جبروت حكم جد الصعيد
الرابع
سبحان الله وبحمده .. سبحان الله العظيم
وقف حامد بعد ما خلص الفطار
: يلا يا حنين
حنين بغباء وهي بتبصله وهتعيط : علي فين .
حامد وهو بيبصلها وبيستحلف أنه يربيها علشان طوله لسانها : هيكون علي فين ، علي اوضتنا
حنين : انا لسه جعانه مشبعتش
حامد : وه . ده انتي خلصتي علي الوكل كله
الجد : جره ايه عاد .. سيب البنيه تاكل .. هي عروسه ولازم تقوي . عايز اشوف ولادكم بعد تسعه شهور
حنين برقت بصدمه ، شرقت وفضلت تكح وحامد بيضحك وهو بيضربها علي ضهرها : روحك هتطلع وله ايه .
حنين بتشرب المايه بسرعه ..
حامد بخبث : كلي يا عروسه وغذي نفسك
حنين: احم . الحمد لله شبعت
حامد : يلا بينا علي فوق ..
حنين : اصل زهره عايزاني في موضوع مهم مش أكده يا زهره ... زهره . زهره
أما زهره فهي كانت قاعده حزينه علي نفسها . الماضي ضاع في تحكمات جدها و مستقبلها هيضيع مع ابن عمها اللي طلع مش اقل قساوه وجبروت من جدهم
حامد حط أيده علي كتفها علشان تفوق : مالك يا زهره
زهره :ها، مفيش يا خوي.
حنين : انا هتكلم معاها . روح شوفلك شغل
حامد. همسلها : مش هتهربي مني .. لينا باب هيتقفل علينا
حنين في سرها: يارب الباب يقع علي نفوخك وتفقد الذاكره ..يا مفتري يا ابن المفترين
خرج حامد مع جده ... حنين مسكت ايد زهره وطلعو في الاوضه يتكلمو
******
في مكان تاني.
كان علي قاعد علي ترابيزه في مطعم منتظرها
ثواني وقربت واحده وهي بتنادي عليه : علي . اخبارك ايه
علي ابتسم : مني. اتاخرتي عليا
مني ؛ سوري يا علي.. بس الطريق كان زحمه .
قعدت مني وهي بتكلم علي : ايه اخبار النقل . هتنقل نفسك معايا في جامعه القاهره
علي : انا قدمت طلب نقل ومعرفش هيوحصل ايه
مني : أن شاء الله خير . هتفطر معايا وله سبقت
علي : سبقتك .. هشرب قهوه
مني : تمام .. اطلبلي بقي ...
كمل علي كلامه مع مني وطبعا متعرفش أنه اتجوز بنت عمه ...
