هذا اعتبروه كشرح موقف توجي في آخر تشابترين لانه حسيت ما تم تفهم موقفه او السبب وراء تصرفه زي ما قصدت.
قراءة هذا الكلام مو ضرورية ولا تؤثر على القصة لكن انا حابة اقوله ككاتبة، فاللي ما يحب يقرأ مو مشكلة سوي skip انا واحدة بحب اتفلسف كثير 😂
بالنسبة لتوجي هو مش شاف رسالة طايشة من رقم غريب وصار يقنع حاله بهاي الخزعبلات.
فاولاً في موضوع الخيانة بشكل عام لما شخص يخون فطبيعي جداً انه ما يسجل الرقم عشان لو وصل اي شيء غريب من الرقم يقدر الخائن يقول انه وصل بالغلط وهذا مجرد رقم غريب، وطبيعي ايضاً مسح المحادثات اول بأول وسجل المكالمات الا اذا كان مستعجل ونسي.
وتوجي يعرف هاي القصص كيف تصير لانه ما اعتقد انه شخصية بلهاء او ساذجة، بس برضه مش هذا اللي زعله اكثر شي، ما بعرف اذا كان واضح او لأ لكن اللي حرق قلب توجي اكثر شي هو انه شاف بعيونه غوجو يقول لشخص ثاني انه يحبه ويتكلم عن توجي انه "ما يعرف عن سرهم".
هلأ منطقياً لو اي حدا منكم مسك موبايل حبيبه او حبيبته وشاف هذا الكلام هل من الممكن تفكروا انه "اه والله يمكن صديق استعمل موبايله وبعث هاي الرسائل" او هل من ممكن تقولوا "اه هو يبعث هذا الكلام بس ممكن سوء تفاهم انا فهمت غلط" هل احتمال تقولوا "هو يقول انه يحب هالشخص ويقول انه ما حدا يعرف بسرهم بس اكيد انا فهمت غلط".. ما اتوقع حدا يفكر هيك.
انا مني وعلي اذا صار معي هيك اشي فاحمل حالي وبرا الباب على طول ما ادري عن ردة فعلكم.
وبالنسبة للقارئين اكيد الامر بكون واضح لهم انه مجرد سوء تفاهم سخيف بينحل بكلمتين لانه القارئين تم منحهم نظرة كاملة عن الشخصيتين وافكار الشخصيتين والاحداث اللي حصلت مع الشخصيتين بشكل منفصل. فبالنسبة للقارئ هو يعرف كل شيء في هذه الحالة لكن الشخصيات هي محدودة بتفكيرها وحسب وما عندها معلومات غير اللي منحها اياها الكاتب، فالشخصيات ما بتفكر زي ما انتم بتفكروا لانه ما عندها علم بالاشياء اللي تحصل خارج نطاق معرفتها، يعني ردة فعل توجي الاولى من سابع المستحيلات تكون "اه اكيد انا فاهم الموضوع غلط".
هلأ نيجي من منطلق ثاني، لو كانت القصة من نظرة توجي فحسب بدون نظرة غوجو، بس نقول انه توجي فجأة مسك موبايل غوجو وفتحه وشاف هيك رسائل بدون ما نذكر مصدر الرسائل او كيف وصلت او مين اللي بعثها، راح يكون الامر واضح ١٠٠% انه خيانة صحيح؟ وهذا اللي صار مع توجي بالضبط وعشان هيك هو فكر انه غوجو يخونه وما يحبه.
الآن بالنسبة لردة فعل توجي، الشخصيات مختلفة وردود افعالها مختلفة تجاه المسببات، انا كما اشوف شخصية توجي ما اتخيله من النوع اللي يعاتب واللي يتمسكن ويصير يقول انت خنتني وانت ليش هيك عملت يلا فسر لي بدي اعرف ليش تخون وانا شفت والخ.. اشوف توجي انه كبريائه عالي وكرامة نفسه غالية بحيث لما يحس انه وجوده ما عاد مطلوب يحمل نفسه ويغادر بصمت. ما اعرف كيف انتوا تشوفوا شخصيته بالنهاية هاي نظرات مختلفة.
وزي ما احنا عارفين، اي شخص بصير معه هذا الكلام راح يفكر كثير بالموضوع وراح يخترع سيناريوهات وقصص في عقله لا تمت للواقع بصلة ويصير يحسب ويحكي معقول هيك وابصر شو كان يسوي هذاك اليوم ويمكن عشان هيك لما رنيت له ما رد ومن هذا الكلام وتوجي ليس مختلف طبعاً اكيد يفكر بهيك امور لكن بصراحة ما اقدر اكتب عن كل تكة وفكرة لانه ساعيتها راح تتحول القصة لمجرد توجي وغوجو وتاخذ ستين تشابتر، هاي الاشياء الواضحة والطبيعية انا اتركها للقارئ.
فعشان هيك توجي بعد التفكير اقتنع انه غوجو يخونه ومن وجهة نظر توجي: غوجو يعمل حاله ما يعرف ايش صار عشان يحاول يرقع عالموضوع كخطوة اولية طبيعية من اي خائن، واذا قال له توجي عن السبب فغوجو راح ينكر ويحاول يقول انه ما سوى شي وانه توجي يكبر الموضوع ويتخيل وهذا معنى كلمة "واهم" اللي قالها غوجو واللي هي ردعت توجي عن فتح الموضوع وانه يقول لغوجو السبب بس ما اعرف اذا كان هذا الشيء واضح.
وفي نظر توجي ان كان غوجو حقاً ما يعرف انه توجي تركه بفعل الخيانة فهو يستاهل يتعذب بهذا الشكل لانه هيك هيك هو خائن وخليه يراجع تصرفاته ويفهم اللي عمله وما يستاهل توجي يحكي له كلمة او يتطلع في وجهه حتى لانه زي ما احنا عارفين توجي مقتنع تماماً انه غوجو يخون.
وممكن حد يقول مستحيل توجي يفكر انه غوجو يمثل كل هالتمثيل احب اقول لكم يمثلوا في الحياة الواقعية لسا اكثر.
وفي نهاية المطاف الامر بالنسبة لتوجي تعدى مجرد الخيانة زي ما قلت لانه حس انه غوجو ما عاد يحبه وصار يحب شخص آخر ولهيك هو ما يفهم ليه غوجو يحاول يلاحق وراه.
ولما انت تحس بهيك اشي تلقائيا تصير تفكر "طيب هو كان يحبني ولا كان يكذب علي كمانّ معقول كله كذب؟" وهاي الفكار الجهنمية.
وبس حبيت اوضح فكرتي وراء التشابتر وممكن تحسوا انه شيء سخيف مو ضروري بالنسبة لكم لكن بالنسبة لي ككاتبة تعبت كثير وكتبت اكثر من ١٢٠ الف كلمة في هذه الرواية تعلقت فيها واحسها مجهود كبير حتى يُساء فهمها بهذه الطريقة من قبل تقريباً الكل.
وشكراً على وقتكم ودعمكم.
أنت تقرأ
Jujutsu High - مدرسة جوجوتسو الثانوية 🔞
Romanceاهلاً بكم في مدرسة جوجوتسو الثانوية، حيث يبدو كل شيءٍ اعتيادياً حينما لا يكون كذلك! انضم لطلابنا في رحلتهم لاكتشاف انفسهم، الوقوع في الحب، تكوين الاصدقاء والاعداء على حد سواء! في مدرسة جوجوتسو الثانوية، لا مكان لضعفاء القلب! يجب على الجميع العمل بجد...
