اخذنا تكسي وتجهنا للبيت والطريق كله تحجي ويا بالتلفون اباوع الها شلون تتماوع روحي تكش
نزلنا فتحنا الباب دخلنا جانت عمه إكرام وعمه نرمين (زوجه عمو حازم) يتعاركن صوتهن واصل لرأس الشارع مثل كل مره على الشغل منو اليوم تشتغل وتبقى وحدة تشمرها على الثانيه وبالاخير يتعاركن مو جديد الوضع دخلت لغرفتي بدلت ملابسي وطلعت الهم
نجمه: عمه كافي اني اشتغل بدالكم ارتاحن
نرمين: اي والله تعبانه كلش والطفل متعبني أكثر وضحكت
إكرام: هذا اللحم مطلعته من الصبح سوي تشريب وتمن ومركه على السريع راح الوكت
نجمه ؛ حاضر عمه
دخلت المطبخ مو مطبخ تكول صايرة معركه أحد بلشت الملم الغراض واعزل بديت اطبخ دخل جدو سلمت عليه مد ايدة عود بوسيها بستها كعد
جدو كاطع: نجمه جاي جاي
نجمه: حاضر جدو
سويت جاي على السريع وخليته كدامه رجعت اكمل طبخ وتنظيف البيت
خلصت بس متت من التعب دخلت غرفتي نزعت حجابي وفتحت المكيف صفنت واني شلون ابقى خدامه فلبينيه هنا اوووف
نمت بدون ما احس
حنين..
رجعت للبيت والعركه كابه مثل كل يوم دخلت غرفتي ونمت
شوي وكعدت التليفون يدك غندبت وجها
حنين : الوووو هلا وغلا
*****: هلا بيج شنو نايمه
حنين: لا كعدت هههه
*****: هااا جا رجعي نامي حبيبتي
حنين: لا بعد كعدت
*****: عجبتج الهديه ولو قليله بحقج
حنين: شكرا حبيبي كلفت روحك
*****: يرخص الج الغالي
حنين:هههههه تسلم
اندكت الباب كامت بسرعه سدت الخط وفتحت الباب
سلطان: هاي ويامن تدردمين
حنين: بابا جنت نايمه شبيك
سلطان : اها يله تعالي صار الغدا
حنين : اوك
سلطان : انتي بس نوممممممم دكومي ما منج لا فايدة ولا استفادة
نجمه : حاضر عمو
سلطان: حظروا جنازتج كومي بسرعه صبي الغدا
نجمه : كمت عمو
طلعت أحضر الغدا إكرام مرتاحه واني عليه الهم رتبت الصينيه خليتها بالصاله
نجمه: عمو سلطان الغدا جاهز
إكرام: أوي سلطان خطيه خليتها تصب الغدا ليش ما صحتني واني احضرة الك
سلطان : جا شبيها هي وما تصب ماكله شاربه مرتاحه خلي تتحرك شويه مو كاعدة بلا فايدة
كعد ياكل ويدردم عليه استغفرالله هذا ما يعجبه العجب ولا صيام برجب كملوا شطفت المواعين رتبت البيت رحت ادرس دخلت عمه سماح (عمتي الوحيدة) ركضت لحظنها وهي همات حظنتني
سماح: شلونج يبعد كلب عمتج
نجمه: الحمدلله بخير مشتاقتلج هواي هيج ما تسالين عليه ولا تجين تشوفيني
سماح: والله يا عمه حقج بس هاي الدنيا مشاغل والواحد مايفرغ حتى لروحه مرات
نجمه: لا عمه اتشاقه اعرف وعاذرتح بس انتي الوحيدة الي اخذ راحتي وياج مو قصدي ازيد الحمل عليج
سماح: ضربتني على راسي بخفه ...ليش شعدي غيرج اكابلج واكعد بس خاف يطردني جدج من ورى الفريق
نجمه: هههههه بعد الهم ثنين ويكمل الفريق
سماح: شلونها دراستج طمنيني
نجمه: الحمدلله ماشيه وياها وياها
سماح: الله يوفقج حبيبتي تعالي اكعدي سولفيلي شلونهم وياج اعرف العكارب ما يكعدن راحه وكارباتج كراب بالشغل
نجمه: نفس الشي يسون طلايب وعمو وجدو يرجعون عليه على انو اني متفرغه ماعندي لا ولد ولا تلد وتعالي يا نجمه وروحي يا نجمه
سماح: اوووف وينج ميعاد وتسمعين الي اسمعه اووف
نجمه: اسسسس لا يسمعج جدو لو واحد من عمامي يبقون بس يسبون ويفشرون عليها وعليه
سماح: الله يصلحهم ويهدي سرهم والله يا يمه اسمعي كلامي وكملي دراسه وشوفي شلون حياتج تتغير وبعد محد يكدر ياذيج أو يتآمر عليج
نجمه: أن شاءالله عمه
سماح: جبت الج شوي حلويات وجبس اعرف تحبيهن وتجوعين باليل من تدرسين
نجمه: هههههه مشكورة عمه مزحمتج دوم ولله
سماح : دسكتي شمزحمتني هذا واجبي
نجمه: الله يخليج الي ذخر
سماح: بعد عيني كومي خل نطلع برى شوي نكعد بالمرجوحه
نجمه: يله
طلعنا صارت بوجهي عمه إكرام ونرمين مبين يتسمعن علينا
طلعنا وخليناهم
سماح: ولا يجوزن من حركاتهن ابد الشيب طك براسهن ولا يكعدن راحه
نجمه: ابو عادة أسأل عن سلامته
سماح: اي والله
