كاعد مشغل اغنيه ياس خضر ليله بنفسج وسرحان بذكرياته مرة يبتسم ومرة يغندب
وأرد أگلك
فريح أسمك يابنفسج
وأنت وحدك
دوختني يابنفسج
وعلى حبك
آني حبيت ألذي
بحبهم لمتني
ياطعم ياليلة من ليل البنفسج
ياعذر عذرين
ياشنهي وأحبك
ياطعم ياليلة من ليل البنفسج
،،ايييييييي يا شنهي واحبك رجع بذكرياته لل٨٠ ١٩طلعت فرحه من البيت مستعجله للمتوسطه وهو فرحان شافها الشعر اشگر والعيون ملونه و الحلگ حبه توت ... فرحه فرحه …..ها سلطان
سلطان: شلونج فرحه
فرحه : زينه
سلطان: اي خوش اااا
فرحه: سلطان رايد شي
سلطان : اي ولو اخرتج عن الدوام
فرحه: اي لعد احجي بسرعه
سلطان : فرحه انييييييييي
فرحه: سلطان تعطلت من رخصتك اروح
سلطان: بعدني ما مكمل كلامي راحت تركض اه يا كلبي المعلول شلون بيك رحت لجماعتي ورحنا للشغل بالصناعي
واجى يوم راح يوم جنت راجع من الشغل اتمشى واني احلم باليوم الي تصير فرحه من نصيبي نعيش سوى ونخلف اولاد وبنات مثل كل الاوادم جانت سيارة كابرس واكفه بالباب وشاب مبين زنگيل هيج بعمر ٢٤طلعت تركض اله والإبتسامة على الوجه بقيت لا أخذ ولا انطي شنو منو منين كلها اساله أبالي مر من يمي ولد من المنطقه
سلطان : اكلك سماعيل منو هذا ابو الكابرس
إسماعيل : ما ادري بس اعتقد خطيب فرحه
سلطان: شلوننن شوكت خطبت وليش محد كال
إسماعيل: واني شعرفني هذا بيت أهلها واسالهم شو دوخر
راح وعافني بحيرتي حطيت ايدي على راسي وانتجيت على الحايط طلع أبويه يياوع من الباب شافني واجى أخذني يسحول بيه واني مو هنا لا بعالم احلامي الي انهدم على راسي كعدني اجت امي تسأل شبيه هو شبيه غير فرحتي انباكت فرحت ايامي وسنيني انتظرها شوكت تشب واجي اخطبها يجي وبكل بساطه يأخذها شلون شلوننننننننن
ظربني أبويه راجدي
أبويه: ادبسزززز تحب وتتمعشك من وراي اليوم ألعب بيك طوبه هذا ابنج النجر فخريه أخذني من ايدي ودخلني المخزن مابي بس سكراب والفيران تلعب
قفل الباب عليه وحجى من ورى الباب
أبويه: ماكو بعد طلعه بقى شهر ويصير تجنيدك خلي الك سمعه طيبه يم أهل المنطقه
سلطان : يأبه اريد اخطبها ونتزوج ليش توكف ضدي افتح الله يخليك
أبويه: الله لا خلاني انجب واكعد تريد تسود وجهي ويا اهل فرحه
سلطان: يأبه ليش اسود وجهك قابل اريد اخطفها
أبويه: عايني عايني فخريه يكول قابل اخطفها ولك تكعد وتسكت لا اطيح حظك وحظ امك ادبسزز
سلطان : يأبه بس روح واخطبها احنا يعرفونا من زمان وجوارين ما معقوله يردونا
أبويه: هو اني ليش خليتك هنا لان اعرف سوالفك ما تكعد ولا تستجن اله تكسر وجهي كدام الجوارين ونصير سالفه بحلك اليسوى والما يسوى
سلطان : يأبه احبها الله عليك خليني اخطبها يأبه احبها
أبويه: ولج تسمعين فخريه يصيح احبها فتح الباب ودخل الي
أبويه: انجب دماغسز شتحب وشعرفك بالحب بعدك هاطولك
ظربني راجدي مرة واثنين ويصيح اصحى من هل الخرابيط من يحب ابوك لو امك لو اخوك انت عليمن طالع
طلع وقفل الباب عليه ومرت الايام وكل ما ينطيني الاكل يكولي انسى ما تفيدك هي مو من مستواك ولا راح تصير الك بيوم انسى احسن الك والي
صار وكت التجنيد الإلزامي وتجندت بعمر 18 اريد الاحبها اريد اكمل دراستي وادخل كليه واصير مثل باقي الشباب أبويه يكول الجيش مصنع الزلم يطلعك رجال نجر
تجندت وصعدت للجيش هناك سوالف ما تسولف التدريب تعب والعيشه صعبه تبقى لا تشوف اهلك ولا أي أحد والمفروض تتحمل الاكل ولا ينوكل صحيح يطلع رجال بلا كلب رجال وحش في المعارك رجال التضحيه برأي ….
