حب فرقهم القدر

مقابلتي مع الآم بطله قصه(#حب فرقهم _القدر)

1_نبذه مختصره عن اخبارچ؟
ج// اخباري الحمدلله عايشه وي اطفالي بين الدوام وبين اطفالي وي ذكرياتي يعني نفس الروتين عادي

2_ اسم الآم الحقيقي؟

ج//الآم أسمي الحقيقي

3_ذكرنا بنهاية القصه انو الچ نيه ترجعين للعراق رجعتي لولا؟

ج//ايي رجعت وحالياً مستقرره بالعراق

4_وين ساكنه حالياً؟

ج//بيتي وبيت علي بكربلاء

5_كم عمر اطفالج حالياً؟

ج//عندي 4اطفال توائم 3 وعلي أعمارهم التوائم 3ونص وعلي سنتين

6_مع منو ساكنه حالياً؟

7_عندج تواصل وي عمام اطفالج؟

ج//بس وي العلويه بعد اي تواصل معندي

8_الچ نيه ترجعين للعماره؟

ج//ابد نهائياً ماارجع اله أو ادخل اله مستحيل بس بحاله وحده ادخلهه اذا شغله انسانيه أو شخص محتاج ومااعنده امكانيه

9_علاقتج بااهلج لحد الآن منقطعه؟

ج//علاقتي بااهلي أو مو اهلي منقطعه من سنين نهائيا فهمه ناس مو شئ بحياتي ورقه من الماضي وحرگتهه وكلبتهه مستحيل انسي السووا بيه

10_اخبار فهد؟

ج/(مااعرف اخباره لان هيج ناس مبتعده عنهم

11_سجد واسامه استقروا خارج العراق؟

ج//لارجعوا للعراق واسامه انفصل عن زوجته وحالياً همه بالناصريه

12_عندج تواصل مع سجد و اسامه لو قللتي علاقاتج من المشكله الأوليه؟

ج//اني عندي تواصل بس وي سجد وهم مو رقمي الخاص رقم الشغل فقط

13_ندمتي لان نشرتي قصتج؟
ج//لاحبي ماندمت بالعكس غيري يمكن يستفاد من قصتي
14_ جميع الاسماء بالقصه وهميه عدا أسمج؟

ج//علي اسمه حقيقي واني اسمي حقيقي البقيه لا مو اسماءهم

15_الآم ام الاربعه اطفال تزوجت غصب وتطلقت ظلم وتزوجت مره ثانيه بس صدقت المقوله التكول(الحب يجي بعد الزواج) الحياة دائما تنطينه صفعات وانتي جان الج نصيب منهاا نريد منچ فد نصيحه للبنات عامه والمثل حالتج بزواجج الاول خاصه ومتكدر تحجي بسبب شي اسمه عادات وتقاليد ؟

ج//اني من كتبت قصتي محجيت بس عن نفسي احنه بمجتمع مهما اذا طورر راح يخضع للعادات والتقاليد يمكن نمر بتجربه تعلمنه هواي اشياء تكبرنه احنه بمجتمع يخاف من كلمه عانس او مطلقه لاتكولين شدخلني بالناس ميهمني لا كله كذب ناس مترحم ابد دائما النساء بالنسبة الهم ضعيفات اني وياج نصيحه لكل بنيه تكمل دراسته وتعتمد علي نفسهه لاتكول اضوج مااحب الدراسه صدگيني محد يفيدج غير مستقبلج حتي اذا تزوجتي ماتروحين توسلين انطيني وطلبين منه وراح يمن عليج من ينطيج لا بالعكس خلي هوه الي يحتاجج الزواج مو كلشي بالحياة مرات يكولون الزواج ستر بس يطلع غلط ودمار اختاري شخص الصح سواء تزوجتي على حب أو مو على حب لان المحبه من الله علي مرور الوقت تعرفين عليه يصير بالحلال بس الفرق انو هذا حب حلال اكو لاصدكيني اني الي جاي احجي وياج هسه يمكن مصيبتي أهون من مصيبتجن اعتمدي علئ نفسج عوفي كلشي وراج محد يفيدج غير دراستج مستقلبج محصلتي وضيفه اشتغلي اي شغله بس بالحلال تعلمي لاتضلين ضعيفه دافعي عن نفسج لاتصيرين ضحية العادات والتقاليد لو تحاربين علمود رأحتج ومستقبلج لو تخضعين اله بااسم الزواج واخاف من كلام الناس....

16_كلمه توجهيهاا للمتابعين؟

ج//همه مو متابعين هم اخوه واخواتي واصدقائي مو حلو بحقهم اكول متابعين همه عائلتي يمكن عاشوا وياي بالقصه حزنتو لحزني فرحتو لفرحي ضحكتو لضحكي ضوجتي... لاتوقعين انو هم بس يتابعون ويقرون لابالعكس يمكن كتبتي موقف أو ظرف همه جانوا مارين بيه يمكن تعلموا اخذو عبر يمكن عاشوا من بدايتي لنهايتي كم وحده فاقده ومجروحه مو شرط زوجه لا يمكن اب يمكن اخ يمكن اهل أو حبيب شافت نفسهه بيه اني اسفه لان يمكن للبعض هيجت جروحهم الله يبعدهم من كل حزن وربي يديمكم ويحفظكم يارب التوفيق والنجاح الدائم وشكرا الكم ....شما احجي قليل بحقهم

طبعا الآم تستقبل الناس الي معدهاا امكانيه تروح للأطباء گ مبادره منهه بكربلاء من ناحية العمليات ومراجعات يعني الي ماعنده متاخذ منهه اساسا لان راتبهه مكفيهه والحمدلله وهيه أكثر من عمليه مسويه مجاني والي معنده لان تعرف إمكانية ناسهاا مو قصه مدح لا بس اكو ناس حالتها الماديه ضعيفه... وربي يجعلهاا بميزان حسناتهاا

تحياتي الكم....

الكاتبه:. ميامين الطائي ❤️✨