_______________وجع💔______________
الحلقه الاولى🌷🌷
_فتحت عيونها بتعب تسمع ف بوها ينادي عليها
فاتن:ناضت تحك ف عيونها ومشت تشوف ف بوها😴
يوسف(بوها)ابتسم :صباح الخير 🌅
فاتن:صباح النور ،نوتيلك ي بابا الفطور 🍱
يوسف:ايه ديري ،وين خوك؟؟
فاتن:والله ما شفته من امس !!
يوسف:اتصلي بيه شوفيه🤔
فاتن:اهوا الباب انفتح اكيد هو😶
فراس:صباح الخير
فاتن و يوسف:صباح النور
يوسف:وين كنت؟
فراس قعمز :مع الاولاد امس سهرنا عند فؤاد
فاتن مشت دارت الفطور فطروايوسف:وين نايض ي فراس
فراس:مهناش بنزينه منمشي ل .... نعبي
يوسف:بعيده مهناش مكان تاني؟؟
فراس:الله غالب منقعد واقف ،وبعدين اني بعد غدوه ماشي للصحراء، خلي نعى باش انت تحصل كيف توصل فاتن للكليه 😊
يوسف:به ورد بالك ع الطريق
فراس جبد مفاتيحه:انشاء اللهفراس عمره 28سنه خريج هندسه نفطيه يخدم ف الصحراء ومن النوع العصبي بس حنون هلبا ع اخته إلى شئ تطلبه اوكى لان ماعنده غيرها
اما فاتن عمرها 20 سنه تقرا ف طب بشري وهي من النوع الطيب بس مش من النوع يلي تسكت ع حقها
تاخد حقها ولو ع قطع رقبتها😤😤نكملو.💎
وفعلا مشي فراس وعبي بنزينه للسياره وطلع يعرف متع الشيل وعباله بانقات وهو مروح وقفاته بوابه ونزل
فراس برفعة حاجب :خير شن فيه🤔
الشاب:انزل بنفتشوا السياره واعطيني وراقيك
فراس مش عاجبه و نزل و عطاه الوراق فتشوا السياره ونزلوا البنزينهالشاب:صار تهرب ف البنزينه
فراس بهدوء :اني من مدينه ......... ومعندناش بنزينه
الشاب:هي اركب سيارتك وتيسر
فراس :ركبوا يلي نزلتوه
الشاب:شن قلت
فراس:زي ما سمعت ركبوا البنزينه هي وراي ما نصنع
الشاب:هههه ت برا كمل طريقك خير ما نفرغ فيك
فراس ضحك بهزوه:خليك راجل ولوح السلاح وتعالا
جي وسام :خير امك تعيط انت وياه😠
الشاب:والله ي زعيم هالفرخ بيدير روحه راجل
وسام:شن ي جربوع توري ف عرض كتافك🤔💪
فراس:جربوع ا..... ت والله لما نربيك
وسام:هههه شفتوا ي جماعه هالكلب يهدد
فراس :ما كلب غير انت
وسام طلع سلاحه وضرب طلقه ف يد فراس
فراس طاح وهو شاد جرحه
وسام ضحك :ارفعوه ل دار خالتهخدوا وسام رفعوه ل الحبس وقعد يومين وبعدين جابوله دكتور وحولوه المستشفي
________________________________________
وسام روح ارقد ولا كانه دار حاجه
نعيمه(ام وسام):نوض سلم ولدي تعشي
وسام:هي نايض
ناض قعمز هو واخته وبوه وامهسليمان(بوه):وسام سيبها خدمتك هيا خير 🙄
وسام نفخ مش عاجبه :ايح من هالسيره
سليمان:راه هل يلي ادير فيه مش صالح بيك فوته وكمل قرايتك
وسام بشويه عصبيه :بتخلوني نسمسم ولا انوض
نعيمه:لا وراس وليدي كمل كمل خلاص ياسر يا راجل خلى الولد ف حاله😤😤لمئ (اخته)تحاول ترطب الجو :،وسام ترفهنا ل رهف اختي 😍
وسام :وخيرها ما تجيش
لمئ رن فونها وناضت تجري وهي متلبكهنعيمه:ايه والله استاحشناها
وسام:به وتوا رواحكم واني جايكم منمشي شويه للمستشيوسام عمره27من النوع العصبي وهو كان كويس لحد ما خش ف دوه المليشيات معاش بدي ف وعيه
____________________________________
فاتن هي وبوها عاشو اسوا يومين ف حياتهم
يتصلوا بي فراس وما يردش
وطبعا ام فاتن متوفيه
و عائلة امها وبوها متبرين منهم لانهم ما كانوش موافقين ع زواجت اولادهم بس ام وأب فاتن هربو وتزوجوا ف المحكمه سبب ميبوهمش يتجوز💍كانت ان فاتن ف قمة قمة الجمال جميلة مشااءالله بمعنى الكلمه وكان بوها يبي يجوزها لى ولد صديقه من عائله كلها فلوس وشركات 💶🏚بس هيا كانت رافضه هالفكره لانها تحب فاتن و جاء خطبها كم مره بس بوها كان كل مره يهين ف يوسف و يلز فيه😔
و عائله يوسف نفس الشئ كان بوه رافض هالفكرة😔يبي يجوزه لبنت عمه لان ياخدو من الاقارب يوسف كان رافض هالفكرة و بشدة وكان يحب ام فاتن❤
لين جاء اليوم يلى قررو فيه يهربو و يتجوزو ف المحكمه😍و فعلا داروها و حطو اهليهم ف الامر الواقع 😔بس تبرو منهم 😢
ومنها معاش يعرفوا شي ع عائلاتهمجي ل يوسف اتصال
فراس بصوت تاعب:ايوا بوي
يوسف:وينك ي ولدي لينا يومين واحنا ندوروا
فراس:بوي اني كويس لاكن ف المستشفي
يوسف :علاش شن فيك
فراس:ما تدورش مش حاجه مهمه
يوسف:ف اي مستشفي انت
فراس:ف مستشفي::::
يوسف سكر الخط وناض بيمشي
فاتن:وين ي بابا بتمشي 🤔
يوسف:،خوك ف المستشفي منمشيله
فاتن شهقت و حطت يدها ع فمها :حي عليا والله لما نمشي معاك
يوسف:هي خفي روحك منولع السياره ومنطلع
فاتن بسرعت البرق لبست عبايه ووشاح وطلعتواول ما وصلوا المستشفي سالوا ومشوا يجروا ل غرفه فراس
واول ما خشوا كانت الصدمه
فراس كان وجهه ازرق وضاعف هلبا و واحد من صوابعه مقطوع وكان شعره منثور ع وجه ع عكس فراس يلى قبل مهتم بروحه 😢فاتن مشت تجري حضنت خوها وبدت تبكي
{ حفظ الله قلباً لـﻣ أڪف عـﮧטּ උـبہ يو୭ماً 🎻💕!،}
اما يوسف ف من الصدمه جاته جلطه ودخلوه للعنايه
اما فراس لما شاف بوه هكي زاد تعب
وفاتن معاش عرفت تقسم روحها تمشي ل بوها ولا خوها قعدت واقفه ف ممر المستشفي و تبكي
واول ما جي الدكتورفاتن:شن خلي خوي هكي ي دكتور
الدكتور :والله ي بنتي خوك ضربوه برصاصه ف يده وقعد يومين بلا علاج والمشكله انه اليومين هادوا كان بدون اكل ف حالته تازمت
فاتن بصدمه:بس من ضربه
الدكتور سكت وقعد يشوف ف حد
فاتن شافت وراها لقت وسام فايت ودخل ل غرفت خوها
الدكتور بهس
هو هادا يلي ضرب خوك
فاتن........_________________________________
{Meme MO SA }متنسوش المتابعه +لايك+تعليق