ប្ដូរវិញ្ញាណជួបស្នេហ៍ (slow Updates)

ភាគទី០៤: ម៉េចនឹងអាចទៅរួច?? មិនពិតទេ!!

ក្រោយពេលដែលហេតុការណ៍ផ្ទុះកក្រើកជាខ្លាំងមនុស្សម្នាក៏នាំគ្នាមកចោមរោមមើលឡើងកុះករ ឯប៉ូលិសសមត្ថកិច្ចជាច្រើនទៀត ឡានទឹកឡានពេទ្យក៏បើកមកដល់ ដោយមានអ្នកខលហៅបន្ទាប់ពីឃើញហេតុការណ៍ទាំងនេះ។ ចំណែកឯអ្នកកាសែតក៏ប្រជ្រៀតចូលមកថតបន្ទាប់ពីដឹងថាគ្រោះថ្នាក់មួយនេះគឺជាម្ចាស់សណ្ឋាគារលំដាប់ជួរមុខក្នុងប្រទេសកូរ៉េនោះ ពួកគេក៏បានផ្ដិតយករូបភាពនិងបង្ហោះសារជាច្រើន ពត៌មានក្នុងកញ្ចក់ទូរទស្សន៍ក៏មានលេចឮទៅដល់អ្នកស្រី Jeon ដែលកំពុងស្ថិតនៅឯភូមិគ្រឹះ ធ្វើឲ្យគាត់ខ្យល់គរសន្លប់បាត់មាត់ បាត់ទៅហើយឯអ្នកបម្រើក៏យកគាត់ទៅសម្រាករង់ចាំពេលដឹងខ្លួនឡើងនឹងទៅដោះស្រាយពីរឿងទាំងនោះ។

មុនពេលមានមនុស្សអ៊ូអរមកឃើញហេតុការណ៍ទាំងនេះគឺមានមនុស្សតែម្នាក់ប៉ុណ្ណោះដែលដើរកាត់នេះបានឃើញឡានពីរគ្រឿងកំពុងតែឆាបឆេះ ឯនៅគន្លៀតម្ខាងទៀតនៃឡានក៏មានមនុស្សប្រុសពីរនាក់ដេកសង្កត់ពីរលើគ្នាទាំងមានស្លាកស្នាមរបួសនិងឈាមជាច្រើនដាបហូរពេញផ្លូវ។ បើតាមការស្មានមនុស្សប្រុសឈុតខ្មៅដែលគេស្គាល់ថាជា Jeon Jungkook នោះច្បាស់ជាលោតចេញពីឡានរបស់ខ្លួនទៅជួយក្មេងប្រុសម្នាក់នោះដើម្បីគេចពីឡានកុងទន័រជាមិនខាន។

ប៉ុន្តែបើគេលោតចេញពីឡានទៅជួយក្មេងប្រុសម្នាក់នោះហេតុអ្វីក៏ទាំងពីរនាក់របួសធ្ងន់ដល់ថ្នាក់នេះទៅ?? អ្នកដែលមកឃើញនោះក៏ខលទៅប្រាប់ប៉ូលិសនិងហៅឡានពេទ្យមកភ្លាមៗដើម្បីដឹកពួកគេទៅកាន់មន្ទីពេទ្យនិងពិនិត្យកន្លែងកើតហេតុឲ្យបានត្រឹមត្រូវ។

« សូមជៀសចេញបន្តិច!! មិនអាចចូលទៅបានទេ » ប៉ូលិសកៀសអ្នកកាសែតចេញរួចក៏មានគ្រូពេទ្យរុញគ្រែអ្នកជំងឺមកសែង Jungkook និង Tae ដាក់ឡានយកទៅមន្ទីពេទ្យជាបន្ទាន់។

«បើតាមការសន្មត់បានឲ្យឃើញថាឡានកុងទន័រមួយនេះដាច់ខ្សែរហ្រ្វាំងរ៉េចង្កូតជិះមកបុកចំពីចំហៀងឡានខាងឆ្វេងរបស់លោក Jeon មួយទំហឹង» Police 1 ក្រោយពីបានត្រួតពិនិត្យរួចរាល់ក៏មករាយការណ៍ដល់ប៉ូលិសធំភ្លាមៗ។

« ភស្តុតាងមានមិនទាន់គ្រប់គ្រាន់នៅឡើយទេថាឡានដាច់ហ្រ្វាំងឬក៏មានរឿងនៅពីក្រោយហេតុការណ៍នេះឲ្យប្រាកដ?? យើងគួរតែតាមដានឲ្យច្បាស់ជាងនេះទើបបាន »