بعدما خانني وكرهته🔥مكتملة 🔥

البارت 103

🦋Part 103🦋
بقلم:سلمى سوسو
اياز:(كيغوت و كيهرس لي جا حداه) لاااااااا ميمكنشششششش هادشييييييي اوقعععععع
اكرام:حبيبي تهدن مالك
اياز:قودي فحالاتك منشوفكش حدايا ياله
اكرام خافت و هربات
بقا كيغوت تا تهدن و جلس و صدرو كيطلع و ينزل
اياز:لا ميمكنش تكون لغيري اش هاد العافيه شاعله فقلبي
بلا ميحس نزلات دمعه من عينيه مسحها و ناض دخل لدوش دخل تحت الما و خلا دموعو انزلو
ماشي عيب الراجل ايبكي و ماشي عيب ابين الضعف ديالو و خصوصا لكان من جيهت انثى بالعكس هادشي كيبين رجولتو و مذا صدق قلبو مي قليل لي كيفهم هادشي
بقا شحال و هو فدوش عاد خرج لبس و بقا شحال و هو كيشوف فسقف و قلبو كيالمو و شاعله فيه واحد نار مخلطه بندم بالشوق بالحنين بالغيره بالتملك و العشق مي كيحس بلي مهما غوت و هرس مغيمشيش هادشي لي فقلبو
#بعد مرور عامين
فهاد العامين تبدلو بزاف ديال لحوايج ابطالنا تغيرو بزاف اياز ولا قوا اقتصاديه كبرى ولا وحش بمعنى الكلمه قلبو قصاح لوحد الدرجه مكتصورش و خصوصا ملي مشا لخطبه ديال يلمز و سعد اه هما تخطبو و هوا مشى مي بلا متشوفو هي للحظه كان غيدخل اقتل سعد مي ذكر الوعد لي قطع و بلي هو مكيرجعش فكلمتو يلمز نسات اياز و مبقات كتحس من جيهتو بتاشي احساس لا حب لا كره لا والو و هادشي صعب بمية درجه من الكره اما سلمى فولا فعمرها 17 سنه مشيبا يوسف بهاد المعنى ديما كيعاقبها مي والو و لحد الان ملحظتش هوس يوسف ليها اما سي يوسف لي لا يقل عن اياز شيئا تا هو برز حضورو بشكل قوي بزاف لدرجة لقبوه بالغامض حيت معمرهم سمعو شي حاجا على حياتو شخصيه لا فالماضي ولا الحاضر ولا حتى ديال المستقبل الحاجا الوحيده لي كيعرفوها هي ملي كيوقع شي حفل كبير بشي مناسبه خاصه بيهم بحال عيد ميلاد سلمى لي داروه فجزر المالديف كمفاجأه ليها و هوسو بسلمى نهار على نهار كيزيد اما سي سمير و صونيا فمشاو ايعيشو فتركيا باش يرتاحو شويا و سمير بوحدو لي عارف بلي يوسف و اياز دايرين مافيا و هاد الاخيرين لي ولاو اخطر المافيوزيين فالعالم كيحكمو شحال من دوله بكلمه وحده منهم اقدرو ايديرو اي حاجا باختصار ولات عندهم امبراطورية اللورد و الاسد اكرام كيف العاده باقا لاصقه فاياز و حتى مريم نفس شيء و هما بزوجهم كيغيرو بزاف من تعامل يوسف و اياز مع سلمى و كيحاولو يآديوها باي طريقه مي معامن هما هديك را ملي كتكون كدير شيحاجا شيطان كيجبد دفتار و ستيلو و كيقول ليها نعم سيدتي اكملي
#نهاية_فلاش_باك