#حرب_الملائكة 13
ضياء:خش من بوابه كبيرررره ودرس سيارته بقوه لين ناهد رجعت بقوه على الفودره !
ضياء:انزلي
ناهد:تتفحص في المكان بعيونها ووشاحها طايح وشعرها متبعثر ....وين!!
ضياء:انزززززززلي متكفرينيش...ونزل وقربع الباب ..
ناهد:فتحت الباب ونزلت وهيا ماسكه في جاكيتها
ضياء:فتح الباب وخش شافلها بمعنى بتقعدي واقفه؟
ناهد:خشت ورجليها واضح انهم ثقال وتقدم خطوه تباعد عشره 💔
ضياء:نحى جاكيته حطها على الكنبة وخش للمطبخ طول !
من ثلاجة الميه خدي شوية اميه سخونه وفي ثواني حضر قهوا وقعمز
ناهد:خذت نفس....توا شنو لزومها الجيه هنايا ممكن نفهم؟
ضياء:بنهدرزو قعمزي
ناهد كنت تقدر تهدرز معاي في السياره
ضياء:يتكلم بجديه.....انا لو نقعد معاك في مكان مسكر وصغير زي السياره مثلا وجهك هاذا بنفترشهًولك
ناهد:قامت حواجبها بي استغراب....والله!؟
ضياء:خدي رشفه من القهوا وهوا يحاول يهدي اعصابه
ناهد:شافت لي ساعتها....عندي محاضره
ضياء:قعمزي احكيلي
ناهد:على شنو؟
ضياء:ع يلي كدبتيه عليا وكشفتك فيه
ناهد:في شنو يهمك؟
ضياء:قام عيونه فيها....ميهمنيش في ولا حاجه !
تغيرت نضرته.....لكن منحبش حد يضحك عليا
ناهد؛شبحتله بنضرات هزيمه .....تمام انا كدبت
ضياء:اشرله بعيونه بمعنى تعالي قعمزي
ناهد:قربت جنبه وهيا منزله عيونها على يديها
طلعت معاه كم مره
فطرنا ادهورنا هدرزنا
ضياء:ولع دخانه وخدي جبده .....شن صار بينكم؟
ناهد:مفيش سبب معين للعركه يعني م......
ضياء:قاطع كلامها.....شن صاااااار بينكمممم ع الشط يلي مصورين فيه؟!
ناهد:فتحت فمها مصدومه من سؤال ضياء يلي جي بكل جرئه!
كيف بيصدقها ؟
كيف بتوضحله انه مفي شي غلط صار بينهم؟؟
ضياء:ندوي انا ونسأل !
ناهد:مفي شي صار انا م......
ضياء:فقد اعصابه وبدي يسب وهوا يحكي ....الزززززززح صورك وانتي في حضنه وتقوليلي مصاااار شييييييي!!!!
حمار شايفتيني؟
ولا صدقتك مره بنصدقك عشره !؟
ناهد:بدت دموعها تبان لكن ماسكتهم متبيهمش ينزلو!....حضنته اي
وباسني ع خدي مفي شي تاني صار
ضياء:هه قويه ورحمة امي
ع الشط وصارت بينكم الحاجات البريئه هادي !!
بعد كوب القهوا من جنبه .....علاش الزح!
بنت عيله وناس شنو ناقصك اديري حاجات مقرفه زي هاذي
علاش تخلي في ولد يضحك عليك ياخد شنو يبي ويلوحك
ناهد:مصدومه من كلامه....شن يلي خداه مني خيرك انت شنو تحكي
ضياء:بصوت عياط .....تعرفي البنات يلي زيك شنو يسمو فيهمممممم تعرفي ولا متعرفيش ؟؟؟؟؟
يسمو فيهم بنات ال&@£@
ناهد؛تشوفله ودموعها يطيحو وحده ورا التانيه
ضياء:كأنه جمره وطاحت في اميه لما شاف دموعها💔
بس قعد ماسك نفسه قدامها....كذبتي مره صعب نصدقك مره تانيه
ناهد:تتكلم وتبكي 💔.....مني انت باش تصدقنننننني
انا مطلبتش منك ولا اي مساعده
انا مدرت شيييييي انا م.......
وخانتها عيونها وصوتها وبدت تبكي معش قدرت تمسك نفسها اكتر من هكي💔
حطت يديها على وجها بدت تبكي بي الصوت ....
ضياء:وقف قدامها ويده تباعد وتقرب
مش قادر يشوفها وهيا تبكي بي الطريقه الفضيعه هادي
لا والزياده السبب هوا !
