بعدما خانني وكرهته🔥مكتملة 🔥

البارت 104

🦋Part 104🦋
بقلم:سلمى سوسو
#تذكير
نزل اياز لعند يوسف لقاه باقي كيكمي
يوسف:هادشي لي درتي ممزيانش
اياز:(دار راسو بين يدو)كون قالو لينا هاد الكلمه من اول نهار بدينا فيه مكناش غنديرو هادشي اولا لا
يوسف:الموضوع مختالف تماما
اياز:(وقف)لا كيف كيف
يوسف:معرفتش مي يلمز حاس بيها قريبه ليا بزاف
اياز:(شاف فيه)حضر معايا عقلك ايوسف
يوسف:كتفكر فديكشي لي كنفكر فيه
اياز:من بعد و نشوفو هادشي
يوسف:اش درنا فتسليم البضاعه
اياز:معمر اللورد مكيخسر شي حاجه
يوسف:عارفك مي حاول ترخف على يلمز عفاك
اياز:(ضرب ليه على كتافو)اصعب وجع هو الغيره و الفقدان ولا الكره من طرف لي كتعشقو و انا عايشهم كلهم دابا الا كانت غتخضع ليا بلعصا معنديش مشكيل نستخدمها
يوسف:مبروك بعدا
اياز:باش عرفتي
يوسف:متنساش راحنا خوت زعما
اياز:اه خاصني نراضي سلمى دابا و نشرح ليها
يوسف:هي دابا غتكون ناعسه راك عارفها خليها تا تفيق و انا غندوي معاها
حرك اياز راسو و طلع الجناح ديالو دخل المكتب لي كيف قلت كلو كحل و روكي كيدور حداه شاف فشاشات لكبار لي قدامو و فيهم كاميره تاع لقصر كلو و شاف بلي يلمز نعسات رجع راسو لور و بدا كيفكر فشنو وقع فلماضي و شنو سباب هاد المشاكيل كلها
هدا مجرد تذكار بديكشي لي وقع قبل من لفلاش باك ياك اكيد عاقلين فاش اياز كان غيقتل سعد و تزوج بيلمز بلا متعرف المهم دابا عرفنا قصتهم اذن غنكملو القصه عادي
ناض اياز و تجه الجناح ديالو دار البصمه ديالو و تحل الباب ديال الغرفه لي اصلا كلها كحله و بانت ليه يلمز فالارض مشا هزها و حطها فوق نموسيه و غطاها و هز تيلي ديالو و دوز واحد الاتصال