قبضان الجنوب

البارت ١٩

قصص فصليات:
بارت 19
☆ قــضــبــان الـجــنــوب ☆

الـكـاتــبــة #نـــازك_الــبــور ✎

الــبــارت " الـتـاسـع عــشــر "

صفوان : دكتور .. اريد اطلع منا .. 

دكتور هاشم : انتهى الدوام كلت امر ع الشاب ..

شتحس بصحتك ذييييب لوو بس مختنك و رايد تفلت

صفوان : دكتور اريد اطلع ..

دكتور هاشم : و لااا يهمك كوم ..

طلعنا من المستشفى .. اخذته بالسيارة افترينا طول الطريق هو ساكت .. نزلنا بمطعم ..

اطلب .. شتاكل ..؟

صفوان : ماريد بس جاي .. راسي راح ينفجر ..

دكتور هاشم : طلبت اثنين جاي .. اترددت بسؤال اني اعرف جوابه .. بس لازم ..

شسمك ..؟

صفوان : صفنت .. هو هذا السؤال الـ مصدع راسي صار تلث ايام .. شسمي ..؟ منو اني ...؟ ليش بالمستشفى ..؟

دكتور هاشم : مثل متوقعت .. الضربة القديمة براسه وية الجديده سببت ضرر جبير .. رغم ماكو اي ضرر بالجمجمة حسب المفراس الاشعه  ..

متعرف ..؟

صفوان : ابد ..

دكتور هاشم : لزم راسه حيل و دنگ ..

لتضغط ع دماغك .. ميتذكر ..

صفوان : رفعت راسي ..

منو اني دكتور ..؟

دكتور هاشم : اااانت سوبر مان ..

صفوان : فتح ايدينه و رفع صدره

مااا فهمت ...؟

دكتور هاشم : هههه تصدك .. ما اعرف انت منو ..؟

صفوان : شجابني يمك ..؟ شلون عرفتني ..؟

دكتور هاشم :  قبل اسبوع و اني راجع من دوامي .. صار انفجار ع مقربة مني .. وصلني بس العصف بس قوي راد يشمرني اني و السيارة ..

و من نص هالعصف كوم غراض و اشلاء بشرية طارت .. من ضمنهن انت .. بس احمد ربك طرت كامل .. لهذاا اكوولك سوبر مان نزلت نزووول ع سيارتي كومتلي الدعامية

صفوان : دكتور اريحي ..!!! اني بيا حال

دكتور هاشم : لتعقج وووجهك .. الدنيا متسوا .. اذا ع الاسم نلكيلك اسم

صفوان : و اهلي .. ناااسي .. اااصلي .. ذااتي ..؟؟  كللهن نكرررة .. ارررريد اتذكرررر راااسي راح ينفجررر

دكتور هاشم : مو داكولك لتضغط ع راسك .. مو زين

صفوان : باوعت عليه

فاقد الذكرة ...؟

دكتور هاشم : هزيت راسي بايحاء .. اي

صفوان : لشووكت ..؟