#وجع
حلقه 8
فات فرحانه قعدت ترقص و تغنى
لمئ خشت عليه تضحك و فرحانه قعدن يرقصن كيف المجنونات 😂😂😂
لمئ:ع فكره شبحت خوى طالع من الدار وانتي لابسه الديشمبر احكيلى شن صار😒😒
فاتن :خووك قالي نحبك هوا يحبنى هههههه فرحااااااانه ❤✌
لمئ:وانتى اعترفتيله
فاتن :هههههه لالا خلينى رزينه شويه😂
لمئ:اي صح
فاتن :هي خ نلبس و نمشوله 😉
لمئ:اي انى سابقتك متعطليش
فاتن :تمام 😘😘
عدت لمى لى الكوجينه وكانت توتى ف مسلتزمات السهره😹😼
لبست فاتن توته وكانت توته اديداس رصاصيه و خلت شعرها مفتوح بحكم أنه مبلول😍بخت عطرها و مشت لدار وسام
وسام كان متكي و حاط يده ع عيونه 😴بس لما حس ان الباب انفتح حول يده
فاتن بتوتر:ءءءءء لمى مش اهنى!؟
وسام :لا مجتش 🤔
فاتن :اه قالت جايه اهنى هيا
وسام:كان قاعده بحداى ره شبحتيها😒
فاتن :اكيد الكوجينه توتى ف الحاجات توا نمشيلها
وسام بصوت هادى:خليك 😻
فاتن تلبكت:ءءء عليش
وسام :شئ كسدى بحداى مابين ما جت لمى😉
فاتن :اممم باه
خشت و قعمزت بحداه ع السرير و قعدو يهدرزو و انسجمت و قعدت تحكى ببرائتها ❤وهوا سرحان فيها 😘
فاتن أشرت بيدها:هوووي وين هايم
وسام ابتسم:ف عيونك و جمالك
فاتن تلبكت و قعدت تلف ف شعرها 👧وسام جبد يديها و انفتح شعرها
وسام:خليه هك احلى
فاتن ابتسمت
وسام :تعرفي قداش لينا نعرفو بعض و اصدقااء👫
مفيش يوم حكيتيلي فيها ع خوالك ولا عمامك
فاتن تحشمت :من يوم ما نولدت مشبحتش عندنا لا خوال ولا عمام بس
وسام :اي كملى بس شنو؟؟
فاتن :بابا و ماما ف زمناتهم كانو يحبو بعض وووو..............
وسام كان مركز تركيز تام مع فاتن كيف تحكي ف قصت بوها وامها و كان متاثر بس تركيزه ع كلامها اكتر
فاتن :وهادى كل القصه💁
وسام :يعنى خوالك متبرين من امك و عمامك كذلك ؟
فاتن:اي
وسام :باهي و ف فترة حياتكم مفيش ولا حد من عائلتكم قابلكم ولا جو لعزاء امك و بوك
فاتن :لا نقولك منعرفهمش حتى لو نشوفهم ف الطريق مستحيل نعرفهم
وسام :اممم بس قاطع صلة الرحم يتحاسب عند ربي
وسام :قال الله تعالى {يا أيها الناس اتقو ربكم الذي خلقكم من نفس واحدة وخلق منها زوجها وبث منهما رجالا كثيرا و نساء واتقو الله الذي تساءلون به و الارحام ان الله كان عليكم رقيبا} صدق الله العظيم
فاتن ابتسمت:قال الرسول صلى الله و عليه و سلم (لا يدخل الجنه قاطع رحم )😔😢
وسام :اي
فاتن :المهم احنى منعرفوش فيهم حد وربي يسامحهم
لمى خشت عليهم :حيوانين مقعمزين تهدرزو و متكيفين وانى طايح سعدي نكيفلكم ف الجو😅
وسام :هادى شغلتك😂
فاتن :هههه مبردك
لمى::شن نحطو من فيلم 🤔
وسام :حطى فلم رعب جو قتل دم
فاتن بخوف و بصوت عالى:لالالا رد بالك نخاف منه الرعب رد بالك تحطيهم😒😤😢
وسام رفع حاجبه:يااى تجيك الواوه 😒😒
فاتن صغرت عيونها:بطل براده 😒
وسام :خوافه 😂😂
فاتن :سكفمك 😠😠
لمى:توا نحط سيزر
فاتن :يااريت😍😘
وسام رافع حاجبه مش عاجبه و ياكل ف السبول
فاتن :اشي التافه قريب يكمل السبول قبل ما يبدأ الفيلم 😒
وسام :مدخلكش
لمى :اسس هي بدا😒😒
و قعدو يتفرجو منسجمين و وسام كان سرحان ف عالم تانى 😤😤😤
و ف نص الفيلم رن تليفون فاتن 🙃🙃
وسام رفع حاجبه:الساعه 2 ونص من متصل ف هالوقت
فاتن هزت كتفها و شبحت للتليفون
