#حرب_الملائكة 8(حقيقية)
ليان :خليني نروح
عدي:يشبحلها وساكت ..
ليان:خليني نروووووح قتلك انت متعلم بي شي ولا تعرف عليا شي
عدي:لوح التالفون ع السرير ولف يديه على بعض
ليان:خدت نفس عميق ..... شي خلاص
وجايه بتطلع لكن دفها عدي
ليان:اختفت ملامح العناد يلي في وجها وضهرت مكانها ملامح الاستسلام وهيا تترجى فيه بعيونها....عدي الله يخليك
عدي:قرب عليها وتكلم بصوت هاذي ذاب السمع ....مره تانيه معش تمسي تالفونات الناس
ومهما كان السبب يلي خايفه منه وتبي تروحي ع خاطره
مهما كان كبير رجعه لي خالتك مفيش يا ليان
ليان:اسمعني
عدي:طلع وسكر عليها الباب
ليان:تخبط ع الباب ....عددددي
عدي افتح الباب نفهمك
عدددي
عدي:حط المفتاح في جيبه وعيونه تلاقت مع عيون ليلى مرت عمه
ليلى:كانت تشوفله بصدمه كيف سكر الباب وليان تخبط داخل ....شنو القصه!
سألت والفضول بيقتلها قتل
عدي:محدش يقرب الغرفه هيا مهما صار
نبهي عليهم يلي معاك في الحوش
ليلى:علاش البنت شن دايره؟!
عارفتها انا ماهاربه من حوش خالتها وجايه عندك الاما جايه بي مصيبه نعرفها كويس الناس هيا
عدي:شافلها من فوق لا لوطه وطلع بدون ما يقول حتى كلمه
_________________________________
طلال:اءء م محمد
محمد:يلعب بي البلايستيشن ....ها
طلال:يساوي في نضراته.....انت مش حاس بي شي غريب قاعد يصير؟
محمد:لاهي في اللعب .....شي
زي شنو مفهمتش ؟
طلال:اءءء يعني ان
محمد:خسررررت النم اللعبه هيا غلط في غلط مستحيل تكون صح الزفت
طلال:عدي وصاحبه ضياء
محمد:خيرهم؟
طلال:بلع ريقه وهوا مش عارف يحكي ولا لا
محمد:تلفت لي طلال....درهتلي كبدي نوض تحرك غيرلي الدسكه
طلال:ناض وهوا شاكر ربي انه مكملش في الدوا وفي اي لحضه يقول. شي يندم عليه!
__________________________________
مسكت المبخره بيديها يلي كانت عليهم الحنه العرايسيه❤️
تمشي بخطوات ناعمه في غرفة النوم وتبخر فيها
وقفت قدام المرايا تتفرج على روحها بي القفطان السكري ومخرز بي الازرق يلي لابساته
شعرها يلي نازل لعند نهاية ضهرها وكان يلمع❤️
الاكسسوارات يلي كانت لابستهم اغلبهم ذهب
ومن فرحتها لبستهم في الحوش بدون اي مناسبه غير انها عروسه
حطت المبخره على الطاوله وطلعت بخطوات سريعه تفتح في الباب وهيا فرحانه انه اخيرا طق❤️
اول ما خش على طول تعلقت في حضنه
عدي:لف عليها يديه دقايق وبعدين بعدها عليه بشويه
منى:الابتسامه مش مفارقه وجها....اخيرا جيت
كنت حاطه في بالي انك مستحيل تجيني اليوم
عدى:سكر الباب ونحى جاكيته .....بنتغدى معاك وطالع
ومدلها الاكياس يلي كانت معاه
خشي حطي الغدي ما بين صليت العصر
منى:حاضر
عدى:استغرب كيف كانت منى واقفه سارحه فيه وتبتسم....خيرك؟!
منى:ربي يخليك ليا❤️
طالع تجنن اليوم 🥺
عدي:ابتسم ع جنب ....حتى انتي طالعه قنينه
منى:طار قلبها من الفرحه والدنيا مش سايعاها
حطت يديها على شعرها وهيا متحشمه ....جديات؟؟🥺
عدي:اي جديات ....هي بري ديري يلي قتلك عليه
منى:حاضر ياعمري انت.....ومشت للمطبخ وهيا فرحانه
عدي:خدي نفس عميق وداخله يقول ....لعند امتى ياعدي؟!
