عشگ ولد العم، الـشيوخ🦅🖤.

ألجـزء ألـ 14

صديد : صارت ساعه 1 القلق والخوف كتلني كتل بيتنه حتى ما بعته واستفدت من فلوسه مرتبك رحت للحديقه دخنت جكارتين

دخلت للبيت
صديد : يمه يمه يلاا لبسو راح نطلع اذا كالو الكم وين طالعين كلوله الحجيه مريضه

ولبسو هاي البوشيات
صديد : سلطانتي اذا سألوج كليلهم مريضه وتعبانه وادر اموتنه لو تحبون الله خلوني اطلع المستشفى و دگي اليتيمه بس خل نطلع

طلعنه من البيت وعيوني على البيت هنا جنت صغير وابوي يلعبني هنا صارت فاتحه جدي هنا صارت أحداث امي بقت تبجي وصل الزلمه الي أتفقت ويه يطلعني وطلب من عندي كم فلس مو هواي وكال اريدكم تدعون لمرتي

صعدنه بل سياره انه كدام وجدتي وامي وره بل نسبه لايهم يصعد وره بل صندوگ هوه واخوته حتى ما يشكون لان احنه هواي وعددنه مو مال روحه للمستشفى

وصلت لبيت ايهم ودكيته نزل هوه وخواته وصعدو بل سياره ليوره

ابو عبدالله ابو السياره : هاك هاذ علم خلي ليوره حتى يبين احنه من عدهم

صديد : خالي شجاي تحجي هاذ علم الدواعش؟ شلون ترديدني اخلي

ابو عبدالله : خالي اسمع مني تره يشكون بينه حتى كلامي اغيره من اوصل الهم وانت كلهم انه أخرس وامك وجدتك للمستشفى خوش بويه خوش حجي

صديد : اخخ اخخ نشأالله

وصلنه لصيطره يمتلكونها الدواعش واشكالهم تخوف صدك وصخين .... صحت يمه رفعي النقاب ع جدتي حتى تبين مره جبيره

ابو عبدالله : السلام عليكم

الداعشي : وعليكم السلام ورحمة الله وين توصل

ابو عبدالله : هاذي الحجه مريضه  شوي ورايحين للمستشفى

الداعشي : وهاذ

ابو عبدالله : تقبل حرمتك تطلع بدون زلمه

الداعشي : جناسيكم
ابو عبدالله : تفضل
الداعشي : توكل

صديد :  عمي هاي جناسي مزوره موو

ابو عبدالله :اي وليدي

صديد : تصدك ردت اطي جناسينه

ابو عبدالله : اي علمود  نطلع للنجف بدال البصره

.... بعد التعب وصلنه للقوات الأمنيه طبعا التعب يجي من الخوف وتوتر والقلق نهأياََ مو من الطريق لا اخاف

ماشوف امي اخاف على جدتي اخاف على اعز انسانتين يمي جدتي وامي وغزاله الدليم ♥️🌴

وصلت للقوات الأمنيه وكعدو يحققون ويانه وانتو منين ومنو جابكم وليش جيتو واحس تعبت كلش اخذني واحد يشتغل بل حشد

اسمى مهدي الله يحفظه اخذني انه وامي وجدتي وايهم واخوته كتلت

صديد : خويه مهدي انه بيدي فلوس واخذ عايلتي واجي البصره انت توكل على الله ونشالله توصل بالسلامة

مهدي : افاا عليك خوي انه نازل، وحدي وسيارتي جبيره (ستاركس)  اخذكم لو ماكو اخليكم على راسي

صديد : سالم راسك

أيهم : ما ننساها الك هاي الوگفه خويي

مهدي : يلاا خوي صعدو 

انطلقنه وي مهدي للبصره وكلها نامت بل طريق وانه جت على بالي چنار اوففف شكد مشتاق الها اتذكر من تقربت من يمها بغرفتي احس كلبي فراشه وتطير من اتذكر هل موقف جسمي كله ينمل

اوففف اوففف لو اشوفها.... شكد حاولت اوصل الها بس تعرفون صعبه من العراق لدوله امريكيه 
تصير المراسله صعبه وخصوصاََ ماكو تلفونات فقط القديمات وهمه طلعو مستعجلين

وانه ستحيت اطلب منها رقم او شي الي اعرفه همه بكندا  بمنطقه سانت جون على ما اعتقد هيج اسمها
وامي كذالك ما طلبت منهم رقم لان هيه كلشي ماكو بل تلفونات