أخذ سلاحه من تحت الجاكيت ورمى بالجو وهو فرحان ومرتاح البال بدى صوت الدمام يملي المكان والجوبي لعبته المفضلة لف عگاله عدل حتى لا يفلت ويضايقه أخذ ايد صديقه وصار يحرك رجليه بتناسق مع الباقين مرت فترة وهو فرحان ويضحك ويحاول يغير مزاج فؤاد كان مستقر على وتيرة واحدة رن جهازة معلن عن مكالمه هاتفيه أخذه وهو يفكر منو المتصل ابتعد عن المكان حتى يسمع الطرف الثاني
هيل : الوووو
****: الو السلام عليكم
هيل: وعليكم السلام ورحمه تفضل منو حضرتك
****: هيل معرفتني
هيل: لا ولا صغرنا ب حضرتك
****: اني سهى
هيل: ردد بداخله الاسم وهو يحاول يتذكر سامع الاسم رد بهدوء وهو يحاول يتذكر .....اهلا وسهلا خويه تفضلي أمر خدمه
سهى: هيل عفيه صدگ سكتت وهي تبعد الجهاز حتى لا يسمع شهگه خارجه من اعماق كلبها ... صدگ اليوم راح يتزوج فؤاد هيل بداعت امك جاوبني بصراحه اني اعرف هاي سوالفه حتى يخليني اغار عليه واني اصالحه هيل جاوبني هيل فدوة احجي شي كلبي راح يوگف ....
سمع صوتها يتگطع وبس صوت بجي أشبه بالهمس سكت فترة وهو حاير شنو يجاوب يكول اي صدك اليوم زواجه لو يكول الها صار عندة زوجه وبعد لا تتقربين منه لو يكول انتي الي بعدتي عنج وما قبلتي بي
انتبه على جهازة يفصل الخط رجع اتصلت بي هو حاير شنو يجاوب ...
هيل: الو خويه شنو هل الحجي والاحراج انتوا تركتوا من فترة واعتقد حسب ما سمعت انتي انخطبتي والدنيا ماشية عدل وياج وحياتج ماشيه على احسن ما يرام ... خلي فؤاد بحاله مثل ما يحق الج أن تنخطبين وتتزوجين هو همات يحق له يشوف طريقه وحياته لازم تمشي يا بعد اخوج عيب هذا العب كلوب الناس مو لعبه يوم احبك ويوم اكرهك وانتي الي سويته مو هين ابددددد هذا فؤاد تعرفين شنو فؤاد يعني زلمه معدل ابن اجاويد سمعته تسبقه وأفعاله تسابگ اقواله ..قاطع كلامه صوت بجيها العالي صار مثل النوح استغفر ربه أكثر من مرة نسى نفسه وثارت أعصابه على وضع صديقه انتبه على فؤاد يرفع ايدة ويأشر اله حتى يجي هز رأسه بموافقه وكمل كلامه بهدوء أكثر حتى لا يكسر خاطرها ويجرحها
هيل: خويه تسمعيني الوووو
سهى : اخذت نفس قوي وجاوبت بقوة تحاول تمثلها ... بس سبقها هيل وهو يعتذر عن قساوته وياها
هيل: خويه عذريني طلعت حركتي بيج بس فؤاد مثل اخويه والشاهد الله يحترك كلبي عليه من اشوف حاله هيج وانتي اختاريتي طريقج ومشيتي بي ... انسي واتركي خلي يشوف حياته حرام عليكم الابنيه تضيع حياتها بينكم انسي خلص ....
سهى: لا خويه معذور وانت راعي الحك وما تنلام ابد كلامك صحيح اعرف بس هاي مو بيدي كلبي بعدة ما مقتنع اني الي اعتذر ازعجتك واتمنى تنسى ولا يضل ابالك كلامي لأن طلع بلحضه تهور واندفاع مع السلامه خويه
تنهد بكل مرارة وألم على حالهم بس شنو بيدة هم الي اختاروا الطريق ولازم يتحملون مسؤولية افعالهم
هيل: مع السلامه
رجع إلى وسط الحضور وهو ينقل نظرة على الحاضرين استقر گاعد بين الناس وهو يفكر هل الي سويته صحيح خايف اضلم بختهم واكون طرف ثالث واحول عن رجوع علاقتهم هز رأسه ينفض افكارة وهو يكول بحزم وقوة عين العقل السويته خلي يتحملون مسؤولية أفعالهم
