عشگ ولد العم، الـشيوخ🦅🖤.

ألجـزء ألـ الهدعـش.

يَـ ريت الناس كلها تعوفني بحالي
وبَس انتَ وسمارك ترهم أگبالي !

چنار : شكد عجبني كلام صديد حسيته صدك مؤمن ومتعلق بربه علمني ع اوقات الصلاة وعلى الصلاه وال وضوء بعدها واحنه نسولف كال انه هسه مخنوك ارد اصلي صلاه اليل تجين وياي؟

صديد : حبيت الكلام وياها كعدنه نسولف بامور دينيه وعلمتها فروض الدين

چنار : عموو.... زين ما حجيت لي ع القرآن

صديد : باعي عمي القرأن كتاب بي سور وآيات بداء بسوره الفاتحه وانتهه بسوره الناس  ولازم قبل بدايتج بل قرأه لازم تتوضين واول ما تبدين تقرين القران تكولين

أعوذ بالله من الشيطان الرجيم بعدها

(بسـم الله ُالرحمنُّ الرحٍُيم) 

خل اكلج شلون نزل القرأن 
القرآن الكريم هوه كلام الله تعالى ونزله على النبي محمد صلى الله عليه وسلم  

ندمجنه بل كلام وفرض من فروض الله يجر فرض كل كلامي وتركيزي ع اعيونها الحلوات.....

چنار : حلوه السؤالف وياج تصدك
صديد : وياج شني ولج انه ولد لازم تكولين وياك مو وياج
چنار : متعوده ع سمر دوم اكول وياج... المهم مشيهاا محد ما يغلط
صديد : حضرتي غراضج
چنار : يي الفجر يمكن نطلع
صديد : مودعه بالله 😊💔
چنار : ماعرف شرد عليك كلامك حلوو كلش
صديد : عمو روحي نامي تره تأخرتي ونوب وراج طلعه لغير بلد

چنار : رحت لغرفتي وتذكرت سمر وبجيت لانو بعد ما اشوفها ولا اشوف جده ولا عمتي كلهم حبابين وعجبني ابقى وياهم

صديد : رحت لغرفتي كل بالي يم هل مصكوعه شلون انساها وانه متعلق بيها وعمتي معانده وابد ما قابله تبقى هناا بليلتها ما جاني نوم بقيت سهران وصارت ساعه ٣ فجر صليت صلاه الفجر

وبنص صلاتي ركعت ونزلت دمعتي وكلت ربي احبها ورايدها منك.....

چنار : نمت وشوي وامي كعدتني وغيرت ملابسي وكلش جنت ضايجه بيومها نزلت كعدت جدتي

چنار : جده جده

جده : ها بعد يبعد كليبي
چنار : جده رايحين ردت اودعنج قبل ما اروح وهسه تجي امي بس تنزل الجنط
جده : يمه ما عونت اشوف مرت ابني وحفيدتي وهسه رايحين غادي وبعد ما اشوفنكم
چنار : جده مابيدي شي والله راح اشتاكلج سلطانه

صديد : نزلت ساعه ٥ الصبح وسمعت صوت بغرفه جدتي دخلت وجانت چنار تسولف وي جدتي

صديد : ها عمو رايحين
چنار : اي عمو راح نروح
صديد حسيت نفسي ختنكت كلش وروحي طلعت من مكانها كلت : بس قبل ما تروحن صعديلي علمود اوصلكم
چنار : نشأالله

جده : هسه اكسر العوجه على ظهرج انتي وامج ولج انه ماصدكت اشوف ولد جلال اخخ اخخخ

ام چنار : يلاا يمه احنه طالعين سلميلي ع نوره ما نطاني كلبي أكعدها من نومتها

جده : لا ولج وعلي تصطرنه اول ما تكعد روحي سلمي عليها وتوكلو يبعد رويحتي

ام چنار : حاظر يمه.... صعدنه سلمنه ع عمتي

وانه رحت اصيح صديد يوصلنه.... ونفس عادتي الغبيه دخلت دوم ما ادك الباب

صديد : صعدت اغير ثيابي وخلعت كلشي وكعدت اختار بل ثياب شوي ونفتح الباب.....
جانت جنار تريد تصحيني رادت تطلع صحتهاا

چنار وهيه تنزل راسها : كول

صديد سحبتها وسديت الباب خليتها على الحايط وبقيت أتقدم رگبني شيطان من وصلت يمها خفظت معاني وجه.... رموشها... خدوها.... عيونها... خشمها.... ركبتها...

. كل شي بوجهاا حفظته بقى براسي  وهيه توترت بشكل غمضت عيونهاا وانه رجعت لوره وصحت بيها  تطلع..... اخخخ بويه لو شوي  جا بستها وسويتلي سويه محد مسويهااا

نزلت وسلمت على عمتي و وصلتهم بطريقي چنار طول الطريق عيونها بل گاع وما تحركت ابد وصلتهم ونزلوو

كلبي راح وياها حسيت روحي طلعت من مكانهاا ردت اروح وياها دعيت يوصلون بسلام ورجعت

لبيتنه حتى للطلابه مال عماره ما رحت اول ما َ وصلت للبيت حسيته وحشه بدونها وكلشي اضلم دخلت للمطبخ هنا انتظرتها كل يوم تجي

دخلت لغرفت جدتي وكتلها وصلتهم اطمأنت امي وجدتي صعدت لغرفتي

حطيت راسي ع المخده ودرت وجهي ع جهه ثانيه من الغرفه انتبهت هنا من رجعتها ع الحايط رجعت صورتها بذاكرتي

صغيره ايي صغيره بس خذت كلبي وروحي وعقلي

دخلت لبيته فتره وخلتني اموت بيها ونوب راحت

اوففف شلون بيه شلون اشوفها مره ثانيه شلون