قبضان الجنوب

البارت العاشر

قصص فصليات:
بارت 10
ايـاك و زرع بـذور الامـل فـيّ
فـ انا ارض لم تعد صالحة للحياة

صفوان : جهااااااد .. جدددددي

قسمااااا بالله اردهااا لاااااهلهاااا ..

ااخ .. يابةة خاصرتي ..

بدر : اكعد .. انت وين طافر وراهم .. ما تكعد و تستـﭼن

صفوان : خالي الله ميرضى بالظلم .. شبيهم ميفكرون .. راح ااااتخبل

بدر : يا بوية ماكو ظلم .. هاذ مقابل هاذ شمالك كبرتها

صفوان : موو عدنااا اعرااض .. دارت علينا الدائرررة شلووون فهممممني

بدر : لا تتعصب و انت موجوع مو زين .. خلهم هم يفضون الامور

صفوان : مديفضوها و العباس عقدوها ما تنفض هيج

بدر : كوم بالسلامة و فضها انت .. خاب بس اكعد .. اكعد

صفوان : افضها .. خالي افضها .. اذا ما رجعتها لاهلها .. بس خل اكوووم .. تعبببت من المستشفيااات

جهاد : هااك .. جدددي هااذ ويانا ..! وياهم ...؟  انا كلت لك احسمها رجال برجال

الجد : اااااسكت .. اخذها غصب عن الزلمة و عن بو نمر .. و رجليهم فوك روسهم .. ششنييي جاي العب اناا .. ..؟

حياة : كعدت الصبح .. حتى ماتذكر شلون نمت من البجي .. بقيت بغرفتي ماتحمل اشوف وجه امي المليان الم  .. بقيت ساعات .. كمت ماميز الوقت و لا الايام من بعضها .. الدنيا واكفة بية .. و روحي مقبوضه ..

نزلت .. ركضت علية عبالك مشايفتني من سنين

ام حياة : حياة ..

ليش يمةة .. ليش هيج .. ليش ناوية تموتيني وراج ..

حياة : يمة .. اسم الله عليج بس هايهية القدر حكم ..

ام حياة : الف حل و حل عند الله يمه .. الله يعافيج لا تروحين .. يمة مو هينة هاي والله مو هينة .. فكري

حياة : مريت بالاسوء يوم .. شيجي اكثر بعد الخسرته ..؟ اذا الموت فـ اني ميته و انتي تدرين بهالشي .. تدرين بية ابجي كل يوم لحد ما اموت مو لحد ما انام

الزم حنجرتي و انام يوم .. اريد اشلعه من العبرة لان تذبحني من توكف هنااا

تدرين بية اضحك جذب و داخلي محترك .. لتكوليلي محسيتي بنتج مابيها روح من زمان

شمرت نيشاته عليه .. يمه اني بيدي خليت حلقته بيده .. عبالج سهل .. هين يمةة .. عبالج بنتج قوية وكفت ورا هالكسرة ...؟

يمةة اني مهدوومة من هذاك اليوم لليوم .. دوري بية امل ماكوو .. دووري

ام حياة : مو تشمرين روحج .. كولشي وية الزمن ينطمر يوم بس مو تشمرين روحج بالنار .. خلي الزلم تحلها ابوووس ايدج بنيتي