جبروت حكم جد الصعيد
ال١١
سبحان الله وبحمده سبحان الله العظيم
شهاب واقف مبتسم وبيبص علي ورده اللي طلعت تجري علي السلم بخجل منه
حنين ضربته علي رأسه: واد .. احترمني يا جزمه
شهاب : احم . في ايه .
حنين : بتبص علي ايه
شهاب قعد جنبها : مش ببص
حنين : عليا يا واد ..ده انت عينك هتطلع علي البت
شهاب : بصراحه ياعني . اصلها قموره وكتكوته في نفسها كده .
حنين : يا واد . ركز في مستقبلك. خلص تعليمك واجوزهالك
شهاب : جواز مره واحده. لا محصتلش ، ده مجرد اعجاب
حنين : الاعجاب هيقلب لحب .. بص لسه قدامك ٣ سنين ثانوي
شهاب : لسه بدري يا حنين .
حنين : هتحبها وتيجي تقولي ساعديني يا حنين اتجوز البت ورد.
ابتسم شهاب : خيالك واسع . اوعي انا طالع
حنين : اطلع زاكر لحد اما الغدا يخلص
شهاب : حاضر
******
.
زهره كانت في المستشفي تعبانه ومصطفي كان معاها طول اليوم حاول يقرب منها ويعرف اكتر عنها بس هي خايفه
عذرها لان شكلها واضح انها اتعرضت للعنف وده بسبب اثار الصوابع معلمه علي وشها
مصطفي : ايه رايك تيجي البيت
زهره كشرت : اتحشم وانت بتتكلم وياي . انت فاكرني ايه يادكتور ، انا مش زي ما انت فاهم
مصطفي : بس . بس. . هو انا لسه قولت حاجه لده كله . انا لسه هتكلم . طلعتي فيا ليه .
زهره : متتكلمش احسن . وفلوس المستشفي انا هدفعهم
خلعت خاتم دهب من أيدها : اتفضل
مصطفي: ايه ده
زهره : ده حق المستشفي. انا مقبلش اخد فلوس من حد . أنا اقدر اعيش بنفسي بالحلال و مش منتظره منك حاجه
مصطفي' : اهدي بس يا زهره .. انا مقصدش حاجه وحشه والله . كل الحكايه اني كنت عايز اساعدك . انا عايش مع والدتي في البيت. وكنت بفكر تيجي تقعدي معاها وأنا ممكن اقعد مع صاحبي . هو عنده شقه
زهره : اااه. فاكرني ساذجة وله ايه . لا فوق لنفسك انا واعيه لكل حاجه . انت عايزاني اروح البيت معاك وبعدين تشربني حاجه اصفره وتعمل عملتلك الدنيئه ... انا خابره تفكير الرجاله زين
مصطفي : ايه كل ده . انتي حكيتي قصه فيلم.. انا مش زي الرجاله الواطيه دي .. لو شايفاني وحش اوي كده انا بعتذر ليكي مش هضايقك تاني ..
