قبضان الجنوب

البارت الرابع

قصص فصليات:
بارت 4

صفوان : داموت عباس .. اني داموت .. بقت ع النوم ..

عباس : اتعوذ بالله من ابليس .. شبيك .. شصاير وياك ..؟

صفوان : ما صاير ..

عباس : اباوع عليه عيونه مورمات مبين باجي الليل كله .. حسيت بموضوعه اكو بنية .. حب .. ما ينزل دمعة رجل الا تلاثة امه و ابو و حبيبته ..

كوم .. كوم ارتاح و ناملك شوي .. و ربك كريم

حياة : اجوي عمامي و خالاتي .. البيت نكلب هوسة ..

ريمان : حيوته انتي اكعدي اني اضيف لما يجون المشايه .. انوب يشوفنج تعبانه يكصن بيج النسوان

حياة : صدووك يكصني ..؟؟

ريمان : شعبالج عيني النسوان اول ميبدن ياكلنج من فوك ليجوا .. و يعيبن 😂

حياة : يااا .. لتخوفين بكد ما اني خايفه

ريمان : ههههه دا ارفع معنوياتج يول

حياة : مقصرتي ..

صارت الساعه 9 .. طبعا من ورا امي البيت كله ماخذ وضع انذار و استعداد حتى ابوية ما سلم منها ..

سمعنا صوت سيارات بالباب .. ورا اشوي رن الجرس

ام حياة : ماعرف فرحتي بيوم بنتي مادري قلقي عليها .. كولشي اختلطت كمت ماعرف شسوي .. و نوب ضغطت عليهم

دانيال : طلعت فتحت الباب .. الدنيا كالبها .. هي كلها حياة ههه

عم معاذ : السلام عليكم

دانيال : وعليكم السلام .. هلا حياكم تفضلوا

طلع ابوية اتلكاهم بالحوش .. اتطب الزلم و النسوان اريدهم يخلصون ماكو ..

بوسناهم و كعدنا بغرفة الاستقبال .. بس الزلم .. النسوان كعدن بالصاله ..

ام معاذ : بوسنا اشو بس الام اتلكتنا .. كعدنا انا و مرت حماي و بناتها متزوجات اثنين ..

وين العروس اشو ما شفناها ..؟

ام حياة : هسة تجي .. تعرفين البنات اشوية يستحن

ام معاذ : ع راحتها بعد روحي ..

حياة : صاحتني امي .. علمود النسوان يشوفني .. نزلت

السلام عليكم

ام معاذ : وعليكم .. هلا هلا .. صلوات ريم مو بنية

حياة : بوستهن و كعدت يم امي .. يمكن خجلت منهن اكثر من ما اخجل من معاذ .. شلون موقف صعب هذا ..

ام معاذ : والله عمي عرف يختار وليدي .. كمر ماشاء الله ..

ام حياة : الله يحفظج و يحفظ معاذ گلبي

ابو معاذ : ابو ..؟؟؟ المحروس شسمه ..؟

ابو حياة : دانيال

ابو معاذ : الله يحفظه الك