عشگ ولد العم، الـشيوخ🦅🖤.

ألجـزء ألـ 16

چنار :

يوم وره يوم وانه ادعي بيت عمي مابيهم شي

كل يوم اصلي وادعي واطلب من ربي يحفظهم
حتى لو ما اشوفهم بس يارب كون احياءاََ يرزقون

صديد :

بعد ما رجعت البيت

نمت وكعدت ثاني يوم اخذت ايهم ومهدي وكعدت ادور بيت الي وبيت لايهم لكينه بيوت قريبات على مهدي

اشترينه البيوت
وايهم اخذ اخواته وكعدن ينضفن البيت وانه وامي هم كعدنه نغسل البيت ونرتب بي

الحمد لله والشكر خلصنه من ترتيب البيت
وكلشي تمام
رحت اريد انام وقبل ما انام بشوي قررت قرار وقراري جان

چنار :

كل يوم لازم اشوف التلفزيون ولازم اطمأن اول سنتين الاخبار مجانت تطمن لاكن اجت سنه
٢٠١٦ والحمدلله كل يوم اشوف الاوضاع تتحسن

وابطال الحشد الشعبي جاي يحررون المناطق الي بيها الدواعش وانه كل يوم اشوف الاخبار وافرح واحمد ربي ودوم ادعي الله يخفظ جدتي وبيت عمي ساعات اكول توفو ساعات استغفر الله

واكول لا لا نشأالله ماكو شي وعلى هل حاله كل يوم انتظر الاخبار سنه تجر سنه وانه ادرس دخلت سادس وجاي اذب حيلي على الدراسه

صديد :

قرررت اروح وي مهدي للحشد
ثاني يوم الصبح

صديد : مهدي خوي اكلك
مهدي؛ كول شيخ
صديد : انه ارد التحق وياك
مهدي : خوي زين ما سويت وانه بعد يومين والتحق امشي وياي

ام صديد : يمهه يمهه شلون صديد يمه شلون تروح انه شعندي غيرك يمه حتى خوالك ماعرف بيهم ميتين عدلين

صديد :يمه اذا انه ما اطلع وغيري ما يطلع شلون يتحسن العراق شلون ترجع الموصل والانبار شلون فهميني اذا انه اكعد وغيري يكعد

خلصت اليومين والتحقت انه ومهدي وايهم

بدينه بل مهمات الصعبه جان اكو منطقه بل انبار كلش هواي بيها دواعش .....

بعد التعب والقنابل والرمي المستمر....

قدرنه نحرر المنطقه واحس كلش تعبت

رجعنه للمقر وبقيت سهران حسبه تجيبني وحسبه توديني افكر واكول هم چنار جاي تشتاقلي هم تفكر بيه مثل ما فكر بيها هسه هيه هم تحب الها واحد؟

يمكن هسه هيه وي حبيبها اوووو صديد شبيك شهل تفكير السلبي خليها على ربك وهوه يحلها ....

اوفف اوفف يا غزاله الدليم شسويتي بيه🌴♥️.

مرت سنين سنه وره سنه وانه وي مهدي وايهم دخلت سنه ٢٠١٧ طبعا خلص شغلي وقرت اتعب على نفسي بعد ما التحققت ورجعنه انه وايهم نفكر بل مشروع.

انه احب السيارت الرياضيه كلش تعجبني.....
قررت افتح ورشه انه وايهم ونسترزق بيها
اقترضت من مهدي فلوس وذهب امي وجدتي وخوات ايهم....

كدرنه نشتري محل المحل َ.... طبعا هاي الاماكن بل بصره
اول ايام شغلنه قليل...

بس الحمد لله كدرنه نسوي لوحات ونكتب ورشه
والكل عرفنه والورشه سبحان الله بل يوم تاخذ ١٦ سياره قليل حمدالله نعمه لفلوس

اشتهرنه انه وايهم
بسبب امانتنه واحترامنه للناس وعدم التحرش بل بنات دوم يجن بنات يصلحن سيارتهن
ويصير وياهن حالات تحرش بس انه وايهم نهآئي ماجنه هيج

نستلم السياره نشتغل عليها نسلمها للناس وهيج تعاملنه

بل نسبه لحبي الاول والاخير چنار بعدني مستمر احبها ومستحيل افكر ما احبها... كل يوم افكر بيها وحبي يزداد الها

فد يوم توني راجع من الشغل

دخلت للبيت

صديد : الله يساعدهم شونج يمه

ام صديد : هلا

صديد : ها الحلوه زعلانه ياهو وياج

ام صديد : يمه الانبارر تحررت ويكلك الحلبوسي مسويها جنه وانه متعوده هناك ارد اشوف خوالك وانت وعدتني

صديد : بعد كلبي يمه الموضوع نفسه جان ابالي وأريد افتحه وياج نشأالله اروح هناك واشتري گاع وابني بيتنه وهم ارجع للمشخيه

چنار :

رسبت بل سادس تحطمت معنوايتي وكلش ضجت امي جانت وياي وكالت عيدي هاي السنه عادي وسنه جايه كليه

بقيت ادرس وشديت حيلي والانبار يكلك تحررت َصايره جنه..... اووفف شكد حلوه ايامي القليله جانت هناك صديد.. جدتي..... عمتي.....

فد يوم رجعت من الدوام....

ام چنار : سلام ماماتي

چنار : هلاا شهل ابتسامه الحلوه

ام چنار : مفأجئه..... طلعت الأوراق

چنار : شنو هل أوراق..... عزاا مامااااا فيزااا للعراق مامااااا راحح نرجع

ام چنار : يي حبيبتي راح نرجع

چنار : اوففف ماااامااا احلا مفاجئه 😩😩💔

انستا : __7vuj
انتظركم هناك