှားနေသည်။
" ဟော … တွေ့ပြီ …… "
မျက်ဝန်းပြာလေးများကို မှေးမှိတ်ကျသွားသည်အထိပြုံးရင်း စာအုပ်ထူများကြားမှ မိုးမခခက်များစီခြယ်ထားဟန် အဖုံးဖြင့် စာအုပ်လေးတစ်အုပ်ကို ဆွဲယူလိုက်သည် ။ စာအုပ်ကလေးကို တယုတယပိုက်ပြီး တဖက်ကို လှည့်လိုက်ချိန်တွင် တွေ့လိုက်ရသည်က ကြောင်မျက်လုံးဝိုင်းဝိုင်းလေးများသာ ဖြစ်သည် ။
" ဘီ… လို့… ဒီည လည်မယ်လို့……မြောင်~ "
" မလည်ပါဘူး… ဒီည လူသားတွေ ခြေရှုပ်နေမှာကို… "
" ဘီလီ ~~ ဒါ ဟယ်လိုဝင်းလေ~ တစ္ဆေများနေ့လေ~~ "
" အဲ့တော့ ? … ငါက တစ္ဆေမှ မဟုတ်တာ……"
ဘာဆိုင်လဲ ဆိုသည့် သဘောဖြင့် ဘီလီ မျက်ခုံးပင့်လိုက်သည်။ ဤနေ့သည် တစ္ဆေများနေ့ ဖြစ်သည် ။ ဒါ ဘီလီနှင့် ဘာဆိုင်ပါသနည်း ။
" လုပ်ပါ ဘီရယ် … ငါးချိုချဉ်လိုက်တောင်းမယ်လေ… မြောင်~ "
ဖမ်မလီယာ ခေါ် ဝိညာဉ်လမ်းပြတိရစ္ဆာန်လေး ကီကီ၏ ကြောင်မျက်ဝန်းဝိုင်းဝိုင်းလေးများကိုကြည့်ကာ ဘီလီ ပြုံးလိုက်သည် ။
" ဘဲလ် နဲ့ လိုက်သွားရမှာမဟုတ်ဘူးလား ကီကီ… ပြီးတော့ ငါးနဲ့လုပ်ထားတဲ့ ချိုချဉ်ရယ်လို့ မရှိပါဘူး… "
" နိုးး … မြောင့်သခင်က သူ့အဘွားနဲ့ ကဝေအစည်းအရုံးကိုသွားရမှာ … မိန်းမကြီးတွေနဲ့ ယောက်ျားကြီးတွေ စကားတွေများကြမှာ မြောင်ပျင်း … ညှောင်းး ခွီးး~ "
အရိုးမာခြင်းထိတွေ့သော တတက်တက် မြည်သံများနှင့်အတူ ကြောင်နက်လေးကီကီကို အဖြူရောင်ခလောက်မြွေတစ်ကောင်က ရစ်ပတ်လိုက်သည် ။
" အမဲလုံး … နင် ငါတို့သခင်တွေအကြောင်း အတင်းတုတ်ပြန်ပြီ… ရွှီ~~ "
KAMU SEDANG MEMBACA
Lullaby : The MIDNIGHT SUN(HIATUS)
Cerita PendekI'll lift you when you're feeling low I'll hold you when the night gets cold You'll never have to be alone And that's all you need to know (All You Need to Know - Gryffin & Slander) This is the OTHER VERSION of * Song of a WILLOW TREE * as a Hallo...
